Поранешната бугарска министерка за надворешни работи Марија Габриел е кандидатка за заменикчка-генерален секретар на НАТО, дознава „Клуб Z.бг. Таа е без работа откако ја напушти ротирачката фунција во бугарското МНР како резултат на неможноста да состават влада речиси три години.

45-годишната Габриел е позната по своите антимакедонски ставови и негативниот став кон Македонците.

Најпозната е нејзината изјава дека уставните измени нема да бидат последно барање од Бугарија кон Македонија.

https://republika.mk/vesti/makedonija/gabriel-ne-se-samo-ustavnite-izmeni/

 Бугарија има многу јасна позиција пред целата Европска Унија. Ние сме земја-членка и како такви со нашите барања до Република Македонија кажуваме дека кога сакаш да бидеш членка на Европската унија мора да ги исполниш обврските што самиот си ги презел. Доколку Република Македонија сака да продолжи кон членство во ЕУ, планот за заштита на малцинствата е веќе критериум-говореше Габриел додека беше министер.

На први октовмри пак на чело на НАТО ќе застане поранешниот холандски премиер Марк Руте.Тој му е пријател на поранешниот премиер на „Cеверна“ Зоран Заев.

Руте лично дојде во Скопје во ноември 2021 година да ја спаси владата на Заев, која веќе беше на издишување и имаше обезбедено мнозинство за нејзино паѓање.

The post Пријателот на Заев и познатата антимакедонистка на чело на НАТО appeared first on Република.

Марија Габриел поранешната бугарска премиерка пред утрешните избори се појави во провидна кошула на јавен настап.

Бојко Борисов, лидерот на ГЕРБ и поранешен претседател на бугарската влада, ја опиша  како згодна, паметна и повеќејазична. Марија има 45 години и е познат негатор на Македонците.

The post Една од најголемите македонски негатори во Бугарија, во проѕирна кошула во јавност appeared first on Република.

Шефицата на бугарската дипломатија и мандатар за состав на новата коалициска влада, Марија Габриел, од централно-десничарската партија ГЕРБ, вчера изјави дека не е постигнат договор за формирање нова влада со централно-десничарската партија Промените продолжуваат (ПП).

По парламентарните избори минатата година, двата политички табора кои излегоа на врвот, ГЕРБ и ПП, направија договор за поделба на власта, според кој функцијата премиер ќе биде ротирачка. Првите девет месеци премиер беше академик Николај Денков, пренесе Хина.

БТА пренесува дека се очекува денеска Габриел да достави писмо до Народното собрание за тоа дека ја повлекува кандидатурата за премиер.

ГЕРБ нема да учествува во преговорите за вториот мандат, нагласи Габриел.

Премиерот во оставка, Николај Денков, во вчерашното обраќање емитувано на БНТ го повика раководството на ГЕРБ-СДС да го потпише договорот со „Промените продолжуваат - Демократска Бугарија“ и да гласаат за влада со премиерката и министерката за надворешни работи Марија Габриел, без промена на составот на Министерскиот совет.

The post Габриел: Не е постигнат договор за нова бугарска влада appeared first on Република.

Марија Габриел од ГЕРБ која требаше да ја состави новата влада на Бугарија денеска најави дека утре ќе му го врати мандатот на претседателот Румен Радев. Неуспехот на Габриел да формира влада ја води Бугарија во нови избори.

„Утре ќе поднесам известување дека ја повлекувам мојата кандидатура за премиерка. Партијата ГЕРБ нема да учествува во преговори за втор мандат“, рече мандатарката Марија Габриел.

Таа додаде дека можно е да се најдат заеднички точки за коалициска влада, но дека сепак е подобро на нив да се навратат по уште едни избори.

Марија Габриел најави дека ќе остане вицепремиер и министерка за надворешни работи се до формирање на новиот состав на бугарскиот парламент и потоа новата влада.

The post Марија Габриел го враќа мандатот, Бугарија пред нови избори appeared first on Република.

Бугарскиот претседател, Румен Радев, денеска ѝ го додели мандатот за формирање нова влада на досегашната министерка за надворешни работи Марија Габриел од централнодесничарската коалиција ГЕРБ-СДС, согласно договорот за поделба на власта меѓу двете главни политички партии, според кој секоја од нив ќе има свој премиер девет месеци.

