Се познаваат повеќе од 30 години, ги делеле школските клупи, заедно пораснаа на улиците во Ново Лисиче и после толку време решија да влезат во студио и да создадат музичко ремек-дело кое ќе остане запишано во аналите на македонската музичка историја. Марко Маринковиќ или познат како Слаткар и близнаците од дуото „Некст тајм вчера во точно 18:00 часот ја објавија нивната прва музичка соработка со наслов „Океани”.

За помалку од 20 часа песната е една од најслушаните во овој момент во нашата држава според статистиката на музичката платформа „Јутјуб“.

Позади овој проект стојат многу луѓе, но најзаслужните за ова да звучи така како што звучи се Слаткар и Лазар Цветкоски кои се потпишуваат како автори на музиката, текстот е дело на Стефан, Лазар и Слаткар, а аранжманот пак е заслуга на Лазар.

Песната ја работевме година ипол, две. Излезе една фина и емотивна песна. Со близнаците се познаваме цели 31, 32 години и дури сега се споивме. Дури сега најдовме начин како да ги споиме нашите музики. Чудно е, тешко се спојуваат ама успеавме сите заедно и нормално со Лаки кој е мајстор, изјави познатиот рапер Слаткар.

Ниту момците од „Некст тајм“ не го криеја задоволството од крајниот резултат.

Мислиме дека создадовме одлично музичко дело, песна што веруваме дека ќе остане. Тоа е за нас најважно, да имаме што да оставиме на генерациите кои доаѓаат, куси беа познатите муичари.

За „Океани” се сними и видеоспот кој го режираше токму Мартин од Некст Тајм, додека Кристијан Теодоров беше задолжен за камерата. Спотот е снимен на неколку локации, а главни актери се тројцата другари од Ново Лисиче…

https://youtu.be/TuW2XmZanRE?si=1lKbdQzsR0b4XwY8

The post „Свири ја Бисер Балкански, рани да излечи“ – слушнете ја „Океани“ на „Некст тајм“ и Слаткар appeared first on Република.

Јуле Новак е релативно ново музичко име на македонската музичка сцена, која пред неколку дена ја објави својата нова песна „Злато” и истата наиде на позитивни критики од публиката.

Јуле се потпишува како комплетен автор на песната, односно музиката, текстот и аранжманот се лично нејзини, додека мискот и мастерингот се на Нино Придаенкоски.

За „Злато” Јуле сними и видеоспот кој го режираше нејзиниот колега-музичар, Александар Спасенцовски.

Се радувам што пред неколку дена беше премиерата на „Злато”. Ова е песна на која работев долго време и максимално ѝ се посветив. Се надевам ќе ѝ се допадне на публиката, а во блиска иднина ветувам уште многу музика од мене, истакна накусо младата пејачка.

https://youtu.be/2Rs-iG3OF3w?si=5GzAZ8KID6ZlQU3L

Инаку, Јуле своето прво јавно претставување го имаше пред две години кога учествуваше, а потоа и се пласира во финалето на музичкото онлајн талент-шоу „Заблескај”.

Како што кажавме погоре, плановите на Јуле се големи, таа планира активно да се занимава со музика и во иднина, а не ја исклучува можноста да ја видиме и на некој од нашите фестивали.

The post Младата пејачка Јуле Новак автор на својата нова песна: „Злато” appeared first on Република.

Мартија Станојковиќ на сите музички платформи и социјални мрежи ја објави својата најнова песна со наслов „Феномен” и наиде на бура од позитивни коментари.

Мартија овојпат соработуваше со еден од нашите најплодни музички продуценти, Лазар Цветкоски, додека пак текстот е дело на неговата сестра Ена Цветкоска.

Морам да истакнам дека сум презадоволна од продуктот кој го добивме на крај. Лазар и Ена максимално се посветија и финалниот производ го слушате и го гледате. Ме радува што читам позитивни коментари и што добивам постојано пораки дека им се допаѓа песната, вели младата пејачка.

Како за песната, така убави коментари се пишуваат и за видеоспотот, кој го работеше со истиот тим задолжен за спотот на „Анатомија“ снимен во Дубаи - режисерот Ризи Рејн (Reezy Rane).

Песната уште во првите два часа од објавата влезе во трендинг на музичката платформа „Јутјуб“, а во моментов се наоаѓа на 14 позиција.

https://youtu.be/b-zz2_OtQlY?si=ymBMgEjX2LVsaM11

The post Новата песна „Феномен“ на Мартија Станојковиќ за само неколку часа стана трендинг appeared first on Република.

