Пожарот на планината Огражден, над селото Бадилен, на територијата на Општина Ново Село, кој избувна пред десет денови, не го изгасна ниту дождот кој вчера попладне го зафати овој регион.

Според информацијата од командирот на ТППЕ Струмица, Александар Гудев, по денешната утринска проверка, виделе дека гори на неколку места.

И покрај силниот дожд од вчера пожарот не е изгаснат, иако мислевме дека денеска ќе можеме да констатираме дека пожарот на Огражден е веќе зад нас. Активен е на неколку места и денеска очекуваме повторно да се гасне од воздух. Сметам дека ќе успееме да ги изгаснеме неколкуте жаришта и целосно да го ликвидираме, рече Гудев.

Инаку, според информациите од ЦУК изгорена е дабова и борова шума на површина од околу 700 хектари. Екипа на ТППЕ Струмица го контролира и изгаснатиот пожар меѓу селата Водоча и Вељуса во Струмичко, кој избувна вчера и зафати голема површина и притоа изгореа три викендици, а за чие гаснење беа ангажирани сите капацитети на струмичките пожарникари.

The post Дождот не го изгасна пожарот на планината Огражден, гори на неколку места appeared first on Република.

Градоначалникот на Ново Село, пожарникари и цивили кои беа заробени од пожарот на планината Огражден и кои преку драматично обраќање преку Фејсбук побараа помош, пред малку се евкуирани со словенечки хеликоптер.

Веста ја споделија струмичките пожарникари со видео на кое се гледа како се упатуваат кон хеликоптерот.

Неколкуте пожарникари од ТППЕ Струмица, заедно со градоначалникот на Ново Село Ѓорѓе Божинов и цивили беа заробени од огнената стихија над селото Бадилен во радиус од 500 метри.

The post Заробените од огнот на планината Огражден се евакуираат со словенечки хеликоптер appeared first on Република.

Пожарот на планината Огражден, над селото Бадилен, на територијата на Општина Ново Село, кој избвувна пред осум денови, од синоќа се проширил кон местото Рајаново. Од утрово го гаснат два хеликоптери-„Камов“ од Србија и „Блек хоук“ од Турција, кои се дел од меѓународната помош што ја доби нашата земја за гаснење на пожарите.

Прошрирувањето на пожарот го потврдија од ТППЕ Струмица и Ловното друштво „Елен“ од Ново Село. Според нив, пожарот се префрлил на западната страна на Огражден, но се надеваат дека со помош на хеликоптерите и со поддршка од земја ќе успеат да го запрат.

Од ТППЕ Струмица уште еднаш појаснија дека се работи за крајно недостапен терен, со екстремно високи температури, кои под влијание на големиот пожар имаат развиено специфична микроклима со температури преку 50 степени Целзиусови и засилен ветер.

Инаку, завчера беша изгаснат крајниот северозападен крак од од пожарот, а денеска се продолжува со гаснење на југозападниот крак, веднаш до граничната линија со Бугарија и проширувањето на западната страна.

The post Се прошири пожарот на Огражден, со гасне со два хеликоптери appeared first on Република.

Пожарот кој избувнал вчера на планината Огражден над селото Бадилен во Општина Ново Село, во граничниот појас, наближува кон границата со Бугарија, информираше командирот на ТППЕ Струмица, Александар Гудев.

Според него, гори борова и дабова шума и е зафатена поголема површина, а на ова подрачје има неколку објекти, меѓу кои и црква.

– Пожарникарите засега не можат да интервенираат, бидејќи пожарот е на висок и непристапен терен. Очекуваме утре наша екипа од 10 пожарникари да биде префрлена на местото со хеликоптери и да помага во гаснењето, бидејќи очекуваме утре пожарот да се гасне со хеликоптери, изјави Гудев.

И директорот на Центарот за управување со кризи (ЦУК), Стојанче Ангелов, потврди дека пожарот е на непристапен терен и утре ќе се гасне со „Ер трактори“ или хеликоптери. За огнената стихија се известени и пожарникарите од Петрич, Бугарија, кои заедно со нашите пожарнинари ја следат состојбата.

The post Голем пожар на планината Огражден, наближува кон границата со Бугарија appeared first on Република.

Во 10 часот утрово е локализиран пожарот во Општина Ново Село на планината Огражден кај место викано „Хаџиица“, информира Регионалниот центар за управување со кризи - Струмица.

Со пожарот беше зафатена букова и млада јасикова шума, сува трева и папрат.

Според ЦУК, површината зафатена од пожарот дополнително ќе се утврдува.

The post ЦУК: Локализиран е пожарот на планината Огражден кај „Хаџиица“ appeared first on Република.

Претседателот на ВМРО-ДПМНЕ, Христијан Мицкоски, го искористи убавото време и викендов се искачи на Огражден.

Саботно октомвриско претпладне на Огражден планина, 1746 метри надморска височина. Македонска убавина, наоколу Беласица, Малешевските планини, а на исток Пирин - истакна Мицкоски.

The post Мицкоски се искачи на Огражден appeared first on Република.