На војниците кои се истакнаа при апсењето во Брјанската област на осомничените за терористичкиот напад на „ Крокус сити хол“, им биле врачени државни и ресорски награди, соопшти руското Министерство за одбрана.

„Заменик-командантот на Ленинградскиот воен округ, генерал-полковник Еседула Абачов, им врачи државни и ресорски награди на воените лица од групата што ја покрива државната граница на Руската Федерација, а кои се истакнаа за време на апсењето на терористите во регионот Брјанск“, се наведува во соопштението објавено од „РИА Новости“.

Абачов лично му честиташе на секој учесник во операцијата, а борците беа наградени со медали за храброст и за воено истакнување.

Најмалку 137 лица загинаа во терористичкиот напад во Москва во петокот вечерта, а се очекува бројот да се зголеми. Московскиот суд издаде обвиненија против главните осомничени за масакрот во концертната сала „Крокус сити хол“ кои беа уапсени во петокот.

Судот во Басман во Москва ги сослуша осомничените приведени по смртоносниот напад во кој загинаа повеќе од 130 луѓе. Осомничените, за кои се верува дека се државјани на Таџикистан, се појавија на суд поединечно.

The post Врачени признанија на руските војници кои помогнаа во апсењето на терористите appeared first on Република.

Против двајца обвинети за терористичкиот напад на трговскиот центар „Крокус сити“ во Москва е поднесено официјално обвинение и им се заканува доживотен затвор.

Како што информираше за РИА Новости прес-службата на судот Басман во Москва, Рачабализода Саидакрами Муродали и Мирзоев Далерјон Баротович се обвинети за извршување на терористички напад што резултирало со смрт на лица извршено од организирани групи.

Максималната казна за ова дело е доживотен затвор.

Далерјон Мирзоев (32), првообвинетиот за терористичкиот напад во концертната сала Крокус во Москва, на судското рочиште ја признал вината, пренесува РИА Новости.

Во трговскиот центар биле пронајдени над 500 чаури од куршуми и 28 шаржери за АК-47- Калашников.

Бројот на жртвите во терористичкиот напад на трговскиот центар „Крокус сити“ во Москва се искачи на 137, соопшти претходно денеска Рускиот истражен комитет.

Се додава дека меѓу загинатите има и три деца, јави ТАСС. Дополнително, бројот на повредени се зголеми на 180, од ​​кои 142 лица се хоспитализирани.

„Истрагата продолжува. До денес се идентификувани 62 тела“, се наведува во соопштението.

Терористичкиот напад се случи во петокот во трговскиот центар „Крокус Сити“ во Москва, а одговорноста за нападот ја презеде Исламската држава.

The post На двајцата терористи од Москва им се заканува доживотен затвор, првообвинетиот признал вина appeared first on Република.

Маж, по име Михаил, кој вчера вечер бил со жена си во концертната сала „Крокус“ ​​денеска за руските медиуми изјавил дека совладал терорист и му го одзел оружјето.

Според неговите зборови, тој во моментот на нападот ја оттурнал сопругата, потрчал кон терористот, ја грабнал неговата автоматска пушка, ја одзел и почнал да го удира напаѓачот по главата, пренесува РТ.

„Ја погледнав сопругата и го видов ужасот во нејзините очи. Сфатив дека морам да направам нешто“, рекол мажот во интервју за ТВ каналот „Россија 24“.

Според самиот херој, терористот се обидел да побегне, но тој го држел за врат. Потоа на помош дошол друг маж кој помогнал напаѓачот да биде совладан.

„Беше ужас. Сфатив дека ако одложам, ќе ме убие и мене и мојата сопруга. Морав да го нападнам тој злосторник. Тој направи грешка што остана сам“, рече Михаил.

Претседателот на Истражниот комитет, Александар Бастрикин, предложи награда за храбриот маж.

„За време на терористичкиот напад, еден од присутните во салата покажа неспоредлива храброст. Мажот обидувајќи се да ја заштити сопругата од терористите кои пукаа во луѓето, нападна еден од нив и го неутрализираше. Со своите активни и решителни акции тој ги спасил животите на луѓето околу него во тој момент“, се вели во пораката.