Теа Трајковска и Таско го имаа еден од највпечатливите настапи на овогодинешното 39. издание на „Макфест” со нивната „Сатурн”. Публиката во културниот дом „Ацо Шопов” се изненади кога на сцената покрај нив застанаа и специјалци во маскирни униформи.

За потребите на нивната песна, двајцата млади пејачи изминатиот период снимија и доста интересен спот, поточно сцените во него се како од акционен филм во кој Теа и Таско беа главните улоги.

Со Таско нѐ спои „Сатурн“ а идејата и одлуката да учествуваме на „Макфест“ беше многу случајна и спонтана бидејќи многу ни се допаѓаше самата песна кога ја поставивме во студио со Лазе. За спотот сакавме да излеземе малку од комфорт зона и да направиме нешто покреативно. На крај излезе мало крими филмче и мислам дека со Таско создадовме нешто различно од се што сме работеле претходно индивидуално. Веруваме дека публиката ќе го препознае во песната тоа посебно нешто што нас двајца не освои кога ја создававме, открива Теа.

Сакам да кажам дека ми е огромно задоволство што направивме одлична соработка со Теа. Од студио до снимање на спотот имавме многу добра енергија, и едноставно кликнавме за овој проект. Се надевам на уште соработки во иднина, а оставам сега на публиката да одлучи дали проектот е добар или не, кратко изјави Таско.

Инаку песната се правеше во студиото на Лазар Цветковски, кој впрочем се потпипува како автор на музиката и аранжманот, додека текстот е заедничко дело на Теа и Таско.

https://youtu.be/FM8L7I2-OFc?si=Qq-OVpjXAe3EmmBy

The post Прво го уапсија, па заедно со Теа Трајковска се појави на „Макфест”: Раперот Таско на слобода appeared first on Република.

Позитивни се коментарите кои младата музичка ѕвезда Антониа Гиговска ги собра по настапот на овогодинешното 39. издание на фестивалот „Макфест”, кој изминатиот викенд се одржа во Штип. Песната „Жена, дело на тандемот Лазар и Магдалена Цветковски, како што вели Антониа е направена за сите жени.

Многу сум среќна што „Жена“ успеа да допре до многу луѓе. Среќна сум што добив комплименти од многу жени и искрено ме радува тоа. Ова е многу посебна песна за мене, таква и ќе остане. Секоја жена треба да биде сакана, почитувана, заштитена, а тоа го може само вистински маж, затоа што право машко знае како треба да се сака една ЖЕНА. Тоа и беше пораката што сакав да ја испратам. Пораката е дека ако еден маж не знае да сака и да почитува, жената со тек на време ќе се претвори во кукла без емоции. Жена што е само присутна. Ова не е само моја приказна, ова е приказна на секоја жена, ова се приказни на жени што во изминативе неколку месеци успеав да ги слушнам и да бидам сведок на истите, со што некои мои пријателки се соочувале. Не ја сакаш само ако ѝ кажеш „Те сакам“, ја сакаш ако ја почитуваш, заштитиш. Жената не мора да биде јака иако секогаш сме многу појаки од мажите, но онаа силна страна, силна половина треба да биде мажот, да ја прегрне и да ѝ каже „Сè ќе биде добро“, вели Антониа, додавајќи дека посебно ја радува што песната е веќе втор ден во TRENDING #11.

За „Жена“, Антониа со својот тим од соработници сними и одличен видеоспот под режисерската палка на Даниел Јовески, а во него покрај пејачката се појавуваат уште неколку моќни жени:

https://youtu.be/rO0-AykYWAQ?si=DYwEp2XeK2PY5jRD

The post Гиговска: Вистинско машко знае како треба да се сака една жена appeared first on Република.

Вчера на социјалните мрежи ДНК ја промовираа својата најнова песна со наслов „Чаршија“. Станува збор за уште една песна која во стилот потсетува на претходните „Ако утре ме нема“ и „Животе брате“, звук кој по се изгледа ѝ се допаѓа на публиката.

Вво ова најново музичко остварување на ДНК свој допринес даде еден од нашите најдобри хармоникаши, Мишел Трајковски и мајсторот за конги, популарниот Бока Конга.

Мислам дека со Лазе уште еднаш успеавме да создадеме нешто што ќе ѝ се допадне на публиката. Очигледно е дека го сакаат овој звук и навистина ни е драго што е така, велат Панчо и Андреј од ДНК.

