Во неодамнешно интервју за „Блумберг“, поранешниот извршен директор на „Мајкрософт“, Стив Балмер зборуваше како се правело интервју за работа во една од најпознатите технолошки компании во светот. Балмер, кој беше на чело на американскиот конгломерат од 2000. до 2014 година, откри трик-прашање што му го поставувал на секој кандидат за работа, објаснувајќи го и значењето.

Прашањето гласеше вака: „Размислувам за број меѓу еден и сто. После секој обид ќе ви кажам дали бројот е превисок или пренизок. Ако погодите при првиот обид, добивате пет долари, тогаш четири, три, два, еден, и ако на крајот не погодите, ќе ми платите долар, два“, изјави тој.

Целта на ова прашање не е само да се тестира размислувањето на кандидатот, туку и способноста за донесување стратешки одлуки - клучна одлика, којашто Балмер ја смета за важна, за успех во технолошката индустрија.

Која е целта на прашањето?

Она што особено го интересира е - дали кандидатите го разбираат поширокиот контекст на играта? Имено, доколку сакаат победа, кандидатот треба да разбере дека веројатноста да се изгуби е поголема од веројатноста за победа бидејќи има многу повеќе бројки на коишто можат да загубат отколку едната што носи победа. Целта на прашањето е, всушност, да се види дали кандидатот прво ќе процени дали воопшто вреди да се игра.

Така, вистинскиот одговор е: „Не сакам да ја играм играва“, бидејќи тоа скоро секогаш ќе има негативен очекуван исход.

Балмер денес е сопственик на НБА-кошаркарскиот клуб Лос Анџелес клиперс и неговото богатство се проценува на 121,9 милијарди долари.

Во една прилика, кандидатот веднаш ја погодил бројката напишана на хартија и рече дека играва не вреди. Тоа е правилен заклучок. Така, ја увидов способноста на кандидатот да размислува „вон рамките“ и неговата вештина да ги анализира проблемите пред да донесе одлука, се потсеќа Балмер.

На крајот, тој појасни дека неговата цел била да процени колку добро кандидатите ја разбираат анализата на ризик и донесувањето одлуки - клучни вештини за успехот во денешниот динамичен технолошки свет.

The post Трик прашањето што се поставувало на интервју за работа во „Мајкрософт“ appeared first on Република.

Извршниот директор на Мајкрософт Сатја Надела го преполови својот паричен бонус, соопштувајќи дека тоа го прави поради неодамнешните пропусти во сајбер безбедноста кои влијаеја на операциите на Мајкрософт.

Надела според пресметките на компанијата требаше да добие бонус од 10,66 милиони долари, а по намалувањето ќе добие 5,2 милиони долари. Тој годинава треба да земе вкупен надоместок од 79,1 милиони долари, што претставува зголемување од 63% во однос на неговата заработка во 2023 година. Надоместокот вклучува основна плата од 2,5 милиони долари и 71,2 милиони долари во акции врзани за цели за изведба.

Мајкрософт ги зголеми тројно приходите на 245,1 милијарди долари и четирикратно го зголеми нето приходот на 88,1 милијарди долари по назначувањето на Надела за извршен директор во 2014 година.

Администрацијата на Бајден неодамна го критикуваше ракувањето на Мајкрософт со сајбер безбедноста по инцидентите во кои беа вклучени и кинески и руски хакери кои добија неовластен пристап до клучните сметки на американската влада, што доведе до повици за преглед на безбедносните практики на компанијата.

The post Директорот на Мајкрософт самиот се казни: Надела побара да му се преполови бонусот appeared first on Република.

Mајкрософт вчера објави дека група спонзорирана од Русија на 12 јануари упаднала во нејзините корпоративни системи и украла некои мејлови и документи од сметките на нејзините вработени.

Американската компанија соопшти дека руската хакерска група можела да пристапи само до „многу мал процент“ од корпоративните сметки за е-пошта на Мајкрософт, вклучувајќи ги членовите на повисокото раководство и вработени во кибер безбедноста, правните и други функции.

Истражувачкиот тим за закани на Мајкрософт рутински истражува хакери од национални држави, како што е рускиот „Миднајт Близард“ (Midnight Blizzard), за којa велат дека е поврзанa со упадот.

Руската хакерска група, позната во индустријата за кибер безбедноста како „Нобелиум“ (Nobelium), или „Миднајт Близрад“, користела „напад за хакирање на лозинка“ почнувајќи од ноември 2023 година за да ја пробие платформата на Мајкрософт, објави компанијата во пост на својот блог.

Хакерите ја користат оваа техника за да се инфилтрираат во компаниските системи со користење на иста лозинка на повеќе сметки.

Руската амбасада во Вашингтон и Министерството за надворешни работи не одговорија веднаш на барањето за коментар.