Двете партии постигнаа договор за поделба на власта по минатогодишните избори во обид да стават крај на 2,5-годишната политичка криза, да ја вратат стабилноста и да го поттикнат економскиот развој во најсиромашната земја-членка на Европската унија.

Досегашниот премиер Николај Денков од реформската коалиција „Промените продолжуваат“ на почетокот на март се повлече од функцијата по „неговите“ девет месеци, со што го отвори патот за именувањето на Габриела.

Прифаќајќи го мандатот, Габриел денеска изјави дека тоа го прави „со чувство на одговорност бидејќи на Бугарија и треба стабилност“.

Беше најавено и дека таа во новата влада ќе го задржи ресорот надворешни работи, што аналитичарите го гледаат како гаранција дека Бугарија ќе остане на својот прозападен пат.

Габриел има рок од седум дена да го назначи новиот кабинет, кој потоа мора да биде потврден со гласање во бугарскиот Парламент.

Нејзината коалиција ГЕРБ има 69 места во 240-члениот парламент, а реформистичкиот блок има 63 места.

The post Радев ѝ додели мандат на Марија Габриел да формира нова влада appeared first on Република.

Марија Габриел им ја плесна вистината во очи,  тоа е вистината за која што јас и ВМРО-ДПМНЕ ја зборуваме година и половина. На јавна сцена се виде дека Маричиќ, Зечевиќ, Ковачевски, Ахмети, Османи, Груби го лажат народот во Македонија дека ова е последната пречка, не е последната, изјави претседателот на ВМРО-ДПМНЕ, Христијан Мицкоски при посетата на Свети Николе одговарајќи на новинарско прашање во однос на изјавата на бугарската вицепремиерка и министерка за надворешни работи, Марија Габриел дека уставните измени не се единствен услов.

Мицкоски посочи дека ова е само почеток на проблемите кои следат затоа што без општествена поддршка и без консултации со опозицијата потпишаа договор со цел да го завршат својот проект две години власт.

– Едниот да биде премиер, другиот генерален секретар, а останатите да станат милионери на грбот на македонските граѓани, тоа беше проектот. Сега имаме сега сите ние проблем кој за жал повторно ќе треба ВМРО-ДПМНЕ да го решава но и граѓаните во Македонија во периодот кој следи. За ова зборувавме повеќе од година и половина, за ова предупредувавме и за жал со тоа што го направија, направија огромен проблем за сите нас, нагласи Мицкоски.

Мицкоски потенцираше дека ВМРО-ДПМНЕ е спремно откако ќе ја формира новата влада да разговара за нешто што претставува достоинствено решение и достоинствено сценарио.

– Од друга страна видовме дека правилото на едногласие во рамките на ЕУ се замени со правило на празна столица или правило на недостасува еден член. Очекувам дека и ЕУ, но лидерите доколку навистина сакаат Македонија да ја видат во ЕУ и да престане оваа голгота што трае повеќе од две децении каде Македонија, македонскиот идентитет и народ се предизвикани од страна на некои неразумни соседи со нивните политики, ќе ве потсетам тоа се започна со ветото кое го добивме поради  спорот со името, а потоа идентитетските проблеми со нашиот источен сосед, видовме дека можело да се носат одлуки доколку имаме разумни лидери во рамките на ЕУ. Очекувам разум и дека наскоро ќе биде отстрането ова вето и дека Македонија наскоро ќе ги почне преговорите она кое што и припаѓа многу одамна, изјави Мицкоски.

Мицкоски нагласи дека имаме многу внатрешни проблеми, но што се однесува до оние отстапки кои се направија сите заедно членки на ЕУ ги немаат направено.

The post Мицкоски: Марија Габриел им ја плесна вистината на власта лаже дека уставните измени се последна пречка appeared first on Република.

Единствен услов за отворање на првиот кластер се уставните измени, останати изјави се политички став, вели вицепремиерот Бојан Маричиќ.

Одговарајќи на новинарски прашања за изјавата на бугарската вицепремиерка, Марија Габриел, Маричиќ кажа дека договорите за добрососедство и Преспанскиот се ставени во преговарачка рамка и државата ќе ги почитува до крајот на преговорите. Тој денеска беше панел учесник на дискусијата „Геополитичко проширување на ЕУ: Нови можности, стари ризици?“ која се одржа во Даут пашин амам во Скопје.

