Литературна вечер посветена на современата македонска литература со посебен осврт на делото на академик Влада Урошевиќ, македонски поет, прозен автор, критичар, есеист, антологичар и преведувач по повод неговиот јубилеј – 90 години од раѓањето, е организирана во Москва.

На литературната вечер организаторот Олга Панкина го претстави богатото творештвото на Влада Урошевиќ кое им е познато на руските читатели благодарение на преведените од неа романи „Невестата на змеjот“, „Барајте го гавранот“ („Дива лига“) и „Маџун“, двете поетски збирки „Пеjач во кулата“ за која во 2017 година Влада Урошевиќ jа доби највисоката руска награда за поезија „Златен витез“ и „Jужна sвезда“. Двете поетски книги се проследени со исклучителни колажи на авторот.

Пред гостите беше прочитан дел од поезијата на Влада Урошевиќ во оригинал и во препев. Посебно внимание Панкина и посвети на книгата раскази „Дирижабл над поле со пченки“ која содржи 35 раскази создадени од Влада Урошевиќ во текот на неговото шеесетгодишно книжевно творештво. Збирката беше објавена пред месец дена во нејзин превод на руски.

Книгата му е подарок на Влада Урошевиќ за роденденот, но пред се – таа им е подарок на руските читатели кои високо го ценат неговото извонредно творештво, рече Панкина.

Настанот се одржа во Културниот центар „Фазил Искандер“ во рамките на нејзиниот отворен проект „Читаj jа Македониjа!“ што успешно го реализира од 2014 година.

На крајот Панкина на сите заинтересирани им подари книги на македонските автори.

The post Литературна вечер во Москва посветена на академик Влада Урошевиќ appeared first on Република.

Една жена загина, а три лица се повредени во напад со дрон на украинската армија во текот на ноќта врз Москва, соопшти гувернерот на Московската област Андреј Воробјов.

Претходно беше објавено дека жртва на нападот со дрон било деветгодишно момче, што Воробјов го негираше, пренесуваат руските медиуми.

Почината е 46-годишна жена (претходно имаше информации за смрт на деветгодишно момче, што не беше потврдено)“, напиша Воробјов на платформата Телеграм.

Тој додаде дека две лица се хоспитализирани во болница во областа Рамен.

Во текот на ноќта руските системи за противвоздушна одбрана соборија дваесетина украински беспилотни летала над московските населби Подолск, Раменскоје, Либерци, Думдедово и Коломна.

Во Раменски од нападот оштетени се две станбени згради.

Московските аеродроми Домодедово и Внуково привремено ги прекинаа летовите.

Руското Министерство за одбрана утринава соопшти дека во текот на ноќта биле пресретнати и уништени вкупно 144 украински беспилотни летала, што биле лансирани во девет руски региони.

Претходно, регионалните власти известија дека се уништени 75 дронови.

Според ажурираните информации на руското Министерство за одбрана се наведува дека 72 беспилотни летала се уништени или пресретнати над регионот Брјанск, 20 над Московскиот регион, 14 над регионот Курск, 13 над регионот Тула, осум над регионот Белгород , седум над Калуга, пет над Воронежската област, четири над Липецката област и еден над Ориолската област“.

The post Mасивен напад со дронови врз Москва и други девет региони appeared first on Република.

Беспилотно летало кое летало кон Москва е уништено во регионот околу руската престолнина, изјави градоначалникот на Москва, Сергеј Собјанин, во објава на Телеграм.

Најмалку 12 беспилотни летала лансирани од Украина се уништени и над пограничниот регион Брјанск, во југозападна Русија, изјави регионалниот гувернер Александар Богомаз на Телеграм.

Два беспилотни напаѓачки авиони, исто така, беа соборени над Курската област, изјави на Телеграм Алексеј Смирнов, вршител на должноста гувернер на регионот, кој беше делумно окупиран од Украина по инвазијата.

Според првите информации, нема повредени или материјална штета, соопштија надлежните.

Засега не може да се добие независна потврда на ваквите извештаи.

Од украинска страна во моментов нема коментари на наводите на руските регионални функционери.

The post Украински дронови летаа кон Москва appeared first on Република.

