Француските власти спречија три терористички напади за време на Олимписките (ОИ) и Параолимписките игри (ПОИ) во Париз и другите градови домаќини на натпреварите, изјави денеска државниот обвинител за антитероризам Оливие Кристен.

Кристен рече дека заговорите вклучуваат планови за напад на „израелските институции и израелските претставници во Париз“ за време на Олимпијадата во Париз од 26 јули до 11 август.

Тој истакна дека „израелскиот спортски тим не бил конкретно цел“, но не даде дополнителни детали.

Вкупно пет лица, вклучително и едно малолетно, биле уапсени под сомнение дека се вмешани во трите осуетени заговори против Олимписките игри, кои се одржаа во екот на војната меѓу Израел и Хамас и меѓу Русија и Украина.

Осомничените се во истражен затвор и се соочуваат со различни обвиненија за тероризам.

The post Спречени три терористички напади за време на ОИ и ПОИ во Париз appeared first on Република.

Во Паризе забележано првото јавно појавување на првиот човек на социјалната мрежа Телеграм, Павел Дуров по неговото апсење и подоцнежно пуштање во ограничен домашен притвор.

Дуров е фотографиран како шета по Шанзелизе во друштво на блогерката, Јулија Вавилова, со која леташе до Париз.

https://republika.mk/vesti/svet/julija-e-devojkata-preku-koja-zapadnite-sluzhbi-go-sledele-osnovachot-na-telegram/

Откако беше поднесено обвинението против него, судот му забрани на Дуров да ја напушти Франција.

Во меѓувреме, тој резервира стан во 8-миот арондисман на Париз за 55.000 евра месечно.
Според одлуката на судот, тој ќе биде таму од 00:00 до 08:00 часот и лично ќе се јавува во локалната жандармерија кај службеникот за криминалистичка полиција, два пати неделно.

На Дуров му е забрането да дава интервјуа, особено со Такер Карлсон и Илон Маск, а забранети му е да дава коментари на новинари. Ограничена му е и комуникацијата по телефон и сите други средства за комуникација исто така.

Истовремено, медиумите пишуваат дека братот на Павел, Николај Дуров, е подготвен да разговара со истражителите и обвинителот од Париз, преку „Скајп“ или „Јандекс“. Локацијата на Николај Дуров не е позната, но адвокатите бараат разговорот да се одржи  преку видеоконференција. Николај категорично одбил лично да се појави пред француските  истражни органи.

https://republika.mk/vesti/svet/skrien-genij-zad-uspehot-na-telegram-stoi-bratot-na-durov/

The post Шета во Париз со девојката: Прво јавно појавување на Павел Дуров по поднесеното обвинение против него appeared first on Република.

Документарниот филм на Дејан Аќимовиќ, „Се случи“, за легендарниот ватерполо играч и тренер, Ратко Рудиќ, ја освои главната награда на Парискиот филмски фестивал, што се одржуваше за време на Олимписките игри (ОИ).

Филмот ја освои престижната награда „Олимписки избор“ (Olympians Choice), на првиот филмски фестивал „Оли хаус“ (OLY House). На фестивалот што го организираше Меѓународната организација на олимпијци како дел од ОИ во Париз. беа прикажани 25 филма од целиот свет.

Во филмот за Ратко Рудиќ, во 115 минути, раскажано е „патувањето“ на најтрифејниот ватерполо стручњак на светот, од неговите почетоци како играч во Задар до неговите фантастични тренерски резултати.

Ратко Рудиќ (76) денеска е член на Управниот одбор (УО) и претседател на Стручниот совет на Хрватскиот ватерполо сојуз.

The post За време на Олимписките игри се одржа Парискиот филмски фестивал: Награден е филмот „Се случи“ за легендарниот ватерполо играч и тренер Ратко Рудиќ appeared first on Република.

