ДУИ сама си ги пишува заканите и сама ги пријавува во МВР, рече денеска првиот заменик-претседател на Владата и министер за животна средина и просторно планирање Изет Меџити.

Според него, не е точно дека Елјеса Незири, предложен за директор на Државниот завод за индустриска сопственост, има кривична пријава за насилство.

-На ДУИ никој не им се закануваше додека беа власт, така што нема никаква логика некој да им се заканува сега, кога се опозиција. Имаат проблем со сами себе. Според мои потврдени информации, сами ги пишуваат заканите и сами ги пријавуваат во МВР. Во делот на заканите, ни ние, ни тие не треба да се плашат за своите челници, а во делот на прекршувањето на законите и одговорноста, тоа е друго прашање, истакна Меџити.

Негова оценка е дека треба да се внимава многу какви информации се пласираат во јавноста.

-Не е точно дека Незири има кривична пријава. Се занимава со спорт, со фудбал и при организирање турнир имало натегање во публиката, влегол да ги раздели и бил сведок. Ако одиме така, тогаш никој од нас не исполнува услови да биде дел од власта. Треба да бидеме конкретни и јавноста да биде детално информирана. Има и многу други „фејк њуз“ што се пуштаат од ДУИ, на пример, за патролирање на српската полиција во Охрид и тоа го претставуваат пред грашаните дека прв пат се случува, а тоа е протокол што го потпиша ДУИ со Србија за патролирање на српски полицајци во Охрид и имаат јавна изјава, тогаш кога беа на власт, ја поздравуваат таквата иницијатива, рече Меџити, одговорајќи на новинарски прашања по почетокот на кампањата „Делувај сега, за природата“.

Според него, ДУИ сака да обвини некој друг за тоа што го направила.

Претседателот на Собранието Африм Гаши вчера информира дека пратениците на ДУИ добиле електронски пораки со закани од непознат испраќач и апелира надлежните институции да го истражат инцидентот. МВР, пак, во петокот, информира дека на 25 јули во 13:58 часот во полициската станица „Центар“, претставник на една политичка партија пријавил дека на 23 јули 2024 година во 18:15 часот, од непозната електронска адреса, на службените електронски адреси на неколку пратеници во Собранието била испратена порака со заканувачка содржина.

The post Меџити: ДУИ сама си пишува закани и сама ги пријавува во МВР appeared first on Република.

Првиот заменик председател на Владата и министер за животна средина и просторно планирање Изет Меџити, по повод одбележувањето на 28 Јули, Светскиот ден на заштита на природата, со низа активности во парк-шумата Гази Баба, го најави официјалното започнување на кампањата: „Делувај сега, за природата!“.

Министерот Меџити, заедно со група ентузијасти и поборници за здрава животна средина, со пример покажа како треба да се развиваат позитивните однесувања во природата која што значи живот, подобро здравје, место за релаксација и одмор, а воедно е и дом на богат животински и растителен свет.

На настанот беа засадени дрвни насади, поставени канти за отпадоци, обновена е бојата на реквизитите на игралиштето, а учесниците во акцијата направија прошетка низ парк-шумата Гази Баба и уживаа во оваа зелена оаза за  граѓаните на Скопје.

Гази Баба е ретко место во главниот град на државата што на урбаните заедници им овозможува зелен простор за одмор, за спортување, за прошетки и за играње на најмладите во природа и на чист воздух.

Кампањата ќе се спровдува преку различни активности во текот на целата година и има за цел да поттикне позитивни и одговорни однесувања во природа, да го поттикне волонтерството и грижата за природата, бидејќи грижата за животната средина мора да биде императив на секој од нас.

– Природата е нашето најголемо богатство и наша должност е да ја зачуваме за идните генерации – изјави Меџити најавувајќи дека во текот на едногодишната кампања   ќе се спроведат низа конкретни и ефекасни активности, како што се садење на дрвни насади за обновување на зеленилото во урбаните и руралните средини на територијата на целата држава, спроведување на редовни акции за чистење на реките, шумите и парковите со масовно вклучување на заедниците и волонтерите, мотивирање на селектирањето и рециклирањето на отпадот преку развивање на добри практики и понуда на нови и соодветни инфраструктури за сепарација на отпадот, спроведување на едукативни програми во училиштата и заедниците, за подигнување на свеста за важноста на заштитата на животната средина и одржливиот начин на живот и подобрување на законодавството за животната средина преку зајакнување на постоечките закони, усвојување нови политики што ја штитат и зачувуваат природата.

– Во овој контекст, „Делувај сега за природата“ има за цел да донесе одржлива и видлива промена во начинот на кој ја третираме и управуваме нашата животна средина – истакна Меџити и ја повика јавноста да се придружи на ова важно патување и да придонесе за заштита на нашата заедничка животна средина.

– Под наше водство, уверени сме дека „Делувај сега за природата“ ќе биде успешна приказна, доказ за нашата посветеност кон животната средина и извор на гордост за секој граѓанин на оваа земја. Со мали дела, можеме да постигнеме големи промени – додаде Меџити.

The post Министерот за животна средина, Изет Меџити, на Светскиот ден на заштита на природата ја почна кампањата „Делувај сега, за природата!“ appeared first on Република.

