Министерот за земјоделство, шумарство и водостопанство Цветан Трипуновски денеска го обвини поранешниот министер за земјоделство Љупчо Николовски дека додека бил прв човек во МЗШВ овозможил две фирми противправно да земат субвенции од илјадници евра.

Според Трипуновски, се работи за АРЕКСПОРТ ДООЕЛ Увоз – Извоз од Струмица кое, како што рече, незаконски земало околу 30 милиони денари субвенции и за ДЗС Илинден кое добило над 19 милиони денари.

Трипуновски на прес-конференција повика Јавното обвинителство веднаш да отвори истрага, со напомена дека овие два случаја се дел од вкупно петте на кои моментно се работи.

Од денеска веќе нема ништо да биде исто. Почнуваме со објавување на сите сомнителни случаи и афери од претходното раководство на Министерството за земјоделство, шумарство и водостопанство и Љупчо Николовски како тогашен министер. Народот покрај тоа што виде како работеше Николовски, денеска ќе има и прилика да слушне што се случувало во Министерството за земјоделство, шумарство и водостопанство изминатите седум години и како одредени правни лица надвор од сите процедури и прописи земале државни пари, рече Трипуновски.

Како што објасни, МЗШВ од 2019 до 2022 година со АРЕКСПОРТ ДООЕЛ Увоз – Извоз имало склучено 19 договори за вкупна површина од 1 416 хектари.

По извршениот увид од страна на Државниот инспекторат за земјоделство е констатирано дека за 11 договори со површина од 941 хектар не се почитуваат одредбите од Договорот од страна на закупецот и требало да бидат раскинати. При тоа врз основа на овие договори закупецот од Агенцијата за финансиска поддршка за земјоделството и руралниот развој остварил приход по основ на субвенции од 485 000 евра. Дополнително, закупецот требало преку бизнис план кој што го понудил до Министерството да инвестира над 2 милиони 450 илјади инвестиција на предметното земјиште, а во моментот на контрола од Државниот инспекторат за земјоделство е констатирано дека има инвестиција околу 300 000 евра. Исто така, инспекторите констатирале дека закупецот нема платено закупнина за 2022-ра и 2023 година, со што дополнително е направена штета на Буџетот од 60 000 евра, посочи министерот.

Постапено е, додаде, спротивно на член 8 и 8-а од Законот за земјоделско земјиште и воопшто не е евидентирано земјоделското земјиште кое не е обработувано по основ на склучените договори, а не се преземени и никакви мерки за опомена, укажување или раскинување на договорите.

АРЕКСПОРТ од Струмица користел по Договор земјоделско земјиште, не плаќал закупнина, не го обработувал, а спротивно од Законот користел субвенции од страна на државата со што оштетил директно Буџетот на Република Македонија. Токму поради тоа што МЗШВ во претходните години не реагирало на ваквото кршење на процедурите, се поставува прашањето дали свесно се дозволило ова правно лице да го оштети Буџетот на Македонија за повеќе од два милиона евра?, рече Трипуновски.

Во однос на вториот случај, обелодени дека ДЗС Илинден со МЗШВ на 05.10.2000 година има склучено Договор за закуп во времетрање од 30 години за површина од 1.604 хектари, додека на 03.07.2005 е потпишан Анекс со кој што површината се намалува на 1.067 хектари, за подоцна, во 2010 година, повторно да се склучи Анекс и да се намали површината на 945 хектари државно земјоделско земјиште.

Во 2019 година е поведен судски спор за неплатен закуп за 2017, 2018 и 2019 година, а месец септември 2021 година, по извршениот увид во списокот на должници од страна на Државниот инспекторат за земјоделство констатирано е дека закупецот не ги испочитувал обврските кои произлегуваат од Договорот за плаќање на закупнина и користење на државно земјоделско земјиштето, поради што се носи Изјава за еднострано раскинување на Договорот за закуп на земјоделското земјиште, која што е потврдена и со правосилна пресуда од Апелациониот суд - Скопје. Иако Изјавата за еднострано раскинување на Договорот за закуп била издадена на 28.09.2021 година, Министерството не го испочитувало членот 41-а став 5 од Законот за земјоделско земјиште и не доставило примерок од Изјавата за раскинување на Договорот за закуп, по електронски пат до Агенцијата за катастар на недвижности за бришење на прибележувањето на Договорот за закуп кој што го имал правниот субјект, рече Трипуновски.

