Неточна е информацијата која беше објавена во јавноста дека исчезнатата Вања Ѓорчевска се качила во автомобил близу „Броз кафе“ вели нејзината мајка, објави „Скопје1“.

МВР трет ден трага по 14-годишното девојче кое тргнало на училиште, но оттогаш му се губи секоја трага.

За шпекулацијата во јавност, дека девојчето се качило во некаков автомобил, а за што, објавувачот тврдеше во коментари на социјалните мрежи, мајката за „Скопје1“ таа вели: „Не, не, не. Тоа беше прегледано. Тоа е муабет рекла-казала, начул, сакал да помогне, да пише.. Значи таа информација е шпекулација, односно пред се рекла-казала“.

Мајката на исчезнатата Вања, посочува дека полицијата неуморно работи за пронаоѓање на нејзината ќерка. Смета дека на истрагата нема да влијае ниту Самитот на ОБСЕ кој се одржува во Скопје.

The post Не е точно дека Вања се качила во автомобил близу „Броз кафе“, вели мајката на исчезнатата 14-годишна девојка по која МВР трага трет ден appeared first on Република.