Се што е поврзано со СДС не е далеку од непотизам, корупција и од криминал. И секако, сето тоа поврзано со немање чувство за морална одговорност. Во зградата зад мене на Македонски Телеком, компанија во која голем удел има и државата, седи човек Никола Љушев којшто е близок другар на Димитар Ковачевски и којшто зема месечна плата од 11.500 евра, ова денеска преку изјава за медиумите го истакна Наум Стоилковски од ВМРО-ДПМНЕ.

Како што не е тајна блискоста на сега милионерот Љушев со Ковачевски, не е тајна и скандалот со вработувањето и ѕвездената кариера на неговата сопруга во истата компанија. Милионерот Љушев веројатно во економска криза малку му се 11.500 евра месечно па ја вработува сопругата како секторски директор во Телеком. Во секоја голема, нормална европска фирма, особено каде што државата има удел, и каде што се вреднуваат европските норми и би се избегнувале корупциските и непотистички зафати, ова би било скандал со огромни размери коишто би довеле до оставки и повлекување од морални причини. Секако ако вакви зафати прави првиот човек на компанијата, генералниот директор, тоа станува воспоставена практика во компанијата, па вакви случаи во македоснкиот Телеком има во серија. Но како што нагласив на почеток, се што се доведува во врска со Ковачевски и со СДС, не е далеку од корупција, неказнивост, неетичност и секако во верба во неказнивоста - вели Стоилковски.

The post Стоилковски: Милионерот Љушев, другар на Ковачевски, ја вработил сопругата како директор на сектор appeared first on Република.

Наум Стоилковски, портпарол на ВМРО-ДПМНЕ на денешната прес конференција во однос на случувањата во Македонски Телеком односно унапредувањето на сопругата на генералниот директор која што станува директор на сектор потенцираше дека тоа се должи на блискоста на Ковачевски со Љушев.

– Jасно е дека се што е поврзано со СДС не е далеку од непотизам, корупција, криминал. Сето ова не е подалеку ниту од скандалот Паразити, серијата прес конференции за луѓе од СДС на позиции. Не е тајна блискоста на Љушев со Ковачевски, не е толку далеку и скандалот со претходното унапредување на сопругата, што е слика само за една атмосфера на неказнивост, самоволие и би рекол неморал, рече Стоилковски.

The post Стоилковски: Унапредувањето на сопругата на првиот човек на Македонски Телеком се должи на блискоста помеѓу Ковачевски и Љушев appeared first on Република.

Портпаролот на ВМРО-ДПМНЕ, Наум Стоилковски на гостувањето на телевизија Алфа во емисијата „Што не е јасно“ се осврна на лица поврзани со СДСМ кои земаат огромни суми. Според матетиката која ја направи неколку лица, однсоно пет кои се именувани од СДСМ само за еден месец земаат милион и 604 илјади денари од Буџетот.

Никола Љушев е главен извршен директор на Македоснки телеком од први јули 2018 година неговата плата изнесува 713 илјади денари, повеќе дури и од двајца функцонери во М-Нав. Вест од 18 мај 2018 година вели Дојче телеком си заминува од Македонија го продава својот удел во Македонски телеком причината е управување со Македонски телеком каде Дојче телеком поседува 51 процент од акциите, а македонската Влада има удел од 34,81 процент. Според извори во компанијата медиумите јавуваат дека постои несогласувања меѓу клучните партнери во однос на одлучувањето и се наведува дека Владата постојано се меша во носењето одлуки, во кадровска политика на менаџерски позиции и слично. По извесен период од ова Владата го именува Љушев за директор, рече Стоилковски.

Стоилковски потенцираше дека Буџетот се користи и за хранење на луѓе блиски до СДСМ. Еден од нив е Љупчо Зиков кој е директор во МЕПСО именуван од Влада и зема плата од 80 илјади денари.

Зиков ги анализира сите актуелности во општеството и ги оправудува политиките на Владата предводена од СДСМ. Дали некој прочитал мислење за актуелните теми поврзани со електроенергетски систем и енергетската криза, јас не сум слушнал, кажа Стоилковски.

Според него само за пет лица од Буџетот одат милион и 604 илјади денари за еден месец.

Ова значи дека е вносно да ги браниш ставовите на Владата и тоа се луѓе кои се дел од систем кој ја доведе државата на просјачки стап, заклучи Стоилковски.

The post Само за платите на Никола Љушев и Љупчо Зиков од Буџетот се одлеваат околу 13 илјади евра appeared first on Република.