Никогаш не било полошо и во областа на инфраструктурата во Македонија. Никогаш помалку не се градело, а тоа што се гради никогаш не било понеквалитетно.
Никогаш и не се градело побавно, потенцираше на денешната прес-конференција Синиша Ивановски, претседател на Комисија за инфраструктура, урбанизам и транспорт на ВМРО-ДПМНЕ, потенцирајќи дека во март навршуваат 10 години од почетокот на изградбата на автопатот од Кичево кон Охрид.

Македонија со оваа власт на СДС и ДУИ, со 10 годишната агонија во неградењето на овој автопат освен што придонесуваат за стагнација на туризмот и економијата овој автопат стана мета на подбив во целиот регион. Никогаш не се градело вака неплански. Никогаш на ниедна претходна влада не и биле потребни 7 години за да изгради 2 километри автопат. А, оваа влада за 7 години не успеа ни тие 2 километри автопат да ги изгради од Скопје кон Блаце. Всушност оваа Влада во цели два мандата не изгради ниеден километар автопат. Никогаш не било полошо затоа што до сега не се случило од страна на ниедна претходна влада една година да држи затворен автопат иако на истиот е завршена градбата. Говорам за автопатот Демир Капија кон Смоквица. Не помниме влада со волку голем број на анекси на договори за зголемување на вредноста на капиталните проекти како и анекси за пролонгирање на роковите за изградба, кои да е комично, самите си ги задаваат роковите кои ги пробиваат, самите ги пробиваат. Никогаш не било полошо затоа што и странските фирми изведувачи на капиталните инфраструктурни проекти ги напуштаат проектите поради низа притисоци и сомнителни влијанија, а проектите се уште ни зјаат недовршени. Овде пред се мислам на железничката пруга кон Бугарија и на експресниот пат од Градско до Прилеп. Безбедноста во сообраќајот никогаш не била полоша. Заштитата на учесниците во сообраќајот се уште се врши со застарени, а и скоро напуштени методи. А, да не ги спомнувам жртвите од небезбедните железнички премини, вели Ивановски.

Додаде и дека никогаш не било полошо и за Македонски Железници. Повеќе немаме меѓународни линии. Укинат е возот од Солун кон Скопје, а и кон Белград.

• Се укинаа 2 линии Скопје-Кочани, се укинаа две линии 2 линии Скопје-Кичево, 3 линии Скопје-Битола, а и плус се укина деловниот воз „Пелагонија“ кон Битола.

• Или вкупно 8 линии во домашниот железнички сообраќај вклучувајќи го деловниот воз „Пелагонија“ се укинати.

• Се откажуваат возови поради немање на дизел гориво за локомотивите.

• Пред некој месец Македонски Железници остана и без струја.

• Скоро 90% од железничкиот возен парк е надвор од употреба, а верувале или не само поради ненавремено сервисирање.

• Се на се ова се срамни податоци во областа на инфраструктурата. Никаква реализација нема државата на капиталните проекти.

Затоа важно е да ги поразиме. Да ги поразиме затоа што заслужуваат да бидат поразени. Да ги поразиме затоа што не ја оправдаа довербата на граѓаните и не постои категорија на граѓани која што не е разочарана. Затоа што личниот интерес го ставија пред државниот интерес, и затоа ќе бидат поразени.

Во Македонија со СДС и ДУИ никогаш не било полошо.
Да ги поразиме затоа што Македонија заслужува подобро. Затоа што заслужува да ја предводат луѓе кои ја сакаат својата татковина.

The post „Аирлија“: Дочекавме 10 години од почетокот на градењето на автопатот Кичево – Охрид appeared first on Република.

Непроценливо културно наследство лежи вдолж трасата од автопатот Охрид-Кичево, посебно на потегот од црквата Свети Еразмо во чија близина се наоѓа ранохристијанска базилика, пренесува „Алфа“. Загрижени експерти во разговор за телевизијата предупредуваат на можно оштетување на раскошните мозиаци кои датираат од 5-6 век. Укажуваат дека вредна археолошка ризница се наоѓа и кај Требеништа.Наместо своевремено да се ревитализираат и презентираат пред македонската и светската јавност едни од највредните археолошки локалитети во охридско кои лежат вдолж автопатот ,сега се доведени во опасност.Во неговата децениска изградба, прашање е дали се извршени археолошки сондажни испитувања кои се обврзувачки со закон,укажуваат експертите.

Охрид-Требеништа е археолошко наоѓалиште од светски карактер.И сега таму треба да има некаква петља за автопатот, нека има ама нека побараат решение кое што е контруктивно.Кој го видел ? Ќе ги пуштат таму булдужерите , ќе го направат лом ќе ги уништат културните слоеви и ќе заврши приказната, вели археологот Димитар Зарчев.

Згора на сè, додава „Алфа“, на 57-те километри од автопатската делница која требаше да биде готова уште до 2018-та, а сега според уверувањата на власта, треба да биде завршен до крајот на годинава, сè уште се врши експропријација на земјиштето.

Има препроектирања, проктирања на нови надвозници, измени на дел од траса,не знам јас стучно, меѓутоа има дополнителни постапки кои што се активни.Иначе мое лично мислење е дека надоместокот за имотот неправично се плаќа генерално, затоа што ја гледаме која е цената на автопатите, гледаме кои се провизиите, надзорите и сите тие работи,а земјиштетето е без него неможеш каде да правиш автопат и сепак е тоа сопственост со генерации на некои луѓе кои доколку не бил патот, можеби тоа нема пазарна вредност меѓутоа тие нема да го продаваа, вели адвокатот Игор Кичеец.

Видеото погледнете го на „Алфа“

The post Во опасност е археолошко наследство од непроценлива вредност на самиот автопат Охрид – Кичево appeared first on Република.