Австриска специјалистка по неурохирургија, чиј идентитет не е соопштен, е под истрага поради сомневање дека ѝ дозволила на својата 13-годишна ќерка активно да учествува во операција и да направи отвор во череп на пациент.

По несреќа во шума, која се случила во јануари оваа година, 33-годишен пациент бил пренесен во Универзитетската болница во Грац со сериозни повреди на главата, пренесува британски „Телеграф“. Хирургот тогаш ѝ дозволила на својата ќерка тинејџерка да учествува во операцијата, која вклучувала отворање на черепот на пациентот, пишува австрискиот весник „Кронен цајтунг“.

Операцијата наводно поминала без компликации, но анонимна пријава со обвиненија стигнала до државното обвинителство дури во април. Потоа, полицијата во јули го информирала наводниот пациент за случајот.

„Кронен цајтунг“ пренесува дека таа и уште еден специјалист кој бил присутен за време на операцијата биле отпуштени.

Болницата во Грац изјави дека истрагата против хируршкиот тим е во тек, но дека нема конкретни докази дека ќерката на лекарката навистина учествувала во операцијата. Тие изразија длабоко жалење за инцидентот и упатија извинување.

The post Скандал во Австрија: Докторка ја пуштила 13-годишната ќерка да оперира глава на пациент appeared first on Република.

Бизарен случај е забележан во провинцијата Манаби во Еквадор, откако 24-годишна девојка дошла кај лекарите со болки во стомакот.

Еден од хирурзите кој ја оперирал девојката, д-р Педро Ловато, открива дека купот отстранети влакна од стомакот тежел еден килограм.

Девојката се жалела на интензивни болки, повраќање, а имала и проблем со јадење течна или цврста храна.

„Станува збор за пациент со психоемоционално пореметување, така што конечната дијагноза е поставена со ендоскопија која ја направи гастроентеролошката служба“, заклучил д-р Ловато.

Таа ја јадела својата коса во последните пет години.

Бидејќи насобраните влакна стигнале до тенкото црево, девојката не можела да јаде и многу ослабела, па со операцијата биле спречени други сериозни компликации.

The post Доктори од стомакот на девојка извадиле еден килограм коса appeared first on Република.

Tриесет и двегодишна жена од Тетово починала еден ден по операција за отстранување на камен од бубрег.

Документите за нејзината медицинска историја, до кои дошле од „Слободен печат“, покажуваат дека на 19 јуни младата пациентка од Тетово, влегла во операциона сала на Клиниката за Урологија во Клинички центар во Скопје за елективна операција за отстранување камен во бубрегот, а наредниот ден починала на КАРИЛ.

Нејзиниот сопруг за „Слободен печат“ вели дека ја бара вистината и ќе поведе судска постапка со вештачења од странство.

Прво ни рекоа да го извади го каменот од бубрегот, за да ѝ биде функционален бубрегот. После операцијата рекоа дека го извадиле бубрегот за да ѝ го спасат животот.

Жена ми почина на 19 јуни и имаше три операции, беше враќана во сала три пати. Ја барам вистината, мојот петгодишен син секој ден ме прашува кога ќе си дојде мајка му од болница“, вели за „Слободен печат“ сопругот на починатата пациентка.

Тој денеска добил две отпусни писма, едното од Клиниката за урологија, а второто од КАРИЛ.

Повеќе на „Слободен печат“.

The post 32-годишна жена почина на Клинички по операција за вадење камен од бубрегот appeared first on Република.

Јован Деспотовски, еден од кандидатите за претседател на СДСМ, преку социјалните мрежи објави видео во кое објаснува дека завчера имал, како што вели, мала здравствена криза поврзана со слепото црево.

Операцијата, како што објаснува Деспотовски, поминала како што треба и поради тоа морал да ги откаже сите теренски активности.

Веќе во текот на денешниот ден сме оперативни и во 19 часот продолжуваме со чет во живо за сите предлози и коментари што ќе ги имаме. И од утре, секако, продолжуваме со иста динамика и темпо во теренските посети бидејќи навистина успеавме во изминатите неколку недели да иницираме еден сериозен бран енергија и желба за промени. Нема да ве разочарам, продолжуваме понатаму заедно, порача Деспотовски во видеопораката што ја објави вчера.

The post Деспотовски во болнички кревет, ги откажа теренските активности appeared first on Република.

Во ЈЗУ Општа Болница Кавадарци е направена првата ендоскопска операција на тумор на мочен меур (Трансуретрална ресекција на тумор), минимално инвазивна хируршка метода која на пациентите им овозможува побрзо постоперативно закрепнување.