Синоќа, доцна во ноќта, официјално беше ставен крај на Летните олимписки игри (ЛОИ) во Париз, а ѕвезда на вечерта беше Том Круз.

Симболично, олимпиското знаме беше предадено на градоначалничката на Лос Анџелес Карен Бас која ќе биде домаќин на следните ЛОИ кои ќе се одржат во 2028 година во ЛА, но спектакулрното шоу му припадна на славниот холивудски актер. Круз скокна од покривот на стадионот „Сен Дени“ меѓу насобраните спортисти и навивачи и предизвика одушевување кај публиката.

Веднаш потоа со знамето отиде до својот мотор и се упати кон Холивуд, односно Лос Анџелес.

Во церемонијата на затворањето на Игрите беа вклучени повеќе од 100 танчери, циркуски уметници и други изведувачи.

Уметничкиот директор Томас Џоли откри дека церемонијата на затворање била замислена како „комбинација на чудо и дистопија“, а како дел од церемонијата, Златниот патник се спуштил на стадионот за да ги води гледачите низ историјата на Олимписките игри, додека акробатите ги обновија и ги подигнаа познатите пет прстени на Игрите.

Светски познатиот француски бенд „Phoenix“ направи музички спектакл и со своите хитови ја крена публиката на нозе.

На свеченото затворање настапи и францускиот бенд „Air“, кој го отвори настапот со хит песната „Playground Love“.

На свеченото затворање настапи и бендот „Red Hot Chilli Peppers“ со песната „Can’t Stop“ и Били Ајлиш.

Прикажан е и настапот на најголемата вирална ѕвезда на овие Игри, раперот Снуп Дог и Др. Дре, кој беше еден од последните носители на олимпискиот факел низ Париз на свеченото отворање.

Олимписките игри во Париз беа затворени со песната „My Way“.

https://youtu.be/49u3TrRwpOE?si=s78OcylXcSkGFDPF

The post Шоу на Том Круз на затворањето на ЛОИ во Париз, скокна од покривот на стадионот „Сен Дени“ appeared first on Република.

Бугаринот Карлос Насар го освои златото во кревање тегови во категоријата до 89 килограми на Игрите во Париз.

Неговиот вкупен резултат по беше 404 килограми. 20-годишниот спортист постави нов светски рекорд.

Сребрениот медал го освои Колумбиецот Јеисон Лопез со 390 килограми.

Бронза е за Антонино Пицолато од Италија со вкупно подигнати 384 кг.

The post Бугарскиот кревач на тегови Насар постави светски рекорд на Олимпијадата appeared first on Република.

Американскиот рапер Снуп Дог е своевидно „заштитно лице“ на годинашните Олимписки игри во Париз. Според тамошните медиуми, Снуп Дог само дошол како турист, но протекоа информации дека тој „се појавил на Олимпијадата за хонорар од 500.000 долари дневно“, пренесува „Н-1 Сараево“.

Извршниот директор на „Ен-би-си“ (NBC) наводно ја открил тајната. Тој раскажал како познатиот музичар заработува околу 500.000 долари на ден само за да биде присутен во француската престолнина, и со тоа да го популаризира настанот.

- Еден час покрај извршниот директор на 'Ен-би-си' на вечерата беше доволен за да дознаам дека Снуп добива 500.000 долари дневно, плус неговите трошоци се платени за да биде тука за промоција на Олимпијадата, изјави инвеститорот Хенри Мекнамара.

Снуп Дог досега следеше натпревари во кошарка, фудбал, атлетика и мечување

The post Снуп Дог наводно заработува милиони само за да присуствува на Олимпијадата appeared first on Република.

Ноќниот воз од Амстердам до Париз мораше да застане поради скинат кабел а евакуирани се 500 патници, соопшти денеска железничката компанија „ПроРејл“.

Во текот на ноќта возот застанал на делот меѓу Арнхајм и Најмеген, пишува „NL Times“. Евакуацијата на патниците поминала без проблеми, а сите патници добиле ваучери за хотелите во кои ноќевале.

