Потрагата по Мартин Јовановски кој исчезна во морето кај Посиди, Грција, прекинува по 20 дена. За случајот велат дека нема да биде затворен и дека потрагата продолжува на „друго“ ниво.

Денес затвораме 20 дена без Мартин! Напорите за негово лоцирање цело време за жал беа неуспешни иако морето, копното и небото ги прокрстаривме со она што го имавме на располагање и со сите државни органи. Мартин не припаѓа на морето, Мартин припаѓа на копното и мора да се „врати“ таму во одреден момент. Па да го оставиме морето да си ја заврши „работата“ неколку дена со надеж дека во еден момент ќе ни се оддолжи. Сочувствуваме со неговото семејство и затоа нема да дозволиме случајот да се затвори! На мајката Лидија и на неговиот брат Горан им ветивме дека ќе го најдеме Мартин. Потрагата сега продолжува на „друго“ ниво – објави организацијата ОФКАТ на нивата официјална Фејсбук страна.

The post Да оставиме морето да ни го врати: Потрагата по Мартин прекинува по 20 дена appeared first on Република.

Потрагата по 31 годишниот Мартин Јовановски продолжува и денеска. 14 ден активно се трага по Македонецот кој беше однесен од струите на Егејското море.

Од ОФКАТ објавија дека во потрагата денеска повторно се вклучува авион, а временските услови се подобрени.

-Денес со соработка со солунскиот аероклуб, на кој посебно му се заблагодарувам, ќе се пребарува Егејот со двојни летови. Потрагата сега е кон Егејското море и подалеку на исток, објавија на Фејсбук.

Пред два дена на плажата Катерини беа пронајдени машки шорцеви кои наликуваат на оние кои Мартин ги носел на денот на исчезнувањето во морските води.

Човекот кој ги пронашол шорцевите заплеткан во алги, ги фотографила но не ги задржал, поради што спасувачите го бараа подолго време, но не го пронајдоа.

The post 14 ден потрага по Мартин: Денеска вклучен и авион, еве кој дел се пребарува appeared first on Република.