Руските сили за воздушна одбрана соборија 10 беспилотни летала кои летаа кон Москва во текот на ноќта и наутро, а ова е еден од најголемите обиди за напад на главниот град на Русија со дронови досега, изјави градоначалникот Сергеј Собјанин.

Претходно, градоначалникот на Москва на Телеграм објави осум соборени дронови во Московскиот регион, пренесува РИА Новости.

Гувернерот на руската област Брјанск, Александар Богомаз, утринава пријавил седум соборени дронови над тој регион, пренесува Интерфакс.

Во рок од еден час, силите за противвоздушна одбрана на Министерството за одбрана на Руската Федерација открија и уништија седум дронови од типот на авиони“, напиша тој на својот канал Телеграм.

Богомаз додаде дека нема жртви или разурнувања.
Речиси секој ден Украина се обидува да користи беспилотни летала за да нападне цели во пограничните и централните региони на Русија.

Moscow pretends nothing is happening for the the third year running - no war, no genocide of the Ukrainian people.
But it is getting harder and harder to ignore with Kursk region under attack and with 🇺🇦drones paying a visit to the capital of russia. MoZkва, не спать! pic.twitter.com/F04ezfi3Pz

— SheFella 🇱🇻🇬🇧🇺🇦 (@GoldenR_Fella) August 21, 2024

The post Украинците ја нападнаа Москва: Еден од најголемите удари на руската престолнина досега appeared first on Република.

Украина изврши еден од најголемите напади со беспилотни летала врз Москва, при што руските единици за ПВО уништија најмалку 10 беспилотни летала што летаа кон главниот град, изјави градоначалникот Сергеј Собјанин.

Некои од беспилотните летала се уништени над градот Подолск, прецизира тој. Градот се наоѓа на околу 38 километри јужно од Кремљ.

„Системите за воздушна одбрана на Министерството за одбрана продолжуваат да одбиваат напади од непријателски беспилотни летала“, објави утрово Собјанин на Телеграм.

„Ова е еден од најголемите обиди за напади со беспилотни летала врз Москва во историјата. Ние продолжуваме да ја следиме ситуацијата“.

Тој додаде дека според прелиминарните информации, во нападите нема жртви или материјална штета.

The post Украина изврши голем напад со беспилотни летала врз Москва appeared first on Република.

Федералната служба за безбедност на Русија (ФСБ) спречи обид за атентат на украинските специјални служби врз тројца високи руски воени претставници, при што е уапсен еден руски државјанин.

ФСБ на Руската Федерација спречи обид на украинските специјални служби да извршат терористички напади врз тројца високи воени лица на Министерството за одбрана на Руската Федерација во градот Москва, се наведува во соопштението.

Според ФСБ, украинските разузнавачки служби контактирале со еден од членовите на екипажот на бродот, сугерирајќи му да изврши терористички напад. Тој по наредба на украинската воена разузнавачка служба „организирал испорака преку курирска служба на три експлозивни направи со голема моќност, маскирани како подароци, до адресите на живеење во Москва на началниците на оддели во руското Министерство за одбрана.

Дваесетгодишниот осомничен признал дека бил регрутиран во мај 2024 година од офицер на украинската воена разузнавачка служба и дека се согласил да извршува задачи поврзани со подготовка на терористички напади на руска територија за паричен надомест.

The post ФСБ спречи атентат на три воени лица во Москва appeared first on Република.

Окружниот суд во Москва денеска издаде налог за апсење во отсуство по вдовицата на рускиот опозициски лидер Алексеј Навални – Јулија Навални, поради наводно учество во екстремистичка заедница.

Јулија Борисовна не им беше достапна на истражните органи во претходната истрага. Во врска со тоа, издадена е потерница – се наведува во соопштението на судот, пренесува Известија.

Се појаснува дека Судот одлучил да донесе превентивна мерка против Јулија Навална откако ја разгледал претставката на истражните органи.

The post Судот во Москва издаде потрница по вдовицата на Алексеј Навални appeared first on Република.

Унгарскиот премиер Виктор Орбан денеска пристигна во Москва како дел од „мировна мисија“, изјави неговиот портпарол Берталан Хаваси.

