Дигиталниот рендген апарат во поликлиниката „Букурешт“ во Скопје кој бил набавен пред нецела година не работи. Надвор од функција е и мамографот во поликлиниката „Јане Сандански“, кој нема ни шест месеци откако е набавен. На жените им се откажува мамографскиот преглед во оваа поликлиника, велат од Комисијата за здравство на ВМРО ДПМНЕ.

Пациентите во Букурешт иако претходно добиваа резултати на цеде, сега повторно се вратени на старите снимки. Што е преземено од страна на директорите на Здравствен дом Скопје, Исјановски и Селими под кој функционираат овие поликлиники за решавање на решавање на проблемите? Дали директорите на ЗД Скопје решаваат или само креираат проблеми, со оглед на проблемот со здравственото осигурување на вработените како и тоа што уште не им се врачени решенијата за користење годишен одмор на дел од вработените, прашуваат од Комисијата за здравство на ВМРО ДПНЕ.

The post Не работи рендгенот во поликлиника „Букурешт“ и мамографот во „Јане Сандански“, апарати набавени пред една година appeared first on Република.

Министерот за здравство Беким Сали денеска ја посети Општата болница со проширена дејност во Дебар, која со здравствена услуги ја покрива и општина Центар Жупа.

Денеска сме во посета на болницата во Дебар со цел да го предадеме во употреба апаратот-мамограф. Редовно комуницираме со здравствените установи кои не информираат што им недостига, за подобра здравствена заштита. Во разговор со директорката на оваа установа бев информиран дека приоритет е обезбедувањето ваков апарат, за навремено дијагносицирање на рак на дојка, кој ќе биде во служба и на жителките од соседните општини, рече министерот Сали.

Според него, дигиталниот апарат е во вредност од 45 илјади евра, производство е на „Сименс“ и е со висока ефикаснст.

Упатувам апел до сите жени од 45 до 63-годишна возраст од поширокиот регион да се јават во оваа установа во рамки на програмата за скрининг. Исто така со оваа програма се опфатени и жени на возраст од 24 до 45 години кои имаат предиспозиција за оваа болест, посочи Сали.

Директорката на болницата Севдие Коџа изрази благодарнот од име на установата и од, како што рече, сите жени до министерот и до ресорното министерство.

За нас како установа ваков апарат беше повеќе од неопходен. Благодариме на грижата на министерот и министертвото, со чие залагање дебарската болница првпат во историјата на постоењето добива ваков апарат, рече Коџа.

The post Болницата во Дебар во 2023 година првпат доби мамограф appeared first on Република.

Постоечкиот мамограф во Неготино е докомплетиран со нова работна станица и ставен во функција. За ова денеска информираа од Јавната здравствена установа Здравствен дом Неготино. Оттаму соопштија дека населението од општините Неготино и Демир Капија, како и другите соседни општини, здравствените услуги на мамографот може да ги користи, преку системот „Мој термин“.

Истовремено изразуваме благодарност до пратеничката Лолита Ристова, како и до сите други пратеници во Собранието на РСМ кои дадоа поддршка на нашето барање и преку Владата на РСМ ги обезбедија потребните парични средства за оваа набавка, којашто беше спроведена преку Министерството за здравство, нагласија од Здравствен дом Неготино.

Станува збор за мамограф донација од бугарската амбасада, којшто во моментов е докомплетиран. Докомплетирањето за подобра здравствена услуга, чини дваесет илјади евра.

The post Мамографот во Неготино е поправен и работи appeared first on Република.

Кумановската општа болница ќе добие мамограф, изјави денеска министерот за здравство Беким Сали од плоштадот каде присуствуваше на настан за промоција на вакцинацијата.

Уште стојам на ветеното дека до крајот на годината мамографот во Куманово ќе стигне, тоа е сигурно. Тоа е поддршка на болницата од страна на Министерството за здравство, во соработка со Светска банка. Тоа се процедури коишто ние мораме да ги запазиме и да ги испочитуваме да се реализира јавната набавка којашто е многу поголема од еден мамограф во Куманово, изјави министерот за МИА.

Тој појасни дека се работи за набавка којашто е испланирана за дванаесет јавни здравствени установи со различни типови опременост, со цел децентрализација на здравствените услуги што ги даваме во Клиничкиот универзитетски центар во Скопје.

Така што до крајот на годината обезбедуваме мамограф, кумановки ќе можат да се вклучат во годишната програма за заштита на здравјето на жените, истакна министерот Сали.

Кумановки веќе петта година мора да патуваат во Скопје или соседните, помали општини за да извршат редовна контрола на мамограф. На ниво на општина Куманово преглед прават од 200 до 300 случаи на годишно ниво. Мамографот во општата болница Куманово, поради дотраеност и дефект, престана да функционира во октомври 2017-та година. Стариот апарат кој исто така беше донација и се користеше 21 година. Според податоците на болницата, стариот апарат почнал да се користи во 1996-та година и извесен период поради дотраеноста, не се користеше за скрининг.

Според податоците на болницата, најмладата пациентка на која и е дијагностицирано рак на дојка од Куманово е во раните дваесетти години, највозрасната во 80-тите.

The post Кумановки нема веќе да патуваат за Скопје на преглед, Општата болница до крајот на годината ќе добие мамограф appeared first on Република.