Изјави имало порано и ќе има и понатаму. Нам ни е битно што пишува во заклучоците во Европскиот совет. Во заклучоците на Европскиот совет пишува дека штом се направат уставните измени, веднаш без никакво натамошно одлагање, без нова политичка одлука што е многу битно ќе има втора меѓувладина конференција на која ќе се отвори првиот кластер. Секако, во поширока смисла договорот за добрососедство и Преспанскиот договор се ставени во Преговарачката рамка како дел од добрососедските односи така што ние ниту сме кажале дека тоа нема да се почитува ниту сме кажале дека некој од нашите договори со соседите нема да се почитува и тоа ќе биде како прашање до крајот на преговорите. Протоколите што се потпишани се спроведуваат и треба да се спроведуваат, но тоа не е услов за отварање на првиот кластер. Единствен услов за отворање на првиот кластер се уставните измени и тоа јасно го пишува во заклучоците на Европскиот совет, секоја друга изјава ја гледам само како политичка, политички став - кажа Маричиќ.

Секоја држава која ќе оди напред е добра вест за нас и легитимно право е секој да се бори да го задржи темпото, смета вицепремиерот во однос на тоа дали Албанија ќе продолжи сама. Тој додава дека сепак тоа зависи од консензусот на државите од ЕУ, а Албанија во моментов го нема. Посочувајќи примери во минатото, Маричиќ рече дека државата не треба да заостанува, треба да си ги сработи обврските.

Лоша вест е што ние нема да одиме напред, а не Албанија што ќе оди доколку оди. Во овој момент нема согласност за Албанија. Ние веруваме дека најдобро е да одиме заедно, бидејќи заедно го завршивме и скринингот, но доколку Албанија продолжи, само ќе честитаме и тоа ќе го поздравиме, а ние треба да се бориме да си го задржиме тоа темпо да не заостанеме, затоа што секое заостанување не чини многу нас како држава, нашите граѓани со сите можности што ги имаме. Така што ние треба да ги гледаме нашите обврски и да работиме за ние да одиме напред, а останатите секако ќе се борат за да се движат напред и тоа е легитимно - вели вицепремиерот.

Маричиќ смета дека сите проблеми, корупција, владеење на право можат да се надминат доколку се зајакнат институциите, посочувајќи дека проблеми со корупција можат да се надминат за четири, пет години посочувајќи го примерот со Хрватска.

Одговарајќи на новинарски прашања, вицепремиерот истакна дека и државата пред седум години била „заробена држава“ што било верификувано во извештаите на Европската комисија. Тој нагласи дека за целосно менување на сликата е потребно јакнење на институциите и имплементација на законите, подобрување во делот каде што има потреба. Шанса има и треба да се искористи - дециден е Маричиќ.

Во однос на политички прашања, дали може со ДУИ да се излезе со заеднички кандидати, тој нагласува дека како партија дале јасен сигнал за формирање на европски фронт, политички партии без разлика на идеологија и етнички предзнак кои се залагаат за членство во ЕУ до 2030 г.

Сигурен сум дека во наредниот период најдобро е тоа да го прашате премиерот ќе има можност за разговори со сите политички лидери, мислам дека веќе и се разговара, а исходот ќе видиме тие разговори како ќе бидат ќе се процени што е тоа најдобро. Според мене во Македонија постојат два блока едните кои се за брзо членство во ЕУ со надминување на сите проблеми, а другите кои сакале да останеме сè уште во чекалната и чекањето да ни биде стратегија - кажа Маричиќ.

Во однос на однесувањето на Унгарија за Украина, Маричиќ кажа дека ако премиерот Орбан останел во салата и гласал против, тогаш одлуката немала да помине. Тој нагласува дека ова е добра одлука за Украина, но дека се знае точно како се носат одлуките во ЕУ, додавајќи дека во нашиот случај имало држави членки кои останале и се изјасниле против.