Се очекува за време на престојот во Москва Орбан да се сретне со рускиот претседател Владимир Путин, изјави Хаваси за унгарски медиуми.

Посетата на Орбан на Москва се остварува по ненадејната посета на Киев на 2 јули, каде што се сретна со претседателот на Украина, Володимир Зеленски.

The post Орбан пристигна во Москва на средба со Путин appeared first on Република.

Во 2025 година во Москва ќе бидат пуштени во употреба трамваи без екипаж ќе бидат.

Пред да почне да биде дел од секојдневниот сообраќах, овој трамвај ќе мора да помине низ „три фази на еволуција“, соопшти заменик-градоначалникот на Москва за сообраќај Максим Ликсутов.

Во првата фаза трамвајот не превезува патници, а неговата контрола ја надгледува возачот. На вториот, возачот исто така ги следи командите, но на луѓето веќе им е дозволено да се возат. Во третата, последна фаза, трамвајот почнува да работи целосно автономно и самостојно ги превезува патниците.

Втората фаза на тестирање ќе почне оваа година во четвртиот квартал, а во 2025 година трамвајот ќе биде пуштен во Москва и ќе почне да работи целосно автономно. Откако првиот трамвај успешно ќе ги помине сите тестови, целиот преостанат возен парк ќе се префрли на беспилотна работа.

Плановите на московската влада вклучуваат и префрлување на електричните автобуси и метрото на работа без екипаж.

The post Во Москва ќе возат трамваи без екипаж appeared first on Република.

Обемот на туристички доаѓања на странци во Москва се зголемило за 40%. Само во првите три месеци од 2024 година во главниот град пристигнале половина милион странски патници.

Мнозинството се од земјите од Азиско-пацифичкиот регион (56% од странскиот туристички проток). Блискиот исток го надополнува изгубеното време за време на годините на пандемијата. Бројот на туристи од таму се приближува до бројките од 2019 година. Странците од овој регион почесто од другите престојуваат во хотели со пет ѕвездички и луксузни ресторани.

Сепак, Кина, Турција и Индија се топ 3-те земји од кои минатата година најчесто доаѓаат туристи во Москва. За цела 2023 година, главниот град на Русија го посетиле 2,3 милиони странски туристи, што е 30% повеќе од претходната година.

Луѓето доаѓаат во Москва главно за богата културна програма, како и за да видат како речиси 900 години од историјата на градот се впишани во модерната реалност и инфраструктура.

The post Обемот на туристичките патувања во Москва се зголемил за 40% appeared first on Република.

Сомнителна појава на ретко и екстремно опасно труење со храна во Москва погоди повеќе од 120 луѓе кои побарале медицинска помош, а најмалку 30 се на интензивна нега, соопштија денеска здравствените власти.

Пациентите се примени во болница со сомневање за ботулизам што се пренесува преку храна, состојба опасна по живот која го напаѓа нервниот систем и може да предизвика респираторна инсуфициенција и парализа.

Руските власти соопштија дека токсичната епидемија потекнува од салати дистрибуирани од популарната услуга за испорака преку интернет, која во неделата привремено ги прекина своите операции поради кривична истрага.

Вкупно 121 лице побарале медицинска помош“, изјави Анастасија Ракова, заменик-градоначалничка на Москва.

„Во моментот 55 лица се во тешка состојба, од кои 30 на интензивна нега“, додаде таа.

Градското тело за заштита на потрошувачите и здравјето, Роспотребнадзор, во саботата соопшти дека спроведува „епидемиолошка истрага за сомнителни случаи на ботулизам“.

Моосковското обвинителство соопшти дека покренало кривична истрага за прекршување на стандардите за безбедност на потрошувачите.

The post Над 120 затруени со храна во Москва, 30 се на интензивна нега appeared first on Република.

Во организација на поетесата Олга Панкина, позната руска македонистка и преведувачка во Москва, Русија, се одржа литературна вечер посветена на академик Влада Урошевиќ во рамки на нејзиниот отворен проект „Читаj jа Македониjа!”.

Проектот што доследно го реализира од 2014 година, се покажал како многу успешен, појаснува Олга Панкина, која има преведено и препеано на руски околу 300 македонски автори – поетски, прозни, драмски, критичко-есеистички творби презентирани во рамките на антологиски избори, панорами и одделни објави.

