Долорес Лео Поповиќ ја доби наградата за најдобро актерско остварување на 32. издание на Фестивалот на камерен театар „Ристо Шишков“, кој синоќа заврши во Струмица. Наградата ја доби за улогата на на Ања во претставата „Кенди“, според романот на Лук Дејвис, во режија на Тамара Стојаноска, независна продукција „Златен Елец“ од Скопје.

Наградата, која се состои од златен медалјон со ликот на Шишков, парична награда во износ од 1.500 евра и плакета, ќе му биде врачена дополнително.

Одлуката на фестивалското жири ја образложи претседателот, ланскиот лаурет, Јордан Симонов, во кое покрај него играта на актерите ја оценуваа Билјана Крајчевска и Алксандар Ивановски.

Бавејќи се со неопходноста на преиспитување и толкување на современоста,  преку  еден ненападен, суптилен актерски јазик Долорес Лео Поповиќ естетски го обликува проблемот и општественото-политичките односи во кои живееме, создавајќи автентичен  моќен лик што покрај актерска естетика и слобода во уметничкото креирање постанува клучно средство за постигнување и негување како на општествената така и на индивидуалната способност за емпатија, но и за постигнување на општествена акција, зашто уметноста – тетарот е оној којшто инспирира во изградбата на подобар и поправеден свет, рече Симонов.

Завесата на годинашното фестивалско издание ја спуштија актерите од Драмски театар од Скопје со претставата „Падот на Масада“ од Венко Андоновски во режија на Дејан Пројковски, која беше и последна претстава во официјална конкуренција.

The post Наградата „Ристо Шишков“ за Долорес Лео Поповиќ appeared first on Република.

Актерот на Македонскиот народен театар (МНТ) Јордан Симонов е лауреат на 31. Меѓународен фестивал на камерен театар „Ристо Шишков“ кој се одржува во Струмица.

Жири-комисијата во состав: Дарја Ризова, Мими Таневска и Иван Додовски, едногласно ја доделија престижната награда за највисоко актерско остварување „Ристо Шишков“ на Симонов за улогата на Павле во претставата „Лагата“ од Флоријан Зелер, во режија на Бесфорт Идризи, а во продукција на Македонскиот народен театар од Скопје.

Како што истакна жири-комисијата, Јордан Симонов, со внимателно избрани актерски средства, успева да оствари моќна и осмислена улога. Тој покажува особено чувство за партнерска игра и вешто го води ликот, кој во себе крие тајни, од привидна наивност до длабока перфидност. Со својата способност за трансформација, Јордан Симонов доминира на сцената, субверзивно поигрувајќи си со очекувањата на публиката, на работ меѓу комичното и неверојатното, меѓу лагата и вистината.

https://republika.mk/vesti/kultura/nie-ja-ziveeme-lagata/

The post Актерот на МНТ Јордан Симонов е лауреат на Фестивалот на камерен театар „Ристо Шишков“ appeared first on Република.