Објавена е уште една песна од проектот на „Скендеровски продукција“ - „Македонијо во срце те носиме“, во чии рамки се препеани 12 македонски патриотски песни. Овојпат тоа е видеото за „Ми заплакало селото Ваташа“, во аранжман на Николче Мицевски, а во изведба на Андријана Јаневска и Игор Џамбазов.

https://republika.mk/scena/muzika/andrijana-janevska-treba-da-se-saka-i-pochituva-makedonskata-muzika-taa-e-nashiot-identitet/

Плачевме додека ја слушавме, плачевме и додека го монтиравме видеово, на една од многуте судбини на овој народ, вели Бојана Скендеровски.

https://youtu.be/jsATYRN4q6Q?si=6VuaEFFKBjJCmrwa

The post Плачевме додека го монтиравме видеото, вели Бојана Скендеровски за „Ми заплакало селото Ваташа“ appeared first on Република.

„Ми заплакало селото Ваташа“ е македонска песна оригинално напишана и изведена во 60-те години. Текстописец е Лазар Манчевски – Пинџур, кој инспирацијата ја добил од масакрот во Ваташа што се случил за време на Втората светска војна, кога на 16 јуни 1943 година биле застрелани 12 младинци од фаштистичката војска. Песната ја отпеале повеќе домашни интерпретатори, а оригиналот е изведен од Никола Бадев во 1975 година.

Песната повторно стана актуелна по изведбата на Андријана Јаневска и Игор Џамбазов на последната Златна Бубамара на популарноста, а сега овој двоец во рамки на проектот „Македонијо во срце те носиме“ и ја сними.

Самата идеја за песната и спојот со Игор Џамбазов беше на Ранко Бубамара и сè започна од настапот на Златна Бубамара на популарноста. Потоа дојде предлогот да бидам дел од проектот „Македонијо во срце те носиме“. Со задоволство прифатив, бидејќи во моментов вакви проекти ѝ се повеќе од потребни на Македонија, во време кога царуваат туѓи песни на туѓи јазици. Им порачувам на младите да ја сакаат, почитуваат и слушаат македонската музика, особено изворната народна песна бидејќи таа е нашиот идентитет, вели Андријана.

Видеото за „Ми заплакало селото Ваташа“, за која овој пат аранжманот го направи Николче Мицевски, а во изведба на Андријана и Игор, е со потписот на Скендеровски продукција, која стои зад проектот „Македонијо во срце те носиме“ и во чии рамки се препеани 12 македонски песни. Нумерите се изведени од 12 изведувачи, и од светот на забавната и од светот на народната музика, а публиката уште треба да ги слушне и види ДНК и Зуица Лазова.

Концертниот караван под истото име „Македонијо во срце те носиме“ ќе гостува во неколку македонски градови - Да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас.

https://www.youtube.com/watch?v=jsATYRN4q6Q

The post Андријана Јаневска: Треба да се сака и почитува македонската музика, таа е нашиот идентитет! appeared first on Република.