Владата се вклучи во решавањето на проблемот со недостигот на нафта за автобусите на ЈСП Скопје. На денешната вонредна седница е донесена одлука со која ќе се овоможи на градот Скопје да му се позајмат дел од нафтените резерви на државата.

Како што брифираат за МИА од Владата, денеска, меѓудругото, Бирото за јавни набавки донесе одлука со која се исполнети условите за спроведување на постапка со преговарање без објавување на оглас за да се скрати периодот за набавка на дериватот потребен на градот Скопје.

Со ова, како што се потенцира, Владата го затвора прашањето со настаната потешкотија во работењето на градското претпријатие за јавен сообраќај.

На вонредната седница на која се расправаше за недостигот на енергенси за обавување на јавниот сообраќај на територијата на Град Скопје, била констатирана лошата состојба и недостиг на гориво за потребите на Јавното сообраќајно претпријатие при што Владата се вклучи во решавање на овој проблем.

https://republika.mk/vesti/skopje/skandalot-se-prodlabochuva-finansiska-politsija-gi-cheshla-javnite-nabavki-za-mazut-vo-jsp/

Веќе втор ден на улиците на Градот Скопје сообраќаат по триесетина автобуси на градското сообраќајно претпријатие поради недостиг на нафта. Граѓаните со часови чекаат автобус.

The post Готово е: Владата одлучи со нафта од државните резерви да се реши проблемот со автобусите низ Скопје appeared first on Република.

Проблемот со јавниот градски превоз во Скопје и малиот број на автобуси кои сообраќаат низ градот е поради недостигот на гориво. Нема дистрибуција на нафта од „Пуцко Петрол“ за ЈСП „Скопје“ поради голем долг, вели за МИА Миќо Стојановски од ССМ ЈСП Скопје.

Причина за тоа е меѓусебниот однос меѓу градоначалничката Данела Арсовска, претседателот на Советот на Град Скопје Трајко Славески и Советот на Град Скопје и одлуките кои ги носат. Имаше најава од Град Скопје дека ќе се нормализира дотурот на нафта за ЈСП, но тоа не се случува. Проблеми со нафта има и ЈП „Комунална хигиена“ Скопје поради што само дел од камионите собираат смет. Затоа сите синдикати на јавните градски претпријатија планираме од понеделник да одржиме заеднички состанок на кој ќе одлучиме какви мерки ќе преземеме, изјави Стојановски за МИА.

The post Ножот дојде до коска: Нема дистрибуција на нафта од „Пуцко Петрол“ за ЈСП „Скопје“ поради голем долг appeared first on Република.

Организацијата на земјите извознички на нафта (ОПЕК) во својот најнов ноемвриски месечен извештај, објавен денеска, повторно ја намали прогнозата за раст на глобалната побарувачка на нафта оваа и следната година.

Како што е наведено, ОПЕК ја ревидираше надолу својата прогноза за побарувачката на нафта четврти пат по ред, пренесува Независне новине.

Нафтениот картел сега очекува глобалната побарувачка на нафта да се зголеми за 1,82 милиони барели дневно оваа година, што е помалку од октомвриската проценка за раст на побарувачката од 1,93 милиони барели дневно.

Ревидираниот раст на светската побарувачка е првенствено последица на послабата побарувачка за енергенси во Кина, но и во Индија и другите азиски и африкански пазари.

The post ОПЕК повторно ја намали прогнозата за раст на побарувачката на нафта appeared first on Република.

На девизните пазари доларот се зголеми до однос на останатите валути.

Индексот на доларот кој ја покажува вредноста кон другите шест најважни светски валути, утрово се движи со 105,5 поени, додека во вторникот навечер изнесуваше 104,95 поени.

Истовремено курсот на доларот во однос на јапонската валута поразна за околу 0,5%.

Американската валута зајакна во однос на еврото, па цената на еврото падна на 1,0715 долари, додека во петокот вечерта беше 1,0718 долари.

