Денес после цели 3 години од изјавата за вашите приоритети не само што Македонско село не стана стартап село туку веќе не е ни туристичка атракција бидејќи зјае празно и е забрането за посетители. Идентично како се што е на најава и очекување, истакна пратеничката од редовите на ВМРО-ДПМНЕ Лидија Петкоска на денешната собраниска седница за поставување на пратенички прашања.

Да потсетам дека во мај 2020 година тогашниот технички премиер, денешен министер Оливер Спасовски изјави дека комплексот македонско село ќе прераснал во стартап село, ќе се поставел брз интернет, а етно куќите ќе се пренаменеле во простор за заедничка работа, со пренамената на просторот директно ќе се стимулирало отворањето на нови бизниси, само 4 месеци по него лично министерот Крешник Бектеши на 22 септември истата година најави дека меѓу приоритетите за поттикнување на иновативноста во земјата е и од Македонско село да формираме Старт АП село кое ќе нуди можност за многу млади од земјава и странство да отворат бизнис без потреба од плаќање на режиски трошоци - рече Петкоска.

Таа првото нејзино прашање го упати до Крешник Бектеши и го запраша кога конечно да ги очекуваме измените и дополнувањата на законот за угостителска дејност?

Таа додаде и запраша за тоа кои се плановите за комплексот Македонско село и дали се планира воопшто да заживее?

Нејзиното последно прашање се однесува на тоа што се ветуваше во текот на изборите за професионални државни институции и департизиран државен апарат. Таа запраша за тоа кој е и точната бројка на директори и ВД директори во 30-те центри за социјална работа низ Македонија?

Четири години потоа имаме институции преполнети со партиски кадри и партиска држава со привилегии за членовите на СДС и ДУИ. Наместо ветената професионализација на институциите донесовте брутална партизација на општеството. Сведоци сме дека голем број на институции наместо со директори функционираат со вршители на должност односно ВД директори - кажа Петкоска

The post Петкоска до Бектеши: Ветувавте дека комплексот „Македонско село“ ќе го претворите во стартап, а со години зјае празно appeared first on Република.

Со симболичен марш од неколку километри поминати во искачување на Водно до комплексот „Македонско село“, ВМРО-ДПМНЕ го одбележа денот на планетата Земја.

Навистина е задоволство кога ќе може човек да помине квалитетни повеќе од еден час време со соработници и луѓе со кои што изминатите години поминавме заедно многу работи и делевме многу работи заедно, и сега во природа. Секој кој што може да помине време во природа во убаво друштво, ова е можноста, нашата планина Водно. И не е само Водно, насекаде во Македонија можете да уживате во природните убавини кои што ги нуди нашата држава, изјави лидерот на партијата Христијан Мицкоски по завршувањето на маршот.

Мицкоски посочи дека со овој симболичен марш сакаат да дадат добар пример и да ги мотивираат сограѓаните да се рекреираат во планина, но и да ја чуваат природата.

Ние денеска како ВМРО-ДПМНЕ и како Општински комитет на ВМРО-ДПМНЕ од Карпош, но не само од Карпош, тука има луѓе и од други општински комитети и граѓани кои што не се партиски, а ни се приклучија, навистина направивме еден убав пример и се рекреиравме во природа. Така што ова посакувам да стане пракса и еве нека биде задача на општинскиот комитет на Карпош да не мотивира и да не организира почесто да може следниот пат до врв да се качиме, да не биде само до тука, порача Мицкоски.

Пратеникот од ВМРО-ДПМНЕ, Тони Јаревски, кој беше дел од маршот, изрази задоволство што оваа иницијатива на ОК од Карпош била широко прифатена од како што рече, сограѓани, невладини организации, планинарски друштва, глумци, актери, спортисти, искрени љубители на природата како можност за дружење, за разговори, за уживање во природата. Тој притоа упати и критика до власта за запоставување на комплексот„Македонско село“.

Покрај основната цел имавме за цел да укажеме и на потребата за комплетирање на проектот за пешачка и велосипедска патека на овој дел од градот, многу атрактивна за многу граѓани, а сеуште нереализиран, да укажеме на нашата жал за пропаѓањето на овој комплекс „Македонско Село“ каде што практично и буквите македонски ги отргна оваа власт, изјави Јаревски меѓу другото.

The post Со симболичен марш до комплексот „Македонско село“ ВМРО-ДПМНЕ го одбележа Денот на планетата Земја appeared first on Република.