Нашата цел беше ставвот на ЕУ и затоа инсистиравме во преговрачката рамка да стои македонски јазик без какви било додавки, без разлика на ставот на Бугарија, изјави заменик претседателот на Владата задолжен за европски прашања, Бојан Маричиќ, во „Само интервју“.

Вицепремиерот додаде дека нивната цел во процесот е без разлика кој е ставот на Бугарија тоа да нема импликации во ЕУ, како што нема во НАТО, како што нема во Совет на Европа и во други организации.

На крајот на процесот македонскиот јазик, според сè ова што го гледаме сега, треба да се официјализира како службен јазик на ЕУ и ние ништо друго и нема да прифатиме ниту можеме да прифатиме. Доколку во кој било момент и тоа мислам дека е предлог во заклучоците, добиеме непристоен предлог за јазикот и идентитетот ние имаме целосно право и да ги напуштиме и да ги прекинеме преговорите, никој не може да не натера да се асимилираме и тоа не може да се случи затоа што кој може во денешно време да го асимилира моето чувство како Македонец или чие било чувство етничко или кој јазик го говори, потенцираше Маричиќ.

The post Маричиќ: Нашиот јазик го признава цела Европа, без разлика на ставот на Бугарија appeared first on Република.