Според него, поради неизвршување на законските надлежности и обврски од страна на Министерството (спроведување постапка за бришење од Единствениот регистер на земјоделски стопанства), како и поради некоординација со Агенцијата за финансиска поддршка на земјоделството и руралниот развој, се овозможило на закупецот и по раскинување на Договорот за закуп, да може да продолжи да аплицира за субвенции.

Агенцијата за финансиска поддршка во земјоделството за период од 2021 до 2023, вкупно три години на закупецот му исплатила над 19 милиони денари по основ на субвенции. И по раскинување на Договорот се исплаќале субвенции на овој правен субјект. Со ова се отвора дилемата дали овие пропусти од страна на институциите се шема за испумпување на повеќе пари од државниот буџет? Воедно, спротивно на член 14-а од Закон за земјоделство и рурален развој, ДЗС Илинден не е евидентиран на листите за должници додека имал право да го користи договорот од страна на Министерството за земјоделство, шумарство и водостопанство. Исто така, спротивно на член 15 од истиот Закон МЗШВ не го избришало Договорот за закуп од Единствениот регистер на земјоделски стопанства чија основа е поднесување апликација за субвенции и овозможило закупецот неосновано да се стекне со над 19 милиони денари субвенции, нагласи министерот.

Укажа и дека воедно, Агенцијата за финансиска поддршка во земјоделството не направила контрола согласно член 48 од овој Закон и исплатила финансиски средства спротивно на одредбите од член 50, 51, 52 и 61.

Ова се само два случаја поткрепени со цврсти докази кои потврдуваат дека системот и институциите се целосно разурнати, но и покажува едно недомаќинско и криминално работење од страна на претходното раководство на СДСМ и Николовски. Институциите мора да работат во служба на граѓаните и затоа го повикувам Јавното обвинителство веднаш да постапи и да истражи која била целта и зошто се дозволило овие два правни субјекти да добијат огромна сума на пари, државни пари, иако Министерството и другите надлежни институции требало навремено да реагираат. Овие се цврсти докази и индиции за сторен криминал и за таа цел до Јавното обвинителство, Министерството за внатрешни работи и Финансиската полиција ќе биде доставени соодветни пријави за натамошна истрага и целосно расчистување на овие два случаја, истакна Трипуновски според кој, никој не смее и не може да биде над законот.

Најави дека во многу скоро ќе обзнани и други случаи за злоупотреба на субвенции и буџетски средства.

Овие два примера денеска еклатантно докажуваат дека двата правни субјекта надвор од процедурите бесправно користеле огромна сума пари и затоа сега имаме ситуација, земјоделците да имаат неисплатени субвенции зашто некој друг имал привилегија во делот на делењето, подвлече Трипуновски.

The post Фирма од Струмица го оштетила буџетот за два милиони евра додека Николовски бил министер appeared first on Република.

Министерот за земјоделство, шумарство и водостопанство, Цветан Трипуновски денеска присуствуваше на отворање на Подрачна единица при МЗШВ во општина Јегуновце.

Изминатиов период министерот Трипуновски во изјава за медиуми најави дека ќе се отвораат подрачни единици и канцеларии во речиси секоја рурална општина за да се биде поблиску до земјоделците.

Од сега Министерството преку подрачните единици ќе биде сериозен сервис на самите земјоделци.

„Земјоделците од општина Јегуновце повеќе нема да се мачат и да патуваат до Тетово за да аплицираат или пак да проверат дали нивната апликација е во ред. Министерството за земјоделство, шумарство и водостопанство од сега ќе биде поблиску до земјоделците и ќе работи за нив“, истакна министерот Трипуновски.

„Наредната година Министерството ќе инвестира во техничкиот капацитет на секоја подрачна единица и канцеларија за да се зголеми функционалноста на истите“, најави тој.

Работиме за да Министерството биде поблиску до земјоделците.

The post Трипуновски: Со отворање на подрачната единица во Јегуновце докажуваме дека Министерството е сериозен сервис на земјоделците appeared first on Република.

Министерството за земјоделство, шумарство и водостопанство (МЗШВ) ќе биде пример на институција што ќе воведе највисоки стандарди за сајбер безбедност. Ова го истакнал министерот Цветан Трипуновски, кој денеска имал средба со претставници од Американската амбасада, од Агенцијата за меѓународен развој на САД - УСАИД и од програмата CIDR (Critical infrastructure digitalization and resilience).

