Повторно има пожар во Гоцева шума кај Неготино. Постои сомнеж дека некој намерно ги пали боровите дрвца, изјави попладнево за МИА неготинскиот градоначалник Горан Стојанов. Оваа спомен шума гореше и вчера, а на терен гаснеа неготински и кавадаречки пожарникари, по што беше ставен под контрола.

Стојанов апелираше на совесност и внимателност во услови на високи температури, особено да се внимава при фрлање на отпушоци од цигари и при работа на земјоделски имоти.

Спомен шумата беше подигната во 1972 година, во чест на 100 години од раѓањето на Гоце Делчев.

The post Стојанов: Повторно пожар во Гоцева шума, постои сомнеж дека некој намерно ги пали боровите дрвца appeared first on Република.