Италијанските власти денеска соопштија дека заплениле вила вредна 100 милиони евра (109 милиони долари) на Сардинија, во сопственост на поранешениот руски возач на автомобили Никита Мазепин и неговиот татко олигарх Дмитриј.

Финансиската полиција дала наредба за запленување на вилата Роки Рам во Порто Черво, на брегот на Коста Смералда на североистокот од италијанскиот остров, изјави владин претставник, пренесува Франс24.

Никита Мазепин (23) беше отпуштен од американскиот тим „Хаас“ во март, откако заедно со неговиот татко Дмитриј беше ставен на листата на санкционирани на ЕУ, а какоо дел од тесното опкружување на рускиот претседател Путин.

Италијанската полиција во последните недели заплени вили и јахти вредни над 900 милиони евра од богати Руси како дел од санкциите на Европската унија.
Највредната заплена досега е направена во Трст, а се работи за џиновска јахта на милијардерот Андреј Мелниченко, проценета на 530 милиони евра.

Извор: МИА

The post Италија ја заплени вилата на поранешен руски возач на Формула 1 appeared first on Република.

Возачот на Формула 1 тимот „Хаас“, Никита Мазепин најверојатно ќе биде исфрлен од ова натпреварување по одлука на раководнте структури. Ова секако е уште еден одговор на она што во моментов се случува во Украина, и воената инвазија од страна на Русија, на што целиот свет одлучи да реагира.

Формула 1 веќе ја суспендираше трката за Големата награда на Русија во Сочи, а донесе одлука и да биде тргната рекламата од болидот на „Хаас“ на компанијата Уралкали. Таа е во сопственост на таткото на Никита Мазепин, рускиот милјардер, Димитри Мазепин.

The post Русинот Никита Мазепин ќе биде исфрлен од Формула 1 appeared first on Република.