Ми се појави идеја да ги презентирам во Русија редовно, системски, во рамки на еден литературен проект. Го насловив „Читај ја Македонија!” Под тоа мото одржав многу литературни настани – промоции, книжевни разговори, омажи и изложби на книги, претставувајќи ја современата македонска литература како богата и разнолика – жанровски, стилски, тематски, генерациски. Во изминатите 10 години jа претставив на разни терени и во разни градови – најмногу секако во Москва и на најблиското подрачjе Подмосковjе, но и во градовите Внуково, Зеленоград, Долгопрудниј, подалеку  во Твер, Санкт-Петербург, Пjатигорск, Ханти-Мансијск, како и на помали места, на пример во станицата „Новопесковска” на Краснодарската покраина – вели Панкина која е посветена на популаризација на македонската култура во Русија.

Низ цела година таа одржува литературни и културни настани, а оваа година, вели, му е посветена на академик Влада Урошевиќ по повод неговото прогласување за добитник на „Златен венец” на Струшките вечери на поезијата за 2023 година и 90-годишнината од неговото раѓање.

На настанот Олга Панкина го претстави Влада Урошевиќ како поет, прозен автор, критичар, есеист, антологичар и преведувач. Неговото богато творештвото, додава таа, им е познато на руските читатели благодарение на романите „Невестата на змеjот”, „Дива лига” и „Маџун”, а и на расказите „Сабја”, „Кукла”, „Вишнов ликер” и други.

Посебно во своето излагање таа се задржа на поетската збирка „Пејач во кулата” за која во 2017 година Влада Урошевиќ jа доби највисоката руска награда за поезија “Златен витез” и на поновата, насловена „Jужна sвезда”, која лани ја објави Центарот за книга „Рудомино”. Двете поетски книги се проследени со исклучителни колажи на авторот.

Олга Панкина го презентира и мартовскиот број на најреномираното руско списание „Иностранаја литература” чие мото е изреката “Запознај ги утрешните класици!” каде се објавени песни на Влада Урошевиќ во нејзин препев. Панкина напиша и кратка белешка за него како поет, изразувајќи надеж дека читателите и преку превод ќе jа почувствуваат убавината на поетскиот израз на овој голем македонски автор.

Таа најави дека во јунскиот број на „Иностранаја литература” ќе бидат претставени низа раскази на Влада Урошевиќ, а наесен исто така во нејзин превод ќе излезе од печат нова книга – избор раскази на Влада Урошевиќ. Таа го наслови „Дирижабл над поле со пченки”. Книгата, вели таа, ќе биде подарок на Влада Урошевиќ за роденденот, но пред сѐ на руските читатели кои високо го ценат неговото извонредно творештво.

Артисти на театарот „Город”, на литературна вечер посветена на академик Урошевиќ, рецитираа песни и извадоци од неговите романи на македонски и на руски јазик.

Присутните на настанот му ја испратија на Влада Урошевиќ видеоснимката со честитки за јубилејот, наведува Панкина.

The post Проект „Читај ја Маедонија“: Литературна вечер посветена на академик Влада Урошевиќ во Москва appeared first on Република.

По повод Денот на словенските просветители, синоќа во Москва беше промовирана новата, руска објава на романот на македонскиот писател Томислав Османли „Бродот. Конзархија“, која е дел од меѓународната едиција „100 словенски романи“. Романот е во превод на преведувачка Олга Панкина, а го објави издавачката куќа Центар за книга „Рудомино” од Москва.

За време на промоцијата, авторот Томислав Османи преку видеоснимка рече дека станува збор за книга која не се базира само на изразувањето на сопственото авторско его, на интимата, тука се обидува да ја опфати и да ја согледа и судбината на современиот свет.

-Станува збор за книга којашто ми донесе голема сатисфакција со оглед на тоа, дека се изразив себеси - сметам на еден начин којшто, еве, барем мене како автор ме задоволува: не се базира само на изразувањето на сопственото авторско его, на интимата и така натаму, тука се обидува да ја опфати и да ја согледа и судбината на современиот свет, за прво на човекот во современото загрижувачки отуѓено општество, посочи Османли.