Првиот вицепремиер и министер за животна средина Изет Меџити посочи дека со новата Влада работат на нов закон за казината и игрите на среќа се со цел економски подобро да се развие земјата.

The post Меџити: Работиме на нов закон за казината и игрите на среќа, да не станеме Лас Вегас на Балканот appeared first on Република.

Претседателот на Демократското движење и носител на листа на пратениците од коалицијата ВЛЕН во ИЕ 1, Изет Меџити на прес-конференција изјави дека ВЛЕН е апсолутен победник кај Албанците.

Меџити на сите граѓани им се заблагодари за демократскиот капацитет и нивниот глас, без оглед на притисоците, како што рече, на кои беа изложени.

„За жал изборниот процес не беше фер и демократски и системот со државните институции се стави во служба на ДУИ. Заменици министри и други функционери од ДУИ беа на терен и ние тоа го документиравме и ќе ги известиме институциите и странските фактори. Имаше насилство врз гласачкото право и за тоа ќе се одговара“, рече Меџити.

Од утре Македонија ќе се подготвува за политичка ротација, со нова власт и обезбедено бадентерово мнозинство, рече Меџити.

,,Од утре Македонија ќе се подготвува за политичка ротација, со нова власт и обезбедено бадентерово мнозинство”, рече Меџити,
посичувајќи дека денеска најголем губитник се Али Ахмети и Артан Груби кои, промовирале насилство и ароганција.

Меџити се осврна на цензусот за претседателските избори и нагласи дека маските на ДУИ паднале.

„Драги Албанци, со бојкот на изборите ДУИ, која беше на власт над 20 години, таа партија се обиде да го врати политичкото организирање.Се фалеа како европска партија, дека ќе не интегрира во ЕУ, а примитивно работеа на бојкот. Тоа создава горчлива слика за Албанците во светот. Јавно го прашуваме министерот Османи кој се фалеше со ОБСЕ, како тоа таму ќе го објасни дека работеа против слободна волја на граѓаните“, рече Меџити.

The post „Вреди“ е апсолутен победник кај Албанците, Ахмети е најголемиот политички губитник, вели Меџити appeared first on Република.

„Јавно го прашуваме министерот за надворешни работи Бујар Османи, кој како најголем успех го прогласи претседавањето со ОБСЕ, како ќе го оправда бојкотот и примитивното однесување утре пред меѓународните партнери?“, рече Изет Меџити на прес-конференција.

-Али Ахмети е најголемиот губитник по денешниот изборен процес и ја запечати својата комплетна изолација од сите релевантни политички чинители, потенцираше тој од партиската говорница на ВЛЕН.

Како што рече Меџити, изборниот процес не бил демократски бидејќи институциите се ставиле во служба на ДУИ, но гласачите одолеале на притисоците.

The post Меџити до Османи: Како ќе го оправдаш бојкотот и примитивното однесување пред меѓународните партнери? appeared first on Република.

Поминаа 1 месеци како сум министер во кои покажав како треба да се работи. Покажав како треба да се бори еден министер за она што во верува и сака да го спроведе во интерес на пациентите и граѓаните. Не бегав од проблемите, туку влегував во оган за да ги решавам оние прашања за кои сите пред мене бегале и ги ставале под тепих, рече вчера на собраниската седница сега веќе разрешениот министер за здравство Фатмир Меџити. Меџити го обвини ДУИ дека неговото разрешување е политички, се со цел да се попречува и блокира работата, односно како што рече жали што не сите во владата имаат иста цел, додека тој го гледа интересот на пациентите, ДУИ го гледа и штити својот личен партиски интерес. Жалам што се покажа дека не сите имаат иста цел како мене во оваа влада. Се покажа дека ДУИ преку нивните министри од кои зависат многу работи и решенија до крај реши да политизира, да попречува и да блокира. Реши до крај да оди против интересот на граѓаните, пациентите и здравствените работници, за да го штити својот личен партиски интерес, порача Меџити. Меџити им порача на ДУИ дека за неколку месеци граѓаните ќе ги казнат за ова деструктивно однесување. Граѓаните се тие кои за неколку месеци на избори ова деструктивно однесување ќе го казнат. Јас сметам дека политиката е средство за помош на граѓаните и подобрување на состојбите. Но, тие сметаат дека политиката е средство за реализација на личните интереси. Ние, кога е во прашање разбирање на јавните функции колеги од ДУИ сме од различни планети, смета тој. Меџити им се обрати и на пратениците и функционерите од СДСМ, порачувајќи им дека е многу понижувачки да бидат неми набљудувачи на сето она кое што го прави нивниот коалициски партнер ДУИ. Сакам да им се обратам и на сите функционери од СДСМ во оваа влада, размислите само колку е понижувачки за вас и вашите поддржувачи да бидете неми набљудувачи на ова што ДУИ го прави против интересите на граѓаните и пациентите. Немото соучество е најлошата форма на поддршка за ваквите постапки, им се обрати Меџити на пратениците од СДСМ. Мојата чест е чиста, јас знам за што се залагам и за што се борам, рече Меџити и додаде дека во последните 2 дена добил 100тици пораки за поддршка. Меџити нагласи дека од денеска веќе за сите катастрофални политики се одговорни СДСМ и ДУИ, напоменувајќи дека тој се изборил за вработување на 1117 вработувања кои што всушност ДУИ сака да ги користи како партиски војници, како и дека Артан Груби кој како што рече многу сакал да е прв, ја кочел изградбата на катната гаража во Клинички центар. Од утре натаму вие одговорете им зошто не се реализираат 1117 вработувања во Министерството за финансии. Ние тоа го завршивме експресно. Сите граѓани се свесни како се борев за овие вработувања, која оваа влада седум години значи со договор на дело не ги вработува, и знаете ли зошто, затоа што треба утре да ги користат како партиски војници. Вие одговорете им зошто се кочат катните гаражи за да го средиме хаосот на Клинички центар, јас најдов решение, добив мислење од министерството за економија и финансии и два месеци од сегашниот вицепремиер, а тогашен прв зошто многу сака да биде прв не беа потпишани и пренесени до ресорното министерство за здравство.