Цените на нафтата, пак, паднаа, откако минатата недела пораснаа за околу 1 отсто.

The post Доларот бележи раст, нафтата пак пад на цената appeared first on Република.

Европската канцеларија за борба против измами (ОЛАФ) започна истрага во врска со наводите дека некои земји под друг бренд во ЕУ препродаваат руска нафта, чиј увоз во ЕУ е опфатен со режимот на санкции против Русија.

Случајот се третира како обид за заобиколување на санкциите што ЕУ ги воведе кон Русија поради руската инвазија врз Украина. Забраната за увоз на руска нафта во Унијата беше воведена со пакетот санкции усвоен во февруари 2023 година.

Истрагата следи откако некои медиуми објавија дека милиони барели руска нафта најверојатно се пласираат на пазарот во ЕУ откако претходно биле „ребрендирани“ во други земји, меѓу кои и Турција и Бугарија.

Според наводите на „Политико“ на овој начин во изминатите 12 месеци во ЕУ била извезена руска нафта преку Турција, од што Русија заработила околу три милијарди евра. Овој трансфер на руска нафта под променет бренд на потекло, се вршел преку три турски пристаништа.

Дополнително, според истите тврдења, минатата година Русија заработила околу милијарда евра од пласман на своја нафта во ЕУ преку Бугарија.

„Политико“ наведува дека ова ги покажува креативните начини на кои Русија прави обиди за заобиколување на санкциите на ЕУ и ја штити својата трговија со фосилни горива, од која Москва обезбедува речиси половина од своите приходи.

Истрагата доаѓа во време на заладени односи меѓу Брисел и Анкара поради турската соработка со Русија и покрај обидите на Турција за делумно усогласување со американските санкции кон Москва.

The post ОЛАФ започна истрага за увоз на „ребрендирана“ руска нафта во ЕУ appeared first on Република.

На валутните пазари во средата во претпладневното тргување благо порасна вредноста на американскиот долар во однос на кошничката на валути.

Индексот на доларот, кој ја искажува вредноста на американскиот долар во однос на другите шест најважни светски валути, претпладнево се движи околу 102,50 поени, додека вчера во истиот пресек од тргувањето изнесуваше 102,40 поени.

Истовремено, курсот на доларот во однос на јапонската валута порасна од вчерашните 147,80 на 148,30 јени.

Американската валута зајакна и во однос на европската, па цената на еврото се лизна на 1,0975 долари, додека во истиот период од вчерашното тргување изнесуваше 1,0980 долари.

Цените на нафтата, пак, пораснаа по вчерашниот остар пад. Цената на барелот на лондонскиот пазар претпладево зајакна за 0,47 отсто, на 77,55 долари, додека на американскиот пазар цената на барелот порасна за 0,37 отсто, на 73,85 долари.

The post Доларот зајакна, нафтата поскапе appeared first on Република.

На валутните пазари вредноста на американскиот долар во однос на кошницата валути во вторникот во претпладневното тргување се лизна од највисоките нивоа во последните седум седмици.

Индексот на доларот, кој ја покажува вредноста на американската во однос на другите шест најважни светски валути, претпладневно се движи околу 102,40 поени, додека вчера во истиот период од тргувањето изнесуваше 102,50 поени.

Истовремено, курсот на доларот во однос на јапонската валута се лизна од вчерашните 148,45 на 147,80 јени.

Американската валута, исто така, ослабе во однос на европската, па цената на еврото достигна 1,0980 долари, додека вчера во истото време изнесуваше 1,0970 долари.

Цените на нафтата, пак, остро паднаа по вчерашниот силен раст. Цената на барелот на лондонскиот пазар претпладнево се намали за 1,47 отсто, на 79,75 долари, додека на американскиот пазар цената на барелот се намали за 1,54 отсто, на 75,95 долари.

The post Доларот падна од високите нивоа, нафтата поевтини по остриот скок appeared first on Република.