Операцијата е извршена од тимот специјалисти по уролошка хирургија Д-р Тони Нешковски и Д-р Диме Коцев, под менторство на Проф Д-р Јован Ивчев.

The post Во болницата во Кавадарци е извршена првата ендоскопска операција на тумор на мочен меур appeared first on Република.

Новак Ѓоковиќ вчера имаше операција на коленото во Париз, а денеска за прв пат се појави во јавноста по операцијата.

Мала хируршка интервенција со која е санирана оштетувањето на менискусот е направена во клиниката Рамзи Санте и изведена од најдобрите лекари.

[caption id="attachment_785158" align="alignnone" width="640"] foto Telegraf.rs[/caption]

При артроскопијата беше утврдено дека не се работи за сериозна варијанта на повреда на менискусот на десното колено за која не е потребна толку долга рехабилитација.

- Изминатиот ден морав да донесам тешки одлуки откако заработив повреда на менискусот на последниот натпревар. Сè уште обработувам сè, но со задоволство известувам дека операцијата помина добро. Многу сум благодарен на тимот од лекари кои беа покрај мене, како и на огромната поддршка што ја добив од моите фанови. Ќе дадам се од себе за да бидам здрав и подготвен што побрзо да се вратам на терените. Мојата љубов кон овој спорт е силна и желбата да се натпреварувам на највисоко ниво е она што ме одржува. Одиме – напиша Ноле на Инстаграм!

The post Ноле на штаки: Прва фотографија по операцијата appeared first on Република.

Новак Ѓоковиќ беше успешно опериран во Париз во клиниката „Ремзи Санте“. Овој тип на операција на менискусот  чини меѓу 10.000 и 15.000 евра.

„Ремзи Санте“ има вкупно 465 клиники, имаат 12 милиони пациенти годишно, а имаат 38.000 вработени, што доволно говори за каква империја се работи кога се работи за здравството.

[caption id="attachment_785157" align="alignnone" width="616"] Foto Telegraf.rs[/caption]

The post Операција чини од 10 до 15.000 евра: Ова е клиниката каде што е опериран Ноле appeared first on Република.

Тригодишно дете со скршена бутна коска, наместо операција си замина дома со гипс. Од Гостивар пред два дена го донеле на хируршките клиники со Брза Помош. Бидејќи не работи оперативниот блок лекарите им рекле на родителите да пробаат со гипсирана нога со надеж дека ќе му помине без интервенција.

Збореа дека во Велес треба да се направи операција со тим на доктори од тука, но бидејќи има сега гипс ќе видиме дали ќе помине, ако не во петок операција, вели мајка на тригодишно дете.

Малото момче од Гостивар е едно од многуте пациенти кои трпат стресови и нервози поради одложени операции. Пред хируршките клиники имале и син чиј татко од внатрешноста веќе три недели чека за операција со малигна болест. Еднаш биле дома, повторно се вратиле вчера но незнае кога неговиот родител кој досега на двапати го подготвувале за операција ќе влезе во сала.

Освен за најитни случаи во сали со компресори од надвор, на хирургија веќе 17 дена нема оперативен програм и стотици пациенти за хронични операции имаат одложени и пролонгирани термини. Директорите досега не излегоа во јавност, а за смрдеата во хируршкиот блок од заеднички служби топката ја префрлаат на клиниките.

Во меѓувреме, иако избран за пратеник во новиот состав, Илир Демири од „Европскиот фронт“ на ДУИ, противзакононски одбива да даде оставка од функцијата - министер за здравство.

https://republika.mk/vesti/makedonija/antikoruptsiska-ke-gi-kazni-dhaferi-i-demiri-do-500-evra-ako-ne-se-otkazhat-od-dvojnite-funktsii/

The post Тригодишно дете место на операција пратено дома во гипс поради хаосот на Клиники appeared first on Република.

Меѓу 120 и 150 лица што чекаат за трансплантација на бубрег, но реалната листа е многу поголема, изјави денеска Душко Ѓоргиев, претседател на здружението на бубрежно болни граѓани „Нефрон".

Во отсуство на континуирана и зголемена кадаверична трансплантација, таа листа не се збогатува затоа што треба да се прават типизации и испитувања што чинат многу пари, а имаме многу мал број на кадаверични трансплантации или имаме години кога воопшто немаме. Нашиот апел е ако заживее кадаверичната трансплантација, тогаш и таа листа ќе биде зголемена, појасни тој.

