Македонскиот државјанин Д.Л.(21) е еден од двајцата повредени во пукањето што се случи вечерва околу 19.40 часот во белградската населба Врачар, пренесуваат српските медиуми. Тој се здобил со две прострелни рани во грбот. Како што пренесува „Информер“, тој најверојатно бил случајно застрелан.

Престрелката се случила на аголот од улиците „Максим Горки“ и „Цар Николај“.

Ранет е 29-годишниот А.П.(29) кој веќе и е познат на полицијата поради бројни криминални дела. Станува збор за лице со 12 кривични пријави за дрога, оружје, разбојништво итн. по кое во тек била и потера за издржување затворска казна. Тој бил застрелан во ногата и е надвор од животна опасност.

Недалеку од местото каде што е застрелан А.П., полицијата го пронашла македонскиот државјанин. Се претпоставува дека биле ранети од истиот напаѓач, кој е во бегство.

Како што пренесуваат медиумите, се работи за момче од околу 20-21 година, висок 170 сантиметри и носи сив дуксер и фармерки. По пукањето побегнал кон Чубурски парк.

The post Македонски државјанин еден од ранетите во пукотниците во Белград вечерва appeared first on Република.

Во бугарскиот град Бургас утрово бил приведен возач на камион со повеќе од стотина илегални мигранти, соопшти портпаролката на Регионалната управа на МВР во градот, Цветелина Рандева.

Товарниот камион и неговиот возач се приведени околу 06:45 часот. Превезувал само мажи со авганистанско потекло. Утврдено е дека истите биле натоварени во областа Дебелт, а камионот поминувал низ Бургас. Таму бил спречен од полициски службеници во приморскиот град.

За случајот е поведена предистражна постапка, објави агенцијата БТА.

The post Во Бургас уапсен македонски државјанин кој шверувал 100 мигранти appeared first on Република.