Заменик претседателот на Владата и министер за транспорт, Александар Николоски, денеска оствари работна средба со заменик амбасадорката на САД, Никол Варнс, на која ја потенцирал одличната соработка меѓу двете земји и ја нагласил стратешката определба на Владата во насока на зајакнување на билатералната соработка со САД како наш најзначаен партнер и поддржувач.

Министерот Николоски, како што се наведува во соопштението, информираше за реформските процеси и приоритетите на Владата и Министерството за транспорт како клучни за подобрување на животниот стандард, економскиот раст и борбата против корупцијата за што беше нагласена и силната поддршка на страна на САД.

На средбата се отворија и прашања за развој на инфраструктурата за што министерот Николоски ја истакна огромната важност во исполнување на владините цели за реализација на капиталните проекти, како предуслов за побрз економски раст и развој и подобро регионално поврзување и интеграција. Се разговараше и за проектите што се планирани во идниот период, засилената динамика во работењето на коридорите 8 и 10, се посочува во соопштението.

Николоски зборувал и за проектите во железничкиот сектор, проектот за брзата железница како еден од поважните стратешки проекти.

Министерот Николоски ја истакна и стратешката определба на земјата за членство во Европската унија како и континуираниот придонес на Македонија во зајакнување на односите во НАТО Алијансата.  Двајцата соговорници се согласија на интензивирање на соработката меѓу двете земји, се посочува во соопштението од Министерството за транспорт и врски.

The post Средба Николоски-Варнс: Создавање на модерна инфраструктура е приоритет за Македонија и регионот appeared first on Република.

Премиерот Христијан Мицкоски денеска оствари средба со заменик-амбасадорката на Соединетите Американски Држави, Никол Варнс и командантот на Националната гарда на Вермонт, генерал мајор Грегори Најт.

Разговаравме за предизвиците на НАТО алијансата, нашата соработка и искористување на потенцијалите.
Мирот и стабилноста се важен сегмент за економскиот развој на државата.
Македонија активно придонесува во мисиите на НАТО Алијансата и е рамо до рамо со најголемите армии и сили кои го гарантираат мировниот процес, порача Мицкоски по средбата.

The post Мицкоски со Варнс и Најт разговараа за предизвиците на НАТО, нашата соработка и искористување на потенцијалите appeared first on Република.

Министерот за внатрешни работи Панче Тошковски оствари работна средба со заменик амбасадорката на Соединетите Американски Држави, Никол Варнс. На состанокот беше потврдена одличната соработка и стратешкото партнерство меѓу двете земји, информираат попладнево од Министерството за внатрешни работи.

- Акцентот на средбата беше ставен на тековните проекти, кои со поддршка на Амбасадата на Соединетите Американски Држави се спроведуваат во МВР, континуитетот во заедничката соработка во борбата против тероризмот, компјутерскиот криминал и други форми на организиран криминал, со цел зајакнување на безбедноста на државата, се наведува во соопштението.

Како што се додава, двајцата го потенцирале значењето на целокупната поддршка што Соединетите Американски Држави им ја даваат на Министерството за внатрешни работи и на државата во сите домени, а „особено во евроинтегративниот процес и беше изразена подготвеност за нејзино натамошно интензивирање и продлабочување, особено во делот на безбедноста и соработката против криминалот“.

The post Тошковски на средба со заменик амбасадорката на САД, Варнс appeared first on Република.