The post Меџити до СДСМ: Вие сте неми набљудувачи на сите катастрофални политики на ДУИ, нели ви е срам и понижувачки пред вашите поддржувачи, Груби да ве управува како сака? appeared first on Република.

Меџити и Алиу се разрешени по предлог на техничкиот премиер Талат Џафери кој од собраниската говорница денеска образложувајќи го предлогот за разрешување рече дека според законот, не може да има два опозициски субјекта во состав на Владата и дека тоа е основната причина зошто е предложено разрешувањето на двајцата министри.

„Воопшто не станува збор за нивната стручност и професионалност кон што имам исклучителна почит“, рече Џафери.

Разрешувањето на двајцата министри уследи по расколот во Алијанса за Албанците откако актуелниот претседател на партијата Арбен Таравари побара поддршка од членството за коалиција со албанскиот опозициски блок на претстојните избори, со што не се согласува претседателот на Централното собрание Зијадин Села.

За нов министер за здравство е предложен актуелниот директор на Клиничката болница во Тетово, Илир Демири, а за министер за информатичко општество и администрација Наим Бајрами.

Пред гласањето вечерва се обрати министерот за информатичко општество и администрација Азир Алиу кој изнесе повеќе информации за опструкции што ги имал, како што рече, од страна на ДУИ, но и за тоа што се случувало изминатата недела по објавувањето на информацијата дека Алијанса на Албаците ќе ја поддржи опозицијата. Ние, потенцира Алиу, уште кога влеговме во Владата кажавме дека ќе бидеме опозиција во Владата и се гордееме со тоа.

Тој го обвини министерот за политички систем од редовите на ДУИ Артан Груби дека ги носел одлуките за разрешување на кадрите на Алијансата на Албанците кои не ја поддржувале ДУИ.

„На 5 февруари 2024 знаете ли која беше првата одлука на Артан Груби? – Разрешување на лицата од Алијанса за Албанците. Истиот ден тие почнаа да ги разрешуваат членовите на АА каде што биле вработени. Во вторникот одиме на Влада, влегува премиерот, од неговата лева страна седи Артан Груби и гледаме дека на дневен ред има уште двајца директори од АА и после денеска сме петок и сме тука за разрешување на двајца министри“, рече Алиу.

До вчера, рече Алиу, се зборуваше дека ДУИ ги контролира албанските партии, но денеска се гледа дека ДУИ ги контролира и отворено тие одлучуваат кој ќе биде министер во една друга партија, но тоа е пуч.

Координаторот на пратеничката група на ДУИ Арбер Адеми му реплицираше на Алиу, но и на пратеникот Бране Петрушевски од ВМРО-ДПМНЕ велејќи дека жали што опозоцијата си оди од салата и дека исто така верува дека и на 8 мај ќе бегаат.

„ВМРО-ДПМНЕ го реализира планот за раскол. Тие зборуваат за спам, за меил, фолдер, акаунт, додека на нив одамна им е изгорен хардискот“, рече Адеми.

The post Со 62 гласа „за“ и ниту еден „против“ Собранието ги разреши министрите Меџити и Алиу appeared first on Република.

Во секторот здравство никогаш не било полошо, а секојдневно пациентите и здравствените работници го чувствуваат на свој грб. Има враќање на здравството за децении наназад каде освен „ќе“ проекти за „ќе здравство“ има и низа скандали кои кабинетот на министерот за здравство Фатмир Меџити кој преку празни пиар флоскули напразно пробува да ги претстави како позитивни промени. Меџити, четвртиот министер за здравство во Владата на СДС и ДУИ е само континуитет и синоним за владеење со коруптивни скандали, вработувања по непотизам, и „ќе“ проекти кои оваа власт иако цели седум години буквално ги преспа, сега предизборно и манипулативно по најмалку десетици пати ги најавуваат со „ќе“. Кога веќе кабинетот на Меџити ги користи фразите „лаги и манипулации“, како и тоа дека воведувале „позитивни промени“ прво треба да се даде одговор на следните прашања од поглавјето „позитивни промени“ на Меџити, е наведено во соопштението на ВМРО-ДПМНЕ.

