Селекторот на македонската ракометна репрезентација, Кирил Лазаров направи една измина во составот во однос на средбата со Естонија.

За денешниот меч со Литванија Лазаров одлучи на местото на Мартин Томовски во составот да биде Иван Галевски.

Младиот голман на Алкалоид натпреварот со Естонија во Скопје го следеше од трибините, па попладне во Вилнус ќе чека шанса за деби во националниот тим.

Покрај Галевски, Лазаров на располагање ќе ги има: Марко Кизиќ, Мартин Велковски, Игор Ѓорѓиев, Марко Митев, Филип Кузмановски, Александар Петковски, Валентин Карасманакис, Жарко Пешевски, Милан Лазаревски, Иван Џонов, Марко Стојковиќ, Михаил Аларов, Петар Атанасијевиќ, Мартин Серафимов и Павле Атансаијевиќ.

Натпреварот Литванија – Македонија од второто квалификациско коло за Европското првенство во 2026 година почнува во 17 часот

The post Maкедонија оди на победа во Литванија appeared first on Република.

 Македонската репрезентација го освои 19. место на Европското првенство во Црна Гора, откако славеа победа над Грција со 26:24 во последниот свој настап на шампионатот.

Воедно македонците им се реваншираа на Грците за поразот на ова ова првенство од пред четири дена.

Најефикасен играч на натпреварот беше Димовски со 11 гола

The post Најслатка победа: Нашите ракометари ја совладаа Грција appeared first on Република.

 Македонската ракометна репрезентација попладнево одигра нерешено 24:24 со Хрватска во вториот натпревар на Европското првенство У20.

Избраниците на селекторот Радослав Стојановиќ добро го почнаа натпреварот, водеа со 1-2 гола разлика дваесетина минути, но потоа следуваше пад во играта. Хрватите со серија од 7:1 направија резултатски пресврт и негативатаја претворија во предност од пет голови разлика на полувреме (15:10).

Хрватска во второто полувреме дојде и до највисоки +7 (18:11). Македонците не се предадоа и со поагресивна игра почнаа да ја намалуваат негативата  и со серија од 9:1 дојдоа до водство (20:19).

До крајот се играше рамноправно, Хрватска четири пати водеше, Македонија изедначуваше за на крај да се заврши со поделба на бодовите.

Од 16:40 се игра другиот натпревар од 2. коло во А-групата во кој се среќаваат Австрија и Црна Гора.

Македонија има 3 бода од два натпревара, Австрија 2 од една средба, Хрватска 1 од два меча, Црна Гора е без освоен бод по еден натпревар

The post Македонскиот ракомет има иднина: Младите репрезентативци се вратија од минус седум со Хрватска appeared first on Република.

Македонската женска ракометна репрезентација со триумф вечерва над САД од 32-15 го почна настап на Светското првенство за ракометарки до 20 години кое денеска стартуваше во Скопје.

Македонските ракометарки заминаа на полувреме со предност од 15-6, а во вториот дел им дозволија на противничките да постигнат само три голови и со убедлива победа да го отворат мундијалскиот турнир.

Следен противник на македонските јуниорки е Исланд, утревечер од 18 часот, а во последното коло ќе играат против Ангола.

Ракометната федерација на Македонија од денеска до 30 јуни ќе домаќин на 24 Светското јуниорско првество во женска конкуренција на кое учествуваат 32 репрезентации.

The post Во Македонија се игра светско ракометно првенство, нашите победија appeared first on Република.

Македонската ракометна репрезентација вчер ги совладаа Фарски Острови со 34:26 и се пласираа на Светското првенство следната година.

Ракометарите во соблекувална го прославија историскиот успех со една од неофицијалните македонски химни:

МАКЕДОНИЈА ОДИ НА СВЕТСКО!!! 🤾‍♂️🇲🇰 pic.twitter.com/TRxmUKAjoJ

— Team Macedonia (@MacedoniaFUT) May 12, 2024

Разликата од осум голови беше доволна да се анулираат седумте негатива од првиот дуел од барашот за СП одигран во средата на гостински терен кој Фараните го добија со 34:27.

