Пожарот што денеска избувна на планината над охридските села Опеница и Куратица се уште не е локализиран, а постои опасност да се прошири оти се работи за тешко пристапен терен, а временските околности со висока температура и засилен ветар дополнително придонесуваат за ширење на пламенот.

Моментално за гаснење се ангажирани и три авиони ер-трактор што полнат вода од Охридското Езеро.

Според последните информации од Територијалната противпожарна единица, за локализирање на пламенот потребен е засилен ангажман од локалното население и од екипите на Подржужницата на „Македонски шуми“, чија поддршка засега отсуствува.

Според најавите, за вечерва е свикан состанок на Локалниот совет за превенција, со цел да се координираат активности за справување со непогодата.

The post Шумски пожар над охридските села Куратица и Опеница, на терен дејствуваат три ер-трактори appeared first on Република.

Четири гранати се пронајдени во Охридското Езеро кај Пештани. Случајот бил пријавен на 15 февруари 2022 година во СВР Охрид.

Од увидот извршен од стручен тим од Дирекцијата за заштита и спасување и полициски екипи, констатирано е дека се работи за две неексплодирани минофрлачки мини калибар 75 милиметри и 2 артилериски гранати калибар 122 милиметри по што се безбедно подигнати за натамошна постапка, соопшти СВР Охрид.

The post Пронајдени четири гранати во Охридското Езеро appeared first on Република.