Овие изјави градоначалничке Арсовска што ги давате дека некој бојкотирал или не, тоа е само еден обичен пиар. Сега гледам излеговте, а ќе беше добро да ме слушнете додека говорам, рече Мартин Стојановски, советник во Советот на Град Скопје на денешната седница обраќајќи и се на градоначалничката која повторно ја напушти седницата на Советот.

Стојановски како советник од советничката група на ВМРО-ДПМНЕ и Коалицијата во градот побара решение за од втори септември.

Во понеделник е втори септември, децата почнуваат со училиште, речиси сите се враќаат на работа и еве ви бел лист и напишете, кажете како ќе го решите превозот на 2 септември затоа што вие овде што го зборувате е за набавка на автобуси. Тоа е за една година од сега, рече Стојановски.

Стојановски јасно апелираше дека ВМРО-ДПМНЕ и Коалицијата бараат решение за превозот во градот за од втори септември, а не за до година.

Значи еве го листот и напишете, кажете решение за од втори септември“, и порача Стојановски на Арсовска.

The post Стојановски до Арсовска: Еве ви бел лист и напишете решение за јавниот превоз за од понеделник, втори септември! appeared first on Република.

Советникот во Град Скопје од ВМРО-ДПМНЕ, Мартин Стојановски, изјави дека треба сериозно да се разгледа можноста за кривична постапка за градоначалничката на Град Скопје, Данела Арсовска за неисполнување на законските обврски и надлежности согласно закон.

Денеска ја видовме целата неспособност на градоначалничката и точната дијагноза зошто Скопје е во катастрофална состојба. И од оваа ситуација Данела Арсовска најде причина да се скара, причина да одбие помош и причина да не сработи она што е нејзина надлежност и одговорност, рече Стојановски.

Тој дополни дека, како што рече „ќе сторат сè што е во нивна моќ да ги корегираат нејзините испади, неработење и неодговорно и детско однесување“.

СДС ја киднапира Арсовска држејќи ја и уценувајќи ја за криминални и неморални постапки. И сега како, што СДС е измеќар на ДУИ, Арсовска е на СДС, рече тој.

Во однос на прашањето зошто Советот не ги гласа програмите на Арсовска и што ќе направат за да ги решат проблемите, Стојановски одговори дека тоа што сите советнички групи не ги гласаат програмите е доказ дека не се доволно потковани.

Ние како советничка група сме секогаш подготвени да изгласаме сè што е во интерес на граѓаните, што е во рамките на законот, но никако поинаку, никако во интерес на Арсовска и нејзините бизнис зделки, посочи советникот.

На прашањето на што ќе биде заснована кривичната постапка која ја најави, Стојановски одговори дека ќе биде за неисполнување на обврските.

Треба да се разгледав можноста заради неисполнување на своите обврски и надлежности, на неа лично како градоначалник, и тука ќе видиме правно како би одела таа постапка, затоа што ако еден градоначалник не ги исполнува своите обврски, треба да понесе кривична одговорност зошто е тоа така, рече тој.

Градоначалничката на Град Скопје Данела Арсовска, на прес-конференција, ги обвини советниците од редовите на владеачката партија за блокада во Советот, а одговорноста за проблемите со кои се соочува Градот рече дека треба да се бара кај нив.

Арсовска вели дека советниците на Град Скопје од редовите на ВМРО-ДПМНЕ блокираат планови за работа без кои што претпријатијата не само што не можат, туку и не смеат да работат.

The post Стојановски бара кривична одговорност на Данела Арсовска за неисполнување на обврските и надлежностите appeared first on Република.