Дали се ангажирани сестрата и братот на сопругата на Меџити во кабинетот на министерот и дали за вакви „позитивни промени“ зборува истиот тој кабинет во празните реакции? Дали и сопругата на министерот за правда, Лога кој доаѓа од истата партија како Меџити се вработува на Клиниката за стоматологија?
Дали кога кабинетот на Меџити раскажува приказни за позитивни промени во здравството мисли на немањето одговорност и непреземање мерки по случувањата во ГОБ „8 Септември“ каде загрозена е безбедноста на здравствените работници кои иако се зачестени, сепак ништо не е преземено од раководството кое нема мрднато со прст да ги заштити своите вработени?

Дали „позитивни промени“ според „врвни успеси и експертиза“ е и назначувањето на директор на Клиника за неврологија, па отворено е прашањето дали немаше друг доктор со искуство од Клиника, па мораше да се донесе директор од Тетово, без искуство на терциерно ниво на здравствена заштита? Кога сме кај „позитивни промени“ за Меџити прашуваме дали претседавачот на Советот во Гостивар исто така, поради „експертиза“ или политички мораше да се вработи во терциерно здравство и планот е да се вработи преку Клиниката за токсикологија?

За овие и други конкретни примери постојано пристигнуваат информации по објавата на ВМРО-ДПМНЕ за напотизам и нерегуларни вработувања при кои инстантно се завршуваат процедурите за разлика од сите останати здравствени работници за кои се долги и комплексни, а посебно за тие што работат со договор на дело.
За оваа група вработени токму предизборно и манипулативно сега се ветува решавање на статусот иако седум години не им беа доволно да мрднат со прст.
Освен на погоре наведените Меџити треба да одговори и на други прашања како: Прво, дали кога без срам го користат зборот „позитивни промени и реформи во здравството“ воопшто помислуваат и на најголемиот скандал во историјата на македонското здравство – случајот со злоупотребите на лекови на Онкологија кој уште нема завршеток?

Второ, дали таквиот континуитет во немањето одговорност по примерот на случајот со горењето на модуларната болница во Тетово, направена со изолација од пур пена, каде имаше 14 мртви пациенти и нула одговорност е исто „позитивен пример“ за владеењето и за четвртиот министер? Трето, дали кога збори за континуитет и за позитивни примери Меџити мисли и на обидите на власта на СДС и ДУИ за приватизација на биохемиските лаборатории, за приватизација и концесија на Итна медицинска помош, дури и за ГОБ „8 Септември“, и сето тоа со една цел за лични потреби и лични профити? Четврто, кога веќе зборуваат за лаги и манипулации да одговорат зошто се манипулира цели сеум години со ветувањето за укинувањето на организациските директори? Петто, дали можеби за оваа власт позитивен пример се и наместените огласи за вработувања и тендери кои се почесто одговараат само на еден понудувач? Време е да се стави крај на вакви скандалозни постапки од надлежните во здравството. Во Македонија никогаш не било полошо! Важно е да ги поразиме – велат од партијата.

The post Дали се ангажирани сестрата и братот на сопругата на Меџити во кабинетот на министерот? appeared first on Република.

Од почетокот на годинава, досега се реализирани над три илјади прегледи во рамки на скрининг програмата за рано откривање на рак на дојка, изјави денеска министерот за здравство Фатмир Меџити, кој присуствуваше на настан во Градскиот парк во организација на Здружението Езра и во соработка со најголемата европска алијанса на здруженија на пациенти.

-Бидејќи раното откривање е клучно кај ракот на дојка, Министерството за здравство, во насока на превенција, спроведува национална скрининг програма за рано откривање рак на дојка. Годинава, со неа се опфатени жените од 45 до 69 години, кои не направиле мамографија последните две години, како и жените на возраст од 40 до 44, кои имаат член во семејството со рак на дојка и или друг дополнителен ризик фактор, рече Меџити.

Скрининг мамографијата, потсети тој, е бесплатна за жените во програмата, односно партиципацијата ја покрива Министерството за здравство.

-Од почетокот на годинава, досега се реализирани над три илјади прегледи во рамки на овој скрининг. Имплементиравме и значајни новини во протоколот за преглед на
дојка. Жените со промени се упатуваат во посебен кабинет за дојка, каде радиологот ги издава потребните дополнителни упати за биопсија и други испитувања, рече министерот за здравство.

Со ова, според Меџити, значително се олеснува пристапот на жената до потребната здравствена услуга.

Тој апелираше за важноста на превентивните прегледи и грижата за сопственото здравје, имајќи предвид дека раното откривање, може да спаси живот.

The post Меџити: Над 3.000 жени годинава биле дел од скрининг мамографијата во рамки на програмата на Министерството appeared first on Република.

Јавните набавки и тендерите за лекови нема никогаш повеќе да доцнат тврди министерот за здравство, Фатмир Меџити. Изрази жалење за доцнењето на овој тендер, посочувајќи дека, заедно со Здружението на дијабетичари го правеле невозможното последните неколку месеци за да може тој тендер побрзо да се објави.

Во однос на поплаките за тоа дека добиените глукомери дошле во несоодветно пакување и без упатство за употреба, министерот потенцираше дека реагирале компанијата во иднина да го поправи тоа.Во однос на прашањето кога би се вовело ред за проблемот на дијабетичарите, министерот изјави дека не можат преку ноќ да ги сменат работите.