Во државава се проценува дека хроничната бубрежна болест е застапена кај 10 отсто од населението, додека во краен стадиум на болеста на лекување со дијализа се 1.540 лица, покажуваат податоците „Нефрон“, кои под мотото „Унапредување на пристапот до нега и оптимално лекување на бубрежно болните лица“, денеска го одбележуваат Светскиот ден на бубрегот.

Ѓоргиев очекува од оние 1500 - 1600 лица кои се на дијализа, барем една третина да бидат на листата за чекање.

Мораме да пофалиме дека листа за чекање за жив донор од познат дарител веќе не постои, туку секој што ќе обезбеди бубрег од сроден дарител, веднаш, за кратко време додека се направат типизациите, се трансплантира, одговори Ѓоргиев.

Од Здружението рекоа дека најмладиот член на дијализа има четири, а најстариот 92 години.

Директорката на Клиниката за нефрологија, доцент д-р Ирена Рамбабова Бушљетиќ, меѓу другото, нагласи дека водечки причини за развој на хронична бубрежна болест, се уште се дијабетот и хипертензијата.

Светскиот дел на бубрегот се одбележува секој втор четврток од март во повеќе од 150 земји ширум светот. Кај нас се одбележува по 19. пат, под покровителство на Меѓународното здружение за нефрологија (ИСН) и Меѓународната федерација на бубрежни фондации (ИФКФ).

Како најчести причини за откажување на бубрезите, од Здружението „Нефрон“ ги посочуваат дијабетесот и кардиоваскуларните болести. Велат дека превенцијата е клучна за намалување на човечките и економските трошоци за ХББ во терминалната фаза на болеста и затоа е потребен еднаков пристап до скрининг, рана дијагноза и квалитетен третман, како и едукација на пациентите и здравствените професионалци за прифаќање на новите методи и лекови.

https://republika.mk/zivot/zdravje/chetiri-mesetsi-ke-trae-besplatniot-skrining-za-2-000-patsienti-vo-rizik-od-hronichno-bubrezhno-zaboluvane/

The post Меѓу 120 и 150 лица чекаат за трансплантација на бубрег, но релно бројката е поголема, вели Душко Ѓоргиев, претседател на здружението „Нефрон“ appeared first on Република.

Во Онколошкиот институт во Љубљана е опериран пациент на кој му е отстранет стомак поради дијагнозата на рак на тој орган. Подоцна се покажало дека операцијата била направена на погрешна личност и дека човекот кој бил опериран немал рак.

N1 Словенија известува дека маж на кој му бил дијагностициран рак на желудникот бил опериран на Институтот за онкологија. Неколку месеци подоцна, на пациентот му се јавиле дека дошло до мешање и дека по грешка му го извадиле органот.

Грешката, наводно, настанала затоа што надворешен дијагностичар сменил примероци од ткиво од двајца пациенти, што довело до операција на погрешен пациент. Засега не е познато што се случило со пациентот кој навистина има рак на желудникот.

Од Институтот за онкологија не сакаа да коментираат за настанатата грешка, туку само најавија дека повеќе информации претставници на медицинскиот центар Барсос, Институтот за патологија на Медицинскиот факултет на Универзитетот во Љубљана и Институтот за онкологија од Љубљана ќе дадат повеќе информации на прес-конференција.

The post „Се случува“: Словенечки доктори му го отстраниле стомакот на здрав пациент мислејќи дека има рак appeared first on Република.

Принцезата Кејт се врати дома откако помина две недели на опоравување во приватна клиника во Лондон. Принцезата направи операција на стомакот, но деталите за нејзината здравствена состојба остануваат мистерија.

Принцезата од Велс се врати во Виндзор, каде што ќе се опоравува од операцијата. Таа добро закрепнува. Принцот и принцезата сакаат да му се заблагодарат на целиот тим во лондонската клиника, особено на посветениот персонал кој ја пружи сета потребна нега, соопштија од палатата, додавајќи дека семејството е благодарно за сите добри желби.

Иако сега е на домашна нега, Кејт не се очекува да се појави на своите обврски во јавноста пред Велигден.

Таинственоста околу операцијата на принцезата предизвика коментари на социјалните мрежи, но и голема загриженост.

Палатата одби да открие детали за здравјето на принцезата и операцијата за јавноста, што предизвика илјадници коментари на социјалните мрежи.

Да, изгледа многу нејасно. Тајноста околу ситуацијата само поттикнува дополнителни шпекулации. Многу чудно", "Зошто толку таинственост околу операцијата на абдоменот?", "Не разбирам зошто кријат што не е во ред со неа, тоа е само собирање коментари“, пишуваат луѓето на Инстаграм.