Селекторот Кирил Лазаров постави извонредна игра, како во нападот, така и во одбраната. Македонците покажаа голема борбеност, беа агресивни во дуелите, играа трпеливо во нападот и на крајот заслужија мундијалски билет.

По првите 30 минути Македонија водеше со 19:15, во 37. минута ги имаше посакуваните +7, а во неколку наврати водеше и со девет разлика.

Жарко Пешевски со осум погодоци беше најефикасен во победничкиот состав. Се истакнаа и Филип Кузмановски со седум, Марко Митев со шест и Мартин Серафимов со пет погодоци.

За „Црвено-жолтите“ следното Светско првенство ќе биде деветти, по 17 пат ќе играат на голем ракометен настан, а задржан е и континуитетот на учество на големите натпреварувања кој трае од 2012 година.

The post Со „Едно име имаме“ се славеше Светско во соблекувална appeared first on Република.

Македонската машка ракометна репрезентација загуби вечерва на гостувањето во Торшавн од Фарски острови со 34-27 (18-14) во првиот натпревар од баражот за пласман на Светското првенство во 2025 година.

Избраниците на селекторот Кирил Лазаров со многу осцилации го одиграа првиот дел, дозволувајќи му на домаќинот во воведните 10 минути да стекне предност од плус пет голови (7-2), која Фарски Острови ја зачуваа до крајот на полувремето.

Македонските ракометари во вториот дел на моменти беа во негатива и од осум голови (18-26, 20-28) и ќе имаат тешка задача да ја надоместат разликата на дуелот во Скопје.

Филип Кузмановски со осум голови беше најефикасен во репрезентацијата на Македонија.

Реваншот е на програмата в недела во салата „Борис Трајковски“ со почеток во 19 часот.

Домаќини на Светското првенство, 29 по ред, кое ќе се одржи од 14 јануари до 2 февруари идната година, ќе бидат Хрватска, Данска и Норвешка.

The post Светското е далеку: Македонските ракометари убедливо загубија од Фарските Острови appeared first on Република.

Македонската машка ракометна репрезентација вечерва на гостински терен во Торшавн го игра првиот натпревар против Фарски Острови од баражот за пласман на Светското првенство во 2025.

Дуелот е закажан со почеток во 20 часот по македонско време во салата Холин а Халси во која избраниците на селекторот Кирил Лазаров вчера го одржаа официјалниот тренинг.

Реваншот е на програмата в недела во салата „Борис Трајковски“ во Скопје со почеток во 19 часот.

Домаќини на Светското првенство, 29 по ред, кое ќе се одржи од 14 јануари до 2 февруари идната година, ќе бидат Хрватска, Данска и Норвешка.

The post Да им посакаме вечерва среќа на македонските ракометари appeared first on Република.

 Ракометната Федерација на Македонија денес ги објави цените на билетите за бараж натпреварот со Фарски Острови за Светското првенство 2025. Билетите ќе чинат 200 и 300 денари.

Натпреварот ќе се одигра на 12 мај со почеток во 19 часот во Спортскиот Центар „Борис Трајковски“ во Скопје. Претходно македонските ракометари ќе гостуваат на Фарски Острови.

Продажбата на влезници за натпреварот почна денес и се одвива online на интернет-страницата на МК Тикетс (https://mktickets.mk ) а влезници можат да се купат и на сите продажни места на МК Тикетс низ државата

The post Бодрете ја Македонија за 200 и 300 денари во баражот за СП appeared first on Република.

Македонската ракометна репрезентација го доживеа вториот пораз од Романија, која денеска беше подобра со 28:24 (15:10).

И вчера двете репрезентации играа пријателски меч, а тогаш Романците победија со 32:27.

