Обединета македонска дијаспора (ОМД) во партнерство со НПО Крсте Мисирков, денеска го организира вториот Форум за човекови права во Солун.

ОМД соопшти дека фокусот на форумот ќе биде на иднината на правата на малцинствата, бенефитите (економски, туристички, културни итн) на Република Грција, имајќи мултиетничко општество, како и колку едукацијата е клучна во креирањето на сплотување во самата држава, а сето тоа поткрепено со примери од минатото кои ќе служат како поука за иднина.

Овој форум останува клучна платформа за зацврстување на позициите на малцинствата и застапување за човековите права во Грција. Говорници на форумот ќе бидат реномирани професори од држави членки на ЕУ, претставници на европски организации, како и претставници на малцински групи од повеќе држави, наведуваат од ОМД.

The post ОМД организира Форум за човекови права во Солун appeared first on Република.

Министерот за надворешни работи и надворешна трговија, Тимчо Муцунски, оствари работна средба со претставници на „Обединетата македонска дијаспора“. На средбата, покрај претседателот Мето Коловски, присуствуваа и заменик претседателот, Александар Митрески и одговорниот за Европа, Горан Јорданов.

Двете страни изразија заемно задоволство од средбата, за која како што истакнаа е во насока на зајакнување на врската помеѓу нашата земја и дијаспората, која несомнено придонесува за застапување на македонските интереси, меѓународна афирмација на земјата и промовирање на македонските вредности, идентитет и култура.

Од страна на министерот Муцунски беше истакнато дека новата Влада и Министерството за надворешни работи и надворешна трговија посветуваат сериозно внимание на негување на врските и грижа за унапредување на положбата и правата на Македонците надвор од државата, унапредување на процесот на изучување на Македонскиот јазик, како и подобрување на комуникацијата и соработката помеѓу македонските организации во странство и матичните државни институции.

Двете страни го поздравија најавеното создавање на новата Национална стратегија за соработка со дијаспората, за која во следниот период ќе се воспостави оперативна соработка за размена на податоци.

The post Муцунски на средба со претставници на Обединетата македонска дијаспора appeared first on Република.

Бејзбол тимот „Детроит тајгерс“, во партнерство со Обединетата македонска дијаспора, вчера на стадионот од тимот организираше прослава за Денот на македонското наследство.

Како што пренесуваат од ОМД, бејзбол тимот „Детроит тајгерс“, чии сопственици се фамилија Илич, обезбедил капи со нивното лого и боите на македонското знаме.

Стотици Македонци во Детроит за првпат го прославија Денот на македонското наследство на 30 јули, 2024 организиран од бејзбол тимот „Детроит тајгерс“, чии сопственици се фамилијата Илич со потекло од Драгош и Буф, велат од ОМД.

Настанот беше во партнерство со Обединетата македонска дијаспора, благодарение на неколку видни македонско-американски компании сопственици како спонзори. „Детроит Тајгерс“ за гостите обезбеди капи со логото на тимот, во боите на македонското знаме. За време на бејзбол играта на масовниот екран во стадионот Комерика Парк против Кливленд Гардијанс се појавуваа директно прикажување од публиката со македонските капи и знамиња навивачи за Детроит Тајгерс. Овој настан ја слави значителноста на македонско-американската заедница и културната разновидност на Детроит. Го прославува македонското наследство кое Мајк Илич со гордост и посветеност го ширеше и никогаш не го заборави, како и на сите Македонци кои продолжуваат да го слават низ Детроит и цела Америка. Среќни сме што оваа прослава ќе стане годишна традиција и ќе има можност да биде проследено од следните генерации, се наведува во соопштението на ОМД.

The post Прослава на Денот на македонското наследство во Детроит appeared first on Република.

Архимандритот Никодим Царкњас, 80-годишниот македонски православен свештеник во Грција, на 23 февруари месецов бил малтретиран и физички нападнат од група млади Грци, информираат од Обединетата македонска дијаспора (ОМД).

Од ОМД истакнуваат дека додека се возел дома, патот на архимандритот Царкњас бил намерно блокиран од две возила, спречувајќи го да го премине. Откако учтиво побарале од групата да ги преместат возилата што блокираат, тие почнале вербално да го напаѓаат со лични и верски навреди. Тие потоа го засилиле нападот така што му го оштетиле и го скршиле стаклото од автомобилот и се обиделе да влезат во автомобилот за физички да го повредат.

