Во тек на вчерашниот ден во 12.30 часот во водите на реката Вардар било пронајдено безживотното тело на Милка Чалова (74), која се водеше за исчезната од 24 јануари.

Како што информираат од СВР Велес, телото го пронашле полициски службеници, и појаснуваат дека потрагата по демиркапијката се одвивала секојдневно, откако нејзиниот син ја пријавил за исчезната.

На телото на удавената жена немало траги на насилство, и било предадено на семејството за погреб.

The post Полицајци го пронашле телото на Милка од Демир Капија appeared first on Република.

Милка Чалова, семејна жена од Демир Капија, без сериозни здравствени проблеми, веќе седум дена е исчезната од својот дом.

https://republika.mk/vesti/crna-hronika/pet-dena-se-traga-po-ischeznata-zhena-od-demir-kapija-semejstvoto-so-apel/

Таа е на возраст од 75 години, живеела заедно со синот, снаата и внучињата. Како што раскажува нејзиниот син Младен за „Фокус”, мајка му функционирала без проблеми, се грижела за домот, имала пријателки со кои често се гледала, одела и во берба на ореви. Никогаш не се случило да замине од дома без да им каже на блиските каде оди.

Веќе шест дена постојано ја барам со пријатели. Не сме седнати. Случајот го пријавивме во полиција на 24 јануари, кај 23 часот. Тој ден таа се однесуваше како и секогаш, се напила кафе со мојата сопруга, и излегла од дома кај 16 часот. Тоа го видовме на камерите на соседот. Самиот проверував камери насекаде, последен пат е забележана кај бензинската станица „Макпетрол“. Облечена е во сив џемпер, црни пантолони, плави чизми и ташна. Се движи со помош на штака, рече вчера вознемирениот син.

Повеќе на „Фокус“

The post „Во чантата имаше само празна ќеса“, вели синот на исчезнатата жена од Демир Капија и апелира за помош appeared first on Република.

Сите да помогнат да биде пронајдена демиркапијката Милка Чалова, апелираше денеска нејзиниот син Младен, повикувајќи ги надлежните повеќе да се ангажираат во нејзиното пронаоѓање.

Чалова е родена на шести ноември во 1947 година. Има 75 години. Ја немало веќе пет дена. Последен пат била видена во близина на бензинската пумпа на „Макпетрол“, околу 18 часот на 24 јануари годинава.

Пред да исчезне, побарала кафе од мојата сопруга. Навидум, немало ништо необично во нејзиното однесување. Си го држи умот и не веруваме дека некаде залутала. Доколку некој ја види, да информира на телефонскиот број 076/948-251 или во најблиската полициска станица. Ние петнаесетина, секојдневно трагаме по неа, но без успех. Ни треба помош и поддршка во потрагата, апелираше синот во изјава за МИА.

Портпаролот на СВР Велес, Ристе Самарџиев рече дека на 24 јануари во 23.13 часот во СВР Велес, 44-годишниот М.Ч. од Демир Капија пријавил оти од домот се оддалечила неговата мајка М.Ч. на возраст од 75 години.

Самарџиев нагласи дека се преземаат мерки за пронаоѓање на лицето.

The post Пет дена се трага по исчезната жена од Демир Капија, семејството со апел appeared first on Република.