Американска калуѓерка од сестринскиот ред на Свети Јосиф од Карондел, која била и директорка на католичко училиште во Торанс, јужно од Лос Анџелес во Калифорнија, е осудена на една година затвор поради финансиска злоупотреба.

Калуѓерката Мери Маргарет Кропер пренасочила повеќе од 800.000 долари од касата на приватното католичко училиште, а со тие пари играла во казино и ги користела на скапи одмори.

Одбраната на обвинетата се изјасни дека сестрата Мери била зависна од коцкање.

Кога надбискупијата во Лос Анџелес побарала образложение од сестрата, таа рекла дека, бидејќи свештениците се подобро платени од калуѓерките, таа требало да добие повишување.

The post Играла во казино и одела на скапи одмори: Американска калуѓерка проневерила над 800.000 долари appeared first on Република.