Македонија ја совлада Ерменија и речиси сигурно ќе игра во разигрувањето за следното Светко првенство. Вечерва во Ереван со головите на Миовски и Алими ја совлада ерменската репрезентација и се пласираше во Б групата од Лигата на нации што е на чекор од најдобите.

Македонија не покажа којзнае што на овој меч, но покажа зрелост, стрпливост.Одбраната беше сигурно, Димитриевски со „чиста мрежа“  а во Миовски добивме гол играч како што сме немале од времето на Дарко Панчев.

Македонија следните два меча ќе ги играме дома следниот месец против Летонија и Фарските острови на кои ќе треба да го потврдиме првото место во Ц групата.

The post Падна и Ерменија, Македонија оди во разигрување за прво учество на Светско првенство appeared first on Република.

Во пресрет на утрешниот натпревар од Лигата на нации против селекцијата на Ерменија, на денешната прес-конференција во Ереван, селекторот на македонската фудбалска репрезентација, Благоја Милевски ја потенцираше важноста на средбата од која може да зависи победникот во групата.

„Кажав дека натпреварите меѓу Македонија и Ерменија ќе одлучуваат за првото место во групата и стојам зад таа изјава. Пред почетокот на овој октомвриски циклус целта ни беше да останеме на првото место. Не е важно како ќе дојдеме до таа цел, треба само да ја оствариме“, изјави Милески на официјалната прес – конференција во Ереван.

Македонската репрезентација во четвртокот триумфираше на гостински терен над Летонија со 3-0 и е првопласираната во групата Ц4 со седум бодови, три повеќе од второпласираната Ерменија, која ремизираше на гости со Фарски Острови (2-2).

„Пред почетокот на овој октомвриски циклус целта ни беше да останеме на првото место. Не е важно како ќе дојдеме до таа цел, треба само да ја оствариме. Целата подготовка е насочена кон Ерменија и како треба да изгледаме на терен. Не сакаме да мислиме на комбинации, за тоа ќе размислуваме во ноември. Утрешниот меч ќе биде поинаков од тој пред три години, а и од последниот минатиот месец. Како да е судбина да играме против Ерменија, квалитетни се и нема да ги потцениме“, посочи Милевски.

Голманот Столе Димитриевски оцени дека дуелот против Ерменија може да се покаже како одлучувачки за првото место во групата.

„Овој натпревар можеби е одлучувачки за првото место во групата, па ако со победа го осигуруваме првото место, тогаш нека биде и минимална победа од 0-1, но да бидеме први“, изјави стандардниот голман на македонската репрезентација Димитриевски

The post Со победа утре против Ерменија повторно ќе се бориме за пласман на СП appeared first on Република.

Енис Барди беше стрелец во последната победа на Македонија над Летонија од 0-2 во квалификациите за ЕП 2020, токуму во Рига. Сега верува дека колективот ќе не однесе до нова победа во групата денеска.

„Одговорноста е кај секој од нас за овие натпревари, иако секако многумина очекуваат од мене да го понесам тимот. Подготвен сум како и секогаш да бидам во функција на тимот. Но, ние сме колектив а не поединци и така ќе се однесуваме и утре атакувајќи на трите бода против Летонија“ – истакна Барди на прес-конференцијата во Рига.

The post Денеска сите навиваме за Македонија appeared first on Република.

Македонската репрезентација победи на вториот меч од Лигата на нации. Ја совладавме Ерменија со 2-0 која е наш стален "муштерија". Лошата атмосфера околу националниот тим по ремито на Фарските острови за момент е поправена на радост на околу 6000 премрзнати гледачи на "Градски". Имаа и што да видат, мајсторијата на Барди од слободен удар и голот на Миовски.

Нашата репрезентација напаѓаше во текот на целиот меч, но некако без завршница.

Најзрели шанси ги имаа Миовски, Елмас и Бабунски. Очигледно е дека недостасува кондиција кај оние играчи кои не се стандардни во своите клубови и настапот за репрезентацијата им е единствена можност за игра. Сега следува октомврискиот циклус на Лигата на нации. Со оваа победа се враќаме во игра за првото место во групата. Ова натпреварување е единствената шанса за прв пат да играме на Светско првенство.

The post Победа над Ерменија: Евроголот на Барди ја врати вербата дека можеме на Светско преку Лигата на нации appeared first on Република.

Македонската фудбалска репрезентација попладнево со чартер чет отпатува за Торшавн каде в сабота против домаќинот Фарски острови го игра воведниот натпревар во Ц-дивизијата во Лигата на нации.