- CIDR е регионална програма поддржана од Агенцијата за меѓународен развој на УСАИД. Преку оваа програма се дава поддршка на критичната инфраструктура, јавен сектор и други значајни институции за воведување на најдобри практики, стандарди и соодветно законодавство за сајбер безбедност, како и на градење на капацитети за зголемување на отпорноста од сајбер напади. Една од значајните активности на програмата CIDR е поддршката на Министерството за имплементација на системот за управување со информациска безбедност, се наведува во соопштението на МЗШВ.

Во рамки на поддршката, како што се додава, предвидени се и обуки за сите вработени, со цел да се зајакнат капацитетите и да се подигне свесноста за ризикот од сајбер напади.

The post Трипуновски: МЗШВ ќе биде пример на институција што ќе воведе највисоки стандарди за сајбер безбедност appeared first on Република.

Денеска министерот за земјоделство, шумарство и водостопанство, Цветан Трипуновски оствари средба со претставниците и одгледувачите на сливи од Делчевскиот регион.

На средбата се говореше за годишниот род и квалитет на сливите, како и за актуелните теми и проблеми со кои што се соочуваат.

„Министерството е партнер на одгледувачите на сливи. Се работи земјоделецот да не биде веќе социјална категорија, го враќаме достоинството на македонските земјоделци“, истакна Трипуновски.

The post Трипуновски на средба со претставниците и одгледувачите на сливи: Го враќаме достоинството на македонските земјоделци appeared first on Република.

Министерство за земјоделство, шумарство и водостопанство ја повикува јавноста да биде посебно претпазлива се со цел спречување на пожари на ниво на предел.

МЗШВ ја потсетува широката јавност да биде внимателна во периодот кој што следи бидејќи како што се приближуваме до критичните периоди од сезоната на пожарите и зголемениот ризик од појава на пожари на ниво на предел, но и моменталната состојба со пожарите во Македонија, од суштинско значење е јавноста да ја разбере опасноста и да превземе проактивни чекори за заштита на шумските екосистеми односно животна средина и заедниците во целина.

ВАЖНО:

- Земјоделски површини - неконтролирано палење на земјоделско земјиште е строго забрането со закон и претставува казниво дело.

- Сериозни ризици - пожарите на ниво на предел директно ги загрозуваат човечките животи, имот и животната средина. - Правни последици – предизвикување на пожар на отворен простор е казниво дело.

- Брзо откривање – јавноста да алармира на 112.

Совети за безбедност:

- Избегнување на палење на било каков оган за време на периоди на силен ветер или суво време.

- Пронаоѓање на побезбедни методи за расчистување на земјиштето и отстранување на горливиот материјал.

МЗШВ ги охрабрува сите граѓани да останат информирани и да преземат превентивни мерки за да се избегне појава на пожари на пределот.

Исто така МЗШВ ја потсетува јавноста дека од 15.07.2024 е воведена целосна забрана за движење во шумите. За таа цел се повикува јавноста да ја следи и да се приклучи на Програмата за управување со пожарите на ниво на предел (lfmwb.net) во која Министерството е партнер институција и активно работи на имплементација на активности и мерки дефинирани во програмата со фокус на превенција и подготвеност во управувањето со пожарите на ниво на предел.

Работејќи заедно, можеме да го намалиме ризикот и да ја обезбедиме безбедноста на нашите домови и животната средина.

The post Апел од МЗШВ за претпазливост на јавноста со цел спречување на пожари во периодот што следи appeared first on Република.

The post МЗШВ: По верификацијата на пратеничкиот мандат на досегашниот министер Николовски, до изборот на нов министер со министерството ќе раководи заменик министерката Вјолца Бериша appeared first on Република.

Министерството за земјоделство, шумарство и водостопанство ги информира сточарите, одгледувачи на овци, дека денеска Агенцијата за финансиска поддршка во земјоделството и руралниот развој, ја реализираше исплатата на дополнителните директни плаќања за одгледувачите на овци.

Како корисници на оваа финансиска поддршка се јавуват земјоделските стопанства, кои поседуваат минимум 30 овци постари од 12 месеци, на денот на поднесување на барањата за поддршка и кои сопственото производство на млеко го имаат предадено на регистриран откупувач, или предале/заклале јагниња во преработувачки капацитети.

Од оваа подмерка исплатени се 1.771 огледувач на овци со финансиска поддршка во висина од 455,3 милиони денари. Висината на финансиската поддршка изнесува 1.400 денари, по грло овца.

Преку денешната исплата на дополнителните директни плаќања за одгледувачите на овци, во целост ја заокружуваме финансиската поддршка за директни плаќања за обележани грла овци.