Според рускиот истражен комитет, бројот на загинатите во терористичкиот напад во концертната сала „Крокус“ ​​во близина на Москва се искачи на 143.

The post Посетител во „Крокус“ успеал да совлада еден од терористите – предложена награда за храбриот маж appeared first on Република.

Руската државна новинска агенција РИА Новости објави на Телеграм видео од наводното признание на еден од уапсените лица во врска со нападот на концертната сала на градското собрание Крокус.

Во краткото видео, човек со преврзана, крвава глава зборува на руски.

Се претставува и наведува дека има 30 години. Го прашуваат каде е фрлено оружјето употребено во нападот, а тој одговара: „Не го знам градот, прашајте ги моите пријатели, тие знаат“. РИА објави и фотографии од тројцата наводни напаѓачи откако беа уапсени.

Ниту една фотографија или видео од четвртиот напаѓач не е објавена во руските државни медиуми. РИА наведе дека сите напаѓачи зборуваат „исклучително лошо“ руски, а еден од мажите зборува само „таџиски“, па комуницирал „преку преведувач“.

Се додава дека еден од осомничените признал дека неименувано лице наречено „помошник на проповедникот“ му ветило половина милион рубљи (околу 5.000 долари) за да го изврши нападот. Подоцна, сепак, тој претставил друга бројка.

РИА пишува дека еден од напаѓачите спомнал дека се вратил во Русија од Турција на почетокот на овој месец. РИА тврди дека напаѓачите живееле заедно во хостел на северот на Москва, а двајцата се запознале само „пред 10-12 дена“

„Од фрагментите од сослушувањето не произлегува кохерентна слика. Не е сосема јасно што точно ги поврзало овие луѓе, од кои мотиви биле водени, организирајќи еден од најкрвавите терористички напади во историјата на Русија“, заклучува РИА.

The post Терористите не се познавале меѓу себе, се сретнале во хостел во Москва appeared first on Република.

Украинскиот претседател Володимир Зеленски го нарече Владимир Путин „безвреден“ лидер поради неговата реакција на нападот во концертната сала „Крокус Сити Хол“ во близина на Москва. Тој го повика Путин дека „молчел еден ден“ пред лажно да ја обвини Украина во „целосно предвидлив“ потег.

Тој му предложи на Путин да ги искористи илјадниците Руси кои умираат на украинска територија за да ги запрат терористите дома, соопшти кабинетот на украинскиот претседател.

„Русија донесоа стотици илјади свои терористи овде, на украинска територија. Тие се борат против нас и не им е грижа што се случува во нивната сопствена земја“, истакна Зеленски.

„Сето ова се случи вчера, а овој безвреден Путин, наместо да се занимава со своите граѓани на Русија, да им се обраќа, молчеше еден ден – мислејќи како да го поврзе со Украина. Сè е сосема предвидливо. Стотици илјади Руси кои во моментов умираат на украинска територија сигурно би биле доволни да ги запрат сите терористи“, заклучи украинскиот претседател.

The post Зеленски за масакрот во Москва: Путин е безвреден лидер appeared first on Република.

Исламска држава ја презеде одговорноста за нападот на популарната концертна сала во близина на Москва во петокот, но Кремљ не ги потврди тврдењата, а Федералната служба за безбедност (ФСБ) соопшти дека „терористите имале намера да ја преминат руско-украинската граница и имале контакти на украинската страна“.

Терористичката група ја презеде одговорноста за нападот во кусото соопштение објавено на Телеграм од страна на новинската агенција Амак, поврзана со ИСИС, во петокот. Тие не дадоа докази за да го поддржат тврдењето. Еден ден по нападот, исламистите повторно се огласија и рекоа дека „нападот е извршен во контекст на безмилосната војна меѓу Исламската држава и земјите кои се борат против исламот“.

Најсмртоносниот терористички напад врз Москва во модерната историја се случи помалку од една недела откако претседателот Владимир Путин убедливо победи на претседателските избори и обезбеди уште еден мандат, зајакнувајќи ја својата контрола врз земјата со која управува повеќе од 20 години.