Европските берзански индекси денеска се нерамномерни, додека светските цени на нафтата продолжуваат да растат поради неизвесната безбедносна ситуација на Блискиот Исток.

Цените на нафтата би можеле да се зголемат до 100 долари за барел поради потенцијален конфликт меѓу Израел и Иран, според вишиот енергетски аналитичар на MTS Marquee, Саул Кавоник, објави CNBC.

Индексот DAX на Франкфуртската берза денеска во 9:30 часот падна на 19.061,95 поени, исто како и францускиот CAC 40 на 7.540,51 поени, додека британскиот FTSE 100 се искачи на 8.305,69 поени, а московскиот MOEX на 2.778 поени.

Вредноста на американскиот берзански индекс Dow Jones се искачи на 42.196,52 поени, S&P 500 на 5.709,54 поени, а вредноста на Nasdaq индексот на 17.924,26 поени.

Според податоците на берзата, цената на суровата нафта се искачи на 71.027 долари, а на нафтата од типот „брент“ на 74.754 долари.

Европските фјучерси на гас се продаваа на отворањето на берзата ТТФ по цена од 38.800 евра за мегават-час.

Цената на златото падна на 2.648,47 долари за унца, а на пченицата на 6,1302 долари за бушел (бушел е еднаков на 27,216 кг).

Вредноста на еврото во однос на доларот изнесуваше 1,10358, што е приближно исто како и во средата.

The post Цените на нафтата во пораст поради кризата на Блискиот Исток, пад на златото appeared first on Република.

Цените на нафтата се зголемија за повеќе од еден долар во средата поради зголемената загриженост дека тензиите на Блискиот Исток би можеле да ескалираат и потенцијално да го нарушат производството на сурова нафта во регионот, по најголемиот ракетен напад на Иран врз Израел досега.

Фјучерсите на брент скокнаа за 1 долар, или 1,36 отсто, на 74,56 долари за барел, додека американската сурова нафта West Texas Intermediate (WTI) скокна за 1,07 долари, или 1,53 отсто, на 70,9 долари.

За време на тргувањето во вторникот, двата одредници за сурова нафта пораснаа за повеќе од пет проценти.

Иран рано во средата објави дека неговиот ракетен напад врз Израел е завршен, а Израел и Соединетите држави ветија дека ќе возвратат на Техеран бидејќи се зголемуваат стравувањата од поширока војна.

Техеран рече дека секој израелски одговор на нападот, за кој Израел вели дека вклучува повеќе од 180 балистички проектили, ќе биде дочекан со „масовно уништување“.

Советот за безбедност на Обединетите нации за среда закажа состанок за Блискиот Исток, а Европската унија повика на итен прекин на огнот.

Директното учество на членката на ОПЕК, Иран, ги зголемува шансите за прекини во снабдувањето со нафта, велат аналитичарите на АНЗ во белешката, додавајќи дека производството на нафта во земјата се искачи на највисокото ниво во последните шест години од 3,7 милиони барели дневно во август.

Панелот на министри од Организацијата на земјите извознички на нафта и нејзините сојузници, наречен ОПЕК +, се состанува подоцна во средата за да го разгледа пазарот, но не се очекуваат промени во политиката, пренесува Ројтерс.

The post Поради војната на Блискиот Исток, скокна цената на нафтата appeared first on Република.

Глобалната цена на нафтата порасна втора недела по ред минатата недела, бидејќи трговците се надеваат на посилна побарувачка откако американската централна банка ги намали каматните стапки, што треба да го поттикне економскиот раст.

На лондонскиот пазар цената на барелот минатата недела порасна за 4,1 отсто, на 74,49 долари, додека на американскиот пазар цената на барелот порасна за 4,8 отсто, на 71,92 долари.

Зголемувањето на цените втора недела по ред се должи, меѓу другото, и на намалувањето на каматните стапки во САД.

Во средата, американската централна банка ги намали каматните стапки за 0,5 процентни поени, на 4,75 до 5,00 отсто, и најави дека може да ги намали за уште 0,5 процентни поени до крајот на годината.

