Во ОВР - Неготино рано изутрина, во еден часот, било пријавено дека во неготинското село Криволак, настанал пожар во објект што се користел како фурна, информираат од Секторот за внатрешни работи - Велес.

Пожарот во објектот, сопственост на М.И. од селото Криволак, бил изгаснат од екипа на Територијалната противпожарна единица - Неготино. Нема повредени лица, увид извршила увидна екипа од ОВР - Неготино.

Оттаму информираат и дека синоќа во 23.25 часот, полициски службеници од ОВР - Кавадарци ги лишиле од слобода Л.Д., 53-годишно лице, А.Д. на возраст од 25 години и М.Д., на 21-годишна возраст, сите од Кавадарци.

По претходна пријава за нарушен јавен ред и мир со физичка пресметка помеѓу Л.Д. и А.Д., при преземање на службени дејствија од страна на полициски службеници, Л.Д., А.Д. и М.Д. ги нападнале полициските службеници. Лицата биле приведени во полициска станица и по документирање на настанот, против нив ќе бидат поднесени соодветни пријави, појаснуваат од СВР - Велес.

Претходно, пак, во 18.50 часот, полициски службеници од ОВР - Неготино го привеле 28-годишниот Е.М. од Неготинско, затоа што во дворот од семејната куќа физички го нападнал неговиот внук Б.М., на возраст од 18 години.

По документирање на настанот, против Е.М. ќе биде поднесена соодветна пријава, додаваат од СВР - Велес.

The post Изгоре фурна во неготинско Криволак appeared first on Република.

Денеска заедно со градоначалникот Горан Стојанов, присуствувавме на поставување на камен темелник на изградба на нов градски пазар во Општина Неготино, објави премиерот Мицкоски.

Изградбата на нов градски пазар е на местото каде што е и локацијата на постоечкиот и подразбира нов, затворен, модерен и најсовремен градски пазар каде ќе бидат поставени нови и современи метални тезги, ќе биде обезбеден полесен и безбеден пристап до пазарот, со еден збор Општина Неготино ја остварува долгогодишната желба на своите граѓани кои конечно ќе добијат градски пазар по највисоки стандарди.

Добро е кога се гради, добро е да си ја развиваме државата затоа што тоа го очекуваат граѓаните од нас. Ние ветувавме многу работа, чесна работа, посветена работа, напорна работа и тоа го правиме во овие први 50 дена од оваа Влада предводена од ВМРО-ДПМНЕ и Коалицијата ,,Твоја Македонија", така и ќе продолжиме понатаму.

The post Вака ќе изгледа новиот градски пазар во Неготино appeared first on Република.

Денеска е убав ден овде во Неготино почнува изградбата на градскиот пазар, едно преубаво издание, инвестиција вредна повеќе од 24 милиони денари пари кои што се финансирани од буџетот на општина Неготино, истакна премиерот.

Набрзо од денеска преку Министерството за локална самоуправа ќе објавиме повик до општините, да поднесат проекти кои што ќе бидат финансирани од централниот буџет.

Тоа што го добив како информација од градоначалникот веќе имаме некои такви проекти кои што се во фаза на одобрение за градба, значи веднаш може да се отпочне со процес на тендерирање и процес на реализација на тие проекти. И тоа е добро.

Добро е кога се гради, добро е да си ја развиваме државата затоа што тоа го очекуваат граѓаните од нас, тоа го ветувавме, за тоа и се залагавме дека ние чуда не можеме да ветуваме, ниту да се обврземе, чуда се невозможни ,тие кои ветуваа чуда се лажговци.

Ние ветувавме многу работа, чесна работа, посветена работа, напорна работа и тоа го правиме во овие први 50тина дена од оваа Влада предводена од ВМРО-ДПМНЕ и коалицијата Твоја Македонија, така и ќе продолжиме понатаму.

Важно е дека полека но сигурно надежта се враќа, оптимизмот се враќа и тоа е она кое што е наша задача и наша цел како Влада.

The post Мицкоски: Во Неготино почна изградбата на нов градски пазар, инвестиција вредна над 24 милиони денари appeared first on Република.

Со тешки повреди се здобило едно лице, откако возило удрило во паркиран автомобил во Неготино, информираат денеска од Секторот за внатрешни работи - Велес.

