Скопската зоолошка градина соопшти дека во текот на вчерашниот ден во длабока старост угина сибирската тигрица Надја која беше еден од најстарите тигри во Европа.

Надја во скопската Зоолошка градина пристигна од Будимпешта во 2010 година, кога имаше осум години во тогаш новоизграденото живеалиште за тигри по светски стандарди. Во Скопје ЗОО живееше заедно со својата ќерка Ана и како една од најстарите жителки на градината беше миленичка на сите вработени.

Сибирската тигрица Надја е родена 2002 година во Франција, а во Скопје живееше цели 13 години.

Овој вид крупни ѕверови -тигри во просек живеат околу 10-12 години во дивина, а од 16-18 години во зоолошките градини. Нашата Надја имаше речиси 21 година и за неколку години ја надмина просечната граница на векот на живеење. Најдолг животен век на овој вид во заробеништво досега е забележан кај мажјак сибирски тигар кој живеел 23 години.
Ќе ја паметиме по нејзината грациозност, секогаш љубопитна за игра, долгите капења во базенот, како и по љубовта која ја имаше кон своите зоонегуватели кои во последните денови од нејзиниот живот направија се да и биде полесно, со оглед на длабоката старост која ја доживеа, велат од скопската ЗОО.

The post Сибирската тигрица Надја угина во скопската Зоолошка од длабка старост appeared first on Република.

Младински културен центар (МКЦ) го најавува концертот на канаѓаните Надја и Уочи Токи од Италија во МКЦ, во петок, 10 март со почеток во 21 часот.

„Надја“ е дуо на мултиинструменталистот Ајдан Бејкер и басистката Леа Бакареф - активни од 2005 година, кои создаваат музика опишана како експериментален нојз/дум/дримслаџ/металгејз, препознатлив по тоа што ги комбинира атмосферските текстури на шугејзот со амбиентална позадина која има тежина и густина на индустриска бучава.

Во својата богата кариера, вклучуваат настапи на фестивали како “SXSW”, “FIMAV”, “Roadburn”, “Donaufest”, “Le Guess Who”, “Incubate” и “Unsound” и заеднички настапи со музички артисти како “Earth”, “OM”, “Khanate”, “Neurosis”,”Godflesh”.По потекло од Торонто, Канада, дуото сега живее во Берлин, Германија.

Ова е нивен втор настап во Скопје, откако во 2012 година настапија во рамки на ‘Cinemusic’ програмата на филмскиот фестивал Синедејс.

Како предгрупа на канадското дуо, ќе имаме можност да проследиме “VR”-сет на италијаните Уочи Токи, кој е магматичен ансамбл од искривени електронски ритми, мрачни амбиентални дронови и течни гличови поддржани од пирокластичен цртеж во живо во виртуелна реалност проектирана на екран.

The post Концерт на „Надја“ и Уочи Токи во МКЦ appeared first on Република.