Водачот на Кавачкиот клан Радоје Звицер планирал да ангажира адвокат за оние кои се обиделе да го убијат  во Киев. Адвокатот пак за време на средбите требало да ги отруе тие што за малку ќе го ликвидираа.

Тој беше тешко ранет на крајот на мај 2020 година во Украина, во елитен дел на Киев, кога група атентатори од Црна Гора и Србија пукаа кон него на улица додека џогираше - неколку куршуми го погодија во пределот на градите, но се опорави по операцијата.

Од сигурна смрт го спасила сопругата Тамара Звитер, која, како што пишуваат тамошните медиуми, истрчала од зградата, ги застрелала напаѓачите со пиштол и ги натерала да побегнат.

Меѓу атентаторите беше и Стефан Ѓукиќ од спротиставениот Шкањарски клан.Тој стана познат на јавноста откако беше обелоденето дека има македонски пасош под името Каче Герги.

Министерот Панче Тошковски во интервуто за „Република“ најави дека ќе бидат проверени сите пасоши дадени на криминалци.

https://www.youtube.com/watch?v=FoCJt9Idx1U&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title

The post Звицер планирал да го отруе Стефан Ѓукиќ од Шкаљарскиот клан кој има македонски пасош appeared first on Република.

Во координирана меѓународна заедничка акција на истражните тимови на Република Србија, Јавното обвинителство за организиран криминал, Апелационото обвинителство на Грција, ЕВРОПОЛ, вчера во Србија се уапсени шест лица, а во Шпанија и Грција по едно лице.

- Осомничените се лишени од слобода поради постоење основи на сомнение дека сториле кривично дело здружение за извршување кривично дело, кривично дело тешко убиство, поради извршување на кривичното дело на 19.01.2020 година во Атина, во која Стеван Стаматовиќ и Игор Дедовиќ беа лишени од живот и на 23.07.2020 г. кога на Крф беа убиени Алан Кожар и Дамир Хаџиќ – соопштија од Српското Јавно обвинителство за организиран криминал.

За нас особено се важни имињата на Игор Дедовиќ и Стеван Стаматовиќ.Тие двајца се познати како водачи на Шкаљарскиот клан кои поседуваа македонски пасош и  кои беа ликвидирани пред очите на жените и децата во ресторан во Атина во 2020 годиина. Игор Дедовиќ бил Горан Тасевски, а Стаматовиќ Емил Филипов.

Убиството се случи на 19 јануари 2020 година во ресторан во елитната населба Глифада. Дедовиќ и Стаматовиќ вечерале со сопругите и децата додека четворица мажи влегле во ресторанот, се приближиле до масата,  проговориле неколку зборови на српски и отвориле оган.

Камерите ги снимиле џелатите како се приближуваат до ресторанот, а бројни сведоци кои седеле на само неколку метри од убиените во ресторанот, ги опишале мажите кои влегле и пукале.

Министерот за внатрешни работи Панче Тошковски во интервју за „Република“ најави дека ќе се проверат сите пасоши издавани на криминалци и нарко босови.

Тоа е една од работите кои ќе треба да се истражат во детали во следниот период.За овој случај имаше една акција во која одговараа само ситни риби.Ќе бидат проверени и тие пасоши.Нека не се грижат македонските граѓани, после осми мај кога ќе имаме нормална влада ќе се проверат сите овие работи.Сѐ ќе се расчисти-ветува министерот.

The post Уапсени убијците на водачите на Шкаљарскиот клан кои беа ликвидирани со македонски пасоши appeared first on Република.

