Фудбалерот на Манчестер јунајтед, Маркус Рашфорд ќе казнет со 650.000 фунти, што е еднакво на плата од две недели, затоа што се забавуваше до доцна во ноќните клубови во Белфаст, а по само два дена го прескока клупскиот тренинг.

Манчестер објави дека Рашфорд бил болен и затоа во петокот не тренираш. Напаѓачот беше изоставен од тимот за нивниот вчерашен дуел од четвртото коло во ФА купот со Њупорт Каунти, а менаџерот на тимот Ерик тен Хаг објасни дека тоа е „внатрешна работа“.

Според англиските медиуми, не само Тен Хаг, туку и новите газди на клубот од ИНЕОС се многу разочарани од Рашфорд, кој ја има една од највисоките плати во тимот, а има премалку придонес со своите настапи на теренот од почетокот на сезоната. Новиот косопственик Сер Џим Ретклиф вели дека е подготвен да го продаде Рашфорд на лето доколку пристигне соодветна понуда во клубот за него.

Самиот Тен Хег веќе покажа дека е бескомпромисен кога се занимава со дисциплински прашања на играчите, примери за тоа се Кристијано Роналдо и Џејден Санчо кои беа исфрлени од тимот.

На крајот на октомври, менаџерот го критикуваше Рашфорд што излегол да го прослави роденденот во ноќен клуб неколку часа по поразот во градското дерби со  Манчестер сити.

Минатата сезона напаѓачот беше отстранет од групата за мечот со Вулверхемптон бидејќи доцнеше на тренингот. На овој начин Рашфорд веќе покажува дека проблемите од дисциплинска природа стануваат хронични за него, што сугерира нов цврст одговор од Тен Хаг.

Медиумите на Англија објавија дека Рашфорд на денешниот тренинг дошол со својот брат, кој е и негов агент. Двајцата треба да имаат разговор со Ерик тен Хаг

The post Рашворд казнет со 650.000 фунти затоа што пропуштил тренинг appeared first on Република.

Фудбалерот на Манчестер јунајтед, Маркус Рашфорд, ги нарече „злонамерни“ гласините кои ја доведуваат во сомнеж неговата иднина на „Олд Трафорд“, додека англискиот репрезентативец се обидува да се врати во формата од минатата сезона.

Ве молам престанете да ширите злонамерни гласини, напиша Рашфорд на социјалната платформа Икс, како одговор на видео порака објавена од навивачите на Манчестер јунајтед, насловена „Иднината на Рашфорд е доведена во прашање?“.

Дваесетишестгодишниот Рашфорд сезонава има постигнато само еден гол на 14 натпревари во сите конкуренции, што е далеку под неговиот ефект од минатата сезона во која запиша 30 голови и 11 асистенции.

Англискиот репрезентативец се најде на удар на критичарите, откако беше забележан во ноќен клуб неколку часови по поразот на Јунајтед од Манчестер сити во градското дерби на 29. минатиот месец.

The post Рашфорд: Гласините за мое заминување од „Олд Трафорд“ се злонамерни appeared first on Република.

 Манчестер јунајтед постигна начелен договор со напаѓачот Маркус Рашфорд за продолжување на неговиот договор, објави „Sky Sports“.

Според изворот, новиот договор на 25-годишниот Англичанец ќе се пресметува до летото 2028 година.

Рашфорд е во Манчестер јунајтед од јануари 2016 година. Неговиот актуелен договор е до 30 јуни 2024 година.

Порталот „Transfermarkt“ ја проценува вредноста на играчот на 80 милиони евра.

Во сезоната 2022/23 Рашфорд одигра 55 натпревари на кои постигна 30 голови и шест асистенции.

The post Јунајтед не се откажува од Рашворд appeared first on Република.

Напаѓачот на Манчестер јунајтед, Маркус Рашфорд, под водство на тренерот Ерик тен Хаг го покажува најдоброто издание во кариерата.

Фудбалерот во просек постигнува голови на секои 140 минути со холандскиот специјалист на тренерската позиција – 13 гола за 1.821 минута.

Рашфорд оваа сезона одигра 25 натпревари за Манчестер јунајтед, постигнувајќи 15 голови и шест асистенции.

Во победата (3:0) на Јунајтед над Чарлтон во ЕФЛ купот, синоќа Рашфорд постигна два гола

The post Рашворд се разигра под водство на Тен Хаг appeared first on Република.