Спортскиот работник, тренер и претседател на Таеквондо федерацијата на Македонија, Борче Костовски, е добитник на годинашната награда за животно дело „8 Септември“.

Најголемиот успех Костовски го постигна како тренер на олимпиецот Дејан Георгиевски, кој го освои сребрениот медал на Олимписките игри во Токио во 2021 година.

На свеченоста по повод доделувањето на наградите што се одржа денеска во во Собранието, Костовски истакна дека ништо не е невозможно за тој што ќе се осмели.

– Една мала група на одбрани се осмеливме да направиме чекор од Скопје до Токио, чекор кој трае седум години.

Се осмеливме да освоиме олимписка норма, да ги погледнеме најсилните противници во нашиот спорт во очи и да ги победиме.

Се осмеливме да стигнеме во олимписко финале на олимписки игри, сето тоа резултираше со сребрен медал и со поставување на нашето знаме на олимпискиот медал, истакна тој.

Костовски се заблагодари и наградата ја посвети на својот татко и целата, како што рече, „чесна работничка класа“.

Министер за спорт и млади, Борко Ристовски, на настанот истакна дека сите пријавени кандидати биле заслужено на листата.

– Би сакал да порачам ова да биде само еден поттик за уште повеќе да имам следната година пријавени, ние како држава и министерство да имаме уште повеќе награди да доделуваме.

Како министерство секогаш ќе бидеме на страна на спортистите и спортските работници.

Овие награди кои ги добивате се огромна чест, но и огромна одговорност, да ги носите со гордост и со достоинство и да бидете достојни претставници на македонското општество кое врз база на вашите дејствувања ќе гледа во вас идоли и ќе се градиме како општество, рече министерот.

Признанија за остварувања во областа на спортот денеска им беа доделени и на Мирко Димчевски, Рамадан Шабани, и Димитар Јованов од борење, како и на првиот стрелец за Македонската фудбалска репрезентација, Зоран Бошковски.

The post Костовски: Ништо не е невозможно за тој што ќе се осмели, благодарен сум за наградата „8 Септември“ appeared first on Република.

Спортскиот работник, тренер и претседател на Таеквондо федерацијата на Македонија, Борче Костовски, е добитник на годинашната награда за животно дело „8 Септември“, што ќе биде доделена денеска на свеченост во Собранието.

Најголемиот успех Костовски го постигна како тренер на олимпиецот Дејан Георгиевски, кој го освои сребрениот медал на Олимписките игри во Токио во 2021 година.

Покрај Костовски, Одборот за доделување на државната награда „8 Септември“ ќе им додели признанија за остварувања во областа на спортот и на Мирко Димчевски, Рамадан Шабани, Зоран Бошковски и Димитар Јованов.

Наградите ќе бидат врачени во Кристалната сала на Собранието на Република Македонија во 11 часот.

The post Заслужено признание за тренерот на Дејан Георгиевски: Во Собранието ќе биде доделена наградата „8 Септември“ appeared first on Република.

Борче Костовски, спортски работник, тренер и претседател на Таеквондо федерацијата на Македонија е добитник на годинашната награда за животно дело „8 Септември“.

Најголемиот успех, Костовски го постигна како тренер на олипиецот Дејан Георгиевски, кој го освои сребрениот медал на Олимписките игри во Токио.

Покрај Костовски, признанија за остварувања во областа на спортот ќе им бидат доделени и на Мирко Димчевски, Рамадан Шабани, Зоран Бошковски и Димитар Јованов.

Наградите ќе бидат врачени утре во Кристалната сала на Собранието.

The post Борче Костовски добитник на наградата „8 Септември“ appeared first on Република.

Во Кристалната сала на Собранието денеска Одборот за доделување на државната награда „8 Септември“ ќе врачи награди од областа на спортот за 2022 година, кои се доделуваат на спортисти, тренери и спортски работници за остварувања во областа на спортот.

Чедо Николовски е овогодинешниот добитник на наградата за животно дело за исклучителен придонес во развојот на спортот, афирмацијата и промоцијата на Република Македонија на меѓународен план.

Наградите со кои се оддава признание на спортисти, тренери и спортски работници за остварувања во областа на спортот им се доделуваат на: Атанас Костовски, Зоран Карановиќ, Стојан Андриевски и Ацо Јорданов.

The post Доделување на државната награда „8 Септември“ appeared first on Република.