Компанијата „ProRail“ наведува дека хотелите во областа на градот Утрехт биле преполни, па 60 патници не можеле да најдат сместување.

The post Возот од Амстердам морал да застане поради скинат кабел, евакуирани 500 патници appeared first on Република.

Одредени возови во Франција и денеска беа во прекин, еден ден по „масовниот и добро подготвен“ напад врз мрежата на брзите возови (ТГВ), извршен неколку часа пред церемонијата на отворање на Олимписките игри (ОИ) во Париз.

Состојбата се подобрува, но железничкиот сообраќај и денеска ќе биде нарушен, со доцнење на возовите од најмалку еден час. Француската железница СНЦФ синоќа соопшти дека ќе биде обезбеден превоз за олимписките спортисти и нивниот персонал.

Неколку пожари избувнаа ноќта меѓу четвртокот и петокот на мрежата на ТГВ. Пресечени и запалени се некои кабли, а запалени се и сигнални кутии. Таа опрема покрај специјалната пруга за тој тип возови дава безбедносни информации за машиновозачите.

СНЦФ го означи нападот како саботажа, а париското обвинителство отвори истрага.

Нападот се случил неколку часа пред церемонијата на отворање на Олимпијадата, во време кога многу патници планирале да патуваат во Париз.

За време на викендот околу 800.000 патници ќе бидат погодени од нарушениот железнички сообраќај, кој е омилено и најпрактично превозно средство за Французите.

The post Во Франција и утринава нарушен железничкиот сообраќај appeared first on Република.

Денеска ќе бидат отворени Олимписките игри во срцето на Париз. За прв пат во историјата отворањето на Олимписките игри ќе се одржи надвор од стадион. Каде ќе биде? На реката Сена во Париз. Спортистите ќе поминат 6 километри со чамци додека не стигнат до Ајфеловата кула.

Олимпијадата е симбол на мирот и единството. Во овие моменти, целиот свет се здружува да навива за својата земја или своите омилени спортисти, но и заеднички да ја славиме нашата заедничка хуманост. И покрај нашите разлики, сите ние сме човечки битија кои никогаш не се откажуваат од надежта.

The post Денеска во Париз се отвораат Олимписките игри: Спортистите со чамец ќе поминат 6 километри по Сена се додека не стигнат до Ајфеловата кула appeared first on Република.

Бразилскиот фудбалер Зико бил ограбен во Париз, пренесуваат медиумите.

Зико е во Париз како член на олимписката делегација на Бразил, бил ограбен во четвртокот вечерта додека го напуштал хотелот и влегувал во такси.

Со себе имал часовник „ролекс“, дијамантска огрлица и пари во актовката, кога еден од разбојнците му го одвлекол вниманието на таксистот, а вториот ја украл торба од задното седиште.

Се проценува дека работите во чантата вределе околу половина милион евра.

Официјалните лица веднаш реагирале и започнале истрага за лоцирање на сторителите на кражбата, а истрагата е под раководство на Француската бригада, пренесува „Ле Парисиен“.

Да потсетиме, Зико важи за еден од најголемите фудбалери на сите времиња. Неговата кариера траеше од раните 1970-ти до раните 1990-ти, а најголема трага остави во Фламенго.

The post Бразилскиот фудбалер Зико ограбен во Париз appeared first on Република.

Олимписките игри вечерва свечено ќе бидат отворени во Париз, а домаќинот и организаторот, како и цела Франција, особено нејзиниот главен град, се борат против бројни напади и проблеми.

Властите соопштија дека во текот на вчерашниот ден била спроведена координирана акција за подметнување пожари со цел да се прекине железничкиот сообраќај во и околу Париз. Државниот железнички оператор објави дека цел на напаѓачите биле инсталации долж бројните линии што го поврзуваат Париз на запад, исток и север.

