Посетата на министерката за надворешни работи на Република Бугарија Теодора Генчовска на Скопје која беше најавена за утре, е одложена. Како што информираат од македонското МНР, посетата се одлага поради учеството на министерката Генчовска и на министерот Бујар Османи на состаноци во рамките на ЕУ и особено претсојниот вонреден состанок на НАТО.

Во рамките на престојот во Брисел, министрите Османи и Генчовска остварија и билатерална средба на маргините, наведуваат од МНР.

Шефовите на дипломатиите на двете земји вчера во Брисел присуствуваа на работниот појадок на министрите за надворешни работи на земјите членки на Европската Унија што се одржа на маргините на Советот за надворешни работи на ЕУ. Работниот појадок беше организиран под покровителство на министерот за надворешни работи на Грција, Никос Дендиас, а беше посветен на европското досие на Македонија.

Министерот Османи, минатата недела на средба со новинарите ја најави посетата на неговата колешка Генчовска на 23 и 24 март во Скопје и продолжувањето на разговорите со Бугарија за отворените политички прашања.

Османи тогаш потенцира дека се уште постојат разлики, меѓутоа се обидуваат да дојдат до решенија прифатливи за двете страни, како и дека ние сме апсолутно усогласени во ставовите и во позициите согласно резолуцијата на Собранието.

The post Утре нема да се сретнат бугарската министерка Генчовска и Бујар Османи, посетата е одложена appeared first on Република.

Посетата на бугарскиот премиер Кирил Петков на Скопје која требаше да се случи на 18 јануари не се откажува, туку се одложува, објави бугарскиот медиум БНТ, повикувајќи се на информации од прес-центарот на Советот на министри.

Имено, како што претходно беше објавено, бугарскиот премиер Кирил Петков и шефицата на неговиот кабинет Лена Бориславова се во карантин. Мерката е неопходна откако претседателот на Собранието Никола Минчев даде позитивен тест за ковид-19 по вчера одржаниот Советодавниот совет за национална безбедност.

Премиерската функција во државата за време на изолацијата на Петков ќе ја преземе вицепремиерката, Калина Константинова.

The post Мора да биде во карантин: Одложена посетата на бугарскиот премиер Петков во Македонија appeared first on Република.