Знаеме како се носат одлуките во ЕУ она што е битно е дека напуштањето на некој начин од страна на унгарскиот премиер, подразбира и еден вид на согласност бидејќи доколку Унгарија останела внатре, премиерот Орбан останал во салата и гласал против, одлуката немала да помине. Ние сме го виделе тоа повеќе пати, така што јас сум сигурен дека ова е некое компромисно решение кое придонело заради целата ситуација со Украина и добро е што се донесе таа одлука, ние не треба да се потпираме на вакви ситуации треба да сме свесни во нашиот случај сме имале држави членки кои останале и се изјасниле против и тоа е суштинската разлика. Ако немате држава членка којашто останала и се изјаснила против, тогаш одлуката може да помине - вели Маричиќ.

The post Маричиќ ја демантира Габриел: Единствен услов за отворање на првиот кластер се уставните измени appeared first on Република.

Македонските власти се уште молчат за бугарската дипломатска офанзива, што вицепремиерката и министерка за надворешни работи, Марија Габриел, ја промовираше против предлог-резолуцијата на американскиот сенатор Мајк Браун за прогласување на месец септември за „Месец на македонско-американското наследство“.

Со какви аргументи настапува бугарската дипломатија не е познато, но ако се суди според обраќањето до Конгресот на САД од страна на Здружението на потомци на бегалци и имигранти од територијата на Република Македонија и пријатели, објавено во софиски Труд од 31 август годинава, тогаш работите не изгледаат ни малку розови. Зашто, во него се гледа целото лудило во кое не донесе власта со прифаќањето на Договорот за добрососедство, пријателство и соработка, а потоа и со т.н. француски, односно целосно бугарски предлог.

Иако текстот е малку подолг, го пренесуваме во целост:

На 26.07.2023 година, во Конгресот на САД беше воведена нацрт-резолуцијата S.Res.311 од страна на сенаторот Мајк Браун, со која се предлага септември 2023 година да биде прогласен за „Месец на македонско-американското наследство“ и да се слави јазикот, историјата и културата на Македонските Американци и нивните неверојатни придонеси за САД.
Ваква иницијатива се презема по третпат, бидејќи на 22.10.2021 година и 13.09.2022 година беа донесени предлог-резолуции Х. ОИЕ. 741 и S. ОИЕ. 758, кои беа отфрлени од Претставничкиот дом и Сенатот на САД, поради фалсификатите и манипулациите што ги содржеа, поврзани со минатото на географскиот регион Македонија.

Тековната верзија е многу пократка од претходните и е исчистена од голем број лажни изјави. Сепак, и во оваа форма, таа продолжува да содржи целосно докажливи лаги и е пример за уште една кражба на туѓо социо-културно наследство. Нацрт-резолуцијата S.Res.311 повтори дека „од 1880-тите, десетици илјади Македонци имигрирале во Соединетите Држави во потрага по граѓански слободи, човекови права, верски слободи, економски можности и безбедност како одговор на Илинденското востание од 1903 г. против Отоманската империја, Балканските војни од 1912-1913 година, Првата и Втората светска војна, Граѓанската војна во Грција од 1946 до 1949 година и комунистичката политика на Југославија“. На овој начин не е засегнато само социо-културното наследство на Бугарија, туку и на Грција. Истовремено, навидум критикувајќи ја „комунистичка Југославија“, ги поддржува токму пропагандните тези што ги разви таа и Москва за вековното постоење на етничките Македонци и македонскиот јазик – изјави кои не одговараат на објективните факти.

Нашето здружение е создадено од лица кои потекнуваат од групата од над 400 илјади бугарски државјани, потомци на бегалци или имигранти од територијата на денешна Република Македонија, кои пак се дел од околу 1,3 милиони бугарски граѓани кои се самоизјавуваат за своето потекло од географската област на Македонија. Како заинтересирана организација која директно ги изразува интересите на дел од населението со потекло од денешна Македонија, би сакале да го свртиме вашето внимание на фактот дека во наведениот период по 1980-тите, не беше можно да има етнички Македонци во Обединетите нации. Држави, па и постоењето на такви не е регистрирано во самата географска област на Македонија.

The post Бугарите во САД бараат национално помирување, а го саботираат „Месецот на македонско-американското наследство“ appeared first on Република.