Видеоспотот за песната се снимаше во Старата скопска чаршија, а во него покрај Панчо и Андреј се појавува и познатата водителка Вера Мештеровиќ, моделот Драгана Спасовска, диџеите Irie Scratch, Nasty и други… Како режисер на спотот се потпишува Огнен Шапковски, додека директор на фотографија беше Кристијан Теодоров.

https://youtu.be/SQdRFObawFE?si=48Dqrofpqxuxb8mA

The post ДНК снимаа спот за „Чаршија” во чаршија appeared first on Република.

Легендарната македонска група „Меморија“ во пресрет на својот голем славенички концерт закажан за 16-ти ноември 2024 во арената „Борис Трајковски“ по повод 40 години од своето постоење, во етер пушти уште една нова, петта по ред песна насловена „За добро да е“.

Овој пат во прашање е нова авторска песна, чиј автор е новиот гитарист на бендот Рубин Димковски, додека автор на текстот е Душко Темелковски, некогашниот пејач на прилепската група „Бен Хур“.
Песната е стилски поинаква од сето она што досега групата го работела, во брз ска ритам, но со мошне заразен и певлив хорски рефрен и стихови од кои извира чиста позитива, што и тоа како ни е потребно на сите нас во овие матни времиња. Главниот вокал и овој пат го преземал Ристо Самарџиев, но во хорските рефрени пеат сите челенови на групата, што дава добар шлагворт за уште подобра интеракција со публиката која ќе ја пее во еден глас со групата на нивниот претстоен, славенички скопски концерт, на 16-ти ноември, но и на сите останати настапи во иднина.
Како и претходните новоизлезени песни и оваа е снимена во студиото „Тра ла ла“ на Мите Димовски кој заедно со Давор Јордановски ја изработиле музичката продукција, додека извршен продуцент е Петар Георгиевски – Камиказа.
Песната официјално беше промовирана на прес конференција која се одржа во просториите на „Универзитет Скопје“.

https://www.youtube.com/watch?v=CaBbuOVEA8Q

The post „Меморија“ пушти во етер уште една нова песна насловена „За добро да е“ appeared first on Република.

Инспирирани од вистинска животна приказна, триото Влатко Лозаноски -Лозано, Ена Цветковска и Лазар Цветковски создадоа уште едно музичко ремек дело, кое несомнено ќе допре до многумина кои живеат во нашата земја, но и нашинци кои се насекаде стационирани по овој свет.

„Жолто црвено” е насловот на ова најново здание за кое има и видеоспот, a на кој се потпишува познатиот режисер Даниел Јовески,

Да, песната е создадена според вистинска животна приказна, односно на една од моите турнеи минатата година се запознав со еден нашинец кој беше на еден од концертите. Во неврзаниот разговор, човекот ми ја раскажа неговата животна приказна, за која во тој момент освен што ја ислушав, не и дадов многу на значење, но по некое време почнав сѐ повеќе да размислувам за создавање на песна инспирирана од тој краток разговор. Со Лазар и Ена долго работевме на овој проект, свесно не сакавме да брзаме за да може и ние лично да се интрифилтираме во самата приказна, вели Лозано, кој заедно со Лазе и Ена се потпишуваат како автори на текстот, додека музиката и аранжманот се дело на Лазар.

Спотот е снимен на повеќе локации, а една од нив е и во Офицерскиот дом во Битола. Во него се вклучени повеќемина актери. Младиот пар е Андреј Пајмакоски и Ива Цацкова, потоа Христијан Проданов, Љупчо Андрески и Тирјакија Јовеска.

https://youtu.be/oZ2IfIknIPg?si=27zYg8DsHFRwJU5x

The post Вистинска приказна која нашинец му ја раскажал на една од турнеите – инспирација за „Жолто црвено“ новиот хит на Лозано appeared first on Република.

„Ode of joy“ е новиот сингл на Хејз (Haze), 5-ти од албумот „Afterlife“. Претходно се престави со „Afterlife“, „Stargazing“, „Heaven“ и „Сенки“.

Ненад Тодоровски е познат на македонската јавност под псевдонимот Хејз (Haze), под кој работи како музички продуцент и диџеј. Зад себе има повеќе проекти преку кои има издадено повеќе од 20 синглови и ремикси. Има соработувано со Бобан Апостолов (naBBoo), Brass Brothers, Cyrillic, Galoski, Iwayo, Викторија Лоба и многу други.

Синглот „Ode of joy“ беше претставен на јавноста на 26.09.2024 преку македонската издавачка куќа „Cafe De Anatolia“ која во моментов важи за една од најдобрите издавачки куќи позната по комбинацијата на модерна електронска музика со традиционална музика од Балканот и Блискиот Исток.