Вчера во 15.30 часот во Полициската станица - Неготино, пријавено било дека на улицата „Маршал Тито“, патничко возило „фолксваген голф“ со неготински регистарски ознаки, управувано од С.П.(49) од Неготино, удрило во паркирано патничко возило „фолксваген поло“ со велешки регистарски ознаки, сопственост на Љ.Т.(55) од Неготино, појаснија од СВР - Велес.

Во несреќата со тешки телесни повреди се здобил возачот С.П., а неговите сопатници А.П.(43) од Охрид и З.А.(48) од Неготино се здобиле со телесни повреди, констатирани во неготинската болница.

Увид на местото на несреќата извршила увидна екипа од Полициската станица - Неготино.

The post Неготинец се заби во паркирано возило, три лица повредени appeared first on Република.

Во пожар изгорела штала од коњички клуб во Неготино, но коњите се спасени. Оваа информација за МИА ја потврди командирот на неготинската територијална противпожарна единица, Столе Атанасов.

На пожарот интервениравме со три противпожарни возила и осум пожарникари. Огнот е изгасен, но сепак наша екипа е се уште на лице место и го проверува теренот. Засега не се знаат причините за пожарот и материјалната штета, дополнително ќе се утврдуваат, појасни Атанасов.

The post Во пожар изгоре штала на коњичкиот клуб во Неготино, коњите се спасени appeared first on Република.

Два физички напади биле пријавени на 1 август во неготинската полиција, информираат од СВР Велес.

На 1 август во 11.15 часот во Полициска станица Неготино, неготинецот Љ.Т.(65) пријавил дека пред објект во Неготино, бил физички нападнат од сограѓанинот П.В.(51). По документирање на настанот, против П.В. ќе биде поднесена соодветна пријава, соопштија од СВР Велес.

Од Секторот за внатрешни работи соопштија дека истиот ден во 16.55 часот, полициски службеници од ОВР Неготино го лишиле од слобода С.В.(71) од село Криволак, неготинско.

Тие постапиле по пријава од С.Д.(42) од истото село, дека во селото по кратка расправија, бил физички нападнат од С.В. со метален предмет. Исто така, според пријавеното, С.В. му се заканувал со остар предмет. С.В. бил задржан во полициска станица, а предметите биле пронајдени и одземени. Известен бил јавен обвинител и по документирање на настанот, ќе биде поднесена соодветна пријава, појаснија од СВР Велес.

The post Жител на Криволак со нож нападнал соселанец, неготинец претепал сограѓанин: Многу работа за неготинската полиција appeared first on Република.

Мајка пријавила син за агресивност, оштетување покуќнина и пожар во соба и затоа лишен од слобода бил жител на неготинско село, информираа денеска од СВР Велес.

Вчера во 15.15 часот, полициски службеници од ОВР Неготино го лишиле од слобода М.А.(27) од неготинско село, постапувајќи по претходна пријава од неговата 50-годишна мајка дека агресивно се однесувал кон неа, оштетил дел од покуќнината и предизвикал пожар во една од собите. М.А. бил задржан во полициска станица, известен бил јавен обвинител и по документирање на настанот против него ќе биде поднесена соодветна пријава, соопштија од Секторот за внатрешни работи.

СВР Велес соопшти дека подоцна во 20 часот, било пријавено дека во продажен објект во Неготино, бил нарушен јавниот ред и мир со физичка пресметка помеѓу 23 - годишник од село Тимјаник, Неготинско и 35-годишна неготинка. По документирање на настанот против нив ќе бидат поднесени соодветни пријави.

Истовремено, во ОВР Неготино, 39 - годишен од село Челевец, Демиркаписко, пријавил дека на плоштадот во Демир Капија бил физички нападнат од жител од село Бистренци. Се преземаат мерки за расчистување на случајот.

The post Син нападнал мајка, ѝ кршел по дома па запалил и соба appeared first on Република.

Утринава е мирно на Серта, гори на неколку мали локации, информираше денеска неготинскиот градоначалник Горан Стојанов.