За среќа, архимандритот Царкњас успеал да избегне дополнителна повреда и ја напуштил областа што е можно побрзо. Тој веднаш го пријавил настанот во локалната полиција и поднел тужби против сторителите, велат од ОМД и додаваат:

ОМД со почит апелира до грчката влада, странските делегации во Грција, Хелсиншкиот комитет во Грција и Европскиот суд за човекови права, да стават крај на овие неоправдани напади врз малцинските групи во Грција. Бараме грчките власти да ги осудат членовите на групата што го изврши нападот и да дадат пример со гонење на сторителите до целосна мерка на законот, стои во соопштението од ОМД.

The post Грци го нападнале свештеникот Царкњас, ОМД бара гонење на сторителите appeared first on Република.

Од Обединетата македонска диајспора објавија превод на документот со кој, по барање на ОМД, Гувернерот на државата Охајо го прогласи 8 септември за ден на Македонската Независност во оваа американска сојузна држава.

Во продолжение го објавуваме документот во целост.

„СО ОГЛЕД НА ТОА ШТО, на 8 септември 1991 година, Македонија ја стекна својата независност од Југославија и стана суверена парламентарна демократија; и

СО ОГЛЕД НА ТОА ШТО,кога се одржа референдумот за македонската независност во 1991 година, учествуваа околу 76% од нејзините граѓани, а повеќе од 96% гласаа за; и

СО ОГЛЕД НА ТОА ШТО, Македонија е единствената југословенска наследничка држава која независноста ја стекна на мирен начин; и

СО ОГЛЕД НА ТОА ШТО, Македонија е млада држава, но стара цивилизација, со археолошки докази кои укажуваат на антички Македонци кои живееле во регионот помеѓу 7000 и 3500 п.н.е.; и

СО ОГЛЕД НА ТОА ШТО, денес, Охајо е дом на повеќе од 100.000 Американци со македонско потекло; и

СО ОГЛЕД НА ТОА ШТО, браќата Кираџиеф го поседуваa и управуваa со Ресторанот „Cincinnati's Empress Chili “, кој беше затворен во 1979 година кога синот на Том, Џо се пензионираше и го продаде ресторанот, и

СО ОГЛЕД НА ТОА ШТО, Денот на Македонската Независност во Охајо ќе се прослави со свеченост во Македонската православна црква Свети Климент Охридски во Авон и со фестивал во Македонската православна катедрала Света Марија во Рејнолдсбург, и

СЕГА, ЗАТОА, ние, Мајк ДеВин и Џон Хастед, гувернер на државата Охајо, со го ова признаваме

ДЕНОТ НА МАКЕДОНСКАТА НЕЗАВИСНОСТ

на овој 8 септември 2022 година“.

The post Гувернерот на Охајо, по барање на ОМД, го прогласи 8 септември за Ден на Македонската Независност во државата Охајо appeared first on Република.

Обединетата Македонска Дијаспора (ОМД), водечкиот глас на македонците ширум светот со седшите во Вашингтон, во петокот испрати протестно писмо до Стејт Департментот на САД со реакција околу употребата на „северномакедонците“ од страна на заменикот државен секретар задолжен за Балканот Габриел Ескобар и побара јавно извинување кон македонскиот народ.

Во петокот за време на прес конференција, Ескобар изјави дека “северномакедонците се Европејци“ без да се самокорегира или некој од новинарите да се побуни за време на прес конференцијата. Ескобар е скоро две години на функција и имал ред состаноци со македонски соговорници, вклучувајќи Стратешкиот Дијалог на 2 јуни 2022 година, и сме зачудени дека таква “грешка“ би направил.

По потпишување на неуставниот Преспански договор во 2018 година, се почесто меѓународната заедница го користи зборот “северномакедонците,“ кој е спротивно на самиот договор, а и навредувачки кон македонскиот народ кој е во мнозинство против Преспанскиот договор.

Користење на зборот “северномакедонците“ ја продолжува долгогодишната дискриминација кон македонскиот народ и ги згрозува нашите човекови права внатре и надвор од државата.

ОМД се соочува со овакви примери на дневно ниво и како и досега, така и понатаму секогаш ќе ги корегира ваквите изјави на официјални лица или надписи на медиуми кои погрешно ќе адресираат до Македонската нација и држава.”