Пониските каматни стапки обично ја поттикнуваат економската активност и побарувачката за енергија, но за тоа ќе биде потребно извесно време.

Поттик за цените даде и ескалацијата на тензиите на Блискиот Исток по експлозијата на илјадници пејџери низ Либан, во која беа убиени и ранети неколку илјади членови на Хезболах.

Либански Хезболах возврати со неколку ракетни напади врз цели во Израел, а Израел, пак, изврши целен напад врз либанската престолнина Бејрут.

Трговците стравуваат дека оваа ескалација на конфликтот може да го наруши снабдувањето од Блискиот Исток, каде што се произведува една третина од светската нафта.

Од друга страна, значителното зголемување на цената на нафтата ја спречува слабоста на кинеската економија, најголемиот светски увозник на црно злато.

Новите извештаи покажаа дека преработката на нафта во кинеските рафинерии забави петти месец по ред во август, додека индустриското производство и продажбата на мало исто така забавија, што укажува на слабост на домашната побарувачка.

The post Цените на нафтата пораснаа втора недела по ред appeared first on Република.

Цените на нафтата се искачија над 74 долари на меѓународните пазари во четвртокот, откако американската централна банка ги намали трошоците за задолжување, што предизвика бран шпекулации за побарувачката и покрај сигналите за слабеење на пазарот на трудот.

На лондонскиот пазар со барелот се тргуваше попладнето по цена повисока за 90 центи од вчерашната цена на затворањето на тргувањето од 74,55 долари. На американскиот пазар цената поскапе за 88 центи, на 71,79 долари.

Организацијата на земјите извознички на нафта (OPEC) одделно извести дека цената на барелот од референтната нафтена кошница на нејзините членки била речиси непроменета во средата на 73,65 долари.

Трговците во четвртокот беа фокусирани на намалувањето на клучните каматни стапки во САД. Во средата централната банка ги намали за половина процентен поен, на 4,75 до 5,00 отсто. Пониските каматни стапки обично ја стимулираат економската активност и побарувачката за енергетски производи.

Сепак, трговците беа воздржани, особено откако Fed значително ја зголеми својата проценка за стапката на невработеност оваа година, на 4,4 отсто. Минатата година, според пресметките на независниот институт CBO, изнесуваше 3,6 отсто.

Според проценката на централната банка, оваа и следната година најголемата светска економија треба да порасне за два отсто. Долгорочно, стапката на раст треба да биде 1,8 отсто, пресметаа тие.

Челникот на Fed, Џером Пауел, прогласи „победа над инфлацијата“, но намалувањето на каматните стапки го потврдува и влошувањето на пазарот на трудот, што ќе значи забавен економски раст, шпекулираат трговците.

Цените на нафтата се попречени и од знаците за послаба побарувачка во Кина. Преработката во кинеските рафинерии забави во август петти месец по ред, покажаа податоците од Заводот за статистика. Забавиле и индустриското производство и продажбата на мало, а забавен е и растот на новите цени на недвижностите.

Аналитичарите на Citi предвидуваат дефицит на понудата во четвртиот квартал од околу 400.000 барели дневно, што според нивните пресметки ќе ги задржи цените во Лондон во опсегoт од 70 до 75 долари за барел, но само привремено.

„Според повеќето сценарија, глобалниот нафтен биланс ќе се влоши во 2025 година“, напишаа тие.

The post Намалените каматни стапки во САД ја подигнаа цената на нафтата над 74 долари appeared first on Република.

Намалувањето на каматните стапки од страна на Европската централна банка денеска силно се одрази на берзите и цената на златото и нафтата.

Европската централна банка (ЕЦБ) вчера соопшти дека ја намали каматната стапка на депозитите за 25 базични поени на 3,5%. Каматните стапки на операциите за главно рефинансирање се намалени на 3,65%, а каматната стапка на маргиналните кредитни капацитети ќе изнесува 3,9%.

