Кошаркарска историја е испишана на драфтот во НБА лигата, откако ЛА Лејкерс го избра во своите редови 19-годишниот Брони Џејмс синот на легендарниот Леброн Џејмс, со што првпат во историјата татко и син ќе играат во ист тим.

Американските медиуми претходно јавија дека агентот Рич Пол наводно се заканил дека Брони ќе ја продолжи кариерата во Австралија, доколку не биде избран од ЛА Лејкерс.

Брони Џејмс беше 55 избор на драфтот, а во НБА лигата се сели од универзитетскиот тим УСЦ.

Неговиот татко Леброн Џејмс дебитираше во НБА лигата во 2003 година, а дресот на ЛА Лејкерс го носи од 2018.

The post НБА историја: Синот на Леброн ќе игра со татко му во Лејкерси appeared first on Република.

 Сан Антонио очекувано на овогодишниот НБА драфт одржан изминатата ноќ во Њујорк како прва опција го избраа 19-годишното француско кошаркарско чудо Виктор Вембанјама, кој во најдобрата лига на светот доаѓа откако на големо изненадување ја однесе екипата на Булоњ до финалето во францускиот шампионат.

Висок 223 сантиметри, Вембанјама поседува одлична кошаркарска техника поради што може подеднакво квалитетно да игра во и надвор од рекетот.

Речиси сите кошаркарски експерти се едногласни во оценката дека 19-годишниот Французин ќе блесне во НБА лигата веќе во својата дебитантска сезона, а неговото доаѓање меѓу најдобрите светски кошаркари привлече најголемо внимание уште од 2003 година кога прв избор на драфтот беше Леброн Џејмс.

„Ова е остварување на нешто за што сонував целиот живот“, изјави Вембанјама на драфт церемонијата во Њујорк.

The post Францускиот феномен Вембанјама прв пик на НБА драфтот appeared first on Република.