Министерот потенцираше дека според препораките на производителот, пацинетите за новите апаратчиња треба исклучиво да ги користат новите лентички кои не треба да ги употребуваат и во старите апарати. За секој апарат има соодветни лентички, такви се препораките и на производителот и на МАЛМЕД, Досега во државата се пристигнати 5 000 глукомери, во октовмри треба да пристигнат околу 17 000 глукомери.

The post Меџити: Додека сум јас министер нема да се случи да доцни тендер или јавна набавка за лекови appeared first on Република.

Изет Меџити, претседателот на новата партија Демократско движење најави дека неговата партија, заедно со Беса и со Алтернатива ќе имаат заеднички кандидат Албанец за нов претседател на Македонија.

Албанската опозиција во Македонија – Демократско движење, Движење Беса и Алтернатива, со отворена врата и за другите, ќе имаме наш кандидат за претседател, Албанец. Сè уште немаме име, но ова го имаме како определба. Според предвидувањата, може да помине и во втора рунда – изјави Меџити во дебатниот магазин „Клик плус“ на ТВ 21.

Својот оптимизам тој го темели на фактот дека „од една страна е една силна ВМРО, а има и СДСМ паднат на земја“, заклучувајќи дека „ова е шанса за албанскиот кандидат“.

Меџити го оцени таканаречениот Европски фронт на ДУИ, сицилиски фронт гледајќи ги нивните постапки во последните месеци.

Ако гледаме што се случува со измените во Кривичниот законик, со ситуацијата во Будимпешта, со континуираното отворање на казина и брзи пари, кои се легално лихварство, овој фронт повеќе личи на сицилиски фронт – одговори Меџити на прашањето дали неговата партија ќе се приклучи на Европскиот фронт на Груби.

Меџити одговори и на обвинувањето на Зијадин Села дека го киднапирал пратеникот Кастриот Реџепи, велејќи дека Села треба да биде благодарен што Реџепи ја спаси европската интеграција на земјата, и го спречи Села да ја направи најголемата грешка во кариерата, што ќе значеше крај на неговиот политички живот, по коалицијата со Апасиев, рече Меџити.

Ако Кастриот беше киднапиран, по ослободувањето ќе се вратеше во својата партија, немаше да седи со мене и да го основаме ДД – рече Меџити.

Европскиот фронт е само фарса и дава празни ветувања за да го продолжи животот на Владата до следните парламентарни избори, рече Меџити.

The post Заеднички претседателски кандидат Албанец на Демократско движење, Беса и Алтернатива најави Меџити appeared first on Република.

Претседателите на Алтернатива, Движењето Беса, и Демократското движење, Африм Гаши, Билал Касами и Изет Меџити денеска на заедничка прес-конференција пред Собранието побараа итно да се стави на гласање потребата од промена на Уставот, со цел да се помине што побрзо првата фаза на уставните измени и како што велат, да влеземе во суштински процес на тие измени. Заедно со ова, тие од претседателот на Собранието Талат Џафери, побараа да ги стави и амандманите за, како што се вели во изјавата, за измена на навредливото именување на 20 проценти за албанскиот јазик, како и амандманот против застареност на случаите на политичка корупција.

 Ги повикуваме сите пратеници, без разлика на нивната политичка, етничка и идеолошка припадност, итно, без дискусија и без никакво одлагање, да гласаат за потребата од промена на Уставот и предложените амандмани. На овој начин, сите ние докажуваме на која страна сме и која е нашата стратешка определба, рече претседателот на Алтернатива, Африм Гаши.

Додаде дека доколку на краток рок не се обезбеди потребното мнозинство за гласање на првата фаза од уставните измени, ќе биде јасно дека овој парламентарен состав нема капацитет да ги деблокира преговорите за ЕУ интеграција.

Ако ова се покаже како точно, не треба да губиме ни час повеќе. Во тој случај, односно доколку нема доволно мнозинство да се гласа првата фаза од уставните измени, повикуваме да се гласа за распуштање на Парламентот и распишување на предвремените избори, за да се бара друг парламентарен состав кој ќе има капацитет и политичка волја за протуркање на интегративните процеси кон Европската Унија, рече Гаши.

На новинарско прашање како ќе се оди на предвремени избори, со оглед на тоа декa опозицискиот состав нема доволно пратеници за да ги изгласа предвремените избори, Гаши рече дека тоа е прашање за Владата, затоа што власта, како што кажа е за уште еден час повеќе или ден повеќе да остане на власт и дека за нив само тоа е важно и ништо друго.

Во однос на прашањето дали ќе се направи парламентарна група од пратениците на овие три партии, Гаши информираше дека во тек се преговори за тоа и дека тоа како можност не се исклучува, но и дека прашање е на време кој чекор попрво ќе се направи.

The post Гаши, Меџити и Касами бараат заедно со уставните измени да се расправа и за албанскиот јазик и корупцијата appeared first on Република.

Зошто Беким Сали на прес конференција ја лажеше целата јавност? Дали на тој начин сака да прикрие дека тој всушност 8 месеци не постапувал по случајот и се обидува да ја префрли вината на друг?, реагираат преку соопштение од Министеството за здравство.

Дали Беким Сали знае кој бил министер кога се случил пожарот и кој ги водел постапките за набавка на амбулантите или зошто се плаши да им ги спомене имињата на оние кои тогаш биле на функција? Зошто и каков интерес има да ја извртува вистината и да ги штити претходниците?