Според податоците на берзата, цената на златото порасна на 2.567,88 долари за унца, а на пченицата на 5,8289 долари за бушел.

Цената на суровата нафта се искачи на 69.421 долар, а на нафтата од типот брент на 72.317 долари.

На отворањето на берзата ТТФ се продаваа европски фјучерси на гас по цена од 35,245 евра за мегават-час.

Промените на каматните стапки влијаеја и на берзите .Утрово индексите на европските берзи пораснаа, а пораснаа и американските индекси.

Индексот DAX на Франкфуртската берза утрово порасна на 18.581,65 поени, британскиот FTSE 100 на 8.260,87 поени, францускиот CAC 40 на 7.461,47 поени, додека московскиот MOEX падна на 2.626,63 поени.

Вредноста на американскиот берзански индекс Дау Џонс порасна на 41.096,77 поени, индексот S&P 500 на 5.595,76 поени, а вредноста на индексот Nasdaq на 17.569,68 поени.

Вредноста на еврото во однос на доларот изнесуваше 1,10768, што е приближно исто како и вчера.

The post Цената на златото руши рекорди: Пораснаа и цените на нафтата и на пченицата appeared first on Република.

На девизните пазари вредноста на доларот порасна во однос на кошницата валути бидејќи по извештајот за инфлацијата во САД стивнаа очекувањата за нагло намалување на каматните стапки од страна на американската централна банка.

Имено, потрошувачките цени во август пораснаа за 0,2 отсто на месечно ниво, очекувано, но основната стапка на раст на цените, без цените на енергијата и храната, порасна повеќе од очекуваното – оттогаш за 0,3.

Овие податоци не го променија уверувањето на инвеститорите дека американската централна банка ќе ги намали каматните стапки во септември, по неколкугодишна рестриктивна монетарна политика.

Но, сега е речиси сигурно дека ФЕД ќе ги намали каматните стапки за 0,25 процентни поени, а не, како што некои очекуваа, за 0,50 процентни поени.

Индексот на доларот, кој ја покажува вредноста на американскиот долар во однос на другите шест најважни светски валути, утринава се движи околу 101,76 поени, додека вчера во ова време изнесуваше 101,45 поени.

Истовремено, курсот на доларот во однос на јапонската валута порасна од вчерашните 141,50 на 142,55 јени.

И американската валута зајакна во однос на европската, па цената на еврото се лизна на 1,1010 долари, додека вчера во ова време беше 1,1040 долари.

Лидерите на Европската централна банка денеска ќе одржат редовна седница, а се очекува пазарот да ги намали каматните стапки за дополнителни 0,25 процентни поени.

Цените на нафтата, пак, пораснаа втор ден по ред. Цената на барелот на лондонскиот пазар утрово зајакна за 0,62 отсто, на 71,05 долари, додека на американскиот пазар цената на барелот порасна за 0,56 отсто, на 67,70 долари.

Азиските берзи го следат растот на Волстрит
На азиските берзи цените на акциите во четвртокот пораснаа, што, како и вчера на Волстрит, најмногу се должи на растот на технолошкиот сектор, додека доларот зајакна по извештајот за инфлацијата во САД.

Индексот на MSCI на азиско-пацифичките акции, без јапонските акции, во 7 часот порасна за 1 процент.

Истовремено, на Токиската берза индексот Nikkei зајакна за 3,4 отсто, додека цените на акциите во Австралија, Хонгконг и Јужна Кореја пораснаа меѓу 0,7 и 1,7 отсто. Во Шангај, пак, тие благо паднаа.

Азиските инвеститори беа охрабрени од вчерашниот пораст на берзанските индекси на Волстрит. Dow Jones зајакна за 0,31 отсто, додека S&P 500 порасна за 1,07 отсто, а Nasdaq индексот за 2,17 отсто.

