Трудов инспектор бил на терен за да направи увид по несреќите на двајца работници на работните места во Пробиштип, од кои едната се случи во рудник, а втората е во фабрика за акумулатори.

Од Државниот инспекторат за труд денеска за МИА велат дека го чекаат извештајот од инспекторот, по што ќе знаат како понатаму ќе постапат.

Според информациите од МВР несреќите се случиле во рудникот за олово и цинк во село Добрево и во фабриката за акумулатори во Пробиштип.

-Во понеделникот во 22:08 часот во Полициската станица Пробиштип, од Итна медицинска помош Пробиштип било пријавено дека кај нив со тешки телесни повреди бил донесен 38 годишниот Т.Ј. од Пробиштип. Според пријавеното, тој се здобил со повредите додека извршувал работни задачи во рудник во село Добрево, пробиштипско. Увид бил извршен.

Надлежните од Клиничка болница-Штип велат дека 38 годишниот Т.Ј е примен со тешки телесни повреди и е веднаш транспортиран во Клинички центар „Мајка Тереза“ во Скопје.

Втората несреќа се случила вчера во 00:48 часот. Во Полициската станица Пробиштип, од Итната медицинска помош Пробиштип било пријавено дека кај нив со тешки телесни повреди бил донесен 20 годишниот А.Р. од Пробиштип. Според пријавеното, тој се здобил со повредите при извршување работни задачи во фабрика за акумулатори во Пробиштип. Увид бил извршен и се работи на расчистување на случајот. Дваесет годишниот работник на вилушкар е примен во штипската Клиничка болница, каде што по прегледот, лекарите го пуштиле на домашно лекување, бидејќи бил со полесни повреди.

The post Трудов инспектор направил увид по двете несреќи во рудник и фабрика за акумулатори во Пробиштип appeared first on Република.

Северозападниот регион на Бугарија е на прво место во Европска Унија и во Европа по бројот на жртви во сообраќајни несреќи за 2021 година, покажуваат денеска презентираните податоци на Евростат.

Според податоците, во овој дел од најсиромашната членка на ЕУ годишно имало 133 жртви на еден милион жители.

Евростат наведува дека имало 19.917 жртви на сообраќајни несреќи во ЕУ во 2021 година, што е еднакво на 45 смртни случаи на еден милион жители.

Во 24 региони на ЕУ, жртвите биле над 80 на милион, со шест од овие региони во Романија, по три во Бугарија и Грција, по две во Хрватска, Полска и Португалија, а останатите шест се делат меѓу Белгија и Италија, се наведува во соопштението на Евростат.

Несреќите со жртви најчесто се случуваат во земјоделски области, а не во урбани средини. Местата каде што не се пријавени сериозни несреќи се во северниот дел на Италија и на југот на Шпанија. Брисел, Виена, Стокхолм и Бремен се градовите во ЕУ со најмалку жртви на сообраќајни несреќи, покажуваат податоците.

The post Северозападниот дел на Бугарија е на прво место по жртви во сообраќајни несреќи appeared first on Република.

Вчера на булеварот „Гоце Делчев“ во Струмица се случила сообраќајна несреќа помеѓу патничко возило „цитроен“ со струмички регистарски ознаки, управуванно од С.А. (52) од Струмица и патничко возило „шкода“ со струмички регистарски ознаки, управувано од Е.П. (25) од село Просениково, струмичко.

Во несреќата со тешки телесни повреди се здобила Ф.А. (63) од Турција, со привремен престој во село Еднокуќево, сопатничка од патничкото возило „цитроен“, констатирани во Медицински центар Струмица. Увид на местото на несреќата извршила екипа на полициската станица Струмица.

И во Битола во сообраќајка со тешки телесни повреди заврши Б.М. (73) од САД. На патот Прилеп – Ресен, на клучка за село Кажани, патничко возило „мерцедес“ со ресенски регистарски ознаки, управувано од Б.М. со привремен престој во село Грнчари, ресенско, излетало од патот. Тешките телесни повреди на возачот биле констатирани во Клиничка болница Битола. Увид на местото извршила екипа од СВР Битола.

The post Во две сообраќајки лица од Турција и САД завршиле со тешки телесни повреди appeared first on Република.

И вчерашниот ден не помина без несреќи во кои настрадаа мотоциклисти по македонските патишка.

Прво попладнето во 18.10 часот во СВР Тетово било пријавено дека на локалниот пат с.Камењане - с.Горно Седларце, тетовско, се случила сообраќајна несреќа помеѓу патничко возило „опел корса“, управувано од С.А.(34) од с.Камењане и мотоцикл, управувано од малолетник од с.Камењане, двете со тетовски регистарски ознаки. Во несреќата со тешки телесни повреди се здобил мотоциклистот констатирани во Клиничката болница Тетово. Извршен бил увид од увидна екипа од СВР Тетово.

Вечерта во 22.05 часот во ОВР Гостивар било пријавено дека на патот Гостивар-с.Вруток, кај с.Равен, С.О.(42) од с.Равен, гостиварско, со престој во Швајцарија, управувајќи мотоцикл со гостиварски регистарски ознаки, изгубил контрола и излетал од коловозот. На возачот му биле констатирани тешки телесни повреди во Медицинскиот центар Гостивар. Извршен бил увид од увидна екипа од ОВР Гостивар.