Позицицијата на Бугарија кон Македонија е много јасна - да се исполнат обврските договорени и прифатени во јули 2022 година, изјави бугарската вицепремиерка и шефица на дипломатијата Марија Габриел.

Бугарија ќе продолжи многу јасно да ја брани својата позиција, да потсетува дека стоиме зад исполнувањето на сите услови поврзани со компромисот од јули 2022 година, јасно да се спротивставиме на обидите за лажни информации и дезинформации дека Бугарија има нови услови, а во меѓувреме јасно да опстојуваме на нашиот јазик, култура и идентитет, рече Габриел во одговор на пратеничко прашање во бугарското Собрание.

На пратениците им порача дека Народното собрание на Бугарија може да продолжи да биде многу корисно, но не е во надлежност на ниту еден законодавно тело да се произнесува за вакви теми.

Сакаме многу јасно да покажеме пред РСМ дека само кога ќе ги исполнат обврските што самите се согласиле да ги исполнат, тогаш евроинтеграциите веќе нема да бидат сон, додаде Габриел

Прашана за предложена резолуција во американскиот Сенат, септември да се прогласи за месец на македонско-американското наследство во САД, таа рече дека МНР на Бугарија ќе направи сè тоа да не се случи. Информира дека бугарското МНР уште од првиот момент кога дознало за поднесената резолуција презело активности, амбасадорот и генералниот конзул во Вашингтон веќе разговарале со тимот на сенаторот кој ја предложил резолуцијата. Габриел кажа дека дека процедурата во Сенатот е започната, но оти ќе направат сè што е можно да не биде донесена.

Во јули годинава, републиканскиот сенатор од Индијана Мајк Брон, претстави резолуција во американскиот Сенат да се прогласи септември 2023 година за месец на македонско-американско наследство во САД, кога ќе се слават јазикот, историјата и културата на македонските Американци.

Резолуцијата спонзорирана од Брон, кој е единствен сенатор што е член на групата пријатели на Македонија и македонските Американци во Конгресот, прво треба да биде одобрена од сенатскиот комитет за судство, пред за неа да гласа целиот Сенат.

Во меѓувреме, гувернерката на американската сојузна држава Мичиген Гречен Витмер, веќе го прогласи септември оваа година за месец на македонско-американското наследство. Витмер вели дека е важно да се истакне придонесот и културното влијание на македонските Американци.

https://republika.mk/vesti/makedonija/michigen-go-proglasi-septemvri-2023-za-mesets-na-makedonskata-kultura-vo-sad/

Септември има значење за македонските Американци како што се наближува годишнината од Денот на независноста на Република Македонија, симболизирајќи го патот на државата кон суверенитет и нејзините трајни врски со македонско-американската заедница, се вели во известувањето на гувернерката.

Во него се посочува дека Американците со македонско потекло придонесуваат за американската култура преку „бизнис, спорт, уметност, политика, медицина, право, култура, кулинарски вештини и бројни други области“.

The post Бугарското МНР ќе направи сè да се спречи прогласувањето на септември за месец на македонско-американското наследство во САД appeared first on Република.

Претседателот на Бугарија, Румен Радев во понеделник, 22 мај, во 15 часот ќе ја прими кандидатката за премиер Марија Габриел, предложена од ГЕРБ-СДС. Ова го соопшти прес-службата на шефот на државата.

Марија Габриел го доби првиот мандат за формирање влада на 15 мај. Неколку дена подоцна таа изјави дека ќе го исполни.

„За мене сега е време да преминам во следната фаза – поддршка на влада со првиот мандат, експертска влада за една година со конкретни имиња“, објасни Марија Габриел.

Шефот на државата Румен Радев денеска во Јамбол изјави дека за работна влада е неопходно да се има одржлива политика, јасни принципи и стабилни основи.

The post Радев на 22 мај ќе ја прими кандидатката за премиер Марија Габриел, предложена од ГЕРБ-СДС appeared first on Република.

Коалицијата „Продолжуваме со промените – Демократска Бугарија“ нема да го поддржи првиот мандат за формирање влада на ГЕРБ-СДС, со Марија Габриел како кандидатка за премиер.