Ова главно се должи на растот на технолошкиот сектор во просек од 3,3 отсто. Во исто време, цената на акцијата на Nvidia скокна за 8 отсто, по веста дека американските власти би можеле да дозволат извоз на напредните чипови на компанијата во Саудиска Арабија.

На азиските берзи утринава најмногу пораснаа цените на акциите на технолошките компании.

The post Доларот зајакна, цената на нафтата порасна appeared first on Република.

Цената на нафтата „брент“ падна под 73 долари за барел за прв пат од декември минатата година, што многу веројатно може да предизвика пад на цената на горивата.

На лондонската берза цената на ноемвриските фјучерси на Брент падна на 72,96 долари за барел. Во текот на денот цената се движеше и порасна на 73,32 долари за барел.

Експертите сметаат дека сегашниот пад на цената на нафтата може да се толкува како последица на најавите дека Либија би можела да ги реши проблемите што неодамна доведоа до прекин на снабдувањето на пазарот на нафта од таа земја, како и најавата на ОПЕК дека групацијата е подготвена да го зголеми производството на „црното злато“ во наредните недели.

Исто така, на намалувањето на цената на нафтата влијаеа и нешто послабите економски активности во Соединетите Американски Држави и Кина.

The post Цената на нафтата најниска од декември appeared first on Република.

На валутните пазари вредноста на доларот во однос на кошничката валути благо порасна во петокот претпладнето, откако со денови беше под притисок и падна на најниските нивоа оваа година.

Индексот на доларот, кој ја покажува вредноста на американската во однос на другите шест најважни светски валути, претпладнево се движи околу 101,35 поени, додека вчера во истиот период од тргувањет изнесуваше 101,14 поени.

Истовремено, курсот на доларот во однос на јапонската валута порасна од вчерашните 145,10 на 145,55 јени.

Американската валута зајакна во однос на европската, па цената на еврото се лизна на 1,1125 долари, додека вчера во ова време беше 1,1155 долари.

Цените на нафтата, пак, благо пораснаа. Цената на барелот на лондонскиот пазар претпладнево зајакна за 0,13 отсто, на 77,30 долари, додека на американскиот пазар цената на барелот порасна за 0,14 отсто, на 73,10 долари.

The post Доларот благо зајакна, цената на нафтата порасна appeared first on Република.

На граничниот премин Ќафасан, на македонско - албанската граница, кај Струга, албанската полиција спречила шверц на 500 литри нафта, која од македонска на албанска територија ја пренесувал жител на Елбасан.

По засилената работа на службите на Граничната полиција, во текот на летната сезона, со цел спречување и сузбивање на криминални активности, на граничниот премин Ќафасан на влез во Република Албанија, на втората линија за детални проверки, во камион откриени се пластични туби со 500 литри дизел, без соодветна документација. Уапсен е 49-годишен жител на Елбасан, стои во полициското соопштение.

Тој пред судот во Корча ќе одговара за кривично дело „криумчарење стока за која се наплатува акциза и избегнување царински давачки“.

Деновиве албанската полиција поднесе кривични пријави против тројца жители на општина Подградец, поради шверц на разна стока од македонска на албанска територија.

Кај нив полицијата открила прехрамбени производи, нафта и друга стока прошверцувани од македонска територија.

The post Спречен шверц на 500 литри нафта од македонска на албанска територија appeared first on Република.

Цените на нафтата беа главно непроменети на меѓународните пазари во средата во раното попладневно тргување, бидејќи се намали загриженоста дека конфликтот на Блискиот исток може да се прошири и да го загрози производството во еден од најголемите региони за производство на сурова нафта во светот.

Цената на барелот на лондонскиот пазар остана речиси непроменета од претходното затворање, на 80,59 долари. На американскиот пазар барелот се тргуваше по пониска цена од 19 центи, по 78,16 долари.

Откако на почетокот на минатата семица во Лондон го достигна најниското ниво во последните седум месеци од 76,30 долари за барел, во понеделникот порасна за повеќе од 3 отсто на 82,30 долари.

