Во воведниот натпревар од 15 коло во Првата македонска фудбалска лига (ПМФЛ), Брегалница и Шкендија попладнево во Штип одиграа нерешено 2-2 (0-1).

Шкендија поведе со голот на Елези во 22 минута, а домаќините го израмнија резултатот преку Велкоски (54 минута). Аганспахиќ го врати гостинскиот тим во водство во 68 минута, а пет минути подоцна Брегалница остана со играч помалку на теренот поради исклучувањето на Робакидѕе.

Сепак, домаќините и со играч помалку дојдоа до израмнување во 86 минута со погодокот на Ѓорѓиев

Прволигашкото коло ќе се комплетира в недела преостанатите пет дуели меѓу Работнички – Гостивар, Шкупи – Македонија ЃП, Силекс – Вардар, Струга – Воска и Тиквеш – Брера.

Табела: Шкендија 29, Шкупи 28, Струга 27, Силекс 23, Брера 19, Работнички 19, Гостивар 18, Тиквеш 16, Воска 16, Македонија ЃП 15, Брегалница 15, Вардар 11

The post Maкедонската фудбалска лига се играше и на лошото време appeared first on Република.