Се додава дека поради овие напади се очекуваат големи проблеми во сообраќајот, како на денот на свеченото отворање, така и за време на викендот.

„Нападот на Олимписките игри е напад врз Франција“, изјави кратко француската министерка за спорт Амели Оудеа-Кастер.

The post Серија подметнати пожари во Париз пред свеченото отворање appeared first on Република.

Олимписките игри вечерва свечено ќе бидат отворени во Париз, а домаќинот и организаторот, како и цела Франција, особено нејзиниот главен град, се борат против бројни напади и проблеми.

Властите соопштија дека во текот на вчерашниот ден била спроведена координирана акција за подметнување пожари со цел да се прекине железничкиот сообраќај во и околу Париз. Државниот железнички оператор објави дека цел на напаѓачите биле инсталации долж бројните линии што го поврзуваат Париз на запад, исток и север.

Се додава дека поради овие напади се очекуваат големи проблеми во сообраќајот, како на денот на свеченото отворање, така и за време на викендот.

„Нападот на Олимписките игри е напад врз Франција“, изјави кратко француската министерка за спорт Амели Оудеа-Кастер.

The post Серија подметнати пожари во Париз пред свеченото отворање appeared first on Република.

Француските безбедносни служби отфрлија повеќе од 4.000 апликации за акредитација за Олимпијадата во Париз во 2024 година, наведувајќи ја, меѓу другото, загриженоста за шпионажа и кибер напади, изјави францускиот министер за внатрешни работи Жералд Дарманен.

Тој рече дека француските власти досега провериле речиси милион апликации за акредитација за Игрите, кои започнуваат на 26 јули, и одбиле 4.340 луѓе, некои поради радикални исламистички врски или осомничени странски шпиони, објавија британските медиуми.

Скоро сто луѓе беа одбиени поради страв од шпионажа или загриженост дека тие се агенти кои се обидуваат да добијат акредитација наведувајќи друга професија.

-Веројатно не се таму за да вршат напади. Но, покрај разузнавањето и традиционалната шпионажа, постои можност за пристап до влезните точки во компјутерските мрежи за извршување на кибер напади, изјави Дарманен за неделникот „Журнал ду Диманш“.

Тој рече дека се пријавиле како новинари или технички персонал и дека нивните земји на потекло се, меѓу другите, Русија и Белорусија.

-На пример, отфрливме голем број „новинари“ кои тврдеа дека ги следат Игрите. Од друга страна, прифативме присуство на Руси кои работат за Меѓународниот олимписки комитет (ИОК). Ние го применуваме принципот на претпазливост, посочи тој.

На руските новинари им е дозволено да бидат акредитирани за Игрите и веќе пристигнаа во француската престолнина.

Париз ќе распореди 45.000 безбедносни лица за да ја гарантира безбедноста на Игрите и уникатна церемонија на отворање покрај реката Сена каде спортистите ќе пловат на бродови покрај стотици илјади гледачи.

Организаторите го намалија бројот на оние кои ќе го следат отворањето од 600.000 на околу 300.000. Според Дарманен, нема закана за безбедноста на Олимписките игри.

-Во изминатите неколку дена со полицијата направив ново извидување со брод на Сена. Потврдувам дека церемонијата ќе се одржи во форматот што го најави претседателот на Републиката, Емануел Макрон, изјави Дарманен.

Тој рече дека освен речниот тек и малиот ризик од лошо време, до денес не се идентификувани закани за Игрите.

-Ниту нашите разузнавачки служби, ниту странските служби со кои соработуваме не открија странска закана. Но, ние мора да останеме многу скромни и фокусирани, нагласи францускиот министер за внатрешни работи.

The post Одбиени повеќе од 4.000 барања за акредитација за Олимпијадата во Париз appeared first on Република.

Организаторите на Олимписките игри во Париз денеска соопштија дека се соочуваат со проблеми поврзани со големиот прекин на компјутерските системи во светот.