Да потсетиме, и свекорот на Кејт, Чарлс, направи операција на простатата и кралското семејство ги објави деталите за операцијата. Ова ги загрижи многу кралски фанови дека состојбата на принцезата од Велс е полоша отколку што таа сака да признае.

The post И по операцијата на стомак деталите за здравствената состојба на Кејт Мидлтон остануваат тајна appeared first on Република.

Тим на лекари од Клиниката за гинекологија и акушерство на Универзитетската болница на Србија oперирале дваесет и две годишна девојка, која во критична состојба била пренесена од внатрешноста, јавува РТС. Туморот кој пораснал во пределот на јајниците притискал на други органи и предизвикувал тешко воспаление во абдоминалната празнина.

Се работело за девојка екстремно здебелена, тешка 140 килограми, со силни знаци на воспаление на стомакот и силни болки.

Операцијата траела три часа а хирурзите прво морале да пробијат повеќе од 10 литри вода од туморот, за на крајот и покрај големиот рез да го отстранат и цврстиот дел од туморот. чија почетна големина бил околу 70 сантиметри и вкупна тежина од 25 килограми.

The post Oд 22 годишна девојка изваден тумор тежок 25 килограми appeared first on Република.

Американскиот претседател Џо Бајден за денеска ги откажа сите закажани ангажмани заради неговиот втор стоматолошки зафат што трае два дена, откако изјави дека страда од забоболка, објави Белата куќа.

Бајден вчера кажа дека чувствува болки во забите, поради што дента требаше да оди на преглед и да се подложи на лечење на коренскиот канал, се наведува во писмото од неговиот лекар објавено до медиумите.

Претседателот добро го поднесе зафатот. Немаше никакви компликации, напишал лекарот Кевин О’Конор.

Откако и утрово доживеа болка, за која О’Конор рече дека е очекувана, медицинскиот тим на Бајден имал намера да го „заврши зафатот на коренскиот канал на претседателот“ во Белата куќа.

Не се очекува Бајден да биде анестезиран и нема да биде потребно да ги делегира своите овластувања на потпретседателката Камала Харис за време на процедурата според 25-от амандман на американскиот Устав, изјави претставник на Белата куќа.

Белата куќа денеска го откажа учеството на Бајден на настан во чест на спортистите од универзитетите, а наместо него на настанот присуствуваше Харис.

Откажани се и приемот на дипломатите и средбата на Бајден со лидерот на НАТО Јенс Столтенберг. Тие два настани се преместени за вторник.

Осумдесетгодишниот Бајден е најстариот човек што некогаш бил претседател на САД, а неговата возраст и здравје се централно прашање за гласачите, бидејќи има намера да се кандидира за втор четиригодишен мандат на претседателските избори следната година.

The post Бајден ќе оди на операција на забот, ги откажа сите обврски appeared first on Република.

Поглаварот на Римокатоличката црква, папата Франциск е примен во болница, а како што соопшти Ватикан, на папата ќе му биде извршена операција.

Станува збор за операција на цревата.

Како што наведоа, папата ќе биде опериран под тотална анестезија и ќе остане во болница неколку дена.

Веста за операцијата дојде еден ден откако папата беше подложен на тестови во болница во Рим.

The post Папата Франциск примен во болница, ќе биде опериран appeared first on Република.

Хирурзите од болница во Чапарпур, Индија, биле сведоци на несекојдневен случај по операцијата на маж кој побарал лекарска помош поради силните стомачни болки.

Рендгенските снимки откриле дека 55-годишниот маж во себе има предмет, кој се испоставил дека е пластично шише.

Лекарите итно го однеле на операција за да му го спасат животот.

Објавени се и снимки од операцијата која се одржала овој 16 мај, на кои се гледа дека лапароскопскиот хирург Маној Чудари го отвора стомакот на пациентот со скалпел и од него го вади шишето од шампон против првут.

Не е познато колку долго шишето било во неговиот организам.

Се верува дека неименуваниот маж страда од нарушување во исхраната наречено „Пика“, во кое едно лице компулсивно голта непрехранбени производи.

Според последните информации, пациентот е добро и се опоравува.

The post Вознемирувачко фото: Хирурзи не верувале што пронашле во тело на пациент appeared first on Република.

