Најдобриот кошаркар на светот на сите времиња, Мајкл Џордан присуствуваше на натпреварот од првото коло во Лигата на шампионите меѓу Монако и Барселона.

Средбата одиграна синоќа во Монте Карло заврши со резултат 2:1 во корист на домаќините.

Голем број навивачи го искористија присуството на поранешниот НБА-играч и предводник на Чикаго булс, да направат селфи.

Џордан во ВИП ложата на стадионот „Луј Втори“ имаше средба со претседателот на Барселона, Жоан Лапорта.

The post Џордан сака Лига на шампиони appeared first on Република.

Аргентинскиот фудбалер Лионел Меси одговори на прашањето кого го смета за најголемиот спортист во историјата.

Има многу врвни спортисти, кои би можеле да се најдат на тоа место, но Меси има свој фаворит.

-Кога станува збор за спортот, мислам дека најголем е Мајкл Џордан. Откако ја гледав серијата „Последниот танц“ се инспирирав и дознав повеќе за тоа кој е тој и што има постигнато, изјави Лионел Меси, пренесува СПОРФ.

Меси додаде дека со задоволство би се сликал со Џордан.

-Толку луѓе ме побараа за фотографија, зошто да не побарам јас од него? Би било навистина убаво, истакна тој.

Мајкл Џордан е меѓу најголемите спортисти на сите времиња. Славниот кошаркар е двократен олимписки победник и шесткратен шампион во НБА. За време на неговата професионална кошаркарска кариера, тој играше двапати за Чикаго Булс (1984–1993, 1995–1998) и за Вашингтон Визардс (2001–2003)

The post Сите сакаат слика со Меси, а тој сака со големиот Џордан appeared first on Република.

The post Синот на Мајкл Џордан го напудрува носот со кокаин appeared first on Република.

Америкаснкиот портал за спорт и бизнис „Sportico“ објави ажурирана ранг листа на најплатените спортисти во историјата. Првото место му припадна на шесткратниот НБА шампион Мајкл Џордан, кој заработи 3,75 милијарди долари.

Втор е голферот Тајгер Вудс (2,66 милијарди), трет фудбалерот Кристијано Роналдо (1,92 милијарди). Спортико ги зема предвид платите, бонусите, паричните награди, како и приходите на спортистите од неспортски активности во текот на нивната кариера и на крајот од неа, земајќи ја предвид инфлацијата.

Во Топ 10 се најдоа уште и: Арнолд Палмер (голф) – 1,76 милијарди, Леброн Џејмс (кошарка) – 1,7 милијарди, Џек Никлаус (голф) – 1,67 милијарди долари, Лионел Меси (фудбал) – 1,67 милијарди, Дејвид Бекам (фудбал) – 1,5 милијарди, Роџер Федерер (тенис) – 1,49 милијарди и Флојд Мејведер (бокс) – 1,48 милијарди.

The post Мајкл Џордан е најплатениот спортист во историјата appeared first on Република.

Различни сувенири и предмети од славни личности често се продаваат на аукција за стотици илјади, па дури и милиони долари, но оваа недела еден среќник ќе добие шанса да купи скап автомобил некогаш возен од Мајкл Џордан за само 23 долари, симболична сума во чест на број на неговиот дрес.

Еден од најпознатите во неговата колекција беше Mercedes-Benz S600 Lorinser од 1996 година, кој го продаде пред неколку години и беше проценет на 120.000 долари. По извесно време, новиот сопственик се обидел да го препродаде, го ставил на аукција за 100.000 и добил понуда од дури 202.000 долари, но подоцна се испоставило дека понудувачот немал пари да го плати, па се пропаднало.

Сега сопственикот повторно го стави на продажба, но не на аукција каде повторно би достигнала шестцифрена цена, туку буквално за 23 долари. Заинтересираните, пишуваат американските медиуми, можат да се пријават на апликацијата, каде со лотарија ќе се избере добитникот на правото да го добие ова парче спортска историја за вредноста на дневното трошење во продавницата.

The post Купете ја колата што ја возел Џордан за само 1.300 денари appeared first on Република.

Одборот на гувернери на НБА ја одобри продажбата на Шарлот на група инвеститори предводени од Гејб Плоткин и Рик Шнал, пишува ESPN.com.

Продажбата ќе биде извршена во следните една до две недели. Тимот при склучување на зделката е проценет на три милијарди долари.

Шнал, кој беше малцински сопственик на Атланта, и Плоткин, малцински сопственик на Хорнетс, ќе станат менаџери на клубот. Мајкл Џордан ќе го задржи малцинскиот удел и неговото присуство во организацијата.

Џордан, шесткратен шампион и петкратен МВП во лигата, беше единствениот црномурен сопственик на НБА клуб. Во 2010 година, кошаркарот купи мнозински удел во Шарлот за 275 милиони долари

The post Џордан го продава клубот во НБА лигата appeared first on Република.