„Жолто-црвените“ имаа проблем со реализацијата и немаа ниту едно водство во текот на натпреварот, па заслужено доживеаја пораз.

Мартин Серафимов со пет голови беше најфеикасен во нашата селекција, по четири постигнаа Марко Митев и Жарко Пешевски.

Инаку на овие натпревари селекторот Кирил Лазаров не може да смета на неколку играчи - Филип Кузмановски, Ненад Костески, Павле Атанасијевиќ и Томислав Јагуриноски.

Натпреварите против Романија како дел од ЕХФ неделата се дел од подготовките за мечот против Фарски Острови во мај за пласман на Мундијалот

The post Maкедонските ракометари редат порази appeared first on Република.

Пивотот на македонската ракометна репрезентација, Жарко Пешевски, по вечерашната победа над Швајцарија порача дека нашата нација не треба да се грижи за иднината на националниот тим.

- Ова беше нашиот најдобар настап на ЕП. Даваме максимум. Македонија може мирно да спие, во репрезентацијата има мангупи. Работевме 25 дена заедно и еве тоа даде резултат. На теренот изгледавме како еден тим. Заслужено победивме. Голема благодарност до сите што дојдоа да не бодрат, до цела Македонија за поддршката, изјави Пешевски.

Македонските ракометари вечерва ја совладаа Швајцарија со 29:27 во третото коло од А-групата на Европското првенство во Германија.

Нашата репрезентација ЕП го завршува на 3.место во групата и обезбеден пласман во групата носители за следните квалификации за Светското првенство во 2025 година.

The post Пешевски: Македонија може мирно да спие, во репрезентацијата има мангупи appeared first on Република.

Селекторот на македонската ракометна репрезентација, Кире Лазаров, не го криеше задоволство по вечерашната победа над Швајцарија во 3.коло на Европското првенство во Германија.

Лазаров го пофали целиот тим кој успеа да ја прекине серијата без победа на евро-шампионатите која траеше четири години.

- Честитки до сите. Одигравме екстра квалитетен натпревар, со голема борбеност, мотивираност, многу жар. Ја посакувавме повеќе победата. Многу сум задоволен и среќен од презентираното. Ги сведовме на минимум техничките грешки за разлика од претходните два натпревара кога грешевме можеби од преголем респект. Благодарам на сите кои ни дадоа поддршка. Искрено ми е драго за момците и за цела Македонија, истакна македонскиот селектор.

Македонија со оваа победа заврши на третото место во групата и обезбеди место помеѓу носителите во мундијалските квалификации.

The post Лазаров: Одигравме екстра квалитетен ракомет, честитки за моите избраници appeared first on Република.

Македонската ракометна репрезентација со победа го заврши настапот на 16. Европско првенство. „Црвено-жолтите“ вечерва во Берлин ја Швајцарија со 29:27.

Македонците од средината на првото полувреме ја преземаа контролата на резултатот и со серија од 6:0 поведоа со 10:5. Имаа пет разлика предност и при 13:8, за на пауза да се отиде со 13:9.

[caption id="attachment_733767" align="alignnone" width="640"] (фото: МИА)[/caption]

Одбраната предводена од голманот Мартин Томовски не беше „порозна“ како во првите две кола, а нападот функционираше сосема солидно против фаворизираниот противник.

Во второто полувреме Швајцарците од 17:12 најпрво намалија на 17:15 во 38. минута, изедначија 23:23 во 51. минута, имаа и водство во последните пет минути, но нашите репрезентативци не се предадоа и заслужено дојдоа до триумфот.

[caption id="attachment_733766" align="alignnone" width="640"] (фото: МИА)[/caption]

Томовски со 12 одбрани, Марко Митев и Никола Костески со по пет голови беа најефикасни во победничкиот состав.

Македонија со оваа победа заврши на третото место во групата и обезбеди место во носителите во мундијалските квалификации.