Основана е во 2017 година од Зоран Илиев (познат под псевдонимот Billy Esteban), неговата ќерка Моника Илиева и синот Никола Илиев). Cafe De Anatolia има добиено 31 награда на видео платформата YouTube – 3 златни плакети за над милион претплатници и 28 сребрени плакети за над 100.000 претпланици.

Линк од Youtube

Линк од Instagram 

Линк од Spotify

The post Хејз го објави новиот сингл „Ode of joy“ appeared first on Република.

Најголемиот рок ен рол бенд во некогашна Југославија, легендарните „Бијело дугме“,   во 2022 година доби своја македонска верзија, откако група наши музичари го започнаа проектот:  „Бело Копче – Tribute Bijelo Dugme“!

Освежувајќи ни ги емоциите токму како своевиден  Tribute  бенд, чии членови буквално не само што во тон ја симнале музиката на оние, кои веројатно биле и нивни идоли, туку се трудат и физички што повеќе да личат на оригиналните членови на Дугме. И во изгледот со помош на мејкап, перики, разни маски и во облекувањето, но секако и во однесувањето на сцената, симнувајќи го секое движење, секој гест, секој изговорен збор на „главните јунаци“ од нивната рок ен рол приказна кои тие ги „глумат“ на сцената.

Оттогаш наваму прераснаа во најпознатиот македонски трибјут бенд, предводен од  познатите музичари Стевче Грозданов – гитара и пејачот Зоран Рудан – Цеки, кој заедно со  денешната постава во која покрај нив уште се и Горан Гешовски (бас), Борислав Драганов (клавијатури) и Емил Милев (тапани), постојано имаат бројни настапи и тоа не само низ Македонија, туку и надвор од неа.

Досега „верно на оригиналот“ и со музика и со изглед и со својот сценски настап го пресликуваа најголемиот рок ен рол бенд на сите времиња на овие простори, а отсега и со сопствена авторска музика, чиј старт го одбележа нивната прва песна и видеото за неа, насловена како „Сувенир из Сарајева“ (Сувенир од Сараево), наслов кој не е случајно избран.

Имено, музички целата песна оддава амбиент на прочуената сараевска школа од средината на 70-ите и 80-ите, кога прочуениот сараевски рокен ен рол мирисаше на Балкан. Од „Индекси“ и „Тешка Индустрија“, до „Црвена Јабука“, „Мерлин“  или „Плави оркестар“… И секако, над сите нив кога е општата хистерија и општојугословенска популарност во прашање, ненадминиливите „Бијело дугме“.  Токму со таков сензибилитет, со таа нота на вдахновеност и шмек кој потсетува на тие убави времиња дише и првата песна на „Бело Копче“. Да е некое друго време, слободно би можела да биде нова песна на некои од споменатите бендови, вклучувајќи го и самото „Дугме“.

Музички перфектно отсвирена, пејачки Цеки ја вметнал целата експресија која ја поседува од влијанијата на големите пејачи како Бебек, Тифа или Ален, но вдахнал и свој дух и своја емоција,  што на песната и дава дополнителна свежина која ја прави блиска и за новите деца… Рок балада за сите генерации!

И не случајно песната е отпеана на српско – хрватски јазик, зашто „Бело копче“ во своите планови има и како трибјут на „Бијело Дугме“, но и со авторски песни да проба да ги освои просторите на бивша Југославија и пошироко, иако по разно-разни ивенти, манифестации и рок фестивали веќе се доста застапени.

Музиката е на стариот проверен мајстор и хит мејкер Саша Драгиќ, текстот го напишал  Владимир Митровиќ, а аранжманот го направил Стевче Грозданов која ја програмирал и отсвирел песната. Истата  е снимена во студиото „Целофан“ во Скопје, додека миксот и мастерингот ги направил Горан Гешовски.

На „Сувенир из Сарајева“ совршено се надоврзува едноставното , но мошне функционално видео во кое покрај членовите на бендот се појавува познатата македонска актерка Катерина Шехтанска, како фотографката на групата во видеото, кое го потпишува AleXanDeR, псевдоним зад кој се крие името на познатиот македонски музичар и режисер на видеоспотови, Александар Ристовски Принц.

Како сето тоа изгледа и звучи спакувано во првенчето на „Бело Копче“ како „Сувенир из Сарајева“ за сите вас, проследете во продолжение:

https://www.youtube.com/watch?si=hGSAd72nmlyqDzP_&v=KTAldhILXxQ&feature=youtu.be

Фото: Мартин Шишковски

The post „Сувенир из Сарајева“- првенчето на „Бело Копче“ е рок балада за сите генерации appeared first on Република.