– Извршив посета на планината Серта каде неколку денови има пожар. Од она што можев да го регистрирам, но и од информациите од вклучените во гаснењето на пожарот, утринава е мирно и пламените јазици речиси и да ги нема. Проблемите почнуваат со покачување на температурата и присуството на ветер. На терен и покрај мирната состојба се присутни и активни голем број чинители. Ја следиме состојбата и дополнително ќе информираме, соопшти тој.

Пожарот на Серта избувна во средата околу 10:30 часот и во изминатите денови таму се гаснеше од земја и воздух.

Доцна синоќа, Кризниот штаб на Општина Неготино донесе заклучок да се побара од ДЗС дополнителна противпожарна опрема, од СВР Велес обезбедување дрон за подобра прегледност на теренот и од Македонија пат, механизација.

– Пожарот на планината Серта е се уште активен, битката со огнот продолжува. И покрај натчовечките напори вложени во гаснењето на пожарот на планината Серта од страна на сите учесници и дејствувањето од воздух и од земја, сепак пожарот не е ставен под контрола и се уште е активен, било констатирано на состанокот на Штабот.

Надлежните како причина за тешкотиите при гаснењето ги навеле непристапниот терен, густата вегетација, високите температури и ветерот кој често го менува правецот.

На состанокот на Кризниот штаб на општина Неготино, заклучено било активностите за гаснење пожар од воздух и земја и со расположливите ресурси, да продолжат и денеска.

The post Пожарот на Серта смирен, гори на неколку мали локации appeared first on Република.

Кризниот штаб на Општина Неготино побара од ДЗС дополнителна противпожарна опрема, од СВР Велес обезбедување дрон за подобра прегледност на теренот и од Македонија пат, механизација, ова е заклучокот од вечерашниот состанок на Штабот.

Пожарот на планината Серта е се уште активен, битката со огнот продолжува и утре. И покрај натчовечките напори вложени во гаснењето на пожарот на планината Серта од страна на сите учесници и дејствувањето од воздух и од земја, сепак пожарот не е ставен под контрола и се уште е активен, било констатирано на состанокот.

Надлежните како причина за тешкотиите при гаснењето ги навеле непристапниот терен, густата вегетација, високите температури и ветерот кој често го менува правецот.

На вечерашниот состанок на Кризниот штаб на општина Неготино, заклучено било активностите за гаснење пожар од воздух и земја и со расположливите ресурси, да продолжат утре во раните утрински часови.

The post Кризен штаб Неготино побара дополнителна противпожарна опрема, обезбедување дрон за подобра прегледност на теренот и механизација appeared first on Република.

Двата далекуводи на потегот од Пепелиште кон село Лакавица се исклучени од безбедносни причини со цел да се овозможат безбедни услови за интервенција од воздух и копно во гаснењето на пожарот. Исклучувањето нема никакви последици во тековното снабдување со електрична енергија, информираа попладнево од АД МЕПСО.

– Дежурните далекуводни екипи на АД МЕПСО, во текот на изминатата ноќ и во раните утрински часови работат на терен и ја следат ситуацијата со огнената стихија која го зафати потегот од Пепелиште кон село Лакавица, каде што транзитираат 400kV далекувод ТС Дуброво – ТС Штип 1 и 110kV далекувод ТС Дуброво – ТС Бучим. Во координација со тимовите кои учествуваат во гаснењето на огнената стихија, двата далекуводи се исклучени од безбедносни причини, а се со цел овозможување на безбедни услови за интервенции како од воздух, така и од копно. Исклучувањето на далекуводите не предизвикува никакви последици во тековното снабдување со електрична енергија, се наведува во информацијата од АД МЕПСО.

Оттаму посочуваат дека согласно одлуката и препораките на Владата за кризна состојба, екипите на АД МЕПСО, ќе ги насочат своите тековни теренски активности кон превентивно и активно учество во следење на состојбите со пожарите во близина на далекуводните траси.

The post Исклучени два далекуводи во неготинско од безбедносни причини, нема прекини во снабдувањето со струја appeared first on Република.

Министерот за одбрана Владо Мисајловски и Министерот за внатрешни работи Панче Тошковски директно од Њујорк се упатија на опожарените места каде со Директорот на ЦУК Стојанче Ангелов ќе направат увод на состојбата.

