Полнети пиперки, тиквички, сарми, мусака, болоњезе...Меленото месо во македонската кујна го користиме многу. Постојат различни трикови и совети со кои секогаш ќе биде сочно и вкусно.

Една од нив е правилното пропржување.

Речиси секоја домаќинка прво го пропржува исечканиот кромид, а кога ќе омекне, го додава мелено месо.

Но, ако прво го испржите меленото месо, неговите пори подобро ќе се затворат и со тоа ќе се намали можноста да се превари и да се исуши. Исто така, кога кромидот ќе се додаде по пропржувањето на месото, подобро ќе ги ослободи аромите и ќе го подобри вкусот на целото јадење.

Како го подготвувате месото вие?

The post Што се пржи прво: кромидот или месото? appeared first on Република.

Купеното свежо мелено месо може да стои во обичен ладилник еден ден - најмногу два, па најдобро би било, доколку не се користи веднаш, да се замрзне. Но, колку долго тоа месо може да остане во замрзнувач?

Вообичаено, меленото месо е говедско, но може да биде и свинско, телешко, јагнешко, пилешко месо... Ако е термички обработено и правилно складирано, меленото месо може да стои замрзнато во фрижидер два до три месеци и вкусот нема да се промени многу.

Исто така, важно е како е спакувано месото. Доколку е во оригиналното пакување, може да се чува до две недели, а доколку намерата е да се чува подолго од тоа, би било добро пакувањето да се завитка во фолија или во ќесе за замрзнување.

Губењето на влагата е една од главните причини зошто меленото месо го губи вкусот по подолго време, појаснува Американската управа за храна и земјоделство во САД. Според сѐ, меленото месо не може да остане во замрзнувач засекогаш.

The post Меленото месо може да се чува замрзнато два до три месеци appeared first on Република.