Кон одгледувачите на овци, во месец февруари, најпрвин беше исплатена основната субвенција од 600 денари, која заедно со денешната исплата достигнува вкупна поддршка по грло овца од 2.000 денари. Дополнително сите одгледувачи на овци што имаат предадено предадено или заклано јагниња во регистрираните кланични капацитети, според доставените списоци од кланичните капацитети, ќе добијат и дополнителна поддршка од 400 денари за заклано јагне.

Потсетуваме дека кон крајот на 2023 година, беше реализирана, до сега, најголемата исплата на премиите за произведено и предадено млеко, која опфати период за 7 месеци, односно фазите октомври – декември 2022 година и јануари-април 2023 година. Со оваа исплата до сметките на 4.311 млекопроизводители исплатени беа 277,9 милиони денари. Вредноста на премијата изнесува 5 денари за литар произведено и предадено кравјо млеко и 6 денари по литар за произведено и предадено овчо и козјо млеко.

Сточарството е нашиот главен фокус оваа 2024 година. Креиравме многу нови мерки за поддршка на сточарите и со право оваа година велиме дека е година на сточарството.

The post МЗШВ: Исплатени 455,3 милиони денари кон 1771 сточар за обележани грла овци постари од 12 месеци appeared first on Република.

Министерот за земјоделство, шумарство и водостопанство, Љупчо Николовски, денеска оствари средба со земјоделците производители на тутун во Кривогаштани. На средбата беше заклучено дека е постигнат заеднички успех, откупено е целото производство од реколтата 2023 и тоа по рекордно висока цена од 365 денари по килограм.

„Сакам да ви се заблагодарам на вас тутунарите, кои со својата обединетост, заедно со нашата упорност како министерство, се изборивме да имаме рекорна откупна цена од 365 денари по килограм за целокупната количина предаден тутун. Ова е резултат на нашта успешна соработка, која ќе продолжи и во наредните години. Годинешниот откуп го завршуваме со откупени 14.763 тони тутун. Ова потврдува дека уште при креирањето на мерките, заедно со вас тутунарите, до најмала децимала го знаевме производството и успешно креиравме мерки за развој на тутунопроизводството. Уште во ноември минатата година, навремено ги започнавме разговорите со сите откупувачи на тутун потенцирајќи дека од нив очекуваме фер откупна цена, која ја почитува вашата мака“ рече министерот Николовски на средбата со производителите на тутун.

Министерството за земјоделство, шумарство и водостопанство редовно ја следеше состојбата со производството и врз основа на тоа беше проектирана и можната количина на произведен тутун. Заедно со тутунарите во декември минатата година беше договорено зголемување за 20 денари на субвенциите, по класи предаден тутун. Мерка која навремено беше вградена во програмата за директни плаќања за 2024 година. Уште тогаш на тутунарите им беше соопштено дека на располагање повторно и оваа година го имаат истиот буџет од 26 милиони евра, како поддршка од држвата.

За целиот период, остварени беа бројни средби и со производителите и со откупувачите на тутун. Целта на Министерството за фер цена која реално ќе го вреднува производството на тутун резултираше со наша упорност откупните компании да бидат коректни при откупот. При тоа и тутунарите беа обединети во своите напори и затоа нашата заедничка посветеност вроди со успех и приоднесе оваа година да имаме две зголемувања на цената. Најпрвин кон крајот на 2023 година, кога Тутунскиот Комбинат ја зголеми цената за 10% и потоа во февруари оваа година уште едно зголемување на откупната цена. Денес имаме рекордна, до сега највисока откупна цена на тутун од 365 денари по килограм тутун. Секој еден тутунар покрај овие 365 денари откупна цена на тутунот добива и 100 денари по килогам предаден тутун за прва класа или вкупно 465 денари за прва класа тутун.

Ние сме министерство кое искрено води грижа за секој земјоделец. Покрај фер откупна цена, за нас најважно е да обезбедиме и сигурен развој на тутунопроизводството. Во таа насока, за оваа година, креиравме нови мерки за поддршка на тутунарите. Основна субвенција по пријавена површина тутун, од 6.000 денари по пријавен хектар. Сите тутунопроизводители од оваа година, покрај субвенционирањето по класи, ќе можат во исто време заедно со другите земјоделци, да аплицираат и пријават површини по хектар. На тој начин се стекнуваат со право за користење на оваа нова мерка. Тутунарите преку оваа нова мерка, за прв пат, стекнуваат право и за мерката зелена нафта, во износ од 12.000 денари по хектар.