Беким Сали се плаши да каже која е компанијата која ги има изградено модуларните амбуланти?

Имено, според документите во Министерството за Здравство, целосна лага е она што го изнесе Сали на прес конференцијата во која тврди дека го раскинал договорот со изведувачот. Напротив, Сали не само што не го раскинал договорот, туку ги примил амбулантите со што практично одобрил нивна исплата.

Досега од анализата на внатрешните документи, се гледа дека Сали НИКОГАШ НЕ ГО РАСКИНАЛ ДОГОВОРОТ, ги примил и одобрил амбулантите со што автоматски одобрил и исплата, а потоа решил да не плаќа со што генерирал долг и камата од 200.000 евра за граѓаните. Тој лично е одговорен за ова и за ова треба да сноси одговорност. Министерството ги анализира правните можности да покрене постапка против Сали за овој случај.

Министерството за здравство и министерот Меџити остануваат транспарентни по овој случај и во целосна коориднација и на располагање на институциите. Наш интерес е да се расчисти овој случај и процесира секој кој на било кој начин е одговорен за пожарот во тетовската модуларна болница. Сите документи кои досега беа доставени на барање на институциите, уште еднаш ги доставуваме до нив, односно до Обвинителството за организиран криминал и МВР и секако oстануваме отворени за соработка со нив. Потсетуваме дека ниту еден денар не е исплатен за модуларните болници досега и постапката за решавање на овој предмет е во Владата, како мислењата од правобранителство, внатрешната ревизија и сите пропратни документи, се вели во соопштението на МЗ.

The post Министерство за здравство: Зашто Беким Сали има страв од вистината? appeared first on Република.

Демократското движење на Изет Меџити соопшти дека во рекордно време ги собрале потребните потписи за регистрација на политичкиот субјект.

„Стотици истомисленици на Изет Меџити денеска се собраа во нотарски канцеларии да го дадат својот потпис за формирање на Движењето кое ветува позитивни промени за Албанците во Република Македонија. Организацискиот совет при Демократското движење предвиде потписите да се собираат во текот на целиот ден, но се се заврши за неполни три часа, при што беше објавено дека собирањето потписи е успешно затворено“, се во со наведува во сопштението од Демократското движење.

Со собирањето на потребните потписи, Демократското движење продолжува со регистрација на партијата, а на 13 август е најавена и нејзина промоција.

Изет Меџити, доскорешен потпретседател и пратеник од ДУИ на 17 јули најави дека заедно со пратениците Мерита Коџаџику и Кастриот Рерџепи ќе формираат ново политичко движење, кое официјално ќе биде промовирано на 13 август.

Меџити тогаш објасни дека новиот политички субјект во принцип ќе функционира како партија. На прашањето дали ќе бидат подготвени за евентуални предвремени избори, Меџити рече дека токму затоа брзаат со формирање на ова движење за да бидат подготвени за секаков вид на предизвици коишто можат да се појават во меѓувреме.

The post Меџити ги собра потписите за регистрација на партија, промоцијата е на 13 август appeared first on Република.

Демократското движење на Изет Меџити соопшти дека денеска во рекордно време ги собрале потребните потписи за регистрација на политичкиот субјект.

Стотици истомисленици на Изет Меџити денеска се собраа во нотарски канцеларии да го дадат својот потпис за формирање на Движењето кое ветува позитивни промени за Албанците во Република Македонија. Организацискиот совет при Демократското движење предвиде потписите да се собираат во текот на целиот ден, но се завршила за неполни три часа, при што беше објавено дека собирањето потписи е успешно затворено, се вели во соопштението од Демократското движење.

Со собирањето на потребните потписи, Демократското движење продолжува регистрацијата на партијата, а на 13 август е најавена и нејзина промоција.

Изет Меџити, доскорешен потпретседател и пратеник од ДУИ на 17 јули најави дека заедно со пратениците Мерита Коџаџику и Кастриот Рерџепи ќе формираат ново политичко движење, која официјално ќе биде формирана на 13 август.

Меџити тогаш објасни дека новиот политички субјект во принцип ќе функционира како партија. На прашањето дали ќе бидат спремни за евентуални предвремени избори, Меџити рече дека токму затоа брзаат со формирање на ова движење за да бидат спремни за секаков вид на предизвици коишто можат да се појават во меѓувреме

The post Демократското движење на Изет Меџити ги собра потребните потписи за регистрација appeared first on Република.

После повеќе од една деценија конечно ќе се прошири позитивната листа на лекови. По многу пробиени рокови формирана е Комисија од стручни лица, која ќе се состанува двапати месечно и ќе одлучува дали одреден лек ќе биде на позитивна листа. Но не се знае кога точно ќе започне да се ажурира листата.

Комисијата ќе работи на тој начин што прво ќе ги разгледува апликациите од компаниите кои бараат нивниот лек да биде на товар на Фондот за здравство, а потоа нивните заклучоци ќе ги достават до Министерството за здравство и управниот одбор на Фондот за здравство кои заедно треба да ја донесат конечната одлука дали лекот ќе е на позитивната листа. Претседателката на стручната комисија Шутуркова вели дека со тоа што листата ќе се ревидира после 13 години ќе имаме поголема достапност на иновативни лекови.