Париз 2024 е свесен за глобалните технички проблеми што влијаат на софтверот на Мајкрософт. Тие проблеми влијаат на ИТ операциите на ОИ во Париз 2024 година, велат организаторите.

Претходно француската агенција за кибер безбедност соопшти дека се уште немаат докази дека глобалниот прекин на ИТ што погоди авиокомпании, банки, медиуми и други бизниси бил предизвикан од кибер напад

Тимовите се целосно мобилизирани за да ги идентификуваат и поддржат засегнатите ентитети во Франција и да го разберат потеклото на овој прекин, соопшти националната агенција за кибер безбедност (ANSSI), додавајќи „Нема докази што сугерираат дека овој прекин е резултат на кибер напад“.

The post Организаторите на ОИ во Париз се соочуваат со проблеми со големиот прекин на компјутерските системи во светот appeared first on Република.

Околу 45.000 полицајци ќе го обезбедуваат отворањето на Олимписките игри во Париз на 26 јули, на кое ќе присуствуваат над сто шефови на држави и влади.

На церемонијата, која првпат ќе се одржи надвор од стадион, ќе учествуваат околу 80 бродови ќе превезуваат спортисти од целиот свет на речната рута покрај Сена до Ајфеловата кула, изјави шефот за планирање и координација на ОИ, Ламбис Константинидис.

Се очекува 300.000 гледачи да бидат на кејот на Сена, што претставува сериозен безбедносен предизвик, особено во време на војна во Појасот Газа и Украина.

Рутата е долга шест километри, така што тоа е огромна област која мора да биде под безбедносен надзор. Затоа ни требаат толку многу луѓе, истакна Константинидис, додавајќи оти француските безбедносни служби соработуваат со американските безбедносни служби

Во мај годинава во францускиот град Сент Етјен беше уапсен маж осомничен дека планирал напад во име на Исламската држава врз фудбалскиот стадион во градот за време на Олимпијадата.

The post Отворањето на ОИ во Париз ќе го обезбедуваат 45.000 полицајци appeared first on Република.

Екстремно десничарски екстремист е уапсен во Франција под сомнение дека подготвувал напади за време на Олимписките игри во Париз, кои ќе бидат отворени следната недела, изјави денеска извор од безбедносните сили, кој сакаше да остане анонимен.

Осумнаесет-годишниот осомничен неонацист бил администратор на група на Телеграм наречена „француска ариевска дивизија“ каде упатувал закани за Олимпијадата во Париз од 26 јули до 11 август, рече изворот.

Тој беше приведен во источниот регион Ба-Рајн, кој го опфаќа градот Стразбур, а беше испрашуван од антитерористичката полиција.

Француските безбедносни служби се во состојба на готовност пред Игрите во Париз кога се очекуваат околу 10 милиони посетители и 10.000 спортисти во француската престолнина.

The post Екстремно десничарски екстремист уапсен поради сомневање за заговор за Олимписките игри во Париз appeared first on Република.

Mаж ги фрлил своите две деца низ прозорецот на стан лоциран на петти кат од зграда во Париз, пред да се самоубие фрлајќи се. Тој починал, а двете деца се во животна опасност.

Според првичните сознанија на истрагата, трагедијата се случила по расправија со партнерот, околу 20 часот и 30 минути.

Полицијата постави безбедносен кордон на местото на настанот.

Шокантно е, многумина од нас се шокирани – коментира жителка која се претставила како станарка на десеткатницата во која живее семејството.

Во подножјето на зградата бил поставен бел шатор и таму е преместено телото завиткано во бела церада, според новинарот на АФП.

Двајца сведоци истакнаа дека две деца паднале на тревникот. Според еден од нив, во моментот на трагедијата таму си играле деца.