Проектот „100 словенски романи” со посебен акцент на најновиот роман на Томислав Османли на промоцијата го претстави Jулија Созина, соработник во Библиотеката за странска литература, координатор на овој меѓународен проект од руската страна.

На настанот присуствувал и Евгениј Резниченко, директорот на Издавачката куќа Центар за книга „Рудомино” кој истовремено е и директор на Институтот за превод во Москва. Тој го оцени романот „Бродот. Конзархија” како значајно дело кое покренува низа проблеми многу важни за цивилизацијата.

Панкина го претстави романот подетално, зборувајќи за неговите особини, за жанрот, естетиката и поетиката, за јазикот и литературните квалитети.

Инаку „Бродот. Конзархија“ е шестиот по ред роман од македонски автор кој се појавува на руски јазик во едицијата „100 словенски романи“, сите во превод на Олга Панкина.

The post Промовирана руската објава на македонскиот роман „Бродот. Конзархија“ од Томислав Османли appeared first on Република.

– Русија за првпат соопшти дека ИД го координирала нападот во март во концертна сала во Москва, најсмртоносниот терористички напад во земјата во изминатите две децении.

„Во текот на истрагата беше утврдено дека подготовките, финансирањето, нападот и повлекувањето на терористите биле координирани преку интернет од страна на припадници на ИД – Хорасан“, активен огранок на ИД во Авганистан и Пакистан, изјави Александар Бортников, шеф на ФСБ.

ИД во неколку наврати ја презеде одговорноста за нападот на 22 март во кој загинаа над 140 луѓе, но Москва постојано се обидуваше да ги поврзе Украина и Западот со нападот.

Бортников не го отфрли украинскиот агол во своите изјави денескла велејќи дека „по завршувањето на нападот, терористите добиле јасни инструкции да се движат кон украинската граница, каде од другата страна им бил подготвен „прозорец“.

Украина постојано негираше вмешаност. Вооружени лица упаднаа во концертната сала Крокус во предградието на Москва пред да ја запалат зградата.

Уапсени се повеќе од десетина осомничени, вклучително и четворицата напаѓачи, кои сите се од централноазиската држава Таџикистан.

The post Русија призна дека ИД стои зад смртоносниот напад во московската концертна сала appeared first on Република.

Руското Министерство за одбрана денеска соопшти дека неговите сили презеле контрола над шест села во источна Украина.

Министерството преку Телеграм објави дека се „ослободени“ украинските села Борисовка, Огрицеве, Плетенивка, Пилна и Стрилеча во областа Харков во близина на границата со Русија, како и селото Керамик во регионот Доњецк.

Стотици луѓе денеска беа евакуирани од регионот на Харков во близина на границата со Русија поради руската копнена офанзива.

Руските сили, кои беа истиснати од таа зона во североисточна Украина пред речиси две години, постигнаа низа мали напредоци во последните недели.

Од украинска страна, гувернерот на Харковскиот регион, Олег Синегубов, денеска соопшти дека се евакуирани вкупно 1.775 луѓе и оти Русија во претходните 24 часа извршила артилериски напад врз 30 локации.

Регионот на Харков, вториот по големина град во Украина, е главно под контрола на украинските сили од септември 2022 година

The post Москва: Руските сили презедоа контрола над пет села во Харковскиот регион appeared first on Република.

Илјадници руски војници денеска маршираа на Црвениот плоштад во Москва за да ја одбележат 79-годишнината од советската победа над нацистичка Германија во Втората светска војна. 9 мај е еден од најпочитуваните празници во Русија.

На парадата учествуваа повеќе од 9.000 војници од различни гранки на војската, вклучително и оние кои се бореле на бојното поле во конфликтот во Украина. Повеќе од 70 тенкови и оклопни возила се приклучија на шоуто.

Неколку воени авиони учествуваа во традиционалното прелетување и покрај необичните снежни врнежи во мај во руската престолнина. Во претходните години, прелетувањето беше откажано поради временските услови.

Рускиот претседател Владимир Путин одржа говор пред парадата.

The post Воена парада во Москва за Денот на победата appeared first on Република.

