Претседателот Стево Пендаровски упати честитка до македонската параолимпијка, Оливера Наковска-Бикова, која на Европското првенство во норвешкиот град Хамар, го освои златниот медал во дисциплината 10 метри воздушен пиштол.

Пендаровски на својот фејсбук профил истакна дека македонската параолимпијка претставува инспирација за идните спортисти.

Златниот медал на Европското првенство во Норвешка на нашата најуспешна параолимпијка е огромен успех и инспирација за младите луѓе и идни спортисти во нашата татковина - се наведува во објавата.

The post Пендаровски упати честитка до македонската параолимпијка која освои златен медал на Европското првенство appeared first on Република.

Македонската параолимпијка Оливера Наковска-Бикова, го освои златниот медал на Европското парапрвенство (ЕП) во стрелаштво, во норвешкиот град Хамар, во дисциплината воздушен пиштол од 10 метри.

Ова е уште еден голем успех за битолчанката, која во својата колекција има и олимписко злато.

Наковска-Бикова беше единствена македонска натпреварувачка на Параолимписките игри во Токио, и го освои шестото место во финалето во дисциплината воздушен пиштол од 10 метри.

The post Оливера Наковска-Бикова е европски шампион во стрелаштво со воздушен пиштол appeared first on Република.

Украинската биатлонка Анастасија Лалетина (19) се повлече од Зимските параолимписки игри во Пекинг откако нејзиниот татко бил заробен од руските сили.

Нејзиниот татко е војник во украинската армија и бил заробен од руските сили, изјавила портпаролката на украинската репрезентација, додавајќи дека немаат дополнителни детали за неговата судбина.

Лалетина тешко ја примила веста за нејзиниот татко и не можела да настапи. Украински лекар и` помогнал да се справи со трауматичниот настан. Младата 19-годишна Украинка се уште е во параолимпиското село во Жанџијак, но наскоро ќе отпатува за Полска.

Лоша вест дознал и еден од украинските тренери чија куќа била уништена од руски проектил во Харков. И покрај неизвесноста околу учеството на ЗПОИ, Украина моментално е третопласирана на листата на освојувачи на медали со шест златни, осум сребрени и пет бронзени медали.

Пред нив се само Кинезите со 10 златни и вкупно 31 медали и Канада со седум златни и 16 медали. На руските и белоруските спортисти со инвалидитет им е забрането да учествуваат на Зимските параолимписки игри во Пекинг поради руската инвазија на Украина.

The post Украинска параолимпијка ги напушти Игрите бидејќи Русите го заробиле татко ѝ appeared first on Република.