Милошевиќ е снимен во Москва на откривањето на споменикот на неговиот татко, во друштво на Александар Залдастанов, познат како Хирург, близок соработник и пријател на Владимир Путин и водач на мото групата „Ноќни волци“, пишува Блиц. Во видеото кое трае нешто помалку од 50 секунди, Залдастанов го најавува Милошевиќ, кој потоа и се обраќа на толпата повторувајќи ги зборовите на татко му напишани на споменикот. „Како што пишува овде на плочата, ние, за жал, бевме тест за тоа што се случи со Русија и што се случува сега во Украина. Југословенските војни се исти, само сега во Украина – забрзана верзија. За жал, ја изгубивме битката, но војната, се надевам, не сме. Од нашите грешки и од нашата судбина, Русите извлекоа лекција и ќе победиме! За победата“, рече Марко Милошевиќ, стоејќи пред српското знаме, откако кој еден од насобраните извикува „Србија ја чува славата!“. Инаку, посочува белградскиот весник, синот на Милошевиќ изгледа прилично непрепознатливо во однос на последните достапни фотографии од пред повеќе од 20 години, тој видно остарел и побелел. Тој не се појави во јавноста откако, по падот на режимот на неговиот татко на 5 октомври, побегна во Русија откако беше обвинет под сомнение за вмешаност во организиран криминал. Веќе на 7 октомври тој ја напушти Србија и преку Пекинг замина во Москва, каде што доби политички азил.По него има потерница од Интерпол во Србија, според кој треба да биде уапсен ако се појави во земјата.