Мајкрософт соопшти дека го истражувал инцидентот и ја запрел злонамерната активност, блокирајќи го пристапот на актерот за закана до неговите системи.

„Овој напад го истакнува континуираниот ризик за сите организации од актери со закана од национални држави, како што е „Миднајт Близард“, соопшти компанијата.

Оттаму додаваат дека нападот не е резултат на ранливост во неговите производи или услуги.

„До денеска нема докази дека актерот на заканата имал пристап до корисничката средина, производствените системи, изворниот код или системите за вештачка интелигенција“, наведуваат од компанијата.

Обелоденувањето на Мајкрософт следи по новото регулаторно барање имплементирано во декември од страна на американската Комисија за хартии од вредност (SEC) со кое се бара од јавните компании веднаш да обелоденат кибер инциденти.

Засегнатите компании мора да поднесат извештај за влијанието на хакирањето во рок од четири работни дена од откривањето на инцидентот, откривајќи го времето, обемот и природата на прекршувањето.

The post „Мајкрософт“ тврди дека бил нападнат од руска хакерска група appeared first on Република.

На конференција во Сиетл, компанијата „Мајкрософт“ го претстави својот прв чип со вештачка интелигенција - „Маја 100“, којшто може да се натпреварува со многу бараните процесори на „Енвидија“.

Технолошкиот гигант го претстави и чипот „Кобалт 100 арм“, наменет за општи компјутерски задачи и со слични функции како процесорите на „Интел“, пренесува „Си-ен-би-си“.

„Мајкрософт“ во мигов го тестира чипот „Маја 100“ во чет-бот со ВИ на прелистувачот „Бинг“, како виртуелен асистент за кодирање на платформата „Гитхаб“ и јазичниот модел „ГПТ-3.5-турбо“.

The post „Мајкрософт“ го претстави првиот чип со вештачка интелигенција appeared first on Република.

Извршниот директор на Мајкрософт, Сатја Надела, изјави дека неправедните тактики што ги користи Гугл довеле до негова доминација како пребарувач, тактика која, пак, го спречува ривалот на Мајкрософт - Бинг.

Надела сведочеше пред судот во Вашингтон во антимонополски процес против матичната компанија на Гугл, Алфабет.

Американското министерство за правда, тврди дека Гугл ја злоупотребил доминацијата на својот сеприсутен пребарувач за да ја задуши конкуренцијата и иновациите на сметка на потрошувачите, обвиненија кои се одраз на сличен случај покренат против Мајкрософт во доцните 1990-ти, пренесува АП.

Надела вели дека доминацијата на Гугл се должи на договорите што го направија стандарден прелистувач на паметните телефони и компјутери и дека корисниците во основа имаат мал избор во префрлањето од стандардните веб-прелистувачи на мобилни телефони и компјутери.

Ние сме една од алтернативите, но не сме стандардните“, изјави тој.

Антимонополската тужба против Гугл на американското Министерство за правда се фокусира на договорите што компанијата ги склучила со Епл и другите производители на уреди за користење на пребарувачот на Гугл.

Во 1990-тите, Мајкрософт се соочи со обвинувања дека го поставил својот софтвер Виндоус за да ги блокира апликациите направени од други технолошки компании, исто како што Гугл сега се соочува со обвинувања дека троши милијарди долари секоја година за да го заклучи својот прелистувач како место за наоѓање онлајн информации за паметни телефони и веб прелистувачи.

До моментот кога Мајкрософт ја почна својата борба да развие сопствен прелистувач, Гугл веќе стана синоним за пребарување на информации на Интернет.

Мајкрософт вложи милијарди долари во обидот да му постави сериозен предизвик на Гугл со својот пребарувач Бинг и во еден момент дури се обиде да го купи Јаху за повеќе од 40 милијарди долари во понудата која беше одбиена, додека Стив Балмер сè уште беше извршен директор на производителот на софтверот.

Надела, кој работеше во Мајкрософт за време на антимонополската пресметка со Министерството за правда во доцните 1990-ти, го наследи Балмер како извршен директор во 2014 година. Тој не успеа да направи значителен напредок во потрагата против Гугл, а Бинг е сè уште втор на пазарот.

The post Мајкрософт на суд се жали поради „нефер тактики“ што ги користи Гугл за да доминира на пазарот appeared first on Република.

Европската комисија започна формална истрага со цел да процени дали можеби „Мајкрософт“ ги прекршил правилата за конкурентност на ЕУ со поврзувањето на неговата алатка за комуникација „Тимс“ со популарните пакет системи „Офис 365“ и „Мајкрософт 365 “.

Како што јави специјалниот известувач на МИА од Брисел, потпретседателката на Европската комисија задолжена за политика на конкурентност, Маргрете Вестагер изјави дека ЕУ мора да се погрижи производите и услугите што се нудат на европскиот пазар да бидат во согласност со антимонополските правила, што важи и за алатките за онлајн комуникација, како што е „Тимс“, кои им се неопходни на многу бизниси во Европа.