The post Во оваа група толку: Македонија ја победи Швајцарија, со Германија и Франција не можевме appeared first on Република.

Македонската ракометна репрезентација го претрпе и вториот пораз на Европското првенство, овој пат од домаќинот Германија со 25:34 (13:18) во „Мерцедез-Бенз Арената“ во Берлин.

Воглавно македонските ракометари беа во подредена улога против силно мотивираната домашна селекција водена од 13.500 навивачи на трибините. Со овој пораз Македонија и математички остана без шанси за втора фаза, па дуелот со Швајцарците ќе биде последен на ова првенство.

Јури Кнор беше најдобар стрелец на мечот со десет гола. Во македонскиот табор се истакна Ненад Костески со шест, а по четири дадоа Пешевски и Јагуриновски. Голманите не беа на завидно ниво, Томовски собра пет интервенции, додека Митревски кој бранеше само во првиот дел фати две топки.

The post Ракометарите убедливо поразени и од Германија, Македонија елиминирана од ЕП appeared first on Република.

Македонската ракометна репрезентација по првото полувреме против Германија во рамките на второто коло во групата А на ЕП има негатива од 13-18. Ненад Костески со три гола е прв стрелец, по два имаат Лазаревски, Јагуриноски, Митев и Никола Костески.

Пред полни трибини во „Мерцедес Бенц Арената“ се игра мечот меѓу Македонија и Германија. Атмосферата е навистина одлична, домаќинот се погрижил за секоја детал кога игра германската репрезентација.

Одбраната е нашиот проблем, дефанзивата е премека за оваа Германија, а згора на се „црвено-жолтите“ повторно редеа технички грешки, кои брзо беа казнувани. Ги немаме во вистинско светло Кузмановски и Талески.

Преземено од спорт спорт

The post Македонија на минус пет по првото полувреме против Германија appeared first on Република.

Иако имаше добри моменти, македонската ракометна репрезентација претрпе пораз на првиот натпревар на Европското првенство во Германија. Моќната Франција извојува победа од 39-29, во натпоревар кој на стадионот на Фортуна Дизелдорф го следеа преку 50.000 гледачи.

По рекордниот натпревар на предс-конференцијата својот став го искажа селекторот на македонската репрезентација, Кирил Лазаров.

„Честитки за француската репрезентација, која заслужи да победи попладнево. Можеби денес игравме против најсилната европска селекција. Игравме добро, задоволен сум, но не е доволно да играте добро 40-45 минута. Не сум задоволен од резултатот, бидејќи загубивме со десет разлика. Можеби пореално беше да биде на крајот 6,7,8 разлика. Направивме премногу грешки кога играте против селекција како Франција.

Сега имаме четири дена да го подготвиме натпреварот со Германија и верувам во оваа селекција“, рече Лазаров.

Утре нашите ракометари патуваат за Берлин и првпат ќе тренираат во „Мерцедес Бенц Арена“, каде в недела ќе се соочи со домаќинот Германија.

Извор: Гол.мк

The post Лазаров: Игравме против најсилните, не заслуживме пораз од дури десет разлика appeared first on Република.

Со десет гола разлика Франција ја совлада македонската ракометна репрезентација. 29-39 е крајниот резултат од првиот меч на Европското првенство (ЕП) во Германија.

Првото полувреме Македонија иако аутсајдер во овој меч, парираше на Франција, па дури и имаше водство од два гола (10-8. Но по 20 минути игра Франција ги презеде работите во свои раце. По низа грешки на нашите ракометари првиот дел заврши со водство на Франција 17-13.

Голманот Никола Митревски беше расположен. Имаше околу десетина одбрани, но грешките на ракометарите во напад скапо не чинеа. Најефикасен во составот на Македонија беше Жарко Пешевски со седум голови, Џонов постигна шест, Кузмановски четири, Талески, Лазаревски и Митев по три. Во составот на Франција Иго Деска имаше седум од седум, Наи даде шест, а Мем пет.

