Денес  (вторник, 23 мај) во 12,00 часот, во Мултимедијалниот културен центар „Матица Ексклузив“ од Скопје, ќе се одржи поетска средба со авторките од  „Битолскиот книжевен круг“.  Пред  љубителите на пишаниот збор ќе се претстават поетесите: Мирјана Стојановска, Милица Димитријовска-Радевска, Весна Мундишевска-Велјановска, Билјана Т. Димко, Елизабета Јончиќ, Гордана Стојановска,  Даниела Андоновска-Трајковска, Славица Гаџовска-Свидерска и Лили Бошевска.

За книжевните преокупации и пораки на авторките од  „Битолскиот книжевен круг“ ќе говори Милица Димитријовска-Радевска.

The post Средба со авторките од  „Битолскиот книжевен круг“ во „Матица Ексклузив“ appeared first on Република.

Во мултимедијалниот културен центар „Матица Ексклузив“ од Скопје, денес (понеделник) во 19 часот ќе се одржи промоција на книгата „Децата на партијата“ од Серјожа И. Марков. На страниците од ова ретко возбудливо четиво дефилираат автентични ликови, кои во деведесетите години на минатиот век ќе го пробудат националното чувство  кај македонскиот народ. Всушност, авторот дава широка слика на првите години од осамостојувањето на нашата држава, во која идеализмот и политичкиот романтизам заземаа посебно место. Особено возбудливи се страниците, во кои се говори за члениците од тоа време, кои идеалите ги заменија со бизнис цели, така што денес тие „прераснаа“ во „големи бизнисмени“.

Серјожа И. Марков по професија е адвокат и ко-основач на адвокатско друштво. Автор е на стручни  трудови од областа на правото, како и на книгата „Енергетстко право“. Почесен конзул е на Република Молдавија во Република Македонија.

Книгата „Децата на партијата“ ќе ја промовира познатиот македонски писател и полиглот, Паскал Гилевски.

The post Промоција на книгата „Децата на партијата“ од Серјожа И. Марков во „Матица ексклузив“ appeared first on Република.

Полицијата од ПС Центар вчера го уапсила 33-годишниот Е.Д. од Скопје и му е одреден притвор. По него се трагаше со локална потерница поради основано сомнение дека на 26 и 27 јуни 2022 сторил две тешки кражби на уметнички слики од Павле Кузманоски во книжарницата „Матица ексклузив“, на ул.„Ѓуро Стругар“ во Скопје.

Дел од украдените уметнички слики се пронајдени и вратени на сопственикот. Е.Д. е задржан во Полициска станица Центар и во координација со Јавен обвинител против него е поднесена кривична пријава за сторено кривично дело „тешка кражба“, казниво по член 236 од Кривичниот законик, а од страна на судија на претходна постапка одредена му е мерка притвор, соопшти денеска Министерството за внатрешни работи.

Мултимедијалниот културен центар „Матица ексклузив“ на 27 јуни информираше дека два дена по отворањето на изложбата на слики од уметникот Павле Кузманоски, биле украдени 16 негови ретки дела во маслена техника, пастели, акварели и цртежи во туш на тема урбани пејзажи создадени во изминатите 60 години.

По големата кражба во седумдесеттите години на минатиот век на делото на Пикасо од Музејот на современа уметност во Македонија, денес сме сведоци на кражба и на исклучително вредни уметнички дела од нашиот голем сликар, соопшти „Матица ексклузив“ во понеделникот.

The post Уапсен крадецот на уметнички слики од „Матица ексклузив“ appeared first on Република.

Два дена по отварањето на изложбата на слики во Мултимедијалниот културен центар Матица Ексклузив од уметникот Павле Кузманоски, украдени се 16 негови ретки дела во маслена техника, пастели, акварели и цртежи во туш на тема урбани пејсажи создадени во последните 60 години.

По големата кражба во седумдесетите години на минатиот век на делото на Пикасо од Музејот на современа уметност во Македонија, денес сме сведоци на кражба и на исклучително вредни уметнички дела од нашиот голем сликар, наведуваат од Матица Ексклузив.

The post Два дена откако се отвори изложбата во Матица Ексклузив, украдени 16 слики на Павле Кузмановски appeared first on Република.