Во меѓувреме, припадниците на Армијата се справуваат со пожарите во Неготинско на тешко пристапниот терен на земја и од воздух. Тие утринава се вклучија во гаснењето на пожарите во неготинскиот регион во координација со сите инволвирани субјекти на многу тешко пристапниот терен на планината Серта со цел локализирање на пожарот и негово ставање под контрола.

Двата хеликоптера од составот на воздухопловниот ВИНГ во претпладневниот период интервенирале со 22 ведра и исфрлени се 44 тони вода на локациите на кои било побарано.

The post Министрите Мисајловски и Тошковски од Њујорк, директно во Неготино и опожарените места appeared first on Република.

На координацијата на Градоначалникот на Кавадарци, Митко Јанчев, секретарот на Општина Неготино Марија Нацева, Стојанче Ангелов од ЦУК, како и командирите на ТППЕ Кавадарци и Неготино и ЈП Комуналец од Кавадарци и Неготино, за утре рано наутро покрај луѓе се обезбедени два авиони, три хеликоптери, шест цистерни, пет големи булдожери, три багери и една утоварна, со цел поголема ефикасност во гаснењето на пожарот во неготинско. Информацијата ја соопшти градоначалникот на Кавадарци, Митко Јанчев.

Четврти ден не може да се локализира и изгасне пожарот кој започна кај Пепелиште, Неготино, и ја зафати планината Серта. Алармантна е состојбата со пожарот кај Неготино, а пламените јазици се доближуваат до патот и се загрозени околу 150 куќи.

The post Oбезбедени се два авиони, три хеликоптери, шест цистерни, пет големи булдожери, три багери и една утоварна за пожарот во неготинско appeared first on Република.

Кризниот штаб на Неготино побара од Министерството за одбрана вклучување на војници на АРМ во гаснењето на пожарот на планината Серта, покрај постојните сили што веќе неколку денови го гаснат пожарот од земја, се вели во известувањето од неготинскиот градоначалник Горан Стојанов.

Тој информира дека од утрово, пожарот на Серта се гасне со воен хеликоптер и два авиона за гаснење пожари.

Врз основа на дописот од Кризниот штаб на Oпштина Неготино, за поддршка од надлежните институции за вклучување во гаснењето на пожарот на планината Серта и остварената комуникација со одговорните лица, од утрово во гаснењето на пожарот се вклучени еден воен хеликоптер и два авиона што од воздух со испуштање количини вода, прават напори пожарот да биде изгаснат, соопштува Стојанов.

Од Кризниот штаб на Општина Неготино апелираат до граѓаните за почитување на мерките и препораките дадени изминатите денови од кога е и активен пожарот на Серта.

Пожарот избувна во средата околу 10:30 часот.

The post Војници на АРМ да се вклучат во гаснење на пожарот на планината Серта, бара кризниот штаб на Неготино appeared first on Република.

Штабот за заштита и спасување при Општина Неготино и денеска излезе со апел и понатаму да нема движење во делот зафатен од големиот пожар на планината Серта. Штабот утринава одржа координативен состанок на кој се дискутираше моменталната состојба со пожарот.

Уште во седум часот утринава за сите кои учествуваат во акцијата за гаснење на пожарите обезбедена е храна, а на секои два часа се обезбедува и вода за пиење. Во акцијата за гаснење на пожарот, покрај неготинската територијална противпожарна единица вклучени се ТППЕ од општина Кавадарци, Гевгелија, Штип и Свети Николе заедно со механизација и пожарникари, ЈП „ Комуналец“ Неготино и ЈП „ Комуналец “ Кавадарци, Ловечко друштво „ Вардар “ Неготино како и тимови од Дирекција за заштита и спасување, соопштија од Штабот за заштита и спасување.

Оттаму нагласија дека во моментов се работи на терен за локализација на пожарот.

Воедно уште еднаш упатуваме апел до сите граѓани се уште да не се движат во населените места кои беа зафатени од пожарот, додека не се стави под контрола, апелираа од Штабот.

Големиот пожар на планината Серта избувна во средата околу 10.30 часот.

The post Неготино со апел и понатаму да нема движење во делот зафатен од големиот пожар appeared first on Република.

Во 21.30 часот ќе се одржи вонредна седница на советот на општина Неготино на која ќе биде активиран и кризниот штаб.