Слушнавме звуци, врисоци. Во еден момент гледаш дека некој лежи на земја, на асфалт, дете на земја, друго таму. Надреално е – изјави за АФП Софи, ресторан кој живее во блиската зграда.

The post Париз во шок: Татко си ги фрлил децата од петти кат, па се самоубил appeared first on Република.

Руските борачи, кои требаше да настапат како неутрални спортисти, го откажаа настапот на Олимписките игри во Париз.

Руската боречка федерација објави дека нејзините борачи „едногласно“ одлучиле да се повлечат од Игрите во Париз поради „неоснованите ограничувања“ наметнати од Меѓународниот олимписки комитет (ИОК).

„Не ги прифаќаме неспортските принципи на селекција според кои ИОК го креираше својот список на повластени спортисти, бидејќи тој е усвоен со очигледна цел да го поткопа нашиот тим“, се вели во соопштението на Руската боречка федерација.

Претходно, ИОК состави список од десет руски борачи на кои им беше дозволено да се натпреваруваат во Париз, но во него не беа вклучени двократниот олимписки шампион Абдулрашид Садулаев (до 86 кг во Рио и до 97 кг во Токио) и двократниот светски шампион и олимписки шампион Заур Угуев (до 57 кг).

Одлуката на Боречката федерација на Русија доаѓа по бојкотот да Игрите во Париз кој претходно денеска го објави и рускиот џудо сојуз.

The post И руските борачи одбија настап на Олимписките игри во Париз appeared first on Република.

Примероците од водата во Сена засега не ги исполнуваат стандардите за Летните олимписки игри, што ќе се одржат од 26 јули до 11 август во Париз, изјави регионалниот префект Марк Гијом, но додаде дека тој се уште е убеден дека ќе бидат можни олимписки натпреварувања на вода.

Тој изјави дека според примероците на вода од 16 јуни - месец и половина пред Олимписките игри (ОИ), Сена била премногу загадена според критериумите утврдени за натпревари на вода.

Властите во Париз и поширокото подрачје соопштија дека зголемувањето на нивото на водата поради дождливото време, при што материјалот од бреговите стигнува до реката, придонел за зголемување на концентрацијата на загадувањето, особено на бактеријата ешерихија коли во вода.

„Квалитетот на водата е деградиран поради неповолниот хидролошки и метеоролошки контекст - дожд, голем проток, малку сонце, температури неусогласени со сезонскиот стандард“, велат надлежните, додавајќи дека високиот проток на надојдената река поради дождот го прави не го подобрува квалитетот на водата.

Сена е „ѕвездата“ на ОИ, бидејќи покрај неа ќе се одржи свеченото отворање, а потоа на неа ќе се одржат и натпреварувања.

Градоначалничката на Париз, Ан Идалго неодамна изјави дека од 15 јули ќе се капе во Сена.

The post Примероците од водата во реката Сена засега не ги исполнуваат стандардите за олимписките натпреварувања appeared first on Република.

Изложба на слики  „Underpainting“ од Билјана Билбилоска е отворена во Cite Internationale des Arts во Париз. Таа ќе се претстави со дела изработени во акрилна техника.

- Главниот белег на оваа изложба е насочена кон истражувањето на палетата на бои на Леонардо да Винчи, на неговите три капитални дела во Лувр, како и истражување на неговата специфична техника на работа, универзално позната како Underpainting., или сликање во неколку слоеви на боја, при што главниот хроматски призвук е диктиран од првото обоено ниво, соопшти Билјана Билбилоска.

Според неа, мајсторството на Леонардо да Винчи да ја доведе сликата до ладна атосфера со топли бои е факт кој до ден денес фасцинира и остава широк простор за размислување.

Билјана Билбилоска изминатите неколку седмици престојува во познатата куќа на уметниците во Париз, во квартот Le Marais.

The post Изложбата „Underpainting“ од Билјана Билбилоска во Cite Internationale des Arts во Париз appeared first on Република.