The post „Леопард“, „Абрамс“, „Бредли“: Русија на изложба ја покажа НАТО техниката заробена во Украина appeared first on Република.

Во Москва вчера е одржана литературната средба во рамки на отворениот проект „Читај ја Македонија!“, што Олга Панкина, поетеса и преведувач, претседател на невладината организација „Македонски културен центар“ во Москва успешно го реализира од 2014 година, запознавајќи ја руската читателска публика со творби како од класиците на македонската литература, така и од современите прозаици, поети и драматурзи.

Овој пат, соопшти денеска Панкина, главно внимание му било посветено на романсиерското творештво на македонските жени-писатели кое помалку им е познато на читателите. Олга Панкина врз примерите од книгите што ги има преведено на руски ги запознала присутните со афирмацијата и развојот на женското писмо во Македонија.

Тргна од писателките кои ги положија неговите темели, какошто за пример Драгица Најческа, автор на еден од првите македонски романи напишани од жена, продолжи со романите на Оливера Николова, Тања Урошевиќ, Лилјана Пандева, Оливера Јовановска – се до помладите автори какошто Ксениjа Николова. Нејзините романи „Незадоволна“ и „Емотивен манипулатор“ каде станува збор за современи амбициозни жени кои бараат свое достојно место во животот ги објавија реномираните издавачки куќи „Ексмо“ (2023) и „У Никитских ворот“ (2024), се наведува во соопштението.

Артистите на театарот „Город“ прочитале извадоци од низа романи, што предизвикало големо одушевување и восхит кај публиката. На крајот, се додава во соопштението, на сите заинтересирани Олга Панкина им подарила книги од македонските автори.

The post Во Москва литературна средба „Малку за Македонија и за нејзините жени-писатели“ appeared first on Република.

Судот во Москва го уапси единаесеттиот обвинет во случајот со терористичкиот напад на Крокус, Мухамед Зоир Шарипзода, соопшти судот.

„Окружниот суд избра мерка за превенција против Шарипзода Мухамед Зоир, родум од Република Таџикистан, кој е обвинет за сторено кривично дело од став „б“ од дел 3 од член 205 од Кривичниот законик (“ Терористички чин“)“, изјави соговорникот на агенцијата РИА Новости.

Пукањето и пожарот во концертната сала Крокус во Красногорск се случија вечерта на 22 март.

Неколку мажи упаднаа во зградата, пукајќи во луѓето од непосредна близина и фрлајќи запаливи бомби.

Според последните податоци на Министерството за вонредни состојби, во нападот загинале 144 лица.

Во тој случај претходно беа уапсени десет обвинети, меѓу кои и четворица државјани на Таџикистан, кои според истрагата биле директни извршители на терористичкиот напад.

Покрај тоа, на 1 април во Дагестан беа приведени четворица странци кои учествуваа во финансирањето и обезбедувањето оружје на криминалците кои го нападнаа Крокус. Еден ден претходно, безбедносните сили уапсија уште тројца централноазијци осомничени за вмешаност во терористички напад во Москва, Екатеринбург и Омск.

Како што изјави минатата недела директорот на ФСБ, Александар Бортников, првото сведочење на уапсениот ја потврдува украинската трага. Според Истражниот комитет, терористите по нападот заминале кон Киев за да ја добијат наградата. Руските разузнавачки служби сметаат дека зад ова злосторство стојат САД и Велика Британија, анализираат локалните медиуми.

The post Уапсен единаесеттиот обвинет вмешан во масакрот во Москва appeared first on Република.

Руската служба за безбедност (ФСБ) денеска соопшти дека во Екатеринбург и Омск уапсила двајца странски државјани и еден руски државјанин, кои биле вклучени во финансирање и регрутирање терористи кои учествувале во нападот, што се случи на 22 март во концертната сала „Крокус“, во близина на Москва.

Приведените странци се од регионот на Централна Азија, пренесуваат руските медиуми.

ФСБ откри дека „двајца од уапсените префрлиле пари за набавка на огнено оружје и возила користени во терористичкиот напад, а третиот бил директно вклучен во регрутирање соучесници во терористичкиот напад и финансирање на неговите извршители“

The post Уапсени уште тројца осомничени за нападот во концертната сала близу Москва appeared first on Република.