Два автомобили и предниот дел од една куќа се оштетени во експлозија во областа Дубрава во Загреб, нема повредени, соопшти полицијата.

Експлозијата, како што соопшти загрепската полиција, се случила синоќа, околу еден часот по полноќ, кога на улицата Пољане била оштетена фасада на куќа и два паркирани автомобили.

„Оштетувањето најверојатно е од дејство на експлозивна направа. Повредени нема“, велат накратко од загрепската полиција, пренесува „Јутарњи лист“.

Повеќе детали ќе бидат познати по истрагата која е во тек.

The post Куќа и два автомобили се оштетени по експлозија во Загреб appeared first on Република.