После објавувањето на песната ,,Друго’’, Ивона Јо на македонската јавност и подари уште едно музичко парче. ,,Тие очи’’ е насловот на новата песна, која е втор сингл на Ивона за оваа година.

Песна која со сигурност ќе стане голем хит, со оглед на тоа што веќе има илјадници прегледи на Јутјуб. Ова е модерна поп-песна со побрз ритам, соодветна за топлите летни денови.

Пресреќна сум што создадовме песна и спот, кои се исполнети со брз ритам и убава енергија. Тоа е дефинитивно она што најмногу ни треба во овој период. Ова го правам за мојата душа и за сите вас. Знам дека со секоја песна сум чекор поблиску до вашите срца’’ - вели Ивона.

,,Тие очи’’ добија и видео спот кој е под режисерската палка на Мартин Трајановски, снимен во Охрид, со Стефан Биков, а како изненадување зад текстот се потпишува Тамара Волческа - девојката која дефинитивно ги пишува најубавите текстови. Музиката е на Zox, Димитар и Јордан Манов, а аранжманот на Јордан Манов.

,,Тие очи ми го осветлија патот. Тие очи ме милуваа секогаш кога немав ништо за себе. Тие очи ме направија сакана. Тие очи ме сакаа. Пронајди ги и милувај ги “твоите очи” - додава Ивона.

Видео спотот за песната веќе е достапен на Јутјуб, а песната вирално се споделува на социјалните мрежи.

https://www.youtube.com/watch?v=egb_gYQHu_Q&fbclid=IwY2xjawEURRRleHRuA2FlbQIxMAABHYGN8v4xAzqlV_Ygy2AXv4b-khL5k9dOh_SCEuKaM92iCTjFuNS6-eorXQ_aem_53Fazh3O-S2gC6MYBikgxw

The post Знам дека со секоја песна сум чекор поблиску до вашите срца, вели Ивона Јо appeared first on Република.

Не поминаа ниту два месеци кога популарниот пејач и миленик на публиката, Ѓоко Јовиќ ја промовираше песната „Незаборавна”, тој на социјалните мрежи објави уште еден нов музички проект.

Станува збор за нова песна со наслов „Магија”, која исто како и претходната и многу други негови песни, како автори се потпишуваат Лазар и Магдалена Цветковски.

Очигледно тимот кој победува, не се менува, па токму поради тоа Јовиќ целата доверба ја довери на познатиот братско-сестрински тандем.

Мислам дека заедно со Лазар и Магдалена избравме одлична песна. Но, пред да решиме да ја објавиме, „амин” барав и од моите деца, поточно ќерката Теодора и синот Михаил, бидејќи тие двајца се сега моите најголеми критичари, низ шега вели Ѓоко.

Инаку како и за останатите, така и за оваа песна Ѓоко со својот тим од соработници сними уште еден видеоспот. Поточно дел од кадрите се снимени во Австралија, а пак дел во нашата Македонија.

https://youtu.be/dCK7SnpumCs?si=Yv3kIwRQ9dibwX3f

Но, тоа не е сѐ, веќе се кројат плановите и за следната негова песна, која, исто така, ќе биде промовирана за многу брзо време.

Со други зборови, многубројната публика на Јовиќ летово ќе ужива и ќе се изнаслуша многу негова нова музика.

The post Летово ќе има многу нови песни: Слушнете ја „Магија“ на Ѓоко Јовиќ appeared first on Република.

Младата пејачка Драгана Јовановска вчера на сите социјални мрежи и музички платформи ја промовираше својата најнова песна со наслов „Гламур“, песна која ги поседува сите предиспозиции да биде летен хит. Како и за претходната песна, така и за оваа, Јовановска соработуваше со познатиот композитор Иле Спасев, кој се погрижи за музиката и аранжманот, додека пак текстот го напиша Јоцифер. Драгана со својот тим од соработници и за оваа нова компзоиција сними интересен видеоспот. Ако претходното видео го сними на прекрасните Малдиви, овојпат таа се реши да не патува и видеоспотот да го сними во нашата земја. Повторно таа соработуваше со момците од „Урбан Рекордс“, на чело со Гордан Божиновски, кој и овојпат го дадоа својот максимум. „Јас сум презадоволна од целиот проект. Со композиторот Иле се разбираме со поглед што се вели и речиси да немаме несогласувања во студио. Што се однесува до спотот, мислам дека ја доловивме и суштината на текстот. Сума сумарум, јас сум презадоволна. Сега најважно ми е песната да допре до публиката и таа да го донесе својот суд, односно дали сме го погодиле вкусот или пак можеби не“ - вели младата Драгана. Драгана не застанува тука се разбира, со оглед на нејзината младост, ентузијазам, сигурни сме дека допрва доаѓа нејзиното време и допрва ќе се изнаслушаме нејзини песни...

https://www.youtube.com/watch?v=VWhj-e4jgVE

The post Нова песна на младата Драгана Јовановска appeared first on Република.