Министерството за земјоделство, шумарство и водостопанство ќе продолжи да креира мерки и политики за поддршка на сите земјоделци и за развој на домашното производство.

The post МЗШВ: Заврши откупот на тутун appeared first on Република.

The post Дали Љупчо Николовски и МЗШВ вршат контрола на семе и саден материјал во Македонија? Дали сме изложени на увоз на семе кое не ги задоволува критериумите кои се пропишани? appeared first on Република.

Министерството за земјоделство, шумарство и водостопанство ги информира лозаропроизводителите дека Агенцијата за финансиска поддршка во земјоделството и руралниот развој денеска ја реализираше исплатата на дополнителните директни плаќања за остварено производство на грозје.

Корисници на оваа подмерка се земјоделските стопанства кои имаат пријавено обработлива земјоделска површина со лозови насади, а оствареното производство на грозје го предале во регистриран откупувач, вклучително и произведеното грозје за сопствениот преработувачки капацитет или производството го користеле за сопствено потреби и продажба на пазар.

По оваа основа се исплатени 442 милиони денари за 9751 лозаропроизводител.

Висината на директните плаќања е 40.000 денари по хектар.

И оваа година ја запазуваме традицијата, односно поддршката за лозаропроизводителите доаѓа во пресрет на празнувањето на Свети Трифун – заштитникот на лозарите.

Исто така Агенцијата за финансиска поддршка во земјоделството и руралниот развој на крајот на 2023 година ја изврши исплатата за мерката за оддржување на лозови насади, со што со реализација на денешната исплата,  вкупната поддршка која ја добиваат лозарите е 52.000 денари по хектар.

Лозаропроизводителите се и корисници на поддршката за субвенционирање на горивото за земјоделската механизација – зелена нафта за која во 2024 година во пресрет на бербата производителите на грозје ќе добијат субвенција за дизел гориво од 9.600 денари  по хектар.

The post МЗШВ: До 9741 лозаропроизводител исплатени 442.6 милииони денари дополнителни директни плаќања за остварено производство на грозје appeared first on Република.

The post МЗШВ: Исплатени 283,4 милиони денари субвенции кон 9.623 сточари appeared first on Република.

The post МЗШВ: Потсетување до земјоделците дека до 15 декември е крајниот рок на аплицирање за финансиската поддршка за складирање на пченица и јачмен appeared first on Република.

Заловен волк утрово беше оставен во дворот на Агенцијата за храна и ветеринарство, во знак на револт што на ловците задолжени за отстрел на штетен дивеч, на кои веќе три години не им се исплаќаат средства.

Надоместокот за улов, што се движи околу 50 евра за волк, веќе три години нема легнато на ниедна сметка.

Надлежноста за исплата на овој надомест е под Министерството за земјоделство, но министерот Љупчо Николовски веќе три години одбива да ги потпише решенијата.

Револтот кулминираше утринава.

The post Волк фрлен во дворот на АХВ зошто Николовски три години не потпишува средства за улов appeared first on Република.

Министерството за земјоделство, шумарство и водостопанство со задоволство ве поканува на големиот настан „Вкуси ја традицијата“ - Национален саем за храна и пијалоци кој ќе се случи утре, 07.10.2023 година (сабота), со почеток во 11:00 часот, на просторот пред езерцето, во Градски парк Скопје.

Предвидени се поздравни обраќања на претседателот на Владата, Димитар Ковачевски, министерот за земјоделство, шумарство и водостопанство Љупчо Николовски, директорот на ГИЗ за Македонија и Косово, Давид Оберхубер и младиот земјоделец Филип Димкоски.

Настанот е во организација на Министерство за земјоделство, шумарство и водостопанство со поддршка од Слоу Фуд Македонија и Германското друштво за меѓународна соработка (ГИЗ), а ќе се одржи под мотото „Taste life, taste tradition“ односно „Вкуси го животот, вкуси ја традицијата“.

Ова е втора година по ред да се одржи саем со ваков обем, на кој ќе се претстават повеќе од 400 производители, кои заеднички ќе ги презентираат македонското земјоделство и гастрономија.

На просторот во Градски парк, ќе бидат поставени 80 штандови, над 400 учесници ќе презентираат околу 2000 производи, ќе се подготвува вкусна традиционална храна од познати готвачи, а предвидено е и детско катче. За целосна позитивна атмосфера, посетителите ќе можат освен во вкусовите на домашна храна и пијалоци да уживаат и во звуците на музичка етно група „Баклава“.

