Австрискиот напаѓач Марко Арнаутовиќ го коментираше неговото враќање во Интер. Фудбалерот ќе игра за миланскиот клуб како позајмен од Болоња.

- Јас сум многу среќен. За мене е голема чест што повторно ќе играм за Интер. Започнав тука пред 13 години и повеќе бев навивач отколку играч, но сега сум тука да му помогнам на тимот да освои нешто, изјави Арнаутовиќ, за „Football Italia“.

Фудбалерот одговори и на прашањето што му се променило во животот откако последен пат играше за Интер.

- Многу. Пред 13 години не се концентрирав баш на фудбалот, но сега е сосема поинаку. Имам семејство, и се е сосема мирно. И јас пораснав во Италија како личност. Се надевам дека се ќе биде добро. Физички, јас сум силен и дојдов тука да постигнувам голови, додаде напаѓачот.

Арнаутовиќ во сезоната 2009/10 одигра три натпревари за Интер. Таа година тимот освои тројната круна.

The post Интер дојде до Арнаутовиќ appeared first on Република.

Познати се деталите од разговорите на Манчестер јунајтед за трансферот на напаѓачот на Болоња, Марко Арнаутовиќ.

Според новинарот Фабрицио Романо, италијанскиот клуб сакал да добие од 13 до 14 милиони евра за 33-годишниот Австриец.

Манчестер јунајтед сериозно размислуваше за опцијата за купување на напаѓач, но подоцна се откажа од оваа идеја поради незадоволството на навивачите. Премиерлигашот нема да го купи Арнаутовиќ, клубот не планира да се врати на преговори.

Минатата сезона Арнаутовиќ на 34 натпревари за Болоња постигна 15 голови и оствари една асистенција.

Порталот „Transfermarkt.com“ ја проценува вредноста на напаѓачот на шест милиони евра

The post Арнаутовиќ бил цел на Манчестер Јунајтед appeared first on Република.