Поранешниот претседател на УЕФА и трикратен добитник на „Златната топка“ Мишел Платини предложи да се намали бројот на играчи на теренот за да се зголеми забавната вредност на фудбалските натпревари.

- Можеби треба да повлечеме еден човек и да играме со 10 играчи на теренот. Во 1900 година беа формирани тимови од 11, но во тоа време тие трчаа помалку отколку денес. Тие беа помалку силни, беа побавни. Затоа, можеби би било добра идеја да се ограничи бројот на играчи. Ова ќе ослободи простор на теренот, изјави Платини за „RMC Sport“.

Поранешниот играч за врска на француската репрезентација исто така истакна дека во негово време фудбалот изгледал сосема поинаку.

- Луѓето од мојата генерација повеќе не гледаат фудбал затоа што не се гледаат себеси во играта. Денес се прават повеќе додавања се игра со посед и многу комбинирање. Јас не критикувам. Но, луѓето од мојата генерација, кои се навикнати на напаѓачки фудбал, не гледаат ништо познато во тоа, додаде поранешниот фудбалер.

Платини беше претседател на УЕФА од 2007 до 2015 година. Играше за Нанси, Сент Етјен и Јувентус, а исто така одигра 72 натпревари за Франција и постигна 41 гол.

The post Платини предлага фудбал со десет играчи во екипа appeared first on Република.

Поранешниот прв човек на УЕФА и прославен француски фудбалер, Мишел Платини, е потенцијален кандидат за позицијата претседател на Фудбалската федерација на Франција (ФФФ). Во моментов, привремено на позицијата е назначен Филип Диало по оставката на долгогодишниот прв човек на францускиот фудбал, Ноел Ле Грет.

Кандидатурата на Платини ја објавија неколку германски и француски медиуми, при што весникот „Зидојче цајтунг“ наведува дека ФФФ веќе работи на тој план, додека радиото „РМЦ Спорт“ посочува дека францускиот претседател Емануел Макрон го прашал Платини дали е заинтересиран за челната позиција во францускиот фудбал.

Ле Грет се повлече од функцијата што ја извршуваше од 2011 година, по контроверзните изјави во врска со француската фудбалска легенда, Зинедин Зидан.

Платини пред половина година беше ослободен од швајцарски суд од обвинението за финансиска измама, а во таа прилика изјави дека веќе нема да бара работа како фудбалски функционер. Меѓутоа, во истовреме изјави дека би бил заинтересиран за ангажман во фудбалот, доколку тоа би било нешто позитивно.

The post Платини би можело да биде нов претседател на Фудбалската федерација на Франција appeared first on Република.