Натпреварот за закажан за в сабота во 15 часот, на стадионот „Торсволур“ со капацитет од 6.500 седишта.

Судиската четворка доаѓа од Литванија, предводена од 31-годишниот Манфредас Лукјанчукас.

Избраниците на селекторот Благоја Милевски ќе го заокружат септемврискиот циклус во рамки на групата Ц4 во Лигата на нации идниот вторник кога на националната арена „Тодор Проески“ во Скопје ќе гостува репрезентацијата на Ерменија

The post Со среќа: Македонската репрезентација отпатува за Фарските острови appeared first on Република.

Селекторот на македонската фудбалска репрезентација, Благоја Милевски денес го објави списокот со повикани фудбалери за натпревари против Фарски Острови (7 септември) и против Ерменија во Скопје (10 септември) од новото издание на Лига на Нации.

На списокот на селекторот Благоја Милевски за двата меча се наоѓаат следните фудбалери:

Голмани: Столе Димитриевски, Дамјан Шишковски и Игор Алексовски.

Одбрана: Висар Муслиу, Никола Серафимов, Јован Манев, Езѓан Алиоски, Бојан Димовски, Ахмед Иљазовски, Стефан Ашковски, Ѓоко Зајков, Дарко Велковски.

Среден ред: Енис Барди, Јани Атанасов, Агон Елези, Тихомир Костадинов, Елиф Елмас, Исник Алими, Давид Бабунски.

Напад: Бојан Миовски, Милан Ристовски, Дарко Чурлинов, Александар Трајковски, Лирим Ќамили, Димитар Митровски, Кристијан Трапановски.

Собриот на македонската репрезентација е закажан за 2 септември во Скопје

The post На 10 септември навиваме за Македонија appeared first on Република.

Македонската женска фудбалска репрезентација загуби вечерва во Скопје од Латвија со 2-1 (1-0) во рамки на претпоследното коло во групата Ц 2 во квалификациите за пласман на Европското првенство во 2025 година.

Избраничките на селекторот Александар Андов го претрпеа вториот пораз во петтиот евроквалификациски натпревар и ги сведоа шансите за пласман во октомврискиот бараж на минимум.

Латвија дојде во водство во судиското продолжение на првото полувреме со голот на Анастасија Пулоховича (45+3), а Македонија го израмни резултатот во самиот финиш преку капитенот Наташа Андонова (90+2).

Кога се очекуваше натпреварот на ФФМ Тренинг комплексот да заврши без победник, гостинските фудбалерки дојдоа до победата во последниот напад кој го реализираше Олга Шевцова во петтата минута од судиското продолжение.

Евроквалификацискиот циклус македонските фудбалерки ќе го заокружат идниот вторник на гостински терен против лидерот во групата Словенија.

The post Ништо од пласман на ЕП: Македонските фудбалерки поразени од Летонија appeared first on Република.

Селекторот на македонската фудбалска репрезентација, Благоја Милевски на попладневната прес-конференција ги сподели очекувањата за утрешниот контролен натпревар против Чешка во Храдец Кралове.

- Работевме на освежување на тимот, задоволен сум тоа што сите се здрави, освен како што знаеме Енис Барди не може да биде со нас. По тренингот кој го имаме, сите работи околу составот ќе ги оставиме за потоа. Се надевам дека сите ќе бидат спремни да се стават на располагање за она кое не очекува. Кога сте учесник на едно Европско првенство, тоа е доволен доказ за квалитет. Чешка покажа дека е квалитетна репрезентација со извонредни играчи од Премиер лигата, Бундеслигата и Серија А, но имаат и голем број на домашни играчи од квалитетна лига низ која ја црпат базата за А-репрезентацијата. Не очекува противник сосема различен од типот на Хрватска. Уверен сум дека ние како тим и репрезентација може да напредуваме ако играме тип на мечеви со поквалитетни ривали од нас, за да го видиме нашиот реален квалитет и домет во моментов. Одиме да го извадиме максимумот, иако сме свесни дека е крај на сезоната и заморот е присутен кај играчите, како и проблемите кои ги имаат дел од играчите во клубовите, истакна Милевски.

Натпреварот Чешка – Македонија е закажан за утре со почеток во 18 часот.

The post Милевски: Може да напредуваме преку натпревари со поквалитетни противници од нас appeared first on Република.

Македонската фудбалска репрезентација за играчи до 21 година денеска е поразена од младинците на Босна и Херцеговина со 2:1 (1:0) во пријателски натпревар.