По седницата ќе следи детално соопштение за пожарот на Конечка планина (Серта) и планираните активности за негово гаснење.

https://republika.mk/vesti/crna-hronika/pozhar-kaj-pepelishte-bez-kontrola-se-shiri-vo-blizina-na-patot-negotino-shtip/

The post Активиран кризен штаб поради неконтролираното ширење на пожарот во Неготинско appeared first on Република.

Центарот за управување со кризи (ЦУК) информира дека имало вкупно 2 281 повици на Единствениот повикувачки број за итни случаи 112 во ЦУК, во последното деноноќие.

На 112 е добиена и пријава од гром во Неготино, по што на улица „Пано Калајџиски“ и околината, при што имаше прекин на електрична енергија и штети на уништени апарати во домаќинството како последици од громот.

Екипите на „ЕВН Македонија“ веднаш реагираа на лице место и го отстранија дефектот.

The post Гром што удрил во Неготино уништил апарати во домаќинството appeared first on Република.

Невреме со дожд и силен ветер ја зафати попладнево општина Неготино. Неготинскиот градоначалник Горан Стојанов за МИА изјави дека според првичните информации, нема поголеми штети.

Едно дрво е уништено од невремето во центарот на градот и веднаш беше пристапено кон расчистување на теренот. Се следи состојбата и ќе се интервенира соодветно, секаде каде што евентуално би имало потреба од општинска поддршка и помош, нагласи тој.

The post Интензивен дожд и силен ветер: Невреме го погоди Неготино appeared first on Република.

Неготинец е лишен од слобода бидејќи не почитувал судска забрана и им се заканувал на мајка си и братот, информираа денеска од СВР Велес.

Синоќа во 20 часот полициски службеници од ОВР Неготино го лишиле од слобода М.А.(27) од неготинско село, постапувајќи по претходна пријава од неговиот 28-годишен брат, според која тој не го почитувал решението од Основен Суд Неготино со мерка забрана за приближување и влегување во домот, па дошол во домот и им упатил закани на пријавителот и нивната мајка, појаснија од СВР Велес.

Оттаму информираа дека З.М. бил задржан во полициска станица, известен бил јавен обвинител и по документирање на настанот, против него ќе биде поднесен соодветен поднесок.

The post Имал забрана за приближување, но пак се вратил дома за да ги малтретира мајка му и брат му appeared first on Република.

Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.

- Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок, соопштија од СВР Велес.

Оттаму додадоа дека завчера во 22.00 часот, во ОВР Неготино било пријавено дека на улица „Киро Крстев“ во градот, во дворот од семејната куќа на Ѓ.Т.(43), по кратка расправија, бил нарушен јавниот ред и мир со физичка пресметка помеѓу Ѓ.Т. и М.Ј.(32) од Неготино.

Полициски службеници излегле на местото, со двете лица бил извршен службен разговор и по документирање на настанот, против нив ќе бидат поднесени соодветни пријави.

The post Ѝ дошол дома и покрај забраната за приближување – уапсен неготинец насилник appeared first on Република.

На Единствениот повикувачки број за итни случаи 112 во Центарот за управување со кризи (ЦУК) е добиена информација за падната возрасна жена во стрмен засек покрај пат, откако се лизнала при движење по земјениот пат од Неготино кон село Тимјаник, соопшти денеска ЦУК.

По пријавата, веднаш биле известени полицајците од ПС Неготино и пожарникарите од ТППЕ Неготино, како и Итната медицинска помош.

Во првото нејзиното јавување информирала дека не можела да излезе сама од таму, но се обидувала, па подоцна и успеало во момент кога спасителите дошле во близина, на лице место. Конкретно, екипа од ПС Неготино итно отишла на лице место на настанот и го пронашло возрасното женско лице на земјениот пат. Иако паднато возрасно женско лице немало видливи повреди, сепак, превентивно е преземено од Итната медицинска помош и со возило е однесено до локалната амбуланта, наведува ЦУК во соопштение.

Во последното деноноќие на Единствениот повикувачки број за итни случаи 112 имало 1 951 повик, за отстранување вода од улици, паднати дрвја и одрони, како и за еден пожар на отворено.

The post Неготинските полицајци и пожарникари спасуваа жена што се струполи покрај пат appeared first on Република.