Сопругата на новоизбраниот американски претседател Доналд Трамп, Меланија нема да се пресели во Вашингтон за време на вториот мандат на нејзиниот сопруг, објави Си-ен-ен, повикувајќи се на повеќе неименувани извори.

Тие истакнаа дека во тек се дискусии за тоа како и каде точно ќе го поминува времето за време на вториот мандат на Трамп.

Се очекува идната прва дама на САД поголемиот дел од времето да го помине во Њујорк и во Палм Бич, Флорида.

По изборите во 2016 година, Трамп го одложи нејзиното преселување во Вашингтон и таа пристигна во Белата куќа неколку месеци по инаугурацијата бидејќи синот Барон, тогаш 10 години, ја завршуваше учебната година. Барон Трамп, кој сега има 18 години, студира на Универзитетот во Њујорк.

Изворите сугерираат дека првата дама исто така ќе помине многу време во Њујорк за да биде поблиску до синот

The post Нејзиниот дом е поголем: Меланија Трамп нема да се пресели во Белата куќа appeared first on Република.

Почина Амалија Кнавс, мајката на Меланија Трамп. Таа имаше 78 години.

Веста за нејзината смрт ја потврди поранешната прва дама на САД на Твитер.

Со длабока тага соопштувам дека почина мојата сакана мајка Амалија. Амалија Кнавс беше силна жена која секогаш беше грациозна, топла и достоинствена. Таа беше целосно посветена на сопругот, ќерките, внукот и зетот. Ќе ни недостига неизмерно и ќе продолжиме да го почитуваме и сакаме нејзиното наследство“, напиша Меланија.

Со Амалија се прости и Доналд Трамп. „Ова е тажна ноќ за целото семејство Трамп! Убавата мајка на Меланија, Амалија штотуку замина на прекрасно место на рајот. Беше неверојатна жена и ќе ни недостига“, рече тој на Truth Social.

Причината за смртта на Амалија се уште не е позната. За време на празниците таа беше во болница, а Меланија беше со неа цело време.

Поради Меланија и бракот со Доналд Трамп, Амалија и нејзиниот сопруг Виктор Кнавс се преселиле од Словенија во Америка. За време на мандатот на Трамп тие добија американско државјанство.

The post Почина мајката на Меланија Трамп appeared first on Република.