Затоа мораме да се погрижиме пазарите за овие производи да останат конкурентни, а компаниите слободно да ги изберат производите што најдобро ги задоволуваат нивните потреби. Ова е причината зошто истражуваме дали поврзувањето на пакетите на „Мајкрософт“ со „Тимс“ можеби ги прекршува правилата за конкурентност на ЕУ, изјави Вестагер.

Европската комисија е загрижена дека со поврзувањето на „Тимс“ со неговите пакети „Офис 365“ и „Мајкрософт 365 “, „Мајкрософт“ може да ја злоупотреби својата пазарна позиција со ограничување на пристапот до други конкурентски алатки за комуникација.

Ваквите практики може да претставуваат антиконкурентско врзување или здружување и да ја намали конкурентноста на добавувачите на други алатки за комуникација на штета на клиентите во Европската економска област (ЕЕА), посочи Европската комисија, додавајќи дека веќе го информирала „Мајкрософт“ за покренувањето на истрагата.

Реакцијата на Еврокомисијата доаѓа по жалбата на компанијата „Слак Технолоџис“, која го обвини „Мајкрософт“ дека „незаконски ја поврзал“ алатката „Тимс“ со неговите доминантни пакети „Офис 365“ и „Мајкрософт 365“.

Членот 102 од Договорот за функционирање на ЕУ забранува злоупотреба на доминантна позиција на пазарот што може да влијае врз трговската размена во рамките на Унијата и да ја спречи или ограничи конкуренцијата. Спроведувањето на овој член е дефинирано со Антимонополската регулатива, која предвидува можност ЕК да покренува постапки доколку не се почитуваат правилата за конкурентност на ЕУ.

The post ЕК отвори истрага против „Мајкрософт“ за можно кршење на правилата за конкурентност appeared first on Република.

Европската комисија започна формална истрага со цел да процени дали можеби „Мајкрософт“ ги прекршил правилата за конкурентност на ЕУ со поврзувањето на неговата алатка за комуникација „Тимс“ со популарните пакет системи „Офис 365“ и „Мајкрософт 365 “.

Како што јави специјалниот известувач на МИА од Брисел, потпретседателката на Европската комисија задолжена за политика на конкурентност, Маргрете Вестагер изјави дека ЕУ мора да се погрижи производите и услугите што се нудат на европскиот пазар да бидат во согласност со антимонополските правила, што важи и за алатките за онлајн комуникација, како што е „Тимс“, кои им се неопходни на многу бизниси во Европа.

Затоа мораме да се погрижиме пазарите за овие производи да останат конкурентни, а компаниите слободно да ги изберат производите што најдобро ги задоволуваат нивните потреби. Ова е причината зошто истражуваме дали поврзувањето на пакетите на „Мајкрософт“ со „Тимс“ можеби ги прекршува правилата за конкурентност на ЕУ, изјави Вестагер.

Европската комисија е загрижена дека со поврзувањето на „Тимс“ со неговите пакети „Офис 365“ и „Мајкрософт 365 “, „Мајкрософт“ може да ја злоупотреби својата пазарна позиција со ограничување на пристапот до други конкурентски алатки за комуникација.

Ваквите практики може да претставуваат антиконкурентско врзување или здружување и да ја намали конкурентноста на добавувачите на други алатки за комуникација на штета на клиентите во Европската економска област (ЕЕА), посочи Европската комисија, додавајќи дека веќе го информирала „Мајкрософт“ за покренувањето на истрагата.

Реакцијата на Еврокомисијата доаѓа по жалбата на компанијата „Слак Технолоџис“, која го обвини „Мајкрософт“ дека „незаконски ја поврзал“ алатката „Тимс“ со неговите доминантни пакети „Офис 365“ и „Мајкрософт 365“.

Членот 102 од Договорот за функционирање на ЕУ забранува злоупотреба на доминантна позиција на пазарот што може да влијае врз трговската размена во рамките на Унијата и да ја спречи или ограничи конкуренцијата. Спроведувањето на овој член е дефинирано со Антимонополската регулатива, која предвидува можност ЕК да покренува постапки доколку не се почитуваат правилата за конкурентност на ЕУ.

The post ЕК отвори истрага против „Мајкрософт“ за можно кршење на правилата за конкурентност appeared first on Република.

Илјадници корисници на производи на Мајкрософт, меѓу кои и програмата за е-пошта, Мајкрософт Аутлук, денеска имаат проблем да се вклучат на своите профили.

Го испитуваме проблемот со пристапот до Outlook на веб, напиша Мајкрософт на Твитер.