Сѐ уште не стивнуваат реакциите за дует-песната "Животе Брате" на ДНК, која ја промовираа пред само неколку недели, а тие вчера на сите музички и социјални платформи објавија уште една нова песна.

Дека Панчо и Андреј работат со полна пареа е токму новата соработка. Овојпат со нивната колешка, младата Теа Трајковска. Песната носи наслов "Амајлија", чија музика е заедничка на Панчо и Лазар Цветкоски, додека аранжманот е дело на Лазе, а текстот пак го напиша Панчо.

Како и за останатите нивни песни, така и за оваа, тие снимија одличен видеоспот и тоа во еден од најубавите хотели во Златибор во соседна Србија, "21st Century Златибор". Станува збор за извореден хотел кој за многу кратко време стана еден од омилените за престојување на ова популарно туристичко место.

Точно е, снимањето на спотот се одвиваше во Златибор, поточно во ексклузивниот хотел кои го изградија нашите пријатели од" Адора" и да бидам искрен полесен спот досега немаме снимено. Тоа е поради одличниот пречек од персоналот на хотелот, бидејќи се што побаравме од нив тие ни го овозможија, накусо изјавија момците од ДНК.

Покрај кадрите во хотелот, дел од спотот е снимен и низ убавините на ова познато туристичко место, како и ранчот "Зова", кој е отворен за сите посетители. Инаку како режисер на овој видеоспот се потпишува режисерот Даниел Јовески, со кого тие соработуваат веќе долги години...

https://www.youtube.com/watch?v=in8uE04ZXN0&fbclid=IwZXh0bgNhZW0CMTAAAR1PGyetA0oEUK7Lor0Wk51jydk2ad-4mI76GtdbZtTujKFM8usk6liw8VY_aem_AY2nCAx8nfqlBCELhPCD-JyPji5zmxbw2vZdDb11BvAyXxVjtL2QHgOwbRPDC6iLNe4POpohlA71xDxMI-tcyORg

The post ДНК и Теа Трајковска имаат иста „Амајлија“: Ова е нивната нова песна appeared first on Република.

И тоа како има потреба македонската музичка сцена од нови имиња кои ќе понудат нешто ново и поразлично на слушателите.

Една од нив е младата пејачка Сања Тодоровиќ, која има намера сериозно да се посвети на создавањето на своја авторска музика.

По тој повод Сања пред само неколку дена ја промовираше својата прва песна со наслов „Казна и Карма“.

Станува збор за композиција на која токму таа го напиша текстот, додека музиката и аранжманот се дело на искусниот композитор Јован Василевски.

Ова е моја прва официјална песна на која сум прегорда, бидејќи вложив многу труд и енергија. Исто така својот максимум го даде и композиторот Јован со кого веќе подолго време соработувам и му дадов целосна доверба. Се надевам песната ќе го пронајде својот пат и ќе ги освои симпатиите на домашната јавност, вели младата Сања.

Исто така Сања пред неколку дена организираше и голема промоција, каде таа ги собра своите најблиски соработници, пријатели, колеги, пред кои го промовираше својот музички проект.

Промоцијата помина одлично, дојдоа скоро сите поканети гости. Знам дека ретко се прават промоции кај нас, но ете, јас се решив за тоа, бидејќи ова е моја прва песна и чуствував обврска на тој начин да ја претставам на публиката, изјави Тодоровиќ.

Инаку за „Казна и Карма, Сања сними и видео спот во кој покрај неа се појавува и моделот Гоце Маротов.

Спотот го изработија момците од „Урбан Рекордс“ на чело со Гордан Божиновски.

https://youtu.be/b4cZ813mjTo?si=tPFJ9nni8cYlwGeu

Сања продолжува со работа, таа веќе работи на новиот музички проект кој ќе излезе во блиска иднина, а до тогаш неа ќе може да ја видите и слушнете на нејзините живи настапи во главниот град и ширум нашата земја.

The post Ново име на музичката сцена: Сања Тодоровиќ ја промовираше „Казна и Карма“ appeared first on Република.