Саемот „Вкуси ја традицијата“ ќе биде отворен во периодот од 11-18 часот. За сите посетители, влезот ќе биде бесплатен.

The post МЗШВ: Второ издание на „Вкуси ја традицијата“- Национален саем за храна и пијалоци appeared first on Република.

The post МЗШВ: Исплатени 88,6 милиони денари финасиска поддршка кон 5.400 корисници, за произведено и предадено млеко appeared first on Република.

Интервентната програма која од минатата година за прв пат беше воведена даде одлични резултати. Нејзината главна цел е обезбедување навремена поддршка за секој еден земјоделец во услови на криза и поддршка на домашното производство.

По предлог на Министерството за земјоделство, шумарство и водостопанство, Владата на последната владина седница усвои нови три мерки од Интервентната програма за 2023 година.

Дополнителна поддршка од 3 денари по килограм за произведен домашен сертифициран семенски материјал од прва и втора генерација на пченица и јачмен е втората нова мерка во Интервентната програма за 2023 година.

Како корисници кај оваа мерка се јавуваат земјоделски стопанства кои имаат поднесено барање по подмерка 1.15. „Директни плаќања за произведен и продаден домашен сертифициран семенски материјал од прва и втора генерација за житни, фуражни, индустриски и градинарски култури“ од Програмата за финансиска поддршка  во земјоделство за 2023 година. Запишани во Регистарот на снабдувачи на семенски материјал, кои имаат произведен семенски материјал во 2023 година согласно Законот за семенски и саден материјал за земјоделски растенија и имаат добиено сертификат за конечно сертифицирано семе од прва и втора генерација на пченица и јачмен. 

Кај оваа интервентна мерка прифатлива количина за сертифициран семенски материјал од прва и втора генерација на пченица и јачмен, се количините наведени во сертификат за конечно сертифицирано семе од реколта 2023 година.

Интервентната програма за 2023 година е дополнета со нови три мерки насочени за поддршка на производителите на пченица, јачмен и раноградинарски култури произведени под контролирани услови.

Покрај оваа интервентна мерка, земјоделците ќе можат да аплицираат и за мерката од 3 денари по килограм финансиска поддршка за остварено и продадено или складирано производство на пченица, како и интервентната мерка за финансиска поддршка за продадени количини на домат, пипер и краставица произведени под контролирани услови.

Оваа година креиравме отворена Интервентната програма со буџет од 317 милиони денари, преку која навремено излегуваме во пресрет на секој еден земјоделец.

Претходно, во месец април оваа година МЗШВ преку Интервентната програма на располагање стави 500.000 евра поддршка за производителите на зимска зелка на отворено.

МЗШВ се грижи за секој еден земјоделец. Како министерство сме тука секогаш да им помогнеме на сите земјоделци, вложувајќи реални напори да го одржиме и зголемиме домашното производство на храна.

The post МЗШВ: Интервентна мерка од 3 денари по килограм за произведен домашен сертифициран семенски материјал, од прва и втора генерација на пченица и јачмен Y appeared first on Република.

На вчерашната седница Владата на Република Македонија, на предлог на Министерството за земјоделство, шумарство и водостопанство ја усвои новата мерка преку Интервентната програма за поддршка на производителите на пченица под контролирани услови.

Со буџет од 317 милиони денари оваа година креиравме отворена Интервентната програма, преку која излегуваме во пресрет на секој еден земјоделец, креирајќи навремено мерки за поддршка.

Мерка за поддршка на производителите на пченица  се однесува на 3 денари по килограм финансиска поддршка до земјоделците, за остварено и продадено или складирано производство на пченица.

Корисници на оваа мерка се земјоделските стопанства кои имаат поднесено барање за подмерката директни плаќања по обработливa  земјоделска површина за сите поледелски култури од Програмата за финансиска поддршка во земјоделството за 2023 година, имаат засеани и ожнеани површини со пченица, а оствареното производство го имаат прoдадено или складирано кај регистриран откупувач или за потребите на сопствениот преработувачки капацитет во период од 15 јуни до 31 август 2023 година, а се запишани во Регистарот на откупувачи на земјоделски производи.

Максималната прифатлива количина на пченица е 5.000 килограми по пријавен хектар.

Како министерство остануваме посветени во креирање на мерки за секој еден  земјоделец и  за поддршка и развој на домашното производство.