Примената на овој правилник ќе овозможи на фармацевските компании, особено на иновативните компаниии да регистрираат поголем број на лекови во Македонија, со што ќе се овозможи достапност на лекови до пациентите, вели д-р Љубица Шутуркова, Претседателката на стручната комиисија.

Министерот Меџити освен ветување за проширување на позитивната листа на лекови вети и дека ќе се надмине проблемот со вработување на медицински персонал во болниците. Се договориле со министерот за финансии Бесими, отсега за вработувањата да одлучува министерството за здравство, а не финансии. Бидејки, како што рече Меџити, неколкупати се опоменувани од Антикорупциска комисија дека во здравство се држат вработени со договор на дело подолго од 6 месеци.

Министерот Меџити не ги заборави и пациентите со цистична фиброза за кои кажа дека за нив ќе има најмодерен центар во регионот, во болницата во Козле каде возрасните и децата ќе бидат во различни оддели. Но прво треба да направат рентгенски снимки со кои ќе се утврди кој ќе го добие лекот Трикафта.

The post Позитивната листа на лекови ќе се проширува по повеќе од една деценија appeared first on Република.

Долгот по раскинувањето на договорот за изградбата на новиот Клинички центар во Скопје пораснал на 20 милиони евра, колку што треба да се исплатат на италијанската компанија.  Ова го изјави министерот за здравство Фатмир Меџити, кој објасни дека ангажирана се американски адвокати за спорот.

Од сите засегнати страни формиравме координативно тело во Владата. Избравме и американска адвокатска канцеларија, меѓу најдобрите. Мојата единствена цел беше сериозно да пристапам на сите проблеми и да не го оштетиме државниот буџет. Како што знае јавноста, тоа беше проект од осум милиони евра, сега стигна арбитража во Лондон, судскиот процес стигна до 20 милиони, но може да достигне и повеќе, рече Меџити за ТВ 21.

Како што рече Меџити, за новиот клинички центар се заинтересирани неколку светски познати компании, но во секој случај не треба да се избрзува.

The post Меџити: Долгот по раскинувањето на договорот за изградбата на новиот Клинички центар во Скопје пораснал на 20 милиони евра appeared first on Република.

Изет Меџити, кој излезе од ДУИ и најави дека ќе формира ново политичко движење, по денешната средба со лидерите на Беса и Алтернатива, Билал Касами и Африм Гаши, објави дека разговарале за принципите на нивната идна соработка за обединување на албанската опозиција.

-Почитувани граѓани, истомисленици и соработници. Како што изјавивме претходно, силно ќе се ангажираме за обединување на гласот на опозицијата во земјата. Денешната средба со г. Касами и г. Гаши во Собранието на РСМ, каде што разговаравме за принципите на нашата соработка. Нашето искрено патување продолжува! Со среќа нека ни е!, напиша Меџити на Фејсбук.

Во одделни објави за средбата се огласија и Касами и Гаши кои истакнаа дека дискутирале за можно зацврстување на албанскиот опозициски блок.

-Денес имавме заедничка и многу конструктивна средба со Изети Меџити, кој работи во рамките на новото движење и со лидерот на Алтернатива, Африм Гаши. Разговаравме за идејата за соработка и интеграција за создавање заеднички опозициски фронт како потреба на албанската политичка сцена. Во пријателска и конструктивна атмосфера разговаравме за следните чекори за плодна соработка на албанската политичка сцена. Останатите детали за оваа соработка ќе бидат откриени во следните денови, напиша Касами.

Гаши, пак, посочува дека се разговарало за подготовката на предлог понуда која дополнително ќе се прошири во предизборната програма.

-Помеѓу другото, разговаравме и за подготовката на предлог понуда која дополнително ќе се прошири во предизборната програма. Лавината веќе започна. На хоризонтот е државен удар на оваа моќ. На новите избори, новата влада, напиша Гаши.

На средбата, како што изјави претходно Меџити за дел од медиумите, станало збор и за утрешната  расправа за уставните измени, за што рече дека нема дилема дека ќе дадат поддршка. За поддршката од Алтернатива за ова прашање, според Гаши, ќе одлучат партските органи, но нема да ги блокираат евроинтеграците на државата.

-Ќе видиме како ќе тече дебатата. Нормално на крај кај нас одлучуваат органите за такво битно прашање. Во суштина ние сме кажале дека сме за европски интеграции. Ние затоа и бевме дел од Владата и затоа ќе настојуваме, ќе направиме се да се отворат што побргу преговорите и поглавјата, изјави Гаши.

По средбата на Меџити, Гаши и Касами, потпретседателот на Беса Аријанит Хоџа исто така во објава на социјалните мрежи се огради од, како што напиша, политичките дејствија во т.н „опозициски блок“.

-Од денеска целосно се оградувам од политичките дејствија во таканаречениот „опозициски блок“ со оглед на тоа што главните актери, носители на оваа иницијатива не имаат за цел политичка ротација, туку едноставно „перење“ на политички фигури кои не далеку од денес беа актери за одржување на актуелната власт во живот и ја спречија ротацијата во албанскиот политички табор. За детали за политичките убедувања и луѓето кои го делат истото политичко мислење со мене, ќе ве известиме преку прес конференција во текот на оваа недела, стои во објавата на Хоџа

The post Меџити: Со Касами и Гаши разговаравме за принципите на нашата соработка appeared first on Република.