На премиерот на Албанија, Еди Рама утрово му била извршена апендектомија, односно операцијана слепото црево. Според прес-службата на албанскиот премиер, неговата здравствена состојба е добра. Операцијата ја изврши тим хирурзи и анестезиолози, под раководство на професорот Арбен Ѓат. Интервенцијата се смета за успешна, здравствената состојба на Рама е добра.

„Синоќа по повеќекратни тестови во Универзитетската болница „Мајка Тереза“ на премиерот Рама му е констатирано акутно воспаление на слепото црево. По препорака на лекарот од итната помош, премиерот утринава во раните часови беше опериран од воспалено слепо црево”, соопштија од Прес-службата.

The post Еди Рама утрово бил итно опериран appeared first on Република.

Во тек е операција на Бојан Јовановски-Боки 13 во болницата „Св. Наум Охридски-Скопје“. Тој утринава бил однесен во операциона сала, каде треба да му биде извршен оперативниот зафат.

Адвокатот Владимир Туфегџиќ, полномошник на Јовановски-Боки 13 за дел од медиумите ја потврди информацијата и посочува дека станува збор за сложена интервенција која е ризична и животно-загрозувачка“.

Дека ќе дојде до операција се навестуваше месеци наназад од страна на Јовановски-Боки 13 и неговиот адвокатски тим.

Тие бараа хуман третман и да бидат почитувани мислењата од докторите од болницата „Св.Наум Охридски Скопје“ кои ординираа терапија и кажаа дека состојбата не може да се санира во затворски услови.

The post Бојан Јовановски утрово донесен во болница, во тек е ризична операција на желудникот appeared first on Република.

Специјалистот по детска хирургија и супспецијалист по детска кардиохирургија Владимир Чадиковски сподели на Твитер убава вест:

Во 24 часа ви се оперира 14 месечно дете од тешка срцева мана и да се породите истиот ден со друго здраво дете и се тоа да го издржите емотивно е посилно од сите природни закони. Слободанка е за мене личност на год.!Браво за цел тим!, напиша Чадиковски.

Во 24 часа ви се оперира 14 месечно дете од тешка срцева мана и да се породите истиот ден со друго здраво дете и се тоа да го издржите емотивно е посилно од сите природни закони. Слободанка е за мене личност на год.!Браво за цел тим!#acibademsistina pic.twitter.com/sarH3CYruJ

— Vladimir Chadikovski (@chadikovski) March 3, 2023

The post Д-р Чадиковски: Слободанка е за мене личност на годината! Во 24 часа емотивно издржа операција на 14 месечното дете и се породи со друго здраво дете appeared first on Република.

Хирурзите од нишката Клиника за кардиохирургија извеле 22 операции за три дена и кажаа дека продолжуваат со зафатите и преку викенд без да бараат финансиски надомест за тоа. Тие додаваат дека работат со забрзано темпо за да се намали листата на чекање за операција, бидејќи на некои пациенти им е потребна итна интервенција.

И овој викенд, петти по ред, го поминавме работно, оперирајќи ги пациентите од листата на чекање. Првпат го правевме тоа во две операциони сали, па од петокот до неделата извршивме дури 22 операции. Сите оперирани пациенти се добро и без компликации, изјави директорот на клиниката Драган Милиќ.

Тој додаде дека од почетокот на годината направиле 101 операција, додека во истиот период лани нивниот број бил 36.

The post Хирурзите од Клиниката за кардиологија во Ниш извеле 22 операции за три дена за да се намали листата за чекање appeared first on Република.

Фудбалерот на Швајцарија Ѓердан Шакири е роден во 1991 година во Гњилане можеби никогаш во животот немаше да игра фудбал, ниту ќе можеше нормално да оди  да не биле српските лекари.

Шаќири пред 31 година излегол од утробата на мајка си со деформитет на десното стапало, поради што никогаш не би можел да има нормален живот. Сепак, за негова среќа, тој беше излечен со интервенција на белградската универзитетска детска клиника во Тирошова.

Шаќири е роден со вроден деформитет на десното стапало. Стапалото му било свртено навнатре поради немањето простор во стомакот на мајка му. Веднаш по раѓањето, од Гњилане бил испратен во Врање, а потоа во Белград во болницата „Тиршова“. Таму го лекувал  познат лекар, експерт за вакви деформитети.

Тој го применил „методот Понсети“ за малиот Џердан да не мора да оди на ризична операција на стапалото.Овој метод дури тогаш почнал да се применува. Тоа вклучува носење корективни загради пет до осум недели. Подоцна за детето се прават специјални чевли кои ги носи до тригодишна возраст

The post Имал ретка болест: Српски лекари му ја спасиле ногата на Шакири appeared first on Република.