The post МЗШВ: Обезбедуваме 3 денари по килограм за остварено, предадено, или складирано производство на пченица appeared first on Република.

The post МЗШВ: 58,9 милиони денари дополнителна поддршка исплатена кон 1.925 регистрирани земјоделци appeared first on Република.

Денеска во просториите на Министерството за земјоделство, шумарство и водостопанство, министерот Љупчо Николовски и заменик министераката Вјолца Бериша, ги доделија договорите за финансиска поддршка за мали дестилерии од Програмата за финансирање на микро земјоделски производители на вино и алкохолни пијалаци.

Малите дестилерии за прв пат во историјата добиваат финансиска поддршка во форма на грант до 300.000 денари за модернизација на производството.

На јавниот повик за поддршка на мали дестилерии, кој беше објавен во мај, аплицираа вкупно 18 баратели на финансиска поддршка. Од нив, шест баратели не ги исполниле условите, а 12 добиваат договор за грант за финансиската поддршка за набавка на опрема и ангажман на технолог за алкохолни пијалоци. 

Право на учество на јавниот повик имаа земјоделски стопанства регистрирани во ЕРЗС на МЗШВ и Електронскиот регистар во Царинската управа, како земјоделци – мали производители на жестоки алкохолни пијалаци или регистрирани во Електронскиот регистар во Царинската управа како мали независни производители на етилалкохол и жестоки алкохолни пијалаци за комерцијални цели – мали дестилерии, во согласност со Правилникот за начинот на даночење со акциза на алкохол и алкохолни пијалаци и тутунски производи.

Вкупната сума за 12-те добитници на грант е 3.494.592,00 денари кои ќе се користат за инвестиции во опрема и основни средства и услуги кои имаат за цел: остварување на додадена вредност во примарното производство, развој на производи со традиционални карактеристики и зголемување на конкурентноста, како и развој на семејни бизниси од областа на производство на жестоки пијалоци.

„Најголемата поволност од ваквиот договор, освен што средставта се неповратни, е тоа што корисниците ќе добијат аванасна исплата на средствата, веднаш по потпишување на договорот. А потоа во рок од 45 дена тие треба да ја набават опремата за производство на жестоки алкохолни пијалаци и/или да ангажираат стручно лице (технолог за производство на жестоки алкохолни пијалаци), согласно роковите утврдени во деловните планови и договорот. На овој начин, ние им помагаме да набават опрема без да се задолжуваат со кредити и да плаќаат камати. Напротив, со ваквата подрршка ние им помагаме да растат, да го зголемуваат производството, да станат конкурентни, а тие потоа придонесуваат да се полни буџетот на државата преку плаќање на даноците со што сме го запазиле тој партнерски однос и сме си помогнале едни на други“ изјави министерот Николовски.

Потврда за ова се и бројките кои бележат тренд на раст. Заклучно со 30.11.2022 год во регистрите на Царинска Управа се регистрирани вкупно 27 дестилерии од кои 19 во Електронскиот регистар во царинската управа како Земјоделци – мали производители на жестоки алкохолни пијалаци, додека  8  се регистрирани во Електронскиот регистар во царинската управа како Мали независни производители на етил акохол и жестоки алкохолни пијалаци за комерцијални цели – мали дестилерии. Заклучно со 30.06.2023 год во регистрите на Царинска Управа се регистрирани вкупно 32 дестилерии од кои 24 во Електронскиот регистар во царинската управа како Земјоделци – мали производители на жестоки алкохолни пијалаци, додека  8  се регистрирани во Електронскиот регистар во царинската управа како Мали независни производители на етил акохол и жестоки алкохолни пијалаци за комерцијални цели – мали дестилерии.

Имаме тренд на зголемување и тоа токму кај што треба во Електронскиот регистар во царинската управа како Земјоделци – мали производители на жестоки алкохолни пијалаци од  19 во 24.

„Искрено се надевам дека со нашата поддршка овие бројки постојано ќе растат и заедно ќе го повториме успехот на малите семејни винарии. Пред почетокот на нашата поддршка, во 2019  година имавме само 30 мали семејни винарии, а денес Македонија има 247 винарски визби од кои 165 мали семејни винарии кои пишуваат нова историја во винскиот сектор и тоа токму со нашата поддршка и визијата која ја имавме за овој сектор. Очекувам ист ваков успех и со малите дестилерии, особено затоа што нашето поднебје има традиција во производство на вино и ракија и време е тоа да биде претставено пред светот“ посочи министерот Николовски. 