Министерот за здравство д-р Фатмир Меџити денеска ја потпиша одлуката за избор на најповолен понудувач за набавка на сензори за континуирано мерење шеќер во крвта за сите деца со дијабетес, како и за бремени жени и за слепи лица, кои првпат ќе добијат вакви сензори.

Тој за ова ги информираше претставниците на Сојузот на здруженија на дијабетичари на РСМ со кои денеска оствари средба во Министерството за здравство.

Во текот на разговорот на кој присутвуваа и стручни служби на министерството надлежни за проблематиката, меѓу кои и претседателот на Комисијата за дијабетес, д-р Ирфан Ахмети, министерот Меџити истакна дека тие имаат целосно разбирање за ситуацијата во која се наоѓаат лицата со дијабетес во земјава и максимално се заложуваат актуелните предизвици да бидат надминати.

Правиме сѐ  што е во наша моќ што побрзо се завршат правните процедури кои како институција мора да ги почитуваме. Како што веќе во неколку наврати информиравме, во моментов течат жалбените постапки на набавката на ленти, процедура која не зависи од Министерството. Доколку Второстепена комисија ја одбие жалбата веднаш ќе се пристапи кон склучување на договорот за набавка на ленти и глукометри за пациенти со тип 1 и тип 2 – информира Меџити.

Тој на претставниците на Сојузот на здруженија на дијабетичари им објасни дека откако ќе стигне решението од Второстепената комисија при Државната комисија по жалби за јавни набавки, одлуката станува конечна, по што веднаш ќе биде склучен договорот за набавка на ленти и глукометри за тип 1 и тип 2 и во најбрз можен рок ќе се почне со распределба во инсулинските аптеки.

Меџити истакна дека максимално ќе се заложи ваквите застои во набавките повеќе никогаш да не бидат случај.

The post Лицата со дијабетес ќе добијат сензори, Меџити ја потпиша одлуката за избор на најповолен понудувач appeared first on Република.

Пратеникот Изет Меџити кој деновиве соопшти дека со Мерита Коџаџику излегуваат од ДУИ и ќе формираат ново политичко движење, на кое се придружува и независниот пратеник Кастриот Реџепи, изјави дека тројцата ќе гласаат за уставните измени.

Нема дилема како ние тројца ќе гласаме. Ќе гласаме за уставните измени, тие ни се топ приоритет и главен фокус зашто единствена алтернатива е интегрирање во ЕУ, да се спречи иселување на младите и да имаат перспектива овде, во земјава. Од епилогот на уставните измени ќе зависи како ќе се движи државата натаму, рече Меџити вечерва во интервју за ТВ24.

Доколку не успеат уставните измени, рече Меџити, „се отвора пат да се размисли дали да се оди на предвремени или на редовни избори“ и дека тие ќе немаат проблем и ако се распишат брзи избори.

Новиот субјект во албанскиот политички блок што го иницирале, кој се уште нема име, е опозициски ориентиран, но рече дека ќе ги поддржуваат сите предлози на власта што се во интерес на граѓаните.

Меџити очекува да се зголеми поддршката со приклучување и на други пратеници и одговори потврдно дека тие може да се и од редовите на власта.

Во моментов сме тројца, има разговори за приклучување на други, не мора да значи само од ДУИ, изјави Меџити.

Имал средби и со лидерите на опозициските Беса и Алтернатива, Билал Касами и Африм Гаши, и не гледа, како што рече, пречка за поинтензивна соработка и обединување околу идеи и понуда со што ќе ги привлечат гласачите, да изградат заедничка платформа и опозициски албански фронт.

За тоа што избрал да излезе од ДУИ наспроти другите од „Огнената група“ кои останале фракција во партијата на Али Ахмети, Меџити одговори дека избрале различни патишта и дека тој се одлучил на ваков чекор затоа што „ДУИ има изгубено контакт со реалноста“.

Од 2020 година, рече, направиле се за да не дојде до оваа ситуација, исцрпени биле се сите можности и им е затворена вратата да делуваат како фракција во партијата.

На обвинувањата од довчерашните истомисленици во „Огнената група“ дека „одработувал“ за ВМРО-ДПМНЕ и Мицкоски, рече дека не гледа спорно да комуницира со актуелни партиски лидери, а дека некои од тие што го обвинуваат треба да кажат за нивната комуникација со Груевски и Мијалков.

Прашан за коментар за денешната полициска акција во која е уапсен Исмет Гури, поранешен функционер во УЈП, Меџити одговори дека не навлегува во предметот, но дека „тајмингот е избран за дефокусирање и за притисок“.

Веќе не можам да го препознам ДУИ. Тоа е демократура - комбинација на демократија и диктатура. Очекувано е се во овој период, политички притисок и дефокус од мега скандалите и коруптивните зделки и тоа што вршат притисок врз правниот систем – судството и обвинителството, рече Меџити.

На прашањето дали помислува дека и самиот може да биде приведен, одговори „Мислам дека не забегале до толку“

The post Меџити очекува да му се придружат и други пратеници во новото политичко движење appeared first on Република.