Домаќините поведоа во 10. минута преку Јагањац, а тој резултат останал до крајот на полувремето, за Бристриќ да го зголеми водството на домашната селекција во 72. минута.

Македонија го постигнала единствениот гол во судиското надополнување и тоа преку Фетаи, со што се поставени конечните 2:1.

The post Младите фудбалери поразени од БиХ во пријателски натпревар appeared first on Република.

Македонија рутински загуби против Хрватска во Ријека (3-0). Очигледно е дека нашата репрезентација не е достојна проверка за Хрватска, дури и за пријателски мечеви. „Коцкестите“ се подобри во секој дел од тимот и затоа играат на секое европско или светско првенство.А на Македонија само еднаш и се посреќи, и не со актутелниот селектор Милевски.

Не видовме многу во првите половина час, но потоа блесна Ловро Мајер (26), кој реализира одличен слободен удар од 25 метри од голот.

Матео Ковачиќ (30) направи одлично додавање и влезе во добра позиција, но таму беше соборен од поранешниот играч од средниот ред на Хајдук Јани Атанасов (24). Играчот од средниот ред на Волфсбург ја зеде топката и го измами голманот на Македонија. Столе Димитриевски која само со поглед ја испрати топката во мрежата.

Мајер го постигна вториот гол во финишот на првото полувреме по одлична акција. Најпрвин по левата страна Мартин Батурина по соло продор му додаде на Бруни Петковиќ , кој не се снајде, но потоа одлично се справи и му ја препушти топката на Мајер, кој излезе сам напред и лесно погоди во мрежата.

The post Македонија рутински загуби во Хрватска appeared first on Република.

Селекторот на македонската фудбалска  репрезентација, Благоја Милевски денес го објави списокот со повикани фудбалери за контролните натпревари против Хрватска и Чешка.

На списокот на Милевски се наоѓаат:

Голмани: Столе Димитриевски, Дамјан Шишковски, Игор Алексовски, Дејан Илиев.

Одбрана: Висар Муслиу, Тодор Тодоровски, Никола Серафимов, Јован Манев, Езѓан Алиоски, Бојан Димовски, Ахмед Иљазовски, Стефан Ашковски, Ѓоко Зајков, Дарко Велковски.

Среден ред: Енис Барди, Јани Атанасов, Агон Елези, Тихомир Костадинов, Давор Здравковски, Елиф Елмас, Исник Алими, Димитар Митровски.
Напад: Бојан Миовски, Милан Ристовски, Дарко Чурлинов, Александар Трајковски, Лирим Ќамили.

Натпреварот со Хрватска ќе се игра во Риека на 3 јуни, со Чешка на 10 јуни во Храдец Кралове

The post Македонија ќе ја проверува Хрватска пред ЕП appeared first on Република.

The post Oчајна Македонија против Црна Гора appeared first on Република.

Македонија, во Анталија, вечерва (18 часот) ќе го одигра вториот контролен натпревар. Противник на избраниците на селекторот Благоја Милевски ќе биде Црна Гора. Пред три дена Македонија одигра 1.1 со Молдавија, а Црна Гора ден претходно ја победи Белорусија со 2:0.

Во пресрет на натпреварот, новиот селектор на Црна Гора, Роберт Просинечки, најави дека со целосни нов тим ќе настапи против Македониа.

„Во тимот ќе остане само Јоветиќ, бидејќи сакаме да му дадеме минутажа што ја нема во Олимпијакос, а остатокот од тимот ќе биде сменет затоа што сакам сите играчи да добијат можност да се покажат, да се докажат и да се наметнат. Тоа сега ни е поважно од резултатот, иако сигурно ќе се обидеме да продолжиме таму каде што застанавме против Белорусија“, рече Просинечки на прес-конференцијата во Анталија, а потоа продолжи:

„Момците имаа голем мотив за Белорусија, мислам дека тоа беше евидентно. Пристигна нов тренер, нормално дека сите сакаа да се докажат. Бевме исклучително борбени на секој дел од теренот, топката се движеше добро, лесно доаѓавме до добри позиции во нападот и тоа ме радува. Се надевам дека така ќе биде и против Македонија“.

Со оглед на тоа што Просинечки најави дека само Јоветиќ ќе го започне мечот против Македонија во однос на тимот што играше против Белорусија, се очекува на теренот да бидат: Шаркиќ, Вукчевиќ, Савиќ, Вујачиќ, Радуновиќ, Лончар, Бакиќ, Јововиќ. Чамај, Јоветиќ, Мугоша.

Извор: ТОПСПОРТ

The post Просинечки: Против Македонија Јоветиќ и десет нови играчи appeared first on Република.