„Толку за денеска“, вели полицаецот кој ги чува затворените врати на Одделението за издавање лични докумети на МВР во зградата на МТВ. „Тие што влегле, влегле“ вчера и денеска им ги тенчи и онака веќе истенчените нерви на повеќе стотини граѓани кои дошле да си ги подигнат документите со „cеверна“.

https://republika.mk/vesti/crna-hronika/i-vo-sabota-ke-raboti-punktot-za-promena-na-lichni-dokumenti-vo-prolet-i-shalterite-vo-mrtv-i-beko/

Работното време важи за некого, но не и за службите за издавање лични документи на МВР. Иако одделението за подигање на изработените пасоши треба да ги затвори вратите за странки во 20 часот, тие се под клуч без најава пред истек на работното време, а светилките изгасени уште во 19:15 во работен ден, односно во 18:15 во сабота.

Граѓаните се изреволтирани, а уште повеќе ги револтира тоа што со закани уапеваат да ја „отворат“ вратата.

Со бремена жена доаѓам два дена пред крај на работно време со цел да ја избегнам гужвата која ја чекавме изминатите денови и ми велите кој влегол, влегол, вели жител на Скопје, кој заедно со сопругата се турка во гужвата. Набрзо, вратата се отвори. И не ми е револтот за човекот, жал ми е и за жената, но што да правиме ние кои не сме бремени. Да забремениме за да дојдеме на ред?! Не разбирам, сведочи скопјанка, која и вчера, но и денеска останала без можност да си го подигне пасошот.

Граѓаните плаќаат поскапени лични документи иако имаат валидни со „северна“ кои МВР нема капацитет да ги направи и дистрибуира во законскиот рок.

https://republika.mk/vesti/crna-hronika/mazh-se-strupoli-po-dolgo-chekane-pred-punkot-za-slikane-za-lichni-dokumenti-vo-prolet/

Досега обновени се најмногу пасоши - над еден милион, околу 900 илјади лични карти и половина милион возачки дозволи.

Сите граѓани треба да извадат нови документи со додавката „Северна“ најдоцна до 12 февруари следната година.

The post „Толку за денеска, кој влегол – влегол“: МВР ги затвора вратите своеволно, граѓаните не можат да си ги земат изработените пасоши appeared first on Република.

Македонија и изминатава година беше омилена земја од која криминалците и нарко клановите сакаат да имаат пасош. Секако, тие не го сакаа нашиот пасош бидејќи со него можат лесно да патуваат туку до него лесно доаѓаа. На некому дури и им пристигнувале на домашна адреса како божиќен подарок.

Последен случај со вакви типови се случи на преминот Блаце каде е пуштен да избега Сокол Бибај, албански државјанин со потерница поради поседување на лажен македонски пасош со украден идентитет. Бибај имал пасош со име Андон Папи којшто е откриен во рамките за случајот „Двојник“ според кои 215 криминалци добија македонски патни исправи.

Тука е украинскиот бизнисмен Олександар Онишченко. Овој репрезентативец на Македонија во коњички спорт има тесни врски со Русија најпрво доби позитвни оценки од неколку инститции дека нема пречки да стане македонски државјанин, но по пристисокот од јавноста, и посебно од амбасадата на САД решија да почнат постапка за одземање на пасошот.

Друг „свеж“ случај е Љубомир Лаиновиќ. За него македонската јавност и немаше да знае доколку не беше судењето за кланот на Веља невоља. Заштитениот сведок Срѓан Лалиќ откри дека Шкаљарците Игор Дедовиќ и Стеван Стаматовиќ во 2019 година биле убиени токму од Љубомир Лаиновиќ.

Игор Дедовиќ бил Горан Тасевски, а Стаматовиќ Емил Филипов.Лалиќ пред неколку денови за прв пат откри дека Лаиновиќ имал македонски пасош на име Зоран Сотир.

За егзекуцијата на Дедовиќ и Стаматовиќ во ресторанот во Атина како награда Лаиновиќ добил Ролекс часовник и БМВ.

Лаиновиќ -или на македонски Сотир е добро познат лик во криминалните кругови во Србија. Тој потекнува од Нови Сад а специјалност му е пукање со снајпер. Неговиот татко Бранислав во деведсеттите години беше еден од главните мафијаши во Србија.