The post Малолетникот во судир, другиот излетал од пат – двајца тешко повредени мотоциклисти appeared first on Република.

Три лица се тешко повредени во три одделни сообраќајни незгоди што вчера се случиле на териоторијата на Македонија, а во која учествувале модед или мотоцикл.

Прво, во 12.45 часот во Полициската станица Струга било пријавено дека на ул.„ЈНА“ во Струга се случила сообраќајна несреќа помеѓу патничко возило „фолксваген пасат“ со охридски регистарски ознаки, управувано од А.Л.(39) од Охрид и мопед со струшки регистарски ознаки, управуван од М.Д.(44) од Прилеп, со место на живеење во Струга. Во несреќата со тешки телесни повреди се здобил М.Д., констатирани во Специјална болница „Св.Еразмо“ во Охрид. Извршен бил увид од увидна екипа од Полициската станица Струга.

Во 13.25 часот во Полициската станица Струмица било пријавено дека на булевар „Гоце Делчев“ во Струмица се случила сообраќајна незгода помеѓу патничко возило „голф“ со струмички регистарски ознаки, управувано од Љ.М.(68) од Струмица и мотоцикл „томос“ со струмички регистерски ознаки, управуван од П.П.(64) од Струмица. Во несреќата со тешки телесни повреди се здобил мотоциклистот, констатирани во Медицински центар Струмица, а увид на местото извршила екипа на Полициската станица Струмица.

Во 14.30 часот во Полициската станица Струга било пријавено дека на кружна крстосница од ул.„Партизанска“ и ул.„Маркс Енгелс“, Ј.Ц.В.Р.(72) од Холандија, управувајќи мотоцикл „хонда“ со холандски национални ознаки излетал од коловозот. Во несреќата со тешки телесни повреди се здобила сопатничката Ф.Ц.В.Р.(72) од Холандија, констатирани во Специјална болница „Св. Еразмо“ во Охрид. Извршен бил увид од увидна екипа од Полициската станица Струга.

The post Во еден ден три тешки несреќи со мотори, три лица тешко повредени appeared first on Република.

Двајца моторџии се тешко повредени во две одделни несреќи вечерва.

Прво во 19.00 часот во Полициската станица Неготино било пријавено дека на крстосница на ул.„Ленинова“ со ул. „Даме Груев“ во Неготино, В.К.(33) од Неготино управувајќи мотоцикл „јамаха“ без регистарски ознаки, изгубил контрола и удрил во куќа, по што го напуштил местото.

По несреќата, во болницата во Неготино на В.К. му биле констатирани тешки телесни повреди.

За настанот бил известен Јавен обвинител, а увид на местото на настанот извршила екипа од Полициска станица Неготино.

Во раните утрински часови, пак, околу 03.35 часот во СВР Скопје било пријавено дека на ул.„Осло“ во Скопје, мопед „хамачи“ со скопски регистарски ознаки, управуван од Б.А.(52) од Скопје, удрил во паркирано патничко моторно возило „рено талисман“ со скопски регистарски ознаки, паркирано од Б.М.(48) од Скопје.

По несреќата, Б.А. бил пренесен во Комплекс клиники „Мајка Тереза“ каде му биле констатирани тешки телесни повреди.

Увид на местото на настанот извршила екипа од СВР Скопје.

The post Eдниот се забил во куќа, другиот во паркирано возило – тешко повредени моторџии appeared first on Република.

Жена загина, а четири лица се тешко повредени во четири сообраќајни несреќи во кои биле прегазени пет лица во текот на вчерашниот ден.

Првиот инцидент се случил утрото  во 09.30 часот на ул.„Иво Рибар Лола“ во Тетово, кога патничко моторно возило „опел виваро“ со тетовски регистарски ознаки управувано од Ж.Р.(47) од Тетово удрило во Ж.А.(80) од Тетово. Во несреќата пешакот се здобил со тешки телесни повреди констатирани во Клиничката болница во Тетово, информираат од МВР, додавајќи дека извршен бил увид од увидна екипа од СВР Тетово.

Несреќата околу 18 часот, пак, беше кобна за 79-годишна кичевчанка, која загина на лице место.

https://republika.mk/vesti/crna-hronika/20-godishnik-usmrti-zena-vo-kichevo/

Во 19.00 часот било пријавено дека на ул.„Томе Арсовски“ во Скопје товарно моторно возило „фиат добло карго“ со скопски регистарски ознаки управувано од Т.С.(48) од Скопје удрило во Н.М.(88) и Р.П.(88), двете од Скопје. Во несреќата со тешки телесни повреди се здобиле Н.М. и Р.П. констатирани во Комплексот клиники „Мајка Тереза“ и Градската општа болница „8-ми Септември“. Извршен бил увид од увидна екипа од СВР Скопје.

Ноќта во 22.55 часот, пак, било пријавено дека во Охрид на ул.„Јане Сандански“ патничко моторно возило „цитроен“ со српски национални ознаки управувано од И.Н.(48) од Србија удрило во М.Н.(54) од Скопје. Во несреќата со тешки телесни повреди се здобила М.Н. констатирани во болницата „Св. Еразмо“ во Охрид. Извршен бил увид од увидна екипа од СВР Охрид.

The post Крвав ден за македонските пешаци: Жена загина, четворица со тешки повреди се во болница appeared first on Република.