The post ОМД побара извинување од Ескобар за употребата на „северномакедонците” appeared first on Република.

Денес, Обединета Македонска Дијаспора и македонската дијаспора ширум светот прославуваат 119 години од Илинден и 78 години од АСНОМ.

-Независната, суверена, слободна Македонија е неповратна реалност која македонската дијаспора ширум светот помогна да се создаде.

Овој голем ден за сите Македонци, низ целиот свет, означува непокор, повторно раѓање на државата и воздигнување до нова слобода. Иако ние живееме во независна држава повеќе од 30 години, Македонија сега, повеќе од било кога во поновата историја, македонецот се чувствува поробен во сопствената татковина.

Нашите навидум пријатели кои пробуваат да ја скротат, обезличат и избришат нашата историја, искористувајќи ги слабите власти и лидери на нашата држава прават се што можат, еднаш и засекогаш да стават крај на Македонските корени и ја стават Македонија избришана во светската историја.

Постапките на дел од нашите соседи и европски пријатели покажуваат само едно, ниту го признаваат нашето постоење, култура и идентитет, ниту го подржуваат нашиот опстанок. Иако непризнаени, и навидум избришани, Македонците ќе опстанат, а Македонија повторно ќе се роди, и токму повторно на овој голем ден Илинден.

Нека е честит денот и вечно празнувањето на Илинден и АСНОМ!”

The post ОМД: Независната, суверена, слободна Македонија е неповратна реалност appeared first on Република.

Обединета Македонска Дијаспора (ОМД) е загрижена дека денешниот чекор на Република Македонија кон членство во Европската Унија е погубен и води кон катастрофални отстапки без никакви гаранции за успех. Имено, македонската влада мора да направи уставни промени за почеток на преговори кои може да траат бесконечно. И кога можеби еден ден Република Македонија ќе ги исполни сите критериуми за членство во Европската Унија, со оваа аматерска дипломатија и се овозможува на Бугарија да ја уценува Македонија и да налага низа промени во историјата, државноста и идентитетот. Бесплатен совет до оваа власт, кога се преговара, обврзувачките акти треба да стапат во сила на крајот од процесот а не на почетокот.

Каков е тој реципроцитет, европски вредности и договор за пријателство кога Република Бугарија може да се меша во внатрешните работи на Република Македонија, да налага уставни промени и да диктира малцински права, а Република Македонија мора да молчи и да ги игнорира правата на македонското малцинство во Бугарија кои се де факто и де јуре прекршени? - изјави еден од основачите на ОМД, Александар Митрески.

Особено загрижувачки е тенденциозното занемарување на транспарентност што владата го примени во фарсата наречена јавна дебата во парламентот. Намерно се криеше фамозниот протокол кој ја претвора Република Македонија потчинета во овој процес каде ќе има ревизии на нашата историја и учебници. Владата го лаже македонскиот народ за тежината на овој протокол каде мораат да се покажат напредоци во промена на нашата историја доколку Македонија сака да биде членка во Европската Унија.

Од правна точка, најважно во целиот овој процес е дека владата на Република Македонија или некој друг субјект нема ингеренции од македонскиот парламент да води било какви преговори со Бугарија бидејќи овој протокол не беше дискутиран во парламентот ниту пак беше вклучен во заклучоците за кои македонскиот парламент гласаше. Што значи дека протоколот нема никаква правна основа.

Денеска нема простор за славење бидејќи македонската влада и СДСМ за да остане на власт, беше приморана да прифати погубни барања од Бугарија, наложени од албанските партии во Македонија со цел да се овозможи стартот на ЕУ преговорите на Албанија. На Бујар Османи не му смета да ја распродава македонската историја и идентитет доколку албанските интереси се задоволени. Со ваков пристап не се гради соживот, туку напротив поголем меѓуетнички раздор. Целта да се влезе во Европската Унија по секоја цена не е успех туку огромен пораз за оваа влада.

Историјата се повторува и ќе остане запаметено дека повторно СДСМ ја предаде Македонија и македонската кауза по редот други круцијални предавнички постапки (промена на име, знаме, итн). Еден ден ќе нема што да остане да се распродава од Македонија, а таа е се што имавме.

The post ОМД: Членство во ЕУ по секоја цена е пораз на оваа аматерска дипломатија appeared first on Република.