Марко Јовановиќ (33), познат по прекарот Српскиот Ханибал Лектор, пред неколку дена е осуден на 15 години затвор бидејќи на 21 декември 2016 година во затворот Нова Скела монструозно го убил својот цимер Рамиз Шариќ, а судот веќе го осуди на единствена затворска казна од 40 години за убиството на поранешната девојка Данијела Јовановиќ и соседот Александар Китановиќ, за што и „заврши“ во затвор, објави „Телеграф.рс“.

Поминати се точно 10 години од убиството на Данијела Јовановиќ и Александар Китановиќ, првичното кривично дело, кое беше извршено на 31 октомври 2012 година.

Крвавиот пир во тоа време, Јовановиќ го извршил од љубомора.

На 31 октомври 2010 година Јовановиќ се сокрил зад лифтот во зградата во која живееле Данијела и Александар и демнел. Кога видел дека Данијела дошла дома, околу 16 часот и 30 минути и заѕвонил на вратата, таа отворила, а тој ја турнал внатре.

Во обвинението било наведено дека Данијела му рекла дека повеќе не сака да се гледаат и дека се гледа со соседот Китановиќ. Јовановиќ потоа ја прободел неколку пати со ловечки нож во градите и стомакот. Сечилото било долго 13 сантиметри.

Потоа му заѕвонил на Китановиќ. Брат му ја отворил вратата, но Марко го барал Александар. Го повикал да дојде во станот на Данијела да види нешто, а потоа го избодел со ножот.

Јовановиќ тогаш беше осуден на 40 години затвор. Сепак, тука не беше крајот на неговата крвава кампања.

Четири години подоцна, на 21 декември 2016 година, тој го убил Рамиз Шариќ, неговиот цимер во затвор. Прво го удрил во главата, а потоа го задавил со раце.

Рамиз останал без кислород и паднал во несвест, а Јовановиќ потоа земал жилет и му го пресекол грлото. Во тој момент тој бил на земја, а Јовановиќ бил над него и додека Рамиз Шариќ бил во агонија, но се уште жив, Јовановиќ го гризнал за десната страна на лицето, а кога осудениот веќе бил мртов, го гризнал левото уво и го одгризал дел од него.. На ѕидовите на ќелијата биле испишани некои знаци со крвта на убиениот - стои во пресудата.

The post Пред една деценија ги уби девојка му и нејзиниот љубовник, а неколку години подоцна го заклал цимерот во затвор appeared first on Република.