Американците ја информирале Русија дека ИСИС планирала напад уште од ноември
Претходно овој месец, американската амбасада во Русија соопшти дека „ги следи извештаите дека екстремистите наскоро може да планираат да таргетираат големи собири во Москва“, вклучително и концерти. Пред две недели, амбасадата ги предупреди граѓаните на САД да избегнуваат големи собири. Во петокот, по извештаите за терористички напад, на американските граѓани им беше препорачано да не патуваат во Русија.

Почнувајќи од ноември, постоеше постојан проток на разузнавачки информации дека ИСИС-К е решена да нападне во Русија, според два извори запознаени со информациите.

ИСИС-К е кратенка од ИСИС-Корасан, филијала на терористичката организација активна во Авганистан и околниот регион.

Портпаролката на Советот за национална безбедност на САД, Адриен Вотсон, рече дека американската влада има информации за планиран терористички напад во Москва – потенцијално насочен кон големи собири, вклучително и концерти – и тоа е она што го поттикна Стејт департментот да издаде јавна изјава.

– Оваа информација и американската влада ја сподели со руските власти во согласност со својата долгогодишна политика „должност да предупредува“ – рече Вотсон.

Путин ги отфрли предупредувањата: „Тие сакаат да не заплашат“
Во говорот во вторникот, Путин ги оцени предупредувањата на САД како „провокативни“, велејќи дека „овие акции наликуваат на директна уцена и намера да се заплаши и дестабилизира нашето општество“.

Тој рече дека „непријателот нема да успее да го заплаши рускиот народ“.

– Неодамна реков дека непријателот одлучи да го заплаши рускиот народ, мултинационалната заедница на Русија. Тоа никогаш не се случило, ниту ќе се случи. Обидите на непријателот да ги заплаши Русите имаат спротивен ефект – изјави тогаш Путин.

Само во март руските власти спречија неколку инциденти поврзани со ИСИС, наведува РИА Новости. На 3 март, агенцијата објави дека шест членови на ИСИС биле убиени во антитерористичка операција во Ингушетија Карабулак; На 7 март беше објавено дека безбедносните служби откриле и „неутрализирале“ ќелија на забранетата организација Вилајат Корасан во регионот Калуга, чии членови планирале напад на синагога во Москва; а на 20 март беше кажано дека е приведен командантот на борбената група на ИСИС.

Американски официјален претставник во петокот рече дека Вашингтон нема причина да се сомнева во преземањето на одговорноста на ИСИС за последниот напад.

The post Исламска држава ја презеде одговорноста за нападот во Москва, планиран бил од ноември, Путин ги игнорирал предупредувањата appeared first on Република.

Шаман, пејачот на групата „Пикник“, кој требаше да настапи во трговскиот центар „Крокус“ ​​каде се случи терористичкиот напад, изјави дека ќе плати за погребите на сите жртви, како и за лекувањето на повреден.

Сите ние сме едно големо семејство. А во семејството нема туѓа тага – изјави пејачот познат по своите патриотски ставови.

Видеото на кое вели дека стана вирално на социјалната мрежа „Вконтакте“, каде има повеќе од 600.000 следбеници кои дополнително ги „шират“ неговите зборови.

Народе мој, сите неволји и несреќи отсекогаш ја обединувале нашата земја. Тие ја направија Русија поцврста и посилна. Нема да можат да не исплашат и скршат ниту овој пат – рекол Шаман.

Инаку, никој од музичарите не е повреден. Тие веднаш беа евакуирани од салата.

The post Пејачот на групата „Пикник“ се понуди да ги плати погребите на жртвите appeared first on Република.

Рускиот претседател Владимир Путин изјави дека утре во Русија ќе биде ден на национална жалост поради жртвите од терористичкиот напад во концертната сала „Крокус“ ​​во Москва.

„Го прогласувам 24 март за ден на национална жалост“, рече Путин во обраќањето до Русите по терористичкиот напад.

Бројот на загинати во терористичкиот напад во концертната салата „Крокус“ ​​во близина на Москва се зголеми на 143, соопшти денеска Кремљ.

Нападот се случи кога неидентификувани маскирани вооружени лица синоќа отворија оган во концертна сала „Крокус“ во Красногорск, административен центар на московската област.

Прес-службата на Кремљ соопшти дека уапсени се 11 лица.

The post Утре во Русија ќе биде ден на национална жалост appeared first on Република.