Најголем број на добитниците на договори за финансиска поддршка за мали дестилерии се од Кавадарци и Неготино, а останатите се од Скопје, Охрид, Ресен Струга, Велес и Куманово.

The post МЗШВ: Доделени договори за грант до 300.000 денари за мали дестилерии appeared first on Република.

Земјоделската сезона се одвива интензивно, досега за 2023 година бележиме одлични приноси од сите стасани производи на полињата на територија на целата држава. Оваа сезона надминавме бројни предизвици и проблеми, експресно и навремено ја реализиравме институционалната поддршка за земјоделците и секогаш остануваме да бидеме потпората за квалитетното земјоделско производство. Политиките и мерките кои ги превземаме се секогаш во партнерство со земјоделците, а во насока на постигнување на целта која заеднички ја споделуваме.

Годинава активно работиме на обезбедување на дополнителни количини на вода за светиниколско. Вработените од подружницата на АД Водостопанство, заедно со локалните канцеларии на Министерството за земјоделство, шумарство и водостопанство, веќе одреден период се на терен на разговори со земјоделците, при што заеднички со нив се подготвува планот за наводнување за оваа сезона. Планот предвидува вода до секоја обработлива површина и правилен распоред за наводнување. Секогаш партнерски, заедно со земјоделците ги утврдуваме нивните приоритети и сме отворени за сите нивни барања и потреби. Постапуваме брзо и навремено, нашите активности, мерки и постапувања ги кроиме согласно визијата која ја споделуваме со земјоделците.

Комплетно го решаваме наводнувањето на Овчеполието, целосно сме посветени на реконструкција, модернизација и осовременување на хидросистемите, објектите и инфраструктурата која обезбедува наводнување за Свети Николе и околните општини и села. Веќе се дефинирани прироритетите кои значат зголемено производство за земјоделците од овој крај. Преку програмите на министерството фокусирани сме на два клучни проекти за целосно решавање на наводнувањето во Свети Николе, првиот се однесува на реконструкција на Десниот магистрален канал и санации на главниот цевковод во реонот на Истибања кој ќе обезбеди доволни количини на вода за Свети Николе и сите општини и населени места со кои управува светиниколската подружница на АД Водостопанство, вториот се однесува на целосна реконструкција на цевководот кој доаѓа од акумулацијата Мавровица, со што комплетно се обезбедува наводнување на површини од над 3.000 хектари земјоделска обработлива површина од Овчеполието.

Со Програмата за водостопанство и Програмата за рурален развој на министерството обезбедуваме средства за зголемување на протокот на вода од цевководот Калиманцисѐ до последните обработливи површини во светиниколско. Проектот ќе опфати реконструкција на десниот магистрален цевковод со што ќе се елиминираат загубите на вода, паралелно на ова ќе се санираат свлекувања во Истибања. Со овие чекорисе обезбедува полнење на цевководот во неговите максимални капацитети за кои што интервенции веќе со следниот ребаланс подготвуваме обезбедување на проектна документација. Во екот на тековната, ги правиме подготовките и за следната сезона, при што обезбедуваме полн капацитет на работа на цевководот од самиот почеток, до неговиот крај, односно доволни количини на вода ќе се испорачуваат кон земјоделските површини во Свети Николе  кои ќе обезбедат непречено наводнување.

Дополнително подготвен е проект за обезбедување на вода за наводнување преку акумулацијата Мавровица, кој е планиран да влезе во следниот буџет и програма на министерството како приоритет за зголемување на наводнувањето во Овче Поле. Овој проект предвидува замена на постоечкиот цевковод со квалитетна метална цевка која поседува соодветна заштита од корозија, промена на линиски затврачи, водушни вентили и инсталација на хидранти. Со ова ќе се стави крај на тековната поправка на дефекти кои постојано се појавуваа и ќе се обезбеди квалитетна и навремена достава на вода до сите обработливи површини до кои стигнува системот.

Министерството секогаш стои на иста страна со земјоделецот, работиме на заедничка агенда која предвидува успех за сите субјекти вклучени во дејноста. Ангажирани сме за создавање на услови за раст и развој, земјоделието е носечки столб на развитокот на државата, затоа стоиме цврсто на оваа определба и секојдневно сме посветени на воведување на нови решенија кои ќе обезбедат прогрес и сигурна иднина на земјоделците и сите граѓани на државата.

The post МЗШВ: Комплетно го решаваме наводнувањето на Овчеполието appeared first on Република.