Селекторот Благоја Милевски го одреди почетниот состав на македонската фудбалска репрезентација за контролниот дуел попладнево против Молдавија на неутрален терен во турска Анталија.

Милевски се одлучи да го почне натпреварот со Димитриевски на голот, Илјазовски, Муслиу и Серафимов во одбраната, Чурлинов, Атанасов, капитенот Барди, Елмас и Алиоски во средниот ред, а Миовски и Ристовски во нападот.

Дуелот е со почеток во 15;30 часот на теренот во комплексот „Мардан“.

Ова ќе биде четврти дуел меѓу Македонија и Молдавија во кој двете репрезентации ќе ја бараат својата прва победа во меѓусебните пресметки, по трите нерешени исходи, 1-1 во 2009, 2-2 во 2001 и 0-0 во 2000 година.

The post Денеска игра Македонија, еве со кој состав ќе играме против Молдавија appeared first on Република.

Селекторот на македонската А репрезентација, Благоја Милевски го објави списокот со повикани фудбалери за контролните натпревари против Молдавија (22. март, 15:30 часот) и против Црна Гора во турска Анталија (25. март, 18:00 часот).

- Натпреварите против Молдавија и Црна Гора ни се многу важни во подготовките за следните квалификации, со посебен акцент на зајакнување на добрата атмосфера и заедништво. Треба да бидеме подготвени и полни со мотив, иако се работи за пријателски натпревари. На тренинзите и натпреварите треба да влеземе сериозно, одговорно и цврсто. Тоа ќе го барам од сите во тимот. Фокусот ќе биде на тактичките замисли и како треба да изгледаме во Лигата на нации, а тоа значи игра во која ќе бидеме рационални, паметни, агресивни, компактни и фокусирани, изјави Милевски.

На списокот на селекторот за двата меча се наоѓаат следните 28 фудбалери:

ГОЛМАНИ: 

Столе ДИМИТРИЕВСКИ - Рајо Ваљекано, Шпанија, Дамјан ШИШКОВСКИ - Арарат, Ерменија, Игор АЛЕКСОВСКИ - Работнички, Дејан ИЛИЕВ - Сараево, БиХ

ОДБРАНА: 

Висар МУСЛИУ - Падерборн, Германија, Тодор ТОДОРОВСКИ - Политехника Јаши, Романија, Никола СЕРАФИМОВ - Фехервар, Унгарија, Јован МАНЕВ - Адана Демирспор, Турција, Езѓан АЛИОСКИ - Ал Ахли, Саудиска Арабија, Бојан ДИМОВСКИ - Акрон Тољати, Русија, Ахмед ИЉАЗОВСКИ - Хвидовре, Данска, Стефан АШКОВСКИ - Алашкерт, Ерменија, Ѓоко ЗАЈКОВ - Крајова, Романија , Дарко ВЕЛКОВСКИ - Динамо Букурешт, Романија;

СРЕДЕН РЕД: 

Енис БАРДИ - Трабзонспор, Турција, Јани АТАНАСОВ - Краковија, Полска, Агон ЕЛЕЗИ - Бохум, Германија, Давид БАБУНСКИ - Мезекевешд, Унгарија, Тихомир КОСТАДИНОВ - Пјаст Гливице, Полска, Давор ЗДРАВКОВСКИ - Медервел, Шкотска, Елиф ЕЛМАС - Лајпциг, Германија;

НАПАД: 

Бојан МИОВСКИ - Абердин, Шкотска, Милан РИСТОВСКИ - Бохемианс 1905, Чешка , Дарко ЧУРЛИНОВ - Шалке 04, Германија , Александар ТРАЈКОВСКИ - Хајдук, Хрватска, Димитар МИТРОВСКИ - Вараждин, Хрватска, Ердон ДАЦИ - Беверен, Белгија, Лирим ЌАМИЛИ - Хвидовре, Данска.

The post Македонија во речиси најсилен состав против Молдавија и Црна Гора appeared first on Република.

Македонската фудбалска репрезентација се најде на 68. место на најновата ранг-листа на Светската фудбалска асоцијација (ФИФА) објавена денес, прва во 2024 година.

„Црвено-жолтите“ имаат ист број бодови (1362,17) како и на претходното рангирање (декември 2024) кога беа 65-ти, но тие се престигнати од неколку репрезентации кои имаа успешни настапи на Африканскиот куп на нации 2024.

Од противниците на македонските фудбалери во Лигата на нации, Ерменија се наоѓа на 94. место, Фарски Острови се на 135. позиција, додека Летонија е 136-та.