Организацијата на земји извознички на нафта (OPEC) објави дека во вторник цената на барелот од референтната нафтена кошничка на нејзините членки пораснала за 86 центи, на 80,78 долари.

„Неодамнешниот раст на суровата нафта беше запрен вчера поради падот на цените, бидејќи стравувањата од одмазднички напад на Иран врз Израел се намалија, со намалена премија за ризикот“, вели Ешли Келти од „Panmurа Liberum“.

Иран на крајот од минатиот месец вети жесток одговор на атентатот на лидерот на Хамас во Техеран на крајот од јуни. Тројца високи ирански претставници рекоа дека само договор за прекин на огнот во Појасот Газа може да го спречи Иран директно да му се одмазди на Израел за атентатот. Израел ниту ја потврди, ниту негираше својата вмешаност. За да се спротивстави на Иран, американската морнарица распореди воени бродови и подморница на Блискиот Исток.

„Степенот на иранската одмазда, како и одговорот на Израел, најверојатно ќе одреди дали сегашниот конфликт на Блискиот исток ќе се прошири во регионален конфликт“, рече Вивек Дар од „Commonwealth Bank of Australia“.

Цените на нафтата ги закочи и со намалената проценка на побарувачката за 2025 година објавена од Меѓународната агенција за енергија (IAE) во вторникот, наведувајќи го влијанието на ослабената кинеска економија. Ова дојде откако OPEC веќе ја намали својата проценка за 2024 година од слични причини.

The post Цената на нафтата се одржува над 80 долари appeared first on Република.

Цените на нафтата паднаа под 76 долари на меѓународните берзи, бидејќи загриженоста за побарувачката ги засени ескалацијата на тензиите на Блискиот Исток и најавата за намалено производство во Либија.

Да потсетиме, пред пет дена цената на нафтата беше над 80 долари.

На лондонската берза цената на барелот по пладне беше пониска за 41 цент отколку на затворањето на тргувањето вчера и изнесуваше 75,89 долари. Речиси за исто толку барелот поевтини на американскиот пазар каде се тргуваше за 72,51 долар.

На крајот на минатата недела, нафтените пазари драстично паднаа поради олабавувањето на вработеноста во САД.

Американските работодавци отвориле само 114 илјади нови работни места во јули, што е речиси половина помалку од месечниот просек пред 12 месеци, објави во петокот Министерството за труд. Стапката на невработеност се зголеми за 0,2 процентни поени во однос на јуни, на 4,3 отсто, што сигнализира послаба побарувачка за работна сила и зголемен ризик од рецесија.

Во таков амбиент, цените на нафтата во Лондон го завршија тргувањето во петокот со загуба од 2,71 долари, а во САД со 2,79 долари.

Вчера цените паднаа за уште половина долар, бидејќи превирањата на пазарите на акции ги засенија нервите поради тензиите на Блискиот Исток.

Иран го објави својот одговор на убиството на палестинскиот функционер на Хамас во Техеран, обвинувајќи го Израел. Тел Авив нагласи дека нема да ја запре воената операција во окупираниот палестински Појас Газа додека не го уништи Хамас. Неколку часа пред убиството на Исмаил Ханија, Израел објави дека го убил воениот претставник на либанската Хезболах, Фуад Шукр.

Тензиите се засилени со нападот врз воена база во Ирак во понеделникот, во кој беа ранети најмалку пет американски војници, изјавија американски официјални лица за Ројтерс. Не е јасно дали нападот е поврзан со иранските и либанските најави за одговор на убиствата на официјални лица.

Денеска трговците повторно се фокусираа на побарувачката на нафта.

„Загриженоста за побарувачката е поизразена од минатиот петок поради послабите економски податоци од трите најважни изворни региони, САД, Кина и Европа“, објаснува Хари Тчилингвиријан од Onyx Capital Group.

Се чини дека долгоочекуваниот сезонски пораст на побарувачката во третиот квартал разочара. Потрошувачката на моторни горива како што се бензинот и дизелот е послаба од очекуваното на почетокот на кварталот“, додаде Тчилингвиријан.