Македонија следниот меч го игра против Германија го игра во Берлин на 14 јануари, а два дена подоцна против Швајцарија.

The post Македонија поразена од Франција, Митревски одличен на голот appeared first on Република.

Најдобрите македонски ракометари предводени од селекторот Кире Лазаров денеска 18 часот ќе го отвори Европското првенство (ЕП) против Франција.

На списокот ги нема Марко Кизиќ и Игор Ѓоргиев за првиот меч на ЕП.

Во изборот на Лазаров влегоа Митревски, Томовски, Омерагиќ, Велковски, Митев, Талески, Маркоски, Кузмановски, Никола Костески, Ненад Костески, Пешевски, Лазаревски, Јагуриновски, Џонов, Атанасијевиќ и Савревски.

The post Лазаров ги избра ракометарите за денешниот меч на ЕП appeared first on Република.

Македонската ракометна репрезентација попладнево одржува тренинг на „Меркур Шпил Арена“, стадионот кој е адаптиран за одржување натпревари во рамките на Европското првенство во Германија.

Избраниците на селекторот Кирил Лазаров се запознаа со теренот каде утре ќе имаат чест да го отворат 16. континентален шампионат. Нивни противник во 1. коло ќе биде олимпискиот шампион Франција.

Според организаторите, за утре се најавени да присуствуваат околу 50 илјади гледачи што ќе биде рекордна посетеност на еден ракометен натпревар.

Покрај македонската и француската репрезентација, во групата А се наоѓаат и домаќинот Германија, како и Швајцарија.

The post И тоа е можно во Германија: Европско првенство во ракомет ќе се игра на фудбалски стадион appeared first on Република.

Македонската машка ракометна репрезентација ја совлада Грција вечерва во Скопје со 33-30, во првиот од двата контролни натпревари меѓу двете селекции кои се подготвуваат за настап на претстојното Европско првенство во Германија.

Избраниците на селекторот Кирил Лазаров со серија од 6-1 во финишот на првото полувреме заминаа на пауза со предност од три голови (18-15).

Продолжението на натпреварот во СЦ „Борис Трајковски“ донесе многу поквалитетна игра на македонските ракометари, кои во 44 минута имаа највисока предност од плус седум голови разлика (26-19).

Најефикасен во редовите на „црвено – жолтите“ беше Милан Лазаревски со осум голови, додека Никола Митревски на голот запиша осум интервенции.

https://republika.mk/sport/rakomet/grtsite-vo-boris-trajkovski-gi-pozdravija-znaminata-od-kutlesh/

The post Сонцето од Вергна донесе среќа: Maкедонија ја победи Грција appeared first on Република.

Селекторот на македонската ракометна репрезентација, Кирил Лазаров денес го објави списокот со повикани играчи за претстојните натпревари со Грција.

На списокот на Лазаров се наоѓаат:
голмани: Никола Митревски, Мартин Томовски и Марко Кизиќ.
леви бекови: Филип Талески, Филип Кузмановски и Емилијан Ѓоргоновски.
средни бекови: Иван Џонов, Игор Ѓоргиев и Марко Митев.
десни бекови: Мартин Велковски, Томислав Јагуриновски, Мартин Серафимов и Давид Савревски.
десни крила: Ненад Костески и Никола Костески.
леви крила: Цветан Кузманоски и Петар Атанасијевиќ.
пивоти: Жарко Пешевски, Никола Маркоски, Милан Лазаревски и Марко Стојковиќ.
дефанзивец: Едвин Омерагиќ.

Натпреварите ќе бидат контролни и се во рамките на ЕХФ неделата (30.10 – 05.11).

Средбите со Грција ќе се играат на 3 и 4 ноември. Собирот на ракометарите се закажува за 30 октомври во Скопје

The post Maкедонските ракометари ќе играат против Грција, еве во кој состав appeared first on Република.