На Лаиновиќ помладиот по земањето на македонски пасош му се губи секаква трага и најверојатно се наоѓа на Косово.

Македонското МВР може да здивне затоа што овие мафијаши се убиваат меѓусебно или се на непозната локација. Во септември беше убиен и Јовица Вукотиќ водачот на Шкаљарскиот клан. Тој беше ликвидиран на автопат во близина на Истанбул од непознато лице кое го следело на мотоцикл.

Вукотиќ имаше македонски пасош на име Георги Андонов и со него беше уапсен во Истанбул во 2018 година и екстрадиран во Србија каде што одлежа 15 месеци затвор.Како четири години подоцна пак се нашол во Турција не се знае и чии пасош користел.

Турската полиција е уште трага по припадникот на Кавачкиот клан, Жељко Бојаниќ (56) од Котор. Бојаниќ е најблизок соработник на Дарко Шариќ, најголемиот наркобос на Балканот.

Бојаниќ е посебен случај бидејќи има не еден туку два македонски пасоши. Еден на име Спиро Аговски и втор со име на украден идентитет на Јордан Белчев.

Каде се наоѓаат останатите од првата лига „Македонци“ како Седат Пекер, ликвидаторот на Кавачкиот клан Стефан Ѓукиќ, Луис Волина косовски нарко бос, како и водачот на италијанската мафија Ндрангета, Валид Иса Хмаис никој не знае.

Можеби се живи, но можеби и во стилот на песната на Балашевиќ „со ангелите на врвот на небото играат покер и преферанс“.

The post Криминалците со македонски пасоши лани или беа убиени или им се губи трагaта appeared first on Република.

Судиката Оља Ристова, која судеше во случајот „Двојник“ за издавање на 215 македонски пасоши на белосветски криминалци, вели дека полицијата и Обвинителот го подготвувале предметот селективно намерно изоставувајќи „дел од службените лица“.

Ристова истакнува дека никому не му е јасно зошто се случувало тоа, освен на полицијата и на Обвинителот, којшто се занимавал до тој предмет.

Судијката порачува дека за да се надминат ваквите сериозни пропусти треба да има ревизија на тој предмет.

https://twitter.com/Trollowsky/status/1562109397995851776?fbclid=IwAR0C5o0EnuQlpcTXspy5om02KGmnzcgQutx4bQ2kr7WsAdZmoinu12CpsLU

The post Судијката која судеше за пасошите издадени на светски криминалци: Полицијата и Обвинителот намерно изоставиле „дел од службените лица“ appeared first on Република.

Нов скандал го тресе МВР на Спасовски. Радоје Звицер според информации на Европол, потврдени од МВР на Србија потврдија дека е откриен заговор за атентат врз претседателот на Србија Вучиќ, ова денеска преку соопштение до јавноста го истакнуваат од ВМРО-ДПМНЕ.

-ВМРО ДПМНЕ во рамките на обелоденувањето на аферата “мафија” пред помалку од една година откри дека на списокот мафијаши и криминалци кому Спасовски им издал легален македонски пасош но под друго име е токму атентаторот на Вучиќ Радоје Звицер. Поминува една година, и виновни за оваа афера каде со македонски пасош се стекнале регионални и светски мафијаши, нема. Освен симболична казна за неколку службеници во МВР кои треба да бидат колатерална штета нема одговорност за вистинските организатори на ваквата мрежа за издавање на македонски пасоши. Нема криминалец кој не оперира со пасошите на Спасовски со македонско знаме, велат од партијата.

Од таму додаваат дека ова покажува дека покрај срамот за Македонија кој го приредува Спасовски, тој е отворен заштитник на криминалот.

The post Европол откри обид за атентат врз Вучиќ од мафијашот Звицер кому Спасовски и МВР му дадоа македонски пасош appeared first on Република.