Позначителен пад на цените беше запрен денеска со најавата на либиската национална нафтена корпорација дека поради протестите постепено ќе го намалува производството во нафтено поле Шарара со капацитет од 300.000 барели дневно.

Организацијата на земјите извознички на нафта (ОПЕК) одделно извести дека во понеделникот барел од нафтената кошничка на нејзините членки падна за 3,82 долари, на 75,03 долари.

The post Голем пад на цените на нафтата на светските берзи appeared first on Република.

Два големи танкерa со нафта се запалија откако се судрија во близина на Сингапур, најголемото пристаниште за горива во светот, а двајца членови на екипажот со хеликоптер се пренесени во болница, а другите се спасени со чамците за спасување, соопштија властите и еден од сопствениците на танкерот.

Сингапур е најголемиот трговски центар за нафта во Азија и најголемото пристаниште за складирање гориво во светот. Околните води се клучни водни патишта меѓу Азија и Европа и Блискиот исток и припаѓаат на една од најпрометните глобални поморски патишта.

Танкерот „Hafnia Nile“, кој плови под знамето на Сингапур, и танкерот „Ceres I“, кој плови под знамето на Сао Томе и Принципе, се лоцирани на околу 55 километри североисточно од островот Педра Бранка во Сингапур во источниот пристап кон Сингапурскиот теснец, соопшти Поморската и пристанишната управа на Сингапур (MPA).

Пронајдени се 22 членови на екипажот на бродот „Hafnia Nile“ и 40 членови на екипажот на бродот „Ceres I“, објави MPAА.

Сопственикот на „Hafnia Nile“ потврди дека бродот учествувал во судир со кинескиот „Ceres I“.

На фотографиите од морнарицата на Сингапур, може да се види густ црн чад како се издига од еден танкер. Еколошките власти во соседна Малезија соопштија дека им било кажано да се подготват за потенцијално излевање на нафта.

Норвешката компанија „Gard“, еден од осигурителите на „Hafnia Nile“, изјавила за Reuters дека е премногу рано да се процени какво влијание ќе има судирот врз животната средина.

„Немаше пречки во навигацискиот сообраќај, иако моментално не се знае статусот на бродовите или загадувањето“, изјавил портпаролот на Меѓународната поморска организација на ОН (IMO) додавајќи дека спасувачката екипа е на пат кон местото на несреќата.

Товарниот танкер „Hafnia Nile“, со капацитет од 74.000 тони, превезувал околу 300.000 барели нафта, според податоците за следење на бродовите на „Kplera“ и LSEG.

Бротот „Ceres I“ е огромен супертанкер што носи сурова нафта, а според компаниите за следење на бродови, тој носел околу два милиона барели иранска сурова нафта.

The post Танкери со нафта се запалиле по судир во близина на Сингапур, екипажот спасен appeared first on Република.

На валутните пазари во претпладненото тргување благо порасна вредноста на американскиот долар во однос на кошницата валути благо, по коментарите на челникот на амошната централна банка.

Индексот на доларот, кој ја покажува вредноста на американската во однос на другите шест најважни светски валути, претпладнево се движи околу 105,15 поени, додека вчера во истиот период од тргувањето изнесуваше 105,02 поени.

Истовремено, курсот на доларот во однос на јапонската валута порасна од вчерашните 160,95 на 161,50 јени. Американската валута зајакна и во однос на европската, па цената на еврото се лизна на 1,0815 долари, додека вчера во истото време беше 1,0830 долари.

Цените на нафтата, пак, паѓаат трет ден со ред. Цената на барелот на лондонскиот пазар претпладнево ослабе за 0,26 отсто, на 84,45 долари, додека на американскиот пазар цената на барелот се намали за 0,16 отсто, на 81,30 долари.

The post Доларот благо зајакна, цените на нафтата во пад appeared first on Република.