The post Maкедонската репрезентација паѓа на ранг листата пред стартот на Лигата на нации appeared first on Република.

Македонската фудбалска репрезентација идниот месец ќе одигра пријателски натпревар против Црна Гора на неутрален терен.

Натпреварот, како што соопшти Фудбалската федерација на Црна Гора, ќе се одигра на 25 март во Анталија.

Двете репрезентации досега имаат одиграни три натпревари, сите пријателски. Македонската репрезентација беше поуспешна 2010 и 2015 година во Скопје, додека Црна Гора триумфираше на дуелот одигран 2008 во Подгорица.

Избраниците на селекторот Благоја Милевски во јуни ќе одиграат контролни натпревари на гостински терен против Хрватска и Чешка, што ќе бидат последните контролни проверки пред стартот на новото издание на Лигата на нации во септември.

Македонската репрезентација ќе се натпреварува во Ц – дивизијата, а противниците во групната фаза ќе ги дознае на жрепката која е закажана за 8 февруари во Париз.

The post Македонија ќе игра пријателска со Црна Гора во Анталија appeared first on Република.

Македонската фудбалска репрезентација на 10 јуни ќе одигра пријателски натпревар против Чешка во Прага, објави денеска Фудбалската федерација на Македонија (ФФМ).

Дуелот против Чесите ќе уследи една недела по гостувањето на македонските фудбалери во Риека и пријателскиот натпревар на 3 јуни против Хрватска.

-Мило ми е што постигнавме договор со чешкиот Фудбалски сојуз да одиграме натпревар кој ќе биде одличен тест за двете селекции. Противникот бараше натпревар против нас, а тоа е потврда и за нашиот квалитет, изјави денеска македонскиот селектор Благоја Милевски за официјалниот сајт на ФФМ.

Хрватска и Чешка ќе ги искористат дуелите против избраниците на Милевски за што подобро да се подготват за настап на Европското првенство ова лето во Германија, додека македонските фудбалери во септември ги очекува новиот циклус во Лигата на нации.

-Репрезентација на Чешка ќе биде поттик за нашата репрезентација да влезе во натпреварувачки ритам пред да започнеме со официјалните натпревари од новото издание на Лига на нации. Чешка има силен тим, но сакаме да видиме каде сме во тој момент и што треба уште да подобриме во пресрет на отворањето на Лига на нации. Сигурен сум дека гледачите ќе уживаат во квалитетен натпревар, додаде Милевски.

Со селекцијата на Чешка, македонската репрезентација досега има одиграно три натпревари. Во квалификациите за СП 2006 загубивме во двете пресметки, а одигравме 1:1 на пријателскиот меч во 2001 година.

The post Македонија ќе игра пријателски меч против Чешка appeared first on Република.

Македонската фудбалска репрезентација на 3 јуни 2024 година ќе одигра контролен натпревар против Хрватска во Ријека.

Фудбалската федерација на Македонија го потврди пријателскиот натпревар против бронзените од последното Светско првенство.

- Ни претставува задоволство што против Хрватска, една од најсилните европски селекции, ќе одиграме контролен натпревар. Тое е потврда за нашиот статус, силните репрезентации со голема почит гледаат на нашата селекција. Натпреварот ќе биде одлична можност да напредуваме како тим и се разбира да се обидеме да ја зголемиме конкуренцијата во тимот пред почетокот на квалификациските натпревари, изјави селекторот Благоја Милевски.

Последниот меч против Хрватска „Црвено-жолтите“ го одиграа на 12 октомври 2012 година во квалификациите за СП 2014. На Националната арена во Скопје, Хрватите победија со 2:1.

На досегашните осум  дуели против Хрватска, македонската репрезентација има само една победа (2007 година, 2:0, квалификации за ЕП 2008), два нерешенни резултати и пет порази.

The post Во јуни ќе ја тестираме Хрватска пред ЕП appeared first on Република.

Страницата „Екс ју фудбала“ направи идеален состав на најдобрите македонски фудбалери на сите времиња.

На голот е Драган Мутибариќ. Лев бек е Кирил Симоновски - Џина, десен бек - Вујадин Станојковиќ, стопери се Кирил Дојчиноски и Илија Најдоски.

Во средниот ред би играле Методија Спасовски, Кочо Димитровски и Тони Савевски, додека во нападот се Горан Пандев, Дарко Панчев и Милко Ѓуровски.

Што мислите?

The post Дали се сложувате: Oва е идеалниот фудбалски тим на Македонија appeared first on Република.