Ова, како што пренесуваат бугарските медиуми, било одлучено на денешните состаноци на Коалициониот совет на втората по големина политичка сила во Бугарија, прво меѓу петмината лидери Кирил Петков, Асен Василев, Христо Иванов, Атанас Атанасов и Владислав Панев, а потоа со пратеничката група.

Одлуката ја соопштија Петков и Иванов, кои најавија дека ќе работат за втор мандат.
„Нема да го поддржиме првиот мандат. Почнуваме да работиме за вториот мандат и тоа го гледаме како единствена алтернатива за Бугарија да не оди на шести избори“,рече Кирил Петков.

Христо Иванов рече дека ќе започнат консултации со сите политички сили во парламентот во врска со нивната подготвеност да поддржат конкретни измени во Уставот.

Сметаме дека ситуацијата во последните неколку дена ја потврдува нашата долгорочна позиција дека бугарскиот политички и институционален систем не може да се нормализира без длабока амбициозна промена на Уставот, во однос на Високиот судски совет и на Обвинителството. Очигледно е дека сè друго дава краткотрајни сојузи и затоа треба да ги почнеме тие разговори за да видиме дали има политичка база за да се формира уставно мнозинство, изјави Иванов.

The post Коалицијата на Кирил Петков нема да поддржи влада на ГЕРБ-СДС на чело со Марија Габриел appeared first on Република.

Претседателот на Бугарија, Румен Радев, денеска ѝ го врачи првиот мандат за состав на влада на кандидатката за премиер на ГЕРБ -СДС, Марија Габриел.

Габриел посочи дека нејзиниот предлог ќе биде експертска влада, обединета околу јасни приоритети.

Сакам да ве уверам дека ќе направам се што е можно во рамките на овој проучувачки мандат Бугарија да има стабилна редовна влада. Затоа, ќе предложам експертска влада, обединета околу јасни приоритети кои имаат една цел – благосостојбата на Бугарите и авторитетот на Бугарија. Затоа, верувам дека поддршката што ќе ја побараме ќе испрати порака дека сме способни да се здружиме и да направиме влада што функционира - посочи таа.

Како што истакна кандидатката за премиер, во срцето на сè ќе биде посветеноста кон народот и татковината.

Имав можност да разговарам со парламентарните сили. Овие приоритети треба подетално да се исцртаат, а за тоа ќе се искористи рокот предвиден во Уставот. Беа изразени цели Бугарија да предложи мерки за справување со инфлацијата и цените. Ќе се потпрам на широка поддршка за овие приоритети, за кои сите се залагаме како важни за Бугарија - рече Марија Габриел.

Претседателот Румен Радев додаде дека очекува за една недела да биде претставена структурата и составот на кабинетот.

Кандидатката за премиер на Бугарија, Марија Габриел, минатата недела презентира 10 главни приоритети, меѓу кои стабилна влада, стабилни јавни финансии, борба против инфлација, против високи цени, длабока реформа во правосудството, Шенген, постојана евроатлантска ориентација, приближување на регионите и нивната специјализација, здравствена заштита на луѓето. Најважното што го спомена е дека ќе се заложи на нејзините т.н. три А – амбиција, авторитет, посветеност. Таа објасни дека клучниот збор во претстојните разговори е дијалогот.

The post Претседателот Радев ѝ го врачи првиот мандат на Марија Габриел appeared first on Република.

Бугарската еврокомесарка, Марија Габриел, ја коментираше одлуката на холандскиот премиер Марк Руте, Холандија да не го поддржи влезот на Бугарија во Шенген.

Габриел истакна дека кога се исполнети критериумите, земјите-членки треба да донесат соодветна одлука.

Како што јави дописникот на МИА од Софија, Габриел изрази надеж дека има уште време до 8 декември, кога Европскиот совет треба да ја донесе конечната одлука.

Габриел наведе дека и е драго што ЕК цврсто застана зад трите земји - Бугарија, Романија и Хрватска и оти „искрено се надева дека во оваа ситуација нема да се користат аргументи за кои нема место во оваа дискусија“.

https://republika.mk/vesti/balkan/holandija-kje-ja-blokira-bugarija-za-vlez-vo-shengen-zonata-poradi-korupcija-i-organiziran-kriminal/

The post Бугарската европарламентарка сака во Шенген: Не треба да има граница меѓу Бугарија и Романија appeared first on Република.