Сервисите на Мајкрософт се соочија со најмалку три прекини од почетокот на годината

The post Падна Мајкрософт Аутлук appeared first on Република.

Американското Министерство за финансии соопшти дека го казнува Мајкрософт со 3,3 милиони долари поради кршење на неколку пакети санкции што ги има наметнато државата.

Мајкрософт ќе плати казни за повеќе од 1.300 прекршувања на санкциите наметнати од САД на Куба, Иран, Сирија и Русија. Прекршувањата вклучуваат извоз на услуги и софтвер, соопшти американското Министерство за финансии.

Компнаијата ги прекршила санкциите во периодот од 2012 до 2019 година, во повеќето случаи продавајќи услуги и софтвер на руски правни и физички лица на Крим. Санкциите беа прекршени, меѓу другото, затоа што не беа собрани сите или точни информации за идентитетот на крајните клиенти на производите на Мајкрософт, соопшти Министерството за финансии, предупредувајќи на слабости во процесот на проверка на Мајкрософт.

Министерството за финансии на САД забележува дека Мајкрософт соработувал при истрагата и дека признал дека ги прекршил правилата.

Од компанијата нагласија дека соработувале во истрагата и додаваат дека се задоволни од спогодбата.

Мајкрософт многу сериозно ја сфаќа контролата на извозот и почитувањето на санкциите и затоа, откако дознавме за пропустите и прекршувањата на неколку вработени во процедурите за верификација, доброволно го пријавивме тоа кај властите“, изјави портпаролот на софтверскиот гигант.

The post Мајкрософт казнeт со над три милиони долари поради прекршување на серија американски санкции против неколку земји appeared first on Република.

Корпорацијата Мајкрософт денеска објави дека ќе укине 10.000 работни места како дел од подготовките за рецесија и со цел да заштеди 1,2 милијарди долари. Отпуштањето е многу поголемо од намалувањето на трошоците што Мајкрософт го направи минатата година, а акциите на компанијата паднаа за околу 1 отсто.

Следниот голем бран во индустријата ќе биде развојот на вештачката интелигенција, рече извршниот директор на Мајкрософт, Сатја Надела, додавајќи дека отпуштањата ќе погодат помалку од пет отсто од вработените во компанијата и дека Мајкрософт ќе продолжи да вработува на „стратешки“ позиции.

Мајкрософт ќе потроши околу милијарда долари за отпуштања, бидејќи отпуштените вработени кои имаат право да работат во САД ќе добијат здравствена заштита и права на акции за шест месеци.

The post „Мајкрософт“ се спрема за рецесија, укинува 10.000 работни места appeared first on Република.

Мајкрософт планира да отпушти околу илјада вработени поради послаб раст на приходите од лиценците за оперативниот систем Виндоус, јави американскиот информативен портал Аксиос, повикувајќи се на неименуван извор.

Отпуштањата ќе бидат на повеќе нивоа на компанијата, во различни тимови и делови од светот, дознава Аксиос.

Како и сите други компании, ние редовно ги анализираме деловните приоритети и соодветно правиме структурни прилагодувања. Во наредната година ќе продолжиме да инвестираме во нашиот бизнис и да вработуваме во клучни области за раст, изјави за Аксиос портпарол на Мајкрософт.

Компанијата неодамна отпушти нешто помалку од еден процент од своите вработени, по редовните „структурни прилагодувања“ на почетокот на фискалната година.

И многу други технолошки компании, вклучително Мета платформи, Твитер и Снеп, веќе отпуштија некои работници или ги замрзнаа вработувањата во услови на забавување на глобалниот економски раст поради зголемените каматни стапки, инфлацијата и енергетската криза во Европа, јавија американски медиуми.

The post „Мајкрософт“ ќе отпушти околу илјада лица appeared first on Република.

Компанијата „Мајкрософт“ по 27 години ќе престане да обезбедува техничка поддршка за најновата верзија на пребарувачот „Интернет експлорер 11“. Ваквата одлука стапува на сила од 15 јуни.

„Експлорер“ првпат се појави 1995 година како дел од „Виндоус 95“. Тоа некогаш беше најкористениот интернет-пребарувач, а врвот го достигна во 2003 година со 95 отсто удел на пазарот. Сепак, неговата употреба беше значително намалена со лансирањето на „Фаерфокс“ (2004), „Гугл хром“ (2008) и зголемената популарност на мобилните оперативни системи како Андроид и ИОС кои не поддржуваат „Интернет експлорер“.

Во 2016., Мајкрософт престана да го развива „Експлорер“ на сметка на својот нов прелистувач, „Еџ“.

Компанијата пред повеќе од една година објави дека прелистувачот ќе биде отстранет од повеќето верзии на „Виндоус 10“ и „11“, објавени од минатата година.

The post „Мајкрософт“ престана да има техничка поддршка за „Експлорер“ appeared first on Република.