Поминаа скоро седум месеци откако младата и талентирана пејачка Драгана Јовановска ја објави нејзината последна песна „Случајно, за која сними спот на една од најпосакуваните дестинации во светот, прекрасните Малдиви. Меѓутоа младата Драгана изминатиов период не седеше со скрстени раце, напротив, таа со својот тим од соработници работеа на нејзиниот најнов музички проект, кој за многу брзо ќе ја здогледа светлината на денот.

Тимот на соработници е повторно истиот, музика и аранжман Иле Спасев, додека пак текстот е на Јоцифер. За снимањето на видеоспотот повторно истата екипа, односно момците на „Урбан Рекордс“.

Песната носи наслов „Гламур“ и за неколку дена ќе биде промовирана на сите музички платформи и социјални мрежи.

Инаку Драгана вечерва ќе биде дел од пејачите кои ќе пеат во чест на големиот Кире Костов во Битола. Концертот носи наслов „Летај Галебе“ и на него неколку наши изведувачи ќе ги пеат песните кои ги создаде маестро Костов.

The post Вечерва ќе пее во чест на маестро Кире Костов, а за неколку дена Драгана ја објавува новата песна appeared first on Република.

Сигурно многумина од вас овие денови можеа да видат голем број од нашите јавни личности, пејачи, водители и актери како на социјалните мрежи споделуваат видеа на кои пеат некоја песна. Всушност станува збор за најновиот сингл на дуото - ДНК која носи наслов „Животе брате“, а на која како гости учествува кралот на фолк-музиката Наум Петрески и светски познатиот, а сепак наш Џамбо Агушев.

По се изгледа ова е уште една песна на ДНК која има голем потенцијал да стане химна на народот, односно како што е нивната „Ако утре ме нема“.

Панчо и Андреј велат дека во „Животе брате“ метафорично преку обраќање на небото/Бога, се обраќаат на животот.

„Животе брате, брате, дај насмевни се. Животе брате, брате дај смилувај се. Животе брате да запееме, Еднаш живееме“ - се пее во рефренот на оваа песна, а тоа се зборови кои токму Андреј и Панчо ги порачуваат на сите нас.

Немаме што да ви изјавиме. Кратко и јасно, ова е песна за животот! Пресреќни сме и почестени што две големи македонски легенди ни гостуваат и воедно благодарни што прифатија да бидат дел од овој проект. Искрено веруваме дека публиката ќе ужива во неа, велат момците од ДНК.

Инаку како и за останатите „чеда“ на ДНК, така и за оваа тие снимија одличен видеоспот со многу статисти и пријатели, а како режисер на спотот се потпишува Огнен Шапковски.

Како локации се избрани Скопска Црна Гора и етно ресторанот „Рибилимус“.

Авторскиот тим е идентичен, Лазар Цветкоски се погрижи за аранжманот, текстот е на Панчо, музиката заедничка, додека делот на трубите самиот Џамбо Агушев.

https://youtu.be/o54eLt4MY9Y?si=nHQVr4KJDC90y7Gk

The post ДНК, Наум и Џамбо ја објавија „Животе брате“ appeared first on Република.

Како и со неговите претходни песни и видеоспотови, така и овој пат младиот и талентиран музичар Џокер предизвика реакации на социјалните мрежи, па така во коментарите на објавите може да прочитате и позитивни и негативни забелешки за неговиот најнов музички проект насловен „Сол на рана“

Јас правам музика прво мене да ми се допадне, па потоа на публиката. Можеби е себично, но која е поентата да создавам музика која мене не ми се допаѓа. Ова е еден можеби би рекол нов правец, нешто што не можеме го слушнеме на нашата естрада. Со други зборови, сакам да сум различен од останатите, вели Џокер.

Џокер е комплетен автор и аранжер на новата песнат, додека за спотот како режисер се потпишува Горан Симјаноски.

Во спотот покрај Џокер се појавуваат неколкумина музичари и три згодни девојки во провокативна облека.

https://youtu.be/sxItyMHSdPE?si=YSmtdo2y7usDPjzG

The post „Не сакам да сум како останатите од естрадата“, вели контроверзниот Џокер appeared first on Република.

Марија Спасовска има „Минато“ што ветува блескава иднина. Имено, „Минато“ е насловот на нејзината нова песна, во која младата македонска пејачка продолжува да го турка својот омилен стил како сопствен израз во музичкиот правец кој најмногу и лежи. Овој пат во своевидна модерна ар ен би балада која преминува во побрз ритам, за потоа одново да заплови во помирни музички води.

Емотивна во изведбата како и во стиховите на кои како и на музиката Марија и самата е автор, само ја надополнува нејзината слика на изведувач кој покрај несомнените вокални квалитети и впечатливата експресија во интерпретацијата, се наметнува и како се'посериозен автор. Засега само на своите песни, а во иднина која да знае...

На сето тоа се надоврзал и познатиот композитор и музичар Николче Мицевски, кој со својата аранжманска бравурозност ја обоил целата мелодија, пакувајќи ја во едно модерно музичко парче кое и тоа како кореспондира со современите музички текови. Како и за сите останати песни досега и најновата „Минато“ е визуелизирана со видеозапис, чија режија овој пат ја потпишува Горан Симјаноски/Gogorzr. Во него младата поп уметница дополнително ги искажува и своето несомнено актерско умеење, вешто преточувајќи и улогите кои моменталниот музички израз и стиховите во одреден дел од песната тоа од неа го бараат...

Од љубов и среќа, до болка и очај, од блаженство до разочарување... Актерска експресија која дополнително им дава впечатливост на песната и видеото како еден своевиден аудио-видео пакет, една комплетна музичка целина. Во сето тоа своја улога на нејзин партнер има и младиот модел Андреј Димоски, кој заедно со Марија ја водат замислената фабула во оваа музичка приказна. Како сето тоа звучи и изгледа, проследете од видеото во продолжение.

https://www.youtube.com/watch?si=nQf20B7CyokSVd84&fbclid=IwZXh0bgNhZW0CMTAAAR3hND8iZXnbqob9COdTmismzV0Qhq5FXKaKtkMzx4tNnj5-WxRG-vvOmWU_aem_ATG0vlXod_aJeVIL9N3wteHwH1E-_MscojFhFENqXEmnr3f0XOp3Zo3QD1IGoaMt5kKtYue_Lcl4A_Gd7i50QRiL&v=onXsgMOqgS0&feature=youtu.be

The post Марија Спасовска има „Минато“ што ветува блескава иднина appeared first on Република.

„Љубав преко мреже“ е насловот на новата песна на момците од Браво бенд, која е само продолжение на приказната што почнаа да ја испишуваат со претходната нумера „Катаклизма“. Авторскиот тим и на двете песни е ист, односно музиката ја потпишува фронтменот на Тропико бенд Сале (Александар Цветковиќ), текстот е на Драган Брајовиќ – Браја, додека аранжманот е на Јован Лазаревиќ – Тукс. Песната излегува во исто време со спот, за кој кадрите се снимени на Преспанското Езеро, а кој е работен под режисерската палка на Ѓорги Вацев.  Приказната во спотот ја следи самата нумера и зрачи со позитивна енергија како и песната која претендира да стане летен хит.

https://www.youtube.com/watch?v=RO-mMfJxOs4

Се вели случајните работи се најубави, така беше и со оваа соработка со Сале и Браја. Случајно по еден заеднички настап со Тропико седнавме со Сале, направивме муабет и ете се изродија неколку песни. Две веќе слушнавте“, вели Кире Денов, вокалот на Браво бенд и додава дека нема да застанат тука, но и нема да се ограничат само на снимање песни на српски јазик.

Наскоро, вели, излегува песна на македонски јазик, а во подготовка е и убав сплет со кавери.

Годинава ни е јубилејна, па некако сакаме да покажеме, докажеме, но и да го оправдаме 20-годишното присуство на сцената“, вели тапанарот во бендот Дејан Младеновски.

За Сале Тропико, кој со своето присуство ја збогати синоќешната промоција во „Дион“ да се работи со момци кои се талентирани и, пред сѐ, позитивни луѓе е задоволство. Вели, тоа што и самиот е пејач не го спречува некоја добра песна да ја даде некому.  

Среќен сум кога некоја моја песна ќе стане хит, тоа што пеам и самиот никогаш не ми било пречка за некому да дадам добра песна наместо да ја чувам за себе. Напротив, се радувам кога некој ќе ја донесе како што сум замислил. Се радувам што работам со овие момци затоа што се позитивни, талентирани и знаат што сакаат“, вели Сале.

А на промоцијата вриеше од колеги, медиуми, пријатели... ниту дождот кој делуваше како да сака да ја расипе вечерта не успеа да ги поколеба сите кои сакаа да бидат дел од оваа за Браво бенд важна вечер. Велат дожд е бериќет, нека биде така и сега, и наскоро да има уште едно големо браво за дечките од Браво бенд.   

The post „Браво бенд“ 20 години на музичката сцена: „Љубав преко мреже“